منال:صباح النور يحبيبي
سليم:انتي ازاي هنا وانا فين
منال:اهدي يحبيبي انت امبارح كنت مدايق وزعلان وانا كنت في النايت كلب وانت جيت معايا
سليم بصراخ:انا مكنتش في وعي انا مش فاكر حاجه غير اني كنت في النايت وكنت بشرب
منال بخبث:وشوفتني هناك وقولتلي تعالي معايا وجينا هنا وادينا اهو مع بعض
سليم بنرفزه:انتي هتعمليهم عليا يبت انسي كل حاجه حصلت
منال:انسي اي ان شاء الله لا يسليم مش هنسي انت لازم تتجوزني فاهم
سليم به*جوم:انسي استحاله
منال:لي ان شاء الله وانت فاكر ان السنيوره نبض بتاعتك هترجعلك مهي اتجوزت وسابتك فوق كدا يسليم وشوف مين الي بيحبك ومُستعد يعمل كل حاجه علشانك ومين الي خانك وسابك
سليم بصراخ:بسسسسسس يمنال
منال بصراخ هي الاخري:لا مش هسكت يسليم انت هتتجوزني غ*صب عنك فاهم
سليم:انا ماشي
منال:سليم سليم ماشي يسليم والله مهسكت وهخليك تتجوزني غ*صب عنك
اما سليم فهو نزل للعربيه وفضل يض*رب الدركسيون هوه اذاي يغلط كدا اذاي يخ*ون حُبه لنبض !
العقل:انت لسه بتقول خن*تها هيا الي خان*تك
القلب:بس دا غلط غلط
العقل:اتجوزها وصلح الغلط دا
القلب:طب ونبض انا بحبها
العقل:فوق بقا ورجع كرامتك لازم تتجوزها علشان تكسر نبض
القلب:بس انا بك*ره منال
العقل:مبقاش ينفع خلاص انت مش زبا*له علشان تسبها بعد الي حصل
القلب:انا بحبها ومش عايز حد غيرها في حضني
العقل:لا هتتجوزها
سليم بحزم:هتجوزها وهدوس علي قلبي بل*جزمه ماشي ينبض هتشوفي وفضل ماشي بلعربيه وكان مشغل اغنيه هيعيش يفتكرني وفضل يلف في الشارع ويبص للدبله الي في ايدو وراح البيت
كانو علي النحيه التانيه منه وبسنت وندي اتفقوا انهم يروحوا يشوفوا سليم وراحوا
سليم فتح ليهم:مم نعم
ندي:سليم انت كنت فين قلقتنا عليك
سليم بسخريه:تؤتؤ الحنيه جايه من الشخص الغلط خالص
ندي بصدمه:قصدك اي
سليم:قصدي انك من ريحه الحبايب وانا مش عايز اشوف حد منكم
ندي بدموع:انت بتقول اي يسليم
بسنت:اهدي يندي سليم ميقصدش
سليم بزعيق:لا اقصد مش عايز اشوف حد يفكرني بيهم
ندي خرجت وهيا بتعيط
منه:اي الي انت عملته دا يسليم
سلبم:بقولكوا اي انا مش عايز اشوف حد اتفضلوا وراها
بسنت:انسي مش هسيبك يسليم
سليم بحزن:لي مقولتلويش
منه:والله مكنا نعرف يسليم احنا لسه عارفين امبارح بس
سليم:كسرتني كسرت حبي ليها خا*نتني وقعد يعيط وكمل انا اول مرا اكون بلضعف دا انتوا عارفين انا اه كنت بعرف بنات كتير بس نبض اول بنت احبها واكون مُستعد حرفيا اعمل اي حاجه علشان تكون مبسوطه لي تروح تتجوز وتسبني طب لي مقلتليش نسيب بعض لي داحنا لسه كُنا مخطوبين مكملناش يومين لي تتجوز وتتجوز مين امجد الي علي طول تقولي دا اخويا اخويا طلعت انا الي اخوها
بسنت:اهدي اهدي انا حاسه ان الموضوع في غلط
سليم بدموع اكتر وقهر:اهدي بعد اي انا غلط غلطه متتغفرش ومطلوب مني اعمل حاجه انا مش عايز اعملها
منه:عملت اي
سليم: خُ*نتها
بسنت:اذاي
سليم:كنت شارب ومنال استغلت دا وكنا مع بعض
منه بصدمه:انت بتقول اي يسليم انت تعمل كدا
سليم:والله مكنتش في وعي كنت شارب كتير ومنال استغلت دا انا بموت ميه حاجه جايه ورا بعضها نبض والي عملته فيا والاقرف الي منال خلتني اعمله انا عايز افهم لي كل حاجه كانت ماشيه حلو اي الي حصل لي نبض تسبني بلطريقه دي انا مستهلش منها كدا حد يقولي غلط في اي
منه:اهدي طيب انت هتعمل اي في موضوع منال
بسنت:هوه انت ناوي تتجوزها
سليم:عندك حل تاني
منه وبسنت سكتوا وسليم مسح دموعوعه ومسك الفون وكلم منال
سليم:الو يمنال
منال:اي يسليم فكرت
سليم بصلهم:اه فكرت
منال بترقب:طب قررت اي بس انا مش ..
