رواية ذئاب لا تعرف الحب الفصل الحادي والعشرون21بقلم نجمه براقه
وفاء
عدا كام يوم من وقت خروجنا مع بعض ومش عارفه ايه جرالي مش قادره أبطل تفكير فيه وبقيت طول الوقت بدور عليه بعنيه ودي حاجه انا محبتهاش ، بدايه وحشه قوي لحاجات انا خايفه منها ، اهتمام ، تفكير ، رغبه بأني اشوفه ويحصل بينا كلام كل دي حاجات غلط وانا مش عاوزها تطور وعلشان كده قررت اني اعمل حد بيني وبينه ، وكل واحد يكون في مكانه الصحيح ، انا اسيره وهو اللي أسرني.
جه الصبح بعد ليله مخليتش من التفكير فيه ونزلت بدري جبت فطور وطلعت ومن بعدها منزلتش تاني ولما جت ليلي والحجه شجر يقولو تعالي افطري قولت اني فطرت ومش نازله وبقيت في الاوضه مطلعتش
.........................................
#شبل
من وقت الكلام اللي قالتهولي وانا مش عارف اتكلم معاها كلمه واحده وكل ما تشوفني تمشي من قدامي وتتهرب مني وانا مبقتش عارف اعمل ايه فكرت كتير في حل ملقتش غير اني اكلم بدر هو اللي هيعرف يساعدني ، ف استنيته في الجنينه يكون رجع ولما اتأخر رجعت الاوضه واول ما فتحت الباب لقيت جوز العفاريت ولاد عبيده واحد فيهم ماسك تليفوني والتاني ماسك تليفون فاطمه ف قربت منهم وقولت وانا باخد منهم التليفونات
: انتوا ايه دخلكم هنا
بكا زيد الصغير علشان التليفون وبشر قالي
_ امانه ياعم ادينا العب بيه شويه ، شويه نونين امانه امانه
زعقت في زيد اللي صرعني بصراخه وقولت
: بس!!! خد اهو وانت خد و اياكم يبوظو
قال زيد وهو مقوس بوقه
_ هقول لابوي ضربني
: هضربك بجد يا زيد ، اقعدو هنا اوعو تطلعو بيهم
قال بشر
_ حاضر ياعم
سبتهم وطلعت ف لقيت ورد طالعه من اوضة فاطمه ف قولت
: ازيك يا ورد ولا اقول ولاء
_ قول اللي انت عاوزه
: ماشي يا ولاء ، عامله اية دلوقتي
_ الحمدلله زينه
: دائما
جيت امشي ف قالت
_ هي مرت عمي فين
: امي ولا مرات ابويا
_ خالتي شجر
: بيتهيالي شوفتها داخله عند ابوي
_ اه طيب
سبتها ومشيت ف لقيت عبيده واقف وبيبص علينا رميت عليه السلام وطلعت وهو دخل
#ورد
قبل ما اتحرك لقيته داخل من بره وبيقولي
: ازيك
قولت وانا ببعد عيني عنه
_ زينه ، هروح اشوف الكبير في اوضته
جيت امشي ف قال
: مالك مش علي بعضك
_ مالي ما انا زينه
: ايوه ، طيب هو في حاجه مع شبل
بصتله وقولت
_ له ، كان بيسأل عامله ايه وبس
: اها طيب
_ في حاجه
: له مفيش حاجه بسأل بس
_ طيب هدخل للكبير
: جاي امعاكي
_ ماشي
دخلنا احنا التنين وقعدنا جمبه ف بصلي وقال
: عامله ايه دلوك
_ بخير ياكبير طول ما جنابك بخير
: تعيشي ، الا انتي عندك كام سنة علي اكده
_ عشرين
: ايوه صح كنتي لسه شهرين لما حصل اللي حصل
_ ايوه
#عبيده
بعد ما اتكلم امعاها شويه مشت وانا قومت علشان امشي ف وقفني كلام ابوي وهو بيقول لشجر
: ايه رأيك نجوزها ل شبل
رجعت ابصله تاني واسمع شجر بتقول
_ ياريت بس هنجوزهالو دلوك في اللي احنا فيه ده يا رضوان
: يكتب عليها بدال ما تقعد اكده وسط تلاته رجاله واهو يشيل من راسه الخدامه
_ اللي تشوفه ياخوي نجوزهالوه ماهي بت عمه
قولت وانا برجع ليهم
: انتو هتجوزو الواد من غير ما يكون عاوزها ، هو عايز ليلي كيه هتجوزوه ورد
بصلي ابوي وقال
_ جرا ايه ياد كيه اتكلمنا اكده
: يابوي مقصدش بس شبل مش هيوافق
_ مليكش دعوه انت انا هخليه يوافق غصب عنه
: غصب ايه يابه ده جواااز ،و هو اللي هيتجوز ومن حقه يختار اللي هيعيش معاها ، و ورد متنفعهوش دي مبتعرفش تقرا وهو مخلص كليه
قالت شجر
_ وهي ليلي اللي بتعرف تقرا ، اسكت ابوك عارف مصلحته
: يامرت ابوي!!!
