رواية اسمي حياة
الفصل العاشر10
بقلم الاء اسماعيل
حياة بلجلجة : حسام استنى اشر.....
حسام بغضب جحيمي : إتكتب كتاااابك على رااااجل غييييييري !!!!! ااااه ولا لاااااااا ؟؟؟؟؟
ما عرفتش الجواب دموعي انهارت تلقائي كنت خايفة منه اوي في اللحظة دي ...شكله هيعمل جريمة بجد عمري ما شفت عصبية حسام ولا انهياره بالشكل ده ولا حتى يوم مو،ت أحمد
كان خوف منه و عليه في نفس الوقت ..قلبي وجعني اوي و انا شايفة عيونه دم و ماسك في دماغه
حياة :خليني اشرحلك...
- قوليلي أنه كذب يا حيااااة و انك ما كتبتيش كتابك بجد بالله عليكي تقوليلي أنه كذذذب احسن دماغي هتنفجرررر !!!
حياة بخوف : انا هحكيلك....والله كنت جاية احكيلك...
حسام بجنون :كنت جاية تحكيلي؟!! امتى بالضبط ؟ لما تبقي في احضانه؟ امتى اتكلميييييي!!...
حياة :ما تقولش كدة ...و الله انا كنت جاية احكيلك..اللي حصل ..
حسام بإنهيار : انتي ازااااي قدرتي تعملي فيا كدة ازاااااي!!! انا ازاي كنت غبي للدرجة دي؟؟ قوليلي بس اناعملتك ايه عشان تجرحيني بالشكل ده ؟؟ ده انا حبيتك...حبيتك حب مكنتش اتخيل اني ممكن في حياتي أحب وحدة الحب ده !!.عملت كل حاجة عشانك ...حبيتط لدرجة اني ما كنتش أتجرأ أحضنك عشان كنت متمني اللحظات دي في الحلال كانت عندك مكانة مقدسة في قلبي.ليه بس تعملي فياا كدة يا حيااااة ؟؟ انتي ذبجتيني بسكينة ثلمة...مو،تيني بالحيا ياااارب !! كنت شايفك ام اولادي مش حبيبتي ؟؟ كنت مستعد اتجوزك غصب عن أمي لو وافقتي ...كنت مستعد ارمي نفسي في البحر عشانك
بس انتي طلعتي خاينة ...اول واحد طلبك ...وافقتي على طول و سبتيني !! هان عليكي حبي و كسرة قلبي !!
حسام حرفيا كان فاقد السيطرة على نفسه كان بيصرخ و بيزعق و دموعه بتنزل شلال
هتسألوا انا ما اتكلمتش ليه !! ما دافعتش عن نفسي ليه طيب
أولا لاني كنت تايهة في حاجة : هو عرف ازاي اني اتكتب كتابي اذا كنت انا نفسي عارفة من نص ساعة بس !!
و ثانيا مكنش عندي جرأة ارد عليه و هو ف الحال ده
بس مع كل صرخة منه كانت حتة من قلبي بتتحرق
بعد م خلص كل اللي عنده فتح الباب و زقني برة
- إطلعي برة .. مش عايز أشوف وشك تاني ...اطلعييييي!!
طردني من غير ما يسمعني زي ما سمعته .. من غير ما يسيبني افهمه ايه اللي حصل
فضلت امشي في الطريق و دموعي مش عايزة توقف مش عارفة وصلت البيت ازاي اصلا
اول ما وصلت دخلت في مكاني و غطيت دماغي مش عايزة اكلم حد
نيرة : انتي رجعتي يا حياة !! هو ايه اللي حصل ؟؟
- مش عايزة اتكلم .. سيبيني ف حالي
- احكيلي فيه ايه بس ؟؟؟ يمكن اساعدك !