سليم بمقاطعه:احنا هنتجوز يمنال اخر الاسبوع
منال:بجد يسليم انا فرحانه اووي بحبك بحبك هجهز كل حاجه
سليم:واهلك
منال:هما مسافرين بس هقولهم عايزين يجوا تمم مش هيجوا انا هوكل نفسي
سليم :ماشي وقفل
بسنت:انت متسربع علي اي
سليم:مش قدامي غير كدا
منه:طب ونبض
سليم بصلها وسكت
منه وبسنت عملوله اكل بلغ*صب وكل وهما مشيوا وهوه قعد وجت صوروا هوه نبض وكان مشغل اغنيه مكانك في قلبي
سليم:شوفتي ينبض شوفتي انا وصلت لفين من غيرك شوفتي خينتك ليا عملت فيا اي مش عارف انساكي ولا قادر انتي ازاي نستيني كدا ازاي جالك قلب تعملي فيا كدا مش انا سليم حبيبك مش كُنتي بتقوليلي اني اغلي واحد في حياتك وانك بتحبيني وحياتك مش هتكمل من غيري اي الي حصل دلوقتي لي سبتيني كدا لي بعتي بسهوله ينبض الخي*انه وحشه من اقرب الناس مش دي كلمتك لي انتي عملتيها فيا لي انتي اقرب حد ليا خن*تيني وكسر*تيني وخلتيني ابقي مزلول لي ينبض هُنت عليكي اوي كدا اديني اهو هتجوز غيرك بسبب غلطتك انتي اااااااااه لو تحسي بيا وتعرفي انا حاسس بي اي مكنتيش هتعملي فيا كدا الله يسامحك وشغل اغنيه يا ناسي وعدك وفضل يقلب في الصور بتاعتهم وافتكر كل مواقفه مع نبض ومنهم وهما راجعين من شرم
Flashback.......
في عربيه سليم مشغل اغني وطاير ونبض فرحانه
سليم:فرحانه يقلبي
نبض:هههه اه فرحانه جدا انا الدُنيا مش سيعاني من الفرحه
سليم:ههه ما محبه الا بعد عداوه
نبض:ههه عندك حق بس محبه ومحبه كبيره اوووي
سليم:يسيدي قولي اكتر
نبض:بحبك بحبك يسليم بحبك قد البحر وسمكاته ههههههه
سليم:يخربيت الرومنسيه يقلبي
نبض قفلت الموسيقي وقالتله :غنيلي يسليم وغنلها يا عيون وكان ماسك ادها ولما خلص
نبض:والنبي دانتا الي عيونك قمر هوه انت مرتبط
سليم:اه مرتبط بس معنديش مانع يقمر هوه انا اطول
نبض:ههه ممم بس حاسب بقا علشان انا سمعت انها غيوره جدا وممكن تقتلك فيها
سليم:لا متخافيش مش هتعرف
نبض:طب ابقي اعملها يسليم
سليم:يقلبي كل العك دا كان قبلك لاكن بعدك مفيش ست تقدر تعمل الي انت عملتيه
نبض:ممم وانا عملت اي بقا
سليم:يوووووه عملتي كتير اووووي ينبض اهمهم امتلكتي قلب سليم الهاشمي للابد وتاني حاجه غيرتيني وخلتيني انسان تاني كنت قبلك نسونجي لاكن بعدك مبقتش اشوف ستات اصلا
نبض:حتي انا
سليم:انتي الستات كلها اصلا اقولك اسمعي دي مني ليكي وشغل اغنيه بنبوني ساقط في نوتيلا وفضل يغني معاها بصوت عالي ونبض بتصوره فيديو وفضلوا كدا لحد مالاغنيه خلصت
سليم:ها عرفتي بحبك قد اي
نبض بدلع:والله مبحب غيرك يحبيبي
سليم:ايوا بقا
نبض:ههههههههه
سليم:العب يسووووووولي
Back.........