زعق فيه وقال
_ وبعدين يا عبيده!!! هتقول الكبير عيي ف اعلي صوتي عليه واقلي ادبي
: حاشه لله يابا بس الله يكرمك بلاش...
بصتلي شجر بشك وقالت
_ في ايه يا عبيده ، مالك انت بالموضوع ده
اتهربت من بصاتها ف قال ابوي
: في ايه ياد ، في حاجه انا معرفهاش
_ له يابه مفيش ، ماشي اعمل اللي يريحك .
قولت اكده واطلع وانا هتجن كيه يجوزها لشبل ، مش اكفايه طلعت اخت مرتي كمان تكون مرت اخوي بقيت عاوز اكسر اي حاجه تيجي في وشي ومش طايق اسمع صوت حد ولما دعاء كلمتني قولتلها بانفعال
: ابعدي عني ملكيش دعوه بيه
قربت وقالت وهي بتحط يدها علي كتفي
_ فهمني طيب في ايه
زقيت يدها من غير وعي ف وقعت وقتها وقفت ابص عليها وهي واقعه وانا متلخبط ما بينها هي وبين ورد وبين كلام ابوي مكنش في عقل لحاجه ف سيبتها ومشيت من غير ما ابصلها وفي طريقي شوفت ورد وتماضر وليلي الكل واقف يبص في ايه ف وقفت قدام ورد شويه ابصلها من غير وعي للي انا بعمله وبعدين طلعت من البيت خالص
#دعاء
بقيت قاعده مكاني دموعي علي خدي وقلبي واجعني ف جت ولاء وجريت عليه وساعدتني اقف و قالت
: اسم الله عليكي ياخيتي ، تعالي اقعدي
قعدت وقولت وانا ببكي من غير صوت
_ تعيشي
قعدت جمبي وقالت
: متزعليش يمكن في حاجه مضيقاه
بصتلها وانا شايفه خيبتي فيها وقولت من غير ما ارتب كلامي
_ له هو في حاجه شغلاه و واخده عقله حتي وهو نايم امعاي شغلاه
اتوترت ف بعدت وشها عني وقالت
: مفهماش حاجه
_ ولا عمرك هتفهمي طول مانتي مجربتيش
قالت بتوتر
: ربنا يريح قلبك
قامت وقالت
_ لو احتجتي حاجه عيطي عليه
قالت اكده وسابتني معرفاش اندم اني لقيتها ولا افرح ان بقالي اخت
#وفاء
بعد ساعات في الاوضه بحاول امنع نفسي من النزول زهقت ونزلت وهناك حسيت ان الجو متوتر وفي مشكله ولكن متدخلتش ولا اتكلمت وطلعت الجنينة قعدت هناك اراقب المكان حوليه بحث عنه بعد ما فشلت اني اكمل في تجاهله وبقيت ادور لغيت ما شوفته داخل ولما شافني وقف مكانه شويه يبصلي وكأنه متردد يجي عندي ولا لا وبعد لحظات جه عندي وقال
: صباح الخير
_ صباح النور
: مـ مجتيش تفطري النهارده كمان ، لتكوني زعلانه وعاوزه حد يعتذرلك
قولت وعنيه متردده تبصله ولا لا
_ لا ما انا فطرت بدري
: اه ، طيب ، انا داخل
_ لحظه
رجع بصلي وقال
: ايه
طال سكوتي وانا بصاله وعقلي بيدوش من نحيته
_ هو انت ليه موقف الغفر ، هما كده ولا عشان يحرسوني لا اهرب
: هما اكده من سنين
_ اه
: بتسألي ليه
_ حبيت اعرف بس
: طيب مضايقينك في حاجه
_ هيضيقوني لو محطوطين عشاني ، لأن انا مش هحاول اهرب
: له هما مش محطوطين عشانك
_ اها
وقف لحظات بيحاول يجمع كلامه وقال
: محتاجه حاجه
_ تؤ شكرا
: طيب