مبقاش عندي قوة خلاص ...كل ما افتكر نظرات الكره في عينه و كلامه القاسي ليا ... اتمنى المو،ت. ما ادانيش فرصة ادافع عن نفسي ...او اشرحله ان الموضوع حصل بسرعة و غصب عني.. ما خلانيش أقوله ان والدته طردتني يوم ما جتله عشان احكيله..هو طول الوقت بيطلب مني اثق فيه .. طب هو ما وثقش فيا ليه ؟! معقولة يصدق اني ممكن اخونه و أقبل بجد بواحد غيره 😓💔 😭
فضلت ثلاث ايام في السرير مش قادرة اتحرك
بابا كان فاكرني بأمثل عشان ما نتممش اجراءات الجواز لحد ما شافني بعينيه و شاف حالتي كان شكلها ايه
و مع كدة ما رحمنيش و اتفق مع حمزة على طول على معاد الفرح و الدخلة ...حمزة اللي عمري ما كلمته ولا قعدت معاه ولا نعرف عنهم حاجة اصلا .. هوما اصلا من محافظة تانية و ابوي ما صدق يخلص مني ما سألش عنهم خالص لان مراته كانت متحمسة اوي انها تبعدني عنهم على قد ما تقدر عشان تضمن انها ما تشوفنيش تاني أبدا
عدى اسبوع و قررت اكلم حسام تاني هاحكيله الحقيقة
ايوة هنسى معاملته ليا و كلامه كله ...يمكن يكون هدي و ساعتها هأشرحله كل الظروف الصعبة اللي مريت بيها و كلام والدته و كتب الكتاب اللي اتكتب لما كنت في المستشفى اصلا
اتصلت كثير ....ما ردش على اتصالاتي... ولا راح الشغل من يوميها ! لما كثرت زن لقيته حظرني خالص!
- مش وقت كرامة يا حياة...انتي كنتي غبية لما خليتي عنه من الاول يبقى تستحملي تصرفاته لأنه معاه حق ف كل حاجة
انا هروحله البيت و اللي يحصل يحصل
قعدت ف مكان مش بعيد عن فيلتهم و فضلت مستنياه
استنيت ساعات لحد ما طلع
اول ما شافني وشه اتبدل و جاب الوان الطيف و عينيه اتحولت للغضب
بص الناحية التانية و راح عربيته ولا كأنه شاف حشرة
طلع العربية و رحت طلعت قدامه
من غير ما يبصلي قالي بكره: انزلي !!!
- مش نازلة الا لما تسمعني زي ما سمعتك
- مش عايز اسمعك ولا طايق اشوفك حتى و إنزلي من أم العربية بتاعتي بقوووولك !!!
- و الله ما انا نازلة قبل ما أقول اللي عندي !
فجأة شغل العربية و طلع بينا سايق زي المجنون بأقصى سرعة
- بسسس يا محنوووونة هتموتناااااا هددددييييي السرررعة !!!!
فجأة ضغط الفرامل و وشي اتخبط جاااامد في تابلوه العربية
حسام بغضب : انزلي و الا و رحمة أحمد في تربته لأنزل اشدك من شعرك و ارميكي زي الگلبة في الطريق العام
- بعد كل الحب اللي كان ما بيننا ممكن تصدق اني اخونك؟ و أقبل اتجوز بواحد غيرك !
- بقوووولك اطلعي من عربيتي مش عايز اسمع صووووتك
انتي وحدة زب،الة.. قدرتي تمثلي عليا الحب بإمتياز و اول ما لقيتي واحد احسن مني ما اترددتيش لحظة وحدة ...انا سمعت أنه اغنى مني صح ؟ أنا اني طلعت غبي بصحيح!!
كلامه كان جارح اكثر المرة دي
- انت متأكد اني مش مادية و عمري ما بصيت لفلوسك فهمت دلوقت انا ليه مكنتش بأقبل مساعدتك ؟ عشان ما تعايرنيش بيها في يوم . زي ما بتعمل دلوقت
طلعت من العربية و انا منهارة
-و على فكرة معاك حق انت واحد غبي لانك عاشرتني طول المدة دي و مع كدة ما عرفتش حاجة عني .... هيجي يوم و تعرف الحقيقة يا حسام ...و ساعتها هتعض صوابعك من الندم بس هيكون ندم متأخر اوي ...يا خسارة حبي ليك
خبطت الباب بقوة و مشيت و انا مش عارفة رايحة فين من كثر الدموع اللي مغرقاني و هو انطلق بكل جمود و قسوة
وصلت البيت بعد ما دموعي نشفت خلاص و قلبي اتحرق ما بقيتش احس بأي حاجة خلاص
لقيت هدى عندنا في البيت مستنية هي و نيرة !!!