سليم:مش عارف اكر*هك ينبض
*اما عند نبض*
فهيا بتعيط وعماله تفكر في سليم
نبض بدموع:طب ادم ازاي مش جي وخدني ازاي سايبني كدا وانت يسليم هانت عليك نبضك كدا سايبني لي مش دورتوا عليا تعالوا خدوني بقا انا تعبت يربي حد يجي يخدني وحشتني يسليم اووووي حتي لو امجد عمل كدا انت هتفضل حبيبي لاخر العمر وعمري محب غيرك وعلي موتي يسليم اني اكون لحد غيرك بحبك يقلب نبض وحشتني اوووي
امجد بهدوء:انتي لسه مكلتيش
نبض بصراخ:ومش هاكل يا امجد مش هاكل غير لما اخرج من هنا انا عايزا اروح لادم وسليم
امجد:مفيش ادم وسليم في امجد بس يحببتي كُلي كدا انتي خسيتي ووشك بقا دبلان وعينك باظت من كتر الدموع وانا مش هاين عليا تكوني كدا يقلب امجد
نبض:افهم بقا افهم انا بكر*هك يا امجد بكر*هك انت مش طبيعي فاهم انت مش طبيعي طلعني من هنا بقاااا خرجني من هنا انا عايزا اخرج من هنا
امجد بزعيق:ماشي هتخرجي من هنا قريب بس صدقيني هتندمي انك خرجتي وهتشوفي
وخرج وسبها
وكدا عدي الاسبوع بين بكاء نبض واملها ان حد يخرجها وسليم الي غرقان في احزانه ومنال الي بتجهز للفرح الي هتعمله في افخم الفنادق ومنه وبسنت الي مش سايبين سليم لوحدوا وامجد الي عندو امل ان نبض تكون لي اما ادم فهو هيم*وت ويشوف نبض ومش قادر يصدق انها تعمل في كدا وكل يوم بتغيب في بتأكد الي حصل
جي اليوم وهوه يوم فرح سليم ومنال وسليم كان قاعد نفس المكان بتاعو هوه نبص وهوه لابس البدله ومش مصدق
سليم بهم:ااااه ينبض شوفتي وصلتينا لاي انا قاعد في اكتر مكان جمعنا ببدله فرح لاكتر واحده انا وانتي بنكرها شوفتي عملتي فينا اي ينبض عمري مهسامحك ينبض مش مسامحك
منه علي الفون:الو يسليم انت فين
سليم:انا في حته كدا كان لازم اروحها الاول وجاي
منه:سليم انا عيزاك تفهم ان وقفتي جمبك علشان احنا صحاب وانت اخويا ونبض كمان اختي
سليم:عارف يمنه عارف
منه:طب يلا تعالي بسرعه
سليم:حاضر يمنه جاي
سليم بص للدبله :وحشتيني وقام مشي وشغل اغنيه لسه حبيبي بستناك
اما عند بسنت ومنه
بسنت:تفتكري الي احنا بنعمله دا صح
منه:احنا كان لازم نقف جمب سليم يبسنت وادينا مستنين نبض تظهر بصراحه صدمتني ازاي تعمل كدا
بسنت:بس انا حاسه الموضوع في حاجه غلط
منه:وانا كمان والله بس هيا فين وكمان المسدج الي سليم ورهلنا منها كل دا اي واختفأها
بسنت:ربنا يرجعها لينا بسلامه ولما ترجع هنسوف اكيد
منه:اه والله انا قلبي بي*تقطع علي سليم
بسنت:وانا والله حبيبي صعبان عليا جدا ربنا معاه بس هوه مُضطر للاسف
منه:تفتكري لو نبض فعلا مظلومه هتسامحنا وتسامح سليم
بسنت:اه يمنه انا خايفه من رده فعلها والله
منه:ربنا يستر بجد
*عند امجد ونبض*
نبض بترزع علي الباب
نبض:امجد افتح يا امجد خرجني من هنا بقااا خرجني من هنااااا يا امجد افتح يا امجد والله اموت نفسي افتح بقا
امجد فتح:اي يحببني انا كدا كدا كنت جايلك
نبض:حصل حاجه صح انا قلبي مقبوض من الصبح ومخنوقه
امجد:قلبك حاسس خدي ادلها تلفونها ومفتاح العربيه وورقه
نبض:اي دا انت هتسبني امشي
امجد:اه بس تروحي علي العنوان دا الاول
نبض:ع عنوان اي دا
امجد:فندق الي هيتعمل في فرح سليم يحببتي
نبض بضياع:انت كداب سليم عمره ميعمل كدا مش هصدقك انت بتكدب
امجد:حقك تبقي مصدومه بس دي الحقيقه المُره يقلب امجد حبيبك الي انتي رفضاني علشانه غبتي عنوا اسبوع بس راح اتجوز وفرحه شغال دلوقني يدوبك تروحي تلاقيه جمب عروستو والعروسه مفجأه بقا يلا مش هحرقهالك
نبض بصراخ:انت مريض مريض وطلعت تجري ونزلت خدت العربيه وفتحت الفون واتصدمت من كم مكلمات سليم وادم ومنه وبسنت وندي ومسدجات علي الواتس اب بينها وبين سليم
نبض برفض:اي الكلام دا اي دا ازاي سليم سليم حبيبي لا لا وخدت العربيه وفضلت تتصل علي منه وبسنت ومش بيردوا
