رواية 30 يوم
الفصل الرابع عشر14
بقلم مارلي أيهاب
في صباح يوم جديد فتحت روح عيونها بوجع
و شافت يسري يمسك يديها ويجلس علي الكرسي
وحط راسه علي السرير ونايم
روح افتكرت اللي عملته امبارح وازاي حضنته امبارح من خوفها واتكسفت جدا وقالت بضيق في نفسها ... اية اللي انا عملته ده ازاي جالي الجراة اني اعمل كدة وبعدين هو اكيد مقدر موقفي واني كنت خايفة ومرعوبة وعملت كدة من غير وعي
شالت ايدها براحة من تحت ايده وهو كان لسه نايم
روح قامت ودخلت المرحاض غسلت وشها بقوة عايزة تفوق ولكن شافت خيال واقف وراها شافته في المرايا
روح الرعب تمكن منها والصابونة وقعت منها وهي مكنش عندها الجراة انها تلف وتخليه يشوف وجهها كانت بتموت من الرعب خلاص معدتش قادرة تعمل حاجه كانت حاسة بوجع رهيب في قلبها نتيجة الرعب شافت الخيال بيقرب منها اوي. روح مستحملتش واغمي عليها وراسها اتخبط في الحوض والدم نزل من راسها بغزارة
اما يسري سمع صوت حاجه بتوقع جامدة بس للسرير شافه فاضي قرب من الحمام وخبط... روح انتي كويسة روح
ولكن لا صوت
يسري بقلق... روح افتحي ولا افتح الباب يلا يا روح اتكلمي
ولكن لا صوت
يسري خرج بسرعة ونادي علي ممرضة وقال... تعالي بسرعة ادخلي الحمام واطمني علي دكتوره روح بسرعة
الممرضة باستغراب.. حاضر
ودخلت الحمام بس الاول خبطت ومكنش في اي استجابة ابدا دخلت و اتصدمت لما شافتها واقعة علي الارض والدم مغرق الارض وصرخت بسرعة وقالت... الحق يا دكتور الحق
يسري دخل بسرعة واتصدم من اللي شافه. شالها بسرعة وحطها علي السرير وجاب دكتور خياطة بسرعة وعقم كل شئ وابتدا يخيط الجرح وقال بعد ربع ساعة. احنا لازم نعمل اشعة علي المخ علشان نتأكد ان مفيش اي تكتل دم ولا اي مشكله يسري بحزن... طيب. يا دكتور
الدكتور خرج اما هو يسري نظر ليها بحزن وقال... ليه بيحصل فيكي كده بس يا روح دا انتي اطيب خلق الله وعمرك ما اذيتي حد يارب اشفيها وعافيها
فضل قاعد جنبها حزين ومضايق
في بيت احمد كان يجلس ويكمل باقي الرواية بهدوء وهو يشرب قهوته الباب خبط قام يفتح بكسل
وشاف بنت جميلة جدا ولكن جميلة الشكل فقط
احمد بضيق... نعم
البنت بدلع... في ايه يا سيادة العقيد اية المعاملة دي
احمد بضيق... انتي يا بت اخلصي بدل ما اخدك علي بوليس الادب
البنت بدلع.... اهون عليك يا سيادة العقيد
وقربت منه قوي وحطت ايديها علي رقبته وقالت... قولي بس اعمل اية علشان تحبني زي ما بحبك. كدة ليه مش عايزنا نتجوز ونعيش حياتنا سوا
احمد. بغضب... بقولك اية انتي اللي زيك اخره معايا ليله غير كدة مستحيل ابص لوحدة جاية تعرض نفسها عليا
البنت بعدم حياء.... وانا موافقة باليلة واحده
احمد اتعصب جدا ومسك ايديها ورمها برة وقال.. لو شوفت خلقتك تاني انا هحبسك بايدي غوري جاتك الاقرف في تربيتك المقرفة
وقفل الباب بغضب. اماهي قامت كالعادة كل مرة تاتي له يتطردها
عند نهي كانت سرحانة وتنظر للفلوس بندم شديد
كانت تجلس علي الارض وعيونها تنزل الدموع بقهر شديد وقالت بتعب.... الطمع خلاكي تعملي كدة يا نهي استفادتي اية من اللي عملتيه ده. بجد انا بقيت اكره نفسي ومبقتش طايقها خلاص تعبت ومقدرش اتكلم
لمت الفلوس بسرعة وحطتهم مكانهم وهي مستنية جوزها يجي من برة علشان ياكل ويغير هدومه ويروحوا عند روح المستشفى
عند مني كانت تجلس في مكتبها والممرضة دخلت.... ايوه يا دكتورة حضرتك طلبتني
مني بهدوء... روح عاملة اية النهاردة
الممرضة.... الدكتوره وقعت في الحمام وراسها اتفتحت الصبح والدكتور فايد جه وخيط الجرح
مني بهدوء... طيب ودلوقتي
الممرضة... هي لسه نايمة والدكتور ادلها حقنه منوم ومخدر زيادة علشان متصحاش وتحس بوجع
في دماغها
مني.... طيب روحي انتي
.... حاضر
وخرجت الممرضة
امل مني قامت واتجهت لغرفة محمد وخبط
محمد ببرود.... ادخل
مني بهدوء... ازيك يا دكتور
محمد ببرود... كويس
مني بحزن... عرفت اللي حصل لروح
محمد انتبه وقال... اية
مني بحزن..... وقعت في الحمام وراسها اتفتحت
محمد قام بسرعة حتي مستناش يسمع باقي كلامها دخل الغرفة وشاف يسري كالعادة يجلس علي الكرسي يتأملها
محمد بعصبية.... انت بتعمل ايه هنا
يسري ببرود... هو مش الحالة دي انا اللي بعالجها هكون بعمل اية هنا يا دكتور السؤال الاصح حضرتك بتعمل اية هنا في اوضة مريضة مش انت الدكتور بتاعها
محمد بغضب... انا مدير المستشفى ادخل مكان ما احب وانت مش من حقك تتعترض ابدا
يسري بغضب... اتفضل اطلع برة المريضة محتاجة ترتاح
محمد بغضب... ماشي يا يسري صدقني مش هتكمل في المستشفى دي يا انا يا انت
مني كانت تتبع كل ما يحدث بإبتسامة مخبيها
محمد خرج من الغرفة ومني قالت بحزن... مكنش ينفع تكلمه بالطريقة دي متنساش انه مدير المستشفى
يسري بضيق... انا مش هيفرق معايا يا مني
مني بحزن.... زي ما انت عايز يا يسري انا هروح اشوف شغلي عندي مرور
وخرجت اما يسري جلس بضيق. وهو حاسس ان هيحصل مشكله كبيرة بينه وبين. محمد
مازن رجع بيته اخد دوش واكل واخد مراته وراحوا علي المستشفى واتصدموا من اللي حصل لروح
مازن بدموع مسك ايديها... هي وقعت لوحدها ولا حد ضربها
يسري.. لا طبعا وقعت لوحدها انا كنت قاعد متابعها هنا ومحدش لا دخل ولا خرج
مازن بدموع.... انل مش عارف هي. ليه بيحصل فيها كدة الموضوع زاد عن حده اوي
يسري طبطب عليه... اهدي يا مازن كل شئ ليه اون وانشاء الله ربنا هيقومها بالسلامه
مازن بدموع... يارب
اما نهي كانت دموعها تلمع في عيونها
يا باشا انا بعتلك صور شوفها.
احمد... تمام
احمد فتح الصور واتصدم