هدى ؛!!! انا ازاي نسيتها !! طول المدة دي لا حس و لا خبر من آخر مكالمة بيننا !! جاية دلوقت تعمل ايه ؟؟
هدى : مالك يا حياة ؟؟! شكلك ما بيطمنش خالص !!
حياة بجمود- مليش
نيرة: مش كنتي رايحة تكلمي حسام ؟ حصل ايه ؟
- خلاص ...ما بقاش فيه حسام يا نيرة ...حسام مات النهاردة في قلبي ...
هدى وشها اتبدل و حاولت تبين انها عادية
- معلش يا حبيبتي ربنا يعوضك بحمزة ..يمكن يطلع احسن منه الف مرة مين عارف !
حياة - حسام اكثر واحد حبيته ...و هو أكثر واحد جرحني !! كلامه كان اكثر قسوة من كلام امه !! نعتني بأسوأ الصفات ! اتهمني باني كنت معاه تسلية و بس لحد ما تلاقي حد اغنى
هدى اتوترت اوي : حياة انتي دلوقت هتتجوزي واحد. تاني بصي لحياتك الجاية و انسيه ...هو ما يستاهلش حبك اصلا
لو كان واثق في حبك بجد مكانش صدق كلام حد عنك
بصيتلها بدهشة : و انتي عارفة منين ان فيه حد قاله عني حاجة !!
اتوترت و وشها اللون بكل الالوان المعروفة ؛ اومال عرف بخبر كتب كتابك ازاي ؟!
رديت عليها بنظرة رعبتها و انا باصة جوة عينبها
- اااه صحيح !!! تفتكري مين اللي قاله عن كتب كتابي اللي محدش كان يعرفه الا انا و انتي و عيلتنا ؟؟
هدى بتوتر : تقصدي ايه بالضبط ؟؟؟ يعني انا قلتله ؟
حياة بسخرية - ما اقصدش حاجة يا صاحبتي
قامت بلجلجة و هي بتبص عالفون: انا اتأخرت اوي عن اذنكم
قبل ما توصل للباب قلت بصوت عالي خلاها وقفت
- كنت رايحة احكيله كل حاجة يا هدى .. كنت رايحة أقوله اني اتكتب كتابي من غير ما اعرف ... بس ولاد الحرام سبقوني و وصلوا الخبر بطريقة وا،طية. ...حسبي الله و نعم الوكيل فيهم...و الله ما انا مسامحة اللي اتسبب ف كسرة قلبي و قلبه...لا دنيا ولا اخرة ...هيبقى خصمي يوم تلتقي الخصوم
طلعت هدى و هي رجليها بتخبط في بعض و الد،م إختفى من وشها حاسة ان الكلام كان موجه ليها حرفيا
خسرت حسام ...ابوة رسميا خسرت حب حياتي. ..مبقاش ليا هدف تاني في الحياة ...بقيت زي الآلة ...من غير مشاعر اروح الشغل و ارجع أنام و اعمل اي حاجة يقولولي عليها من غير مناقشة ...تعبت من كثر الكلام اللي مش جايب نتيجة اصلا....فقدت قوتي على المقاومة لما فقدت حسام و دعمه
خلاص معاد فرحي قرب هاتجوز حمزة زي ما هوما عايزين
و أعيش جسد من غير روح
بعد اسبوعين جيه حمزة و ابوه و رحنا انا و بابا و هوما المحكمة . .كان عندي أمل أنه كابوس و اصحى منه بس دلوقت خلاص اتجوزنا رسمي و الكابوس اتحول لحقيقة
اول ما طلعت من المحكمة لقيت تلفوني بيرن
حسيت اني هيغمى عليا اول ما شفت اسمه !!
حسام بيتصل ليه دلوقت !!! يكونش عرف أنه ظلمني ؟ يكونش أتصل عشان يقولي أنه لسة بيحبني و عرف الحقيقة و يطلب مني اسامحه عالكلام اللي قالهولي ؟
حاولت ما ابينش توتري و انا مع بابا بس انا حرفيا اعصابي كانت سايبة و مفيش في بالي حاجة غير اني أتصل عليه تاني اول ما اوصل البيت
دخلت الاوضة بسرعة و مسكن الفون و انا بأترعش و كل خلية في جسمي متوترة لوحدها ....قلبي بيدق جامد و مع كل رنة احس أنه خلاص هيطلع من مكانه...أخيرا فتح
- الوو حسام !