نفس الوقت كانت زفه سليم وكان راسم علي وشه ابتسامه بهته ودخلوا ورقصوا مع بعض
نبض دخلت الفندق وقلبها بيدق ودموعها في عينها بتقدم رجل وبتأخر رجل مش مصدقه ان سليم يعمل كدا دخلت القاعه بتاعت الفرح واتصدمت من سليم وهوه بيرقص مع منال منال العروسه
نبض بعياط هستيري وجريت عليه وسليم اتصدم لما شفها حس احاسيس كتير وهوه شايفها قدامه دبلانه وعينها عياط ووحشاه ونفسوا يخدها في حضنوا اما نبض وهيا بتعيط بهستريا:سليم سليم لا والنبي والنبي قولي انك معملتش كدا يسليم رد عليا انت بتتجوز بتتجوز منال يسليم يسليم انا نبض حببتك وفضلت تض*ربه .. رد يسليم رد انت ازاي تعمل كدا ازاي تتجوز يسليم ازاي تعمل كدا هُنت عليك بقا انا قاعده اسبوع في عذ*اب ومستنياك تيجي وتخلصني منو وانت هنا عايش حياتك وبتتجوز يسليم بتتجوز طب طب ودبلتك الي في ايدي دي يسليم رد عليا
سليم واقف مكانه مصدوم تماما مش هيا دي الي قالتله اخويا وعيش حياتك واتجوزت طب طب اي الي بيحصل
نبض لقته سكت بصتله بصه اخيره وقالت بقهر:وحياه حُبي ليك يسليم مهتشوف وشي تاني انسي نبض الي كانت بتحبك يسليم انساني وانت الي بدأت وانت الي خدعتني واتجوزت وخنت حُبي ليك وفعلا غدرت بيا وكسرتني يسليم كسرتني بجد
منه بتوتر:نبض انتي اا
نبض بزعيق:وانتوا كمان بدل متكونوا قلقانين عليا بتحضروا فرح سليم انا مش عايزا اعرفكم تاني بجد شكرا علي الجرح الي سبتوا ليا يخساره بجد يخساره بكره*كوا بكر*هكوا
وخرجت مشيت وركبت العربيه وهيا منهاره ازاي سليم يعمل فيها كدا ويتجوز سليم يتجوز ويخو*نها ازاي والحب الي مبنا ازاي سليم يعمل كدا دا بدل ميدور عليها بيتجوز طب اذاي اذاي وفضلت تعيط ومشيت
اما جوا الاجواء مكنتش كويسه خالص الفرح كله بقا بيتكلم عن الي حصل ومنال وقفه هتموت من الي حصل اما سليم فهو واقف مصدوم نبض نبضه كانت هنا اذاي مخدهاش في حضنو ومشيت اذاي سبها تمشي اذاي اما بسنت ومنه فهما كانو بيعيطوا علي كره صحبتهم ليهم وعلي موقفها منهم
اما عند نبض فا..............!!
الفصل العاشر
اما عن نبض فهيا كانت بتعيط بس ومش شايفه حاجه غير ان كل الي حواليها خن*ها سليم حُب حيتها راح اتجوز وسبها لوحدها .. اما صحبها فهما كانو معاه وهيا مكنتش فارقه معاهم اما .. امجد امجد اااااه من امجد والي عمله فيها ازاي يعمل كدا بعد كل العشره الي بنهم ازاي يأذيها بأبشع الطرق كدا!!
نبض بعياط : يخساره كل حاجه عملتها ليكوا يخساره حُبي ليكوا بكر*هكوا بكر*هكوا ماشي يسليم وحياه كُل لحظه استنيتك فيها ودموعي نزلت لهوريك مين هيا نبض رؤف وحياه كُل لحظه حلوه بنا لهندمك عليها وحياه جرح قلبي يسليم لهدفعك تمن كُل دا وراحت علي المكان بتعهم وكانت مشغله اغنيه *وعد مني*
وكانت قاعده وماسكه الدبله في ايدها وبتعيط علي حُب حيتها
اما النحيه التانيه عند سليم بعد مكل الناس مشيت من القاعه ومفضلش غير سليم ومنال وبسنت ومنه
منه بعياط:نبض انا عايزا صحبتي انا عايزا نبض
بسنت:وانا كمان يرتنا مكنا عملنا كدا
منال:عجبكوا كدا ست نبض مبوظالي فرحي حتي فرحي معتقتوش
سليم قام وضر*بها بلقلم بأنفعال:انتي تخر*سي خاالص فاهمه مش عايز اسمع صوتك
منال:انت بتضر*بني يسليم بتض*رب مراتك علشان دي
سليم بنفعال:الي بتقولي عليها دي تبقا ستك وست البنات كلهم دي تبقي حببتي وملكت قلبي دي الي بعدها عني خلاني واقف مع واحده *****زيك فاهمه مش عايز اشوف وشك تاني فاهمه
منال بصراخ:مش هتعرف يسليم انا بقبت مراتك خلاص
سليم : بس كدا وقلع الدبله ورامها في وشها:انتي طالق يا يامدام منال وبتلاته ومشي وسبها وقلع الجرافت
وكان مخنوق بس هوه عارف دوا خنقته فين .. نبضه في مكانهم وهوه متاكد !!