قال كده ومشي وانا عيني بتلحقه لغيت ما لقيت تماضر طالعه من السرايا متجه للخارج ولكن لما شافته غيرت طريقها وجت نحيته وقفت قدامه تكلمه لدقيقه تقريباً قبل ما انا اقوم من مكاني وادخل جوه من غير ما ابصلهم وهناك وقفت مع ليلي لغيت ما لقيته راجع ومع دخوله عيني بتيجي في عينه وقوام ببعد عنه واتجاهله
#بدر
النهارده غير كل يوم مكنتش طبيعية وكأن فيها حاجه شغلاها وبقت بتتجنب البصه ليه بشكل ملحوظ وفي وقت كانوا بيجهزو الغدا وهي امعاهم جت تماضر اللي مبتوقفش ثابته في مطرحها تقولي
: ادينا قربنا نجهز يا كبير
قولتلها بزهق
_ طيب
وفي اللحظة دي هي جت وفي ايدها الطبق حطته وبعدين دخلت من غير ما تبصلي وشكلها بتتهرب من البصه ليه ومش عارف ليه ، وبعد ما خلصو قالت انا مش جعانه و طلعت فوق بقيت اسألهم مالها يقولو مش عارفين وبعد انتهاء الغدا قولت هطلع اشوفها مالها بس وقفني شبل اللي داخل من بره يقولي
: بدر! انت كنت فين
_ اهنه ، في حاجه
: اه فيه عاوزك دقيقه
_ بعدين يا شبل
: دلوقتي يا بدر لو سمحت
_ في ايه
: تعاله بس
خدته ودخلنا اوضته ف خد التلفونات من بشر وزيد وطلعهم وبعدين قال
_ بدر! انت لازم توقف معايا
: في ايه ياد ، اوقف معاك في ايه
_ تخلي ابوي يوافق اخطب ليلي ، علشان خاطري يا بدر اقف معايا انا عاوزها وهي عاوزاني
: وده وقته ، يعني نسيب اللي احنا فيه وتقولي اخطب واتجوز
_ خطوبه بس مش عايز غير كده دلوقتي علشان خاطري يا بدر
: ياد ابوك مش هيرضا
_ لو انت قولتله هيوافق ، اوقف جمبي علشان خاطري ، انا لو متجوزتش ليلي هيجرالي حاجه
: يجرالك ايه ياخوي ، بالله انت عيل طري
_ بحبها يا بدر
: تحبها!!
_ اه بحبها ارجوك يا بدر اقف معايا انا اخوك ومفيش غيرك يقدر يساعدني ، علشان خاطري
قولت بتنهيده
: طيب انا هكلم ابوك بس متاكد اني مش هقدر اقنعه
_ لو عاوز هتقدر ، اقدر ارجوك
: ايه اقدر دي!!! بمزاجي يعني مانت عارف ابوك راسه يابس
' بس بيحبك وبيسمع كلامك
جه علي بالي رمي لديب وقولت
: ايوه صح بيحبني... طيب انا هكلمك ونشوف
_ طيب روح وانا مستنيك هنا
: يخرب مطنك ابوك نايم دلوك اصبر الدنيا مطارتش
_ طيب
: ده انت ضايع قوي
_ قوي ، وهضيع اكتر لو هي ضاعت من ايدي ، بحبها يا بدر
: ما تنشف ياد في ايه
_ يارب توقع علي بوزك يا بدر علشان اقولك انشف
: يوقع عليك قطر محمل ، انا طالع
سبته وطلعت ف لقيت عبيده في الصاله بيبص ل ورد اللي قاعده مع الحريم و كان باين قوي انه مهتم بيها من وقت تعبها في المستشفي وزاد اما جت اهنه بس طنشت وقولت الحكاية مش مستاهله وطلعت الجنينة قعدت اهناك افكر فيها وفي حالها وفي عز انشغالي بيها لقيت عبيده جاي عندي وشكله متضايق قوي ف قعد وقال بعد فرك وهز في رجليه
:عرفت ان ابوك عاوز يجوز شبل واحده هو مش عاوزها
_ مين الواحدة دي
: ورد
فهمت سبب ضيقته ف قولت
_ واذا جوزهالو ماهي بت عمه وهو اولي بيها واحسن من الخدامه
: يعني انت موافق انه يتجوزها