- يعني عملتيها بجد !!! و اتا اللي كنت فاكر اني ظلمتك ؟ لآخر دقيقة بألوم نفسي و أقول يمكن لو سمعتها هأكتشف ان معاها حق و يمكن هدى كذبت عليا ..بس انتي عملتيها بجد و اتجوزتي رسمي ؟؟ اسمك ارتبط باسم حد غيري بعقد رسمي
حياة بصدمة : هدى !!!!
بارت 10
حسام بإنهيار : ليه يا حياة !!! ليه تخليني أعيش الشعور المر ده لييييه ؟؟ انتي عارفة ان أنا عمري ما هاعرف أتخطى حبك
حياة :............لا رد
حسام : أعتقد أن الكلام خلص كدة صح ؟؟ ماهو الهانم خلاص شافت لنفسها سكة تانية ...و بقت مرات ميزو ! هتفضل تجري ورا اللي والدته مش عايزاها ليه؟؟
حياة بصدمة : ميزو ايه و سكة ايه !!
حسام : آخر كلام يا حياة : بأتمنالك التعاسة من كل قلبي و يا رب تعيشي معاه في جحيم طول عمرك
قفل الخط و سابني لصدمتي و انا بأهمس لنفسي بقهر
- هأعيشه ما تخافش ! ما دمت بعيدة عنك هعيشه لحد ما اموت ..انا من يوم ما اتكتب كتابي و انا موتت اصلا 😭💔
حسام قفل الخط و دموعه شلال
- شايف يا أحمد !؟؟ قلتلي حبيبتك مش زي صاحبتها اوعة تفرط فيها ... هي دي اللي قلتلي إنها مختلفة ؟؟ كلهم زي بعض يا صاحبي
حط دماغه على تربة قبر صاحبه بإنهيار و هو يفتكر المكالمة اللي فاتت
فلاش
-الو حسام ازيك ؟ طمنني عليك
- الحمد لله يا هدى انتي اخبارك ايه ؟
- الحمد لله على كل حال...هو انت فين
- انا في المدافن ..ليه؟
- طب لو مش مشغول نتقابل سوا محتاجة آخذ رأيك في شوية حاجات
حسام بتعب- خليها يوم تاني ..مش حاسس نفسي كويس
- من اسبوعين و انت كدة بتقهر في نفسك حرام عليك! هي اتجوزت خلاص يبقى انت مستني ايه عشان تشوف نفسك و مصالحك و شغلك ؟؟
- مش عارف يا هدى ..انا الغضب كان مالي قلبي ما قدرتش اسمعها مع انها اترجتني كثير ..محتاج اتكلم معاها ضروري.. يمكن ظلمتها
هدى : ظلمتها ازاي ؟
- مش عارف ...بس أكيد في حاجة غلط في الموضوع
هدى بحزن مصطنع- يا حسام حاجة غلط ازاي و هي بنفسها اتصلت عليا النهاردا عشان اروحلها و اضبطلها اللوك بتاعها ، قالت رايحين يثبتوا الجواز ...ده انا حتى سمعتها بوذاني و هي بتتكلم معاه في التلفون و ....ولا بلاش .. هيتحرق دمك اكثر ماهو محروق 😥
حسام بغضب : و ايه يا هدى !! بتقول له ايه ؟؟؟ انطقي !!!
هدى بخبث - بتقوله مش مصدقة نفسي ..كلها ساعة و هبقى مراتك بجد يا ميزو
حسام بغضب جحيمي : امتى حصل الكلام ده؟؟
هدى بضحكة خبيثة: من ساعة كدة ...زمانهم طلعوا ...
زفر حسام بقوة و خبط ايده على الارض بشدة
- حسام انت كويس شكلك اتخنقت؟ آسفة بجد
حسام : انا كويس هاقفل دلوقت يا هدى ...نتكلم بعدين
هدى ببراءة مصطنعة: متأكد انك كويس ؟ اجيلك لو عايز ؟
- مش عايز حاجة....باي
قفل مع هدى و أتصل عليها و هو قلبه بيغلي و جواه نار
- بتفصلي !! طبعا ؟ واضح انك مع ميزو حبيب القلب الجديد
بقى انا تستغفليني يا حياة !! عاملاني جسر على ما توصلي للجديد!