اما منه وبسنت فهما خرجوا بيعيطوا ومنهارين علي صحبتهم وحاولوا يتصلوا بيها بس مش بترد عليهم
اما منال فهيا قعدت مكنها وبعياط:وحياه حبي ليك يسليم مهخليك تروح ليها حتي لو هق*تلك فاهم لو هق*تلك بس مش هتكون لحد غير ليا ولو مبقتش ليا مش هتع*يش يسليم علشان تبقي لغيري انت بتااااعي انت بتاااعي انا وبس فاااااهم يسليم بتااعي انا وبس
مؤمن بسخريه:علشان تبقي تلعبي من ورايا يا يمدام منال
منال جايه تمشي مؤمن مسكها من ايديها
مؤمن:رايحه فين
منال:ملكش دعوه
مؤمن:لا ليا يمنال طرقنا طول عمره واحد
منال:خلاص باظت يمؤمن
مؤمن:بس لسه في فرصه حد فينا يكسب
منال:يعني اي
مؤمن:يعني تعالي معايا نسهر ونتفق هنعمل فيهم اي
منال بتردد:بس
مؤمن:مفيش بس يلا
ومشيت معاه
اما سليم فهو خرج وقعد في عربيته وفضل يضرب الدركسيون ازاي دا حصل ازاي نبض تكون كدا قدامه وازاي هيا الي اتجوزت وباعت وخانت ازاي
سليم:انا لازم افهم لازم ومشي بلعربيه للمكان بتعهم
نبض في نفس مكنها وكانت بتتصل بأدم
ادم بلهفه:نبض حببتي انتي معايا الو
نبض بعياط:الو يا ادم
ادم:مالك يحببتي انتي فين قوليلي انتي وامجد فين
نبص بضعف:انا محتاجه ليك يا ادم انا مبقاش حد جمبي يا ادم انا مخنوقه ومكسوره اووي
ادم بحنيه:انتي فين يقلب ادم وانا هكون عندك ف ثواني بس قوليلي
نبض بتردد:ادم قبل مقولك انا فين انت مدورتش عليا لي !!
ادم:حببتي والله دورت كتير بس ملقتكوش انتي تعرفي ان ادم يسيبك بعيد عنو انتي فين ينبضي قوليلي يحببتي اجيلك علي طول
نبص ببكاء:سليم خاني يا ادم
ادم:يقلب ادم قوليلي بس انتي فين وهجيلك نتكلم
نبض:انا في •••••••••••••••
ادم:مسافه السكه يقلب ادم متتحركيش من مكانك فاهمه
نبض:ح حاضر وقفلت
نفس الوقت سليم راح هناك ولقي نبض قاعده بتعيط
سليم:نبض
نبض اول مسمعت صوته لفت لقته واقف وراها
نبض عيطت وسكت
سليم قعد جمبها :لي عملتي فينا كدا
نبض بزعيق قامت وقفت :عملت اي انا عملت اي حد يقولي انا معملتش حاجه انا اتغ*در بيا واتلعب بيا لعبه زبا*له انا اتخ*نت من اقرب الناس ليا كلكم عاملين نفسكم ملايكه وانا الي ظلمتكم وجيت عليكم بس الحقيقه ان انا الي كلكم جيتوا عليها محدش كان جمبي يسليم كلكم بعتوني وانا في اكتر وقت كنت محتاجكم في حتي انت يسليم حتي انت روحت اتجوزت وانا بت*عذب وبض*رب علشانك يسليم لي عملت كدا ليييي ردد قولييي لييي
سليم بصراخ:انا بردو الي عملت كدا انا الي روحت اتجوزت بعدت عنك انا الي كنت ببعتلك مسدجات توج*ع انا الي خليتك تعملي اكتر حاجه غلط ينبض
نبض بزعيق ودموع هستريا:انا معملتش حاااجه افهم بقااا انا معملتش حاااجه انا امجد خط*فني في شقه انا معرفهاش وهوه الي كان بيبعت كل الحجات دي ليكوا انا كنت مستنياك يسليم كنت مستنيه انك تيجي تخرجني بس كنت غلطانه بعد مض*ربت علشانك وعلشان كنت بدافع عن حُبي ليك وانت قدمت ليا اي في المقابل رد عليا قدمت ليا اي غير و*جع وك*سره وحر*قه قلب وانا جايه وبشوف اكتر واحد حبيته في حياتي بيتجوز اكتر واحده بكرها لي يسليم لي تعمل فيا كدا وبعد دا كله جاي تقولي بسببك بسببي اي بسببي صحابي كانو بيحضره فرحك اسكت يسليم اسكت
سليم بصدمه:نبض والله انا مكنتش اعرف كُل دا انا اتصدمت وكنت معمي من المسدجات وعقد الجواز واختفاءك عني صدقيني انا كنت مضر*وب علي دماغي انا انا اسف والله اسف
نبض بسخريه:اسف اصرف منين اسفك دا يسليم ارجع بيه قلبي ولا ارجع حبي ليك !