_ انا مليش دعوه ده قرارهم
: طيب واخوك اللي مش عايز غير ليلي هنعمل في ايه
_ باين اكده ان شبل صعبان عليك قوي لدرجة تيجي تشكيلي انا
: انا جاي علشان مفيش غيرك يقدر يقنع ابوك ب حاجه هو مبيسمعش لغيرك
_ امممم والله لو اكده ف انا هقوله يجوزو ورد ، البت مينفعش تقعد في بيت فيه تلات رجاله اكده من غير جوز
: هتقوله يجوزهالوه؟!!!! بقولك عاوز ليلي
_ طيب وانت زعلان ليه ، مالك انت يتجوز ليلي او ورد ، ده بدل ما تقول اجوزه... ااااخت مرتي اللي هي زي اااختي لاخوي واسترها
نزل عنيه وقال بضيقه
: انا علي شبل هو عاوز مين
_ مش عشان شبل ولا حاجه وانت عمرك ما كنت بتفكر في حد غير نفسك ، بس توصل ان تحط عينك علي اخت مرتك هنا وله يا عبيده انا هقفلك فيها دي
قومت ف بصلي وقال بضيق "
: مكنتش اعرف انها اختها ولما اعرفت قولت هقدر أبطل افكر فيها بس مقدرتش ، وحتي لو فضلت طول عمري مقدرش أبطل تفكير فيها ، ف علي الاقل متكونش مرت اخوي
_ يبقا واحد فيكم يعيش في مكان تاني ، شبل هو اللي يعيش بعيد علشان متشوفهاش ، اتحلت اهي
نزل عنيه وقال بضيقه
: انتوا حرين ، اعملوا اللي انتو عاوزينه
بقيت واقف شويه مش عارف اقول ايه ف قعدت وقولت بتنهيده
_ هي لو مش اخت مرتك كنا قولنا نجوزهالك بس هي طلعت اخت مرتك يعني اتحرمت عليك وانت المفروض تعتبرها اختك وتنسا اي افكار في راسك
: هو بمزاجي!!! واحده انشغلت بيها وفي الاخر جت تقعد في وشي طول اليوم وتزيد انشغالي بيها ، اشرب ميه ف اصحي ناسيها يعني ولا ايه ، انا حاولت اعتبرها زي ما بتقول مقدرتش
_ يبقا شبل يتجوزها ويقعد بعيد
#ليلي
بعد ما شوفته داخل مع بدر في اوضته فهمت انه هيكلمه في موضوعنا ف طلعت فوق وانا عرفاه هيجي وراي وفعلا جه وقال بعتب
_ انا زعلان علي فكره
: ليه عاد وانا كلمتك ولا جيت جمبك
_ بتتخلي عني
: متخليتش ولا حاجه ، انا بعمل الصح لو مفيش حاجه رسمي ف انا مش هصاحب
_ ماشي بس تصبري عليه يكون قدرت الاقي حل مش تسيبيني كده واكلمك مترديش
: يا شبل انت عارف اني عاوزاك بس بردك ميرضيكش اتكلم امعاك ونحب في بعض ومفيش حاجه رسمي بيني وبينك
_ حقك ياستي وعلشان ترتاحي انا كلمت بدر و قالي هيكلم ابوي واكيد هيقنعه
: صح يا شبل
_ صح ، اظن كده تعدلي خلقتك دي
قولت بإبتسامة
: هعدلها لما الكبير يوافق وهعدلها اكتر لما تكون ليه
_ والله لو فيها موتي ما هكون غير ليكي
: بتحبني صح يا شبل
_ ايه الغباء ده ، يابنتي انا بقولك بحبك من واحنا عيال
: عاوزه اطمن انك مش هتسيبني
_ مش هسيبك حتي لو رفضو هخطفك ونتجوز
قولت في نفسي
: تخطفني؟! هو انت فاكر اني هتجوزك علشان جمال عنيك ولا شعرك المسبسب يا ولد رضوان
_ بتفكري في ايه
: بفكر في اليوم اللي هنكون فيه مع بعض ويكون اسمي مرت شبل
_ امممم اي يوم بالظبط حددي انا دماغي بتحدف شمال ههههه
: بطل!!!