حياة
قفل الخط و ساب لي جرح جديد المرة دي : صدمة صديقة عمري اللي لآخر لحظة كنت بألتمسلها الأعذار و أبررلها كل اللي بتعمله و بتقوله و بأكذب نفسي عشان ما اصدقش بجد ان الوحيدة اللي اعتبرتها اختي تخوني بالشكل ده !! رغم ان كل المؤشرات كانت بتقول انها خدعتني بس انا رفضت أصدق
طلعت زي ما انا من البيت بالشبشب مش بأفكر في حاجة غير اني اطفي ناري منها الوا،طية
طلعت نيرة جري ورايا
- رايحة فين بالشكل ده يا مجنونة !!
ما عرفتش اجاوبها و ركبت اول تاكسي و جريت على بيت هدى ..مفيش في دماغي في حاجة وحدة بس: انا عملتها ايه عشان تكسرني بالشكل ده !!
وصلت العمارة و طلعت السلالم بسرعة رهيبة
خبطت على باب بيتهم بعنف بايديا و رجليا
فتحت مامتها : يا خبر مين اللي بيخبط علينا بالشكل ده
الله !! حياة مالك فيكي ايه ؟؟؟
- هدى فين؟؟
ام هدى بدهشة: مش هنا. ...هو فيه ايه بالضبط ؟؟
ما جاوبتهاش ونزلت على تحت رحت اخبط و اخبط على باب شقة جدتي ...كان عندي أمل تفتحلي و يطلع كل اللي انا عايشاه ده مجرد كابوس !!!
بس الشقة كانت فاضية ...و محدش طلع و طبطب عليا
نزلت قعدت على السلم و دموعي شلال
كل اللي طالع او نازل يشوف فيا بحزن و يقول لا حول ولا قوة إلا بالله هي ايه اللي عمل فيها كدة ! غمضت عيني و حطيت ايديا على وذاني مش عايزة اسمع حد ولا اشوف حد و مش رايحة من هنا غير لما افهم هي عملت فيا كدة ليه؟!
كان حاطط دماغه على تربة أحمد و بيعيط لما سمع صوتها من بعيد
- حسام !! انت لسة هنا ؟؟؟
مسح دموعه بسرعة و حاول يتماسك
- ايه اللي جابك هنا يا هدى ...قلتلك عايز اكون لوحدي
هدى بحزن مصطنع: و انا ما اقدرش اشوفك في الحالة دي و اسيبك لوحدك
- حبيبييتهاااا مش قادر اتخيل حياتي من غيرها هي عملت فيا كدة ليه انا ما استاهلش منها القسوة دي 😓
- بس هي اتجوزت عادي و هتعيش حياتها اهو.. على فكرة هي ما تستاهلش حزنك ده ..اسمع مني و حاول تنساها و تشوف نفسك
قربت هدى و هي بتقول بحزن مصطنع: مش يمكن تلاقي اللي تعوضك عنها ؟
- مفيش حد يقدر يعوض مكانها في قلبي
- انت بتقول كدة عشان الجرح جديد ...الزمن كفيل أنه يداوي الجروح ...شوف انا قدرت أتخطى حزني على أحمد و انا اللي كنت فاكرة اني هافضل طول عمري حزينة عليه
- بس انا مش هاقدر ولا بعد مليون سنة و انتي أحمد ما سابكيش بإختياره. ... أحمد مات ...بس هي اتجوزت برغبتها
- طب ما دمت عارف كدة مش راضي تنساها ليه ؟؟
- من فضلك تمشي يا هدى !! مش عايز اتكلم عنها اكثر من كدة
- بس انا عايزة اكون معاك ...أحمد سابني ..و انت حياة سابتك
احنا دلوقت ما لناش غير بعض يا حسام ! محدش هيقدر يفهم وجعك قدي !! لأني عشت كل اللي انت عايشه دلوقت
وضعت يدها على كتفه و هي تلتصق به اكثر
انتفض حسام بحدة مبتعدا عنها : انتي اتجننتي؟؟ بتعملي ايه يا هدى !؟؟