سليم بصدمه:ترجعي حبك ليا !!
نبض بسخريه اكبر:هوه انت فاكر اني لسه بحبك وهرجعلك!! فوق يسليم انا نبص رؤف انت بعد الي عملته بقيت صفحه سودا اتقفلت من حياتي ولا هستني منك اعتذار ولا تستني مني اني ارجع ليك يسليم انسي نبض بتاعت زمان انسي نبض الي كانت بتحبك من النهاردا هتكون نبض الكار*هه نبض الي هتبقي مستعده تعمل اي حاجه علشان تعذ*بك بلبطيئ يسليم
سليم لسه هيحط ايدوا علي خدها
ادم بغضب:ايدك علشان متوحششكش وقام ضربه وفضل يضربي في وبعد كدا شاور للجارد
ادم بصراخ:خدو الكلب دا علي المخزن الي في••••• وعايزكوا تمسوا عليه كل نص ساعه ولا حاجه
سليم بتعب من كتر الضرب:نبض نبض متسبنيش انا مصدقت رجعتي اااااه
نبض ببكاء:ادم
ادم بصلها وخدها في حضنوا وهيا مصدقت لقت حضن ادم واترمت في وفضلت تعيط وخرجت كل حاجه محوشاها من اسبوع كل الوج*ع والغ*در وج*ع القلب جر*ح اقرب الناس ليها بُعدها عن ادم كل حاجه وقصاد دا ادم كان بيهديها بكلمات مطمأنه وبيمسح علي شعرها وبعد مُده من عيطها ادم خرجها من حضنوا ومسح دموعها
ادم:بس بس يقلب ادم خلاص خلاص انا معاكي اهو ومش هسيبك تاني وحياه كل دمعه من عيونك لهندمهم كلهم واحد واحد واولهم الكلب امجد والله مهسيبه وهخدلك حقك منو ينبض
نبض بعياط:كلهم غدروا بيا يا ادم كلهم سابوني وباع*وني خان*وني يا ادم انا قلبي بيوج*عني اوووي يا ادم
ادم:سلامه قلبك من الوج*ع يقلبي والله لهخدلك حقق وانا معاكي ومش هسيبك ابدا
نبض:طب احلف انك مش عامل حاجه تخليني ازعل منك
ادم:والله معامل حاجه
نبض:ولا صدقت الي امجد عمله
ادم:ولا صدقت يقلب ادم كنت عارف ان الموضوع في حاجه غلط من الاول
نبض:مش هتسبني
ادم بحنيه:علي مو*تي
نبض حضنته:بعد الشر عنك متقولش كدا
ادم:طب يلا يقلبي بقا نروح علشان انتي اكيد عايزا ترتاحي
نبص:يلا
ومشيوا بعربيه نبض والجارد مشيوا وراهم بعربيتهم وعربيه ادم
اما نبض فكانت مشغله اغنبه *جيت لك* وكانت باصه للشارع ودموعها بتنزل وادم بيبص عليها وهيم*وت وهوه شايفها كدا وقرر انو يسبها تهدا وبعد كدا يعرف منها كل حااجه و بلغ الجارد بتوعه يقلبوا الدنيا علي امجد وعرف من نبض الشقه فين
*روحوا البيت ومكنش حد صاحي*
ادم طلعها الاوضه:حببتي ادخلي خدي شاور وظبطي وانا هجبلك اكل وعصير
نبض:لا لا انا هاخد شور وانام مش قادرا
ادم:مفيش حاجه اسمها كدا ينبض هتاكلي غص*ب عنك اتفضلي يلا
نبض:حاضر يا ادم حاضر
واخدت منامه بيت ودخلت اخدت شاور وخرجت لقت ادم محضر ليها اكل وعصير وقاعد مستنيها
نبض:ادم بجد مش عايزا
ادم:لا يلا واكلها بلعا*فيه وهوه الي كان بيأكلها وبيشربها العصير بأيده
ادم:نبض انا عارف انو مش وقته بس انا لازم افهم احكيلي كل الي حصل
نبض:حاضر وحكت لي كل حاجه حصلت من اول المول لض*رب امجد ليها لكلامه الي كان بيقوله وحكتله كمان علي لما راحت لسليم القاعه لحد الكلام الي قالوه لما كانو في المكان
نبض بدموع:بس هوه دا الي حصل كله
ادم وهوه بيمسح دموعها:حببتي والله هندمهم كلهم علي اليوم الي اتولدوا فيه