سبته ومشيت وانا قرفانه منه وهو بقا يضحك وراي زي الاهبل ، حقيقي بقرف منه حساه عيل هايف مش زي اخواته في هيبتهم لا جسم ولا حتي عقل ودايما بمقيصه ومنطلونه الجنز كأنه مستعر من اصله
#ورد
جه الليل وانا دخلت نمت وبعد شويه جت دعاء والحزن مالي وشها وقالت وهي بتقعد جمبي
: مرجعش وشكله بيت بره
_ متزعليش يمكن وراه شغل ودلوك يجي
بصتلي وقالت
: حتي لو جه مش هيجي غير بجسمه ، انا وهو متجوزين عادي مكنش بينا حب ولا قصص بس بقا بينا عشره وبيجي كل ليله ينام جمبي وزينا زي اي اتنين متجوزين وعمري ما حسيت ان عقله في مكان تاني غير الأيام دي
نزلت عيني وقولت بتهرب
_ مش فهماكي ، تقصدي ايه
قالت وعنيها بتحكي كل حاجه
: معرفش يا خيتي انا بتحدت امعاكي يمكن تقوليلي ده معناه إيه
_ معرفش انا مجربتش قبل اكده
: طيب انتي تعرفي عبيده من ميته ، كيه عرف انك اختي
بلعت ريقي وقولت بتوتر
_ كنت بضرب الودع ف شوفته صدفه وبعدها بقيت اقابله وشكله عرف اني اختك من الشكل البت تماضر بتقولي فينا شبه من بعض
: ايوه
قولت بتوتر
_ هو في حاجه ياخيتي
: له مفيش ، وحتي لو فيه مش هخسرك علشان حد
ابتسمت ابتسامه باهته وقالت
: انا صدقت ما لقيتك
مقدرتش امنع دموعي ف قولت وانا بتهرب من بصاتها
_ تعيشي يخيتي
خدتني في حضنها وقالت بصوت مخنوق
: ربنا يخليكي ليه
بعدت عني قوام ومشت من غير ما تبصلي وانا قعدت مكاني ابكي لغيت ما جت تماضر وقعدت عندي وقالت
_ مالك يا حزينه
: انا معوذاش اقعد اهنه ، عاوزه ارجع الخيمه
_ يجيكي ايه يا ورد ، خيمة ايه يابت في حد عاقل يسيب الاؤبه دي كلها ويقعد في خيمه اعقلي ، اصلا محدش هيسيبك تمشي
#بدر
من وقت الغدا قاعده في الاوضه مطلعتش وانا عقلي انشغل ومش عارف في ايه دي لغيت امبارح كانت بتجنن قدامي يكون ايه اللي حصل ، معقول يكون زهقت ومبقتش قادره تستحمل القعدة اهنه ، طيب ليه دي زيها زي اي حد في البيت ، له هي مش زيهم ومهما خدت راحتها ف هي تعتبر مخطوفه وعليها حراسة ومستقبلها بيضيع
: وبعدين معاك مش هتنام
قالهالي شبل اللي قام فجأه ف قولت بزهق
_ يا سبحان ما ارجع اوضتي علشان ارتاح منك ، انت بتصحي كيه
: انا منمتش اصلا
_ اكده منمتش امال لو نمت كنت عملت ايه
: بجد والله منمتش ، بفكر ابوي هيقول ايه وهتقدر تقنعه ازاي
_ نام ياشبل وبطل تفكير
: ايه ده انت غيرت رايك ولا ايه
_ له
: امال ايه
_ مفيش حاجه بس بطل تفكير والصبح نشوف ابوك
: اممم طيب .. قولي بقا انت سهران ليه
_ مفيش نوم
: وايه مطيره من عينك
_ رغيك يا شبل ، رغيك هو اللي مطيره
: رغي بردو ههههه بقولك ايه ما تروحلها هي مراتك بردو
بصتله بصه رجعته مكانه وقولت
_ ولما اكسر فيك حاجه دلوك
: ههههه طيب احلف انك مش بتفكر فيها
_ له ياخوي بفكر بس مش التفكير اللي انت تقصده
: امال ايه
قولت بتنهيده
_ بقول ان مستقبلها بيضيع بسببنا افرض اخوها مرجعش هتضيع عليها السنه
: ما ده اللي انا قولته من الاول
_ ماشي بس انا كنت هعمل ايه مفيش حل تاني غير ده
: واديك نفذته واخوها مظهرش خليها تمشي ونشوف حل تاني هو لو كان هيرجع كان رجع من زمان
سكت وانا مش هاين عليه اخليها تمشي ف قال وكأنه فهمني
_ انا عارف ان نفسك متمشيش بس....