نبض:واثقه فيك بس انا مش عايزا منهم حاجه مش عايزا اعرفهم تاني كلهم يا ادم
ادم:مش قبل مجبلك حقق يحببتي
نبض سكتت
ادم بتوجس:نبض هسألك انتي لسه عاوزه س
نبض بمقاطعه: متكملش يا ادم بليز مش عاوزه حد صفحه واتقفلت
ادم:طب يلا نامي يحببتي
نبض:حاضر ونامت وهوه خرج وراح لندي
ندي:ادخل
ادم:انا
ندي:انت كنت فين يا ادم دورت عليك كتير
ادم:كان في حاجه
ندي:لا بس عرفت ان فرح سليم كان النهاردا
ادم:عرفت نبض هنا
ندي:هنا فين انت جبتها وجات تقوم تروح ليها
ادم:تعالي هنا هيا نامت
ندي:طب كانت فين وامجد فين وجيتها ازاي
ادم اخد تنهيده وحكلها كل حاجه
ندي بعياط:يالهوي كل دا يحصل معاها وامجد يعمل كدا
ادم:لما اجيبه لازم اربيه
ندي:ادم متنساش انو امجد اخونا في الاول وفي الاخر
ادم:عارف عارف يندي بصي نامي دلوقتي وابقي روحي لنبض الصبح ومتخليش ماما تيجي جمبها خالص البنت مش ناقصه فاهمه
ندي:وانت هتعمل اي
ادم:لا انا بقا ورايا شغل كتير اووي وهخلصه وارجع
وسبها ونزل
ندي:ربنا يستر وخرجت وراه وراحت لنبض ونامت جمبها وحضنتها
اما عند ادم فخلي الجارد يجيبوا منال ومؤمن ووداهم ورا سليم علي المخزن وبعدها بشويه جابوا امجد الي كان بيحاول يه*رب من البيت بعد م عرف من منال الي حصل
وكلهم قاعدين قدامه وهوه واقف قدامهم وبزعيق
ادم:انا مش عارف ابدأ بمين فيكو انا ممكن بدم بارد اموتكوا واحد واحد دلوقتي لاكن انا مش هعمل كدا انا وعدت نبض اني مش هوس*خ ايدي بيكوا بس ملحقوا هعلم عليكوا علشان تعرفوا الي يجي جمب حاجه تخص ادم ابراهيم بيحصل في وانتوا جيتوا علي اكتر انسانه بحبها جيتوا علي قلبي وانتوا هتشوفوا النار بتاعتي
وطوح فيهم الضرب اما منال فأمر ان محدش يجي جمبها وهوه هيتصرف مع اهلها بعد م عرف منها ان امجد متفق معاها.. اما امجد فهوه كان بيلطشه وبعد كدا امر الجارد انهم يخرجوهم برا وسابوا امجد
ادم وهوه بيضربه:لي عملت كدا لي دي طول عمرها بتثق فيك لي تجر*حها وتخليها لعبه في اديكم لي يا امجد هوه دا جزاه العيش والملح هيا دي كلمه شكرا هيا دي الامانه الي عمك سبها لينا .. بتخلي واحده زي منال دي تك*سر بنت عمك
امجد بانفعال:انا بحبها ودي كانت الطريقه الوحيده الي هخليها ليا قلتلك بحبها مسمعتنيش وادتها لسليم اهو اتجوز وسابها
ادم:حيو*ان انت هتخرج من هنا وتنسانا خااالص فاهم وربي وما اعبد القي كلب فيكوا قدامي او قدام نبض بلصدفه ملكش اهل يا امجد خلاص فاهم خلصت وبص للجارد طلعوه باااره
وروح البيت
تاني يوم الصبح نبض صحيت ولقت ندي جمبها قامت من غير متعمل صوت لبست ونزلت تحت
عبير بخضه:بسم الله الرحمن الرحيم انتي جيتي امتي
نبض بهدوء:جيت امبارح
عبير:مممم وفين امجد الي لفيتي عليه هيا دي كلمه شكرا الي بتقوليها لينا داحنا الي لمناكي من الشوار*ع لما اهلك مات*و وربناكي واكلناكي وشربناكي ولبسناكي وعلمناكي هيا دي كلمه شكرا كس*رتي ضهرنا ووطيتي رسنا
نبض بعياط:انا معملتش حاجه امجد هوه الي كان حاب*سني ومخرجنيش غير امبارح
عبير:وانتي فكراني هصدقك انتي ان ابني يعمل كدا منا هستني اي من واحده زيك زب*اله ملقتش اهل يربوها