قولت بمقاطعه
: هزعلك يا شبل
_ ياخوي اسمعني انا بقول انك ممكن تخليها كام يوم وتقربلها يمكن هي كمان تحبك وتختار تكمل امعاك
: ياد اسكت
_ هسكت بس اعمل بنصيحتي بينك وبينها ومش مهم تعترفلي انك طبيت
_ طيب اتخمد
_ هتخمد بس يارب تقدر انت كمان تتخمد
قال اكده ونام وللحقيقه كلامه شغلني وبقيت افكر فيه بس كيه ممكن اقربلها في الحاله اللي احنا فيها دي وهي ممكن تقبل مهما احاول
#وفاء
جه تاني يوم ونزلت لما ندهولي ف لقيته قاعد عند السفره هو وشبل اللي عمال يتكلم معاه و واضح انه بيلح عليه في طلب وهو بيشاور علي اوضة ابوه ولما شافني سكت وانا صبحت عليهم من بعيد ودخلت المطبخ وبعد ما جهزو مرضتش افطر معاهم و قعدت افطر مع تماضر و ليلي و ورد هناك وبعد ما خلصنا وكانت فتحيه بتعمل الشاي طلعت تماضر وجت تقولي بدر عاوزك في الجنينه وقفت شويه افكر في اللي ممكن يكون عاوزني فيه وبعدين طلعت لقيته واقف اهناك قربت منه وقولت وانا ببص بعيد عنه
: بعتلي؟!
_ ايوه
كمل بتردد
: هو في حد مضايقك
: لا مفيش حد ، بتسأل ليه
_ لأنك النهارده قاعده طول الوقت في اوضتك
: مفيش حاجه ، قاعده عادي
كنت متضايقه قوي ف ظهرو دموعي وقولت وانا بدير ضهري ليه
_ انا طالعه
سبته وطلعت فوق وانا تعبانه ومش طايقه نفسي وبعد شويه الباب خبط ولما فتحت لقيته هو واقف قدامي وبيقولي بتردد
: لو متضايقه وعاوزه تطلعي شويه انا هطلعك
فضلت بصاله لثواني وبعدين هزيت دماغي بالموافقه ف قال
_ طيب انا هستناكي في الجنينه اجهزي وتعالي
: طيب
سابني وانا وقفت مع نفسي شويه وقولت دي فرصه كويسه للهروب مش هضيعها المره دي ، وبسرعة جهزت وروحتله ومن اول ما شوفته قلبي بقا يدق بسرعه ف قولت من غير ما ابصله
: انا جهزت
مشينا مع بعض والمره دي للأسف مرحش البر التاني وراح بينا عند مكان فيه شجر كتير جمب النيل وفي زرع علي مد البصر ورانا . وقفنا هناك واحنا الاتنين مترددين نتكلم لغيت ما بصلي وقال
: انتي قولتي ان الطبيعه بتريح النفس ، اهنه ميه وزرع ولو عاوزه تجري اجري محدش شايف
بصتله وانا شايفه اهتمامه بأنه يريحني ف قولت
_ انت جايبني علشان حسيت اني متضايقه
بعد عينه عني وقال
: ايوه انتي ضيفه عندنا ودورنا نراعيكي
_ اه متشكره
رجعنا نسكت شويه ف قال
: باقي كتير علي امتحاناتك
_ تلات شهور
: لسة شويه ، تتحل من اهنه لوقتها
بصتله وقولت
_ تتحل ازاي هتمشيني؟!
سكت مردش ف قولت
: جوابك وصل
اتنهد وقال بتردد
_ هتمشي
اتفاجأت من رده ف قولت
: انت بتقول همشي؟!
_ ايوه بس شويه اكده
: ليه شويه كده
_ اهو اكده
: علشان بيجاد
_ ايوه يمكن لوقتها يهتم ويجي
: ولو جه في اي وقت همشي
_ ايوه
: طيب وهتعملوا في ايه
_ انتي رايك ايه
: اكيد مش هتقتله
_ التنين اتحكم عليهم بالموت من الدقيقة اللي هربوا فيها
وقفت قدامه وقولت
: واختك هتقدر تقتلها
_ اذا كان هي اللي اختارت بنفسها
: ايه القسوه دي ، ازاي قلبك هيجيبك تقتل اختك ، لا وزعلان من اهلك علشان قسيو عليك مانت زيهم اهو
دار جسمه عني وقال
_ ده عيب الفضفضه
جيت قدامه وقولت
: انا بتكلم عن قسوتك مش عن فضفضتك دلوقتي ، مينفعش تزعل كل السنين دي علشان قسيو عليك وانت تيجي دلوقتي عايز تقتل اختك
_ وانتي عاوزاني اعمل ايه لواحده جابتلنا العار
: انتوا اللي اختارتوا ، بيجاد كلمك وانت سديتها في وشه من قبل ما يكمل
_ علشان مش من حقه يتكلم
: يا سلام ليه بقا تكونو مين انتوا علشان متجوزوش بناتك بره بلدكم ، اشمعنا انتو بتجوزو من بره ، ايه مميز فيكم
_ والله دي عادات ومحدش اجبر حد يدينا بته ولا اي بت توافق علينا ، احنا مبنغصبش حد يوافق
: امممم اه عندك حق الغلط مش منكم الغلط علي اللي بتقبل تجوز واحد منكم "
حسيت اني عاوزه اقتله في اللحظة دي بس سكت ورجعت ابص للميه
#بدر
حسيت نفسي حمار بعد ما قولت الكلمتين دول كيه بحاول اقربلها وكيه بقولها اكده وقفت شويه معرفتش اعمل ايه ف قولت
: بس ده مش معناه ان بنات بره قليلين بالعكس
بصتلي وقالت
_ لا قليلين اللي توافق تجوز واحد منكم تبقي قليله
: اممم ايوه يعني لو جه يوم وقدرك ووقعك مع حد من اهنه وحبتيه مثلا مش هتوافقي
_ لو روحي فيه مش هوافق ، لو هعيش كل عمري اتعذب في بعده بردو مش هوافق
: متوافقيش اكده اكده محدش هيبصلك اهنه
رفعت حاجب وقالت
_ محدش هيبصلي؟!!!!
: ايوه ، فيكي ايه مميز زيك زي البنات اللي اهنه ويمكن اعفش
بصت لعنيه وقالت بعد ما قربت خطوه
_ لا يا شيخ امال بيقولو عليه جميله ليه ، ده انا مفيش حد بيشوفني غير لما يكتب قصيدة شعر في عنيه بس
بقت بصالي وبتتكلم بهدؤ خلاني حسيت اني مش عارف اركز ولا اظبط نفسي قدامها ف قولت
: بينافقوكي ، انتي عادية قوي
ابتسمت وهي بتقول
_ عاديه؟!!! اممم في حد قالي الكلمه دي قبل كده ، كان بيضايقني ف بصتله بس زي مانا بصالك كده من غير حلفان لغيت دلوقتي هيمووووت واعبره
علت انفاسي وانا ببصلها وقولت
: عيل هايف متخديش عليه
طالت نظراتها ليه وهي قريبه مني وقتها مبقتش عارف اخد نفسي زين ف لقيت نفسي بعمل زيها واحط يدي علي عنيها واحس ب وشها الناعم واشوف رجفة شفايفها اللي زادتني توتر ورغبه في القرب منها ، ف حطت يدها علي يدي بعدتها وقالت
_ بتغميني ليه ، خوفت
بصتلي ب بلطجه وقالت
: متبقاش تتحداني تاني علشان انت مش قدي
قولت بسخريه
: طيب إيه اللي حصل مش فاهم مالهم عنيكي ايه اللي حصل لما بصتيلي ، طيب دي البصه اللي بقيتي تقلدي بصتي فيها كان ليها اثر اكتر من اكده وبقيت كل ما افتكرها اضحك انما دي ايه مش فاهم "
_ يعني متأثرتش ب عنيه
: له متأثرتش ب عنيكي ، ايه المؤثر فيها عنيكي عين وعين وفوقيهم حواجب
_ يا كبييييير
: يا صغييييره