ادم بصراخ:ماما اي الي انتي بتقوليه دا
عبير:اي ياسي ادم بقولها الكلام الي المفروض تسمعه وزي منتا حلو كدا وجبتها اومال فين اخوك مرجعتوش لي
ادم:لا منا جبته ولقيته وربيته وقولتله ميرجعش
عبير:انت بتقول اي فين ابني يا ادم
نبص ببكاء:ادم والنبي انا عايزا امشي من هنا مش عايزا اقعد هنا
ندي:نبض نبض انتي هنا وانا كنت بدور عليكي
عبير:حتي انتي كلكوا مش فارق معاكوا اخوكوا وبطمنوا علي ست نبض
ادم:امجد غلط يا امي خلصت
نبض:والنبي مشيني
عبير:يلا المركب الي تودي غور*ي من هنا منك لله زي ما بعدتي ابني عني اشوف فيكي يوم ينبض يبنت رؤوف
ندي:ماما لو نبض مشيت انا همشي معاها
عبير:واخوكي يست ندي مش خايفه عليه
ندي:امجد كبير وغلط وغلطه كبير لاكن نبض محتجانه اكتر
نبض:انا همشي لوحدي
ادم:لا يلا اطلعي
نبض بعياط:انا همشي مش عايزا اقعد هنا فاهم مش هقعد هنا ثانيه واحد
عبير:غوري في ستين داه*يه تكونيش فاكره اننا هنتحايل عليكي
نبض طلعت تجري علي فوق وندي طلعت وراها
ادم:ماشي يماما بس نبض لو خرجت انا هخرج انا وندي بعدها وطلع وسبها
اما نبض فكانت حطت هدومها في الشنط وندي بتهديها مفيش فايده وكانت عايزا تمسي وفعلا ادم خدهم هما الاتنين وراحوا قعدوا في شقه بتاعت ادم
وعدت الايام علي نبض وهيا بتحاول تنسي وبدأت تنزل الجامعه تاني
منه وبسنت حاولوا يكلموها بس هيا رفضت اصلا تكلمهم ولا تسمعهم اما سليم فلما عرف ان نبض هناك راح ليها وحاول يتكلم معاها بس نبض متكلمتش معاه بردو وخلصت محضرتها ومشيت وكانت مشغله اغنبه *دا كان وكان* و *افتكرت*
روحت فتحت الفيس بوك بعد ايام كتير مقفول وشافت بوست الاعتذار بتاع سليم وفضلت تعيط وبعدها نشرت علي صفحتها وكتبت
*سلامآ علي قلب كنت له الامان....سلامآ علي قلب خُضت الحروب من اجله.........سلامآ عليك وعلي قلبك الذي لم يكن لي محبآ بل كان لي عدوآ.......سلامآ من اجل شخص قال لي لا تهن هذه الدنيا من غيرك وهان عليه قلبيِ الذي ينبض بحبه ذكرآ وعشقآ وحبآ وخوفآ...........سلامآ عليك ان تسمع قلبي وتعلم ما فيهِ وتسحقهُ...........سلامآ عليك....سلامآ علي قلبك.......سلامآ علي نبض قلبيِ لكٰ*🤍✨
وعدت الايام وفضل سليم يحاول يكلمها ويعتذرلها بس هيا مكنتش قابله تكلمه او تسمعه وعملتله بلو*كات من كله وكانت عايزا تخرجه من حيتها نهائي في يوم بليل جالها مسدج من موبايل ادم بيقولها انها تروح المكان••••••••علشان عايزا استغربت من الطلب والمكان بس لبست وراحت ليه اول مراحت لقته مكان غريب واتفجأت بي امجد مقت*ول اتصدمت اول مشافته رجليها اتشلت جريت عليه وفضلت تزعق وتنادي عليه مفيش بعدها سمعت سرينه البوليس وخدوها علي القسم وهيا كانت مصدومه تمامآ
....................................
Back..................
يوسف:اهدي كدا وحكلنا انتي مين واذاي وصلتي لهنا انتي باين عليكي بنت ناس ومتعمليش كدا واي علاقتك بلمجني عليه
نبض بدموع:انا اسمي نبض رؤف .................
*علامه_الاستفهام الجديده يتري مين قتل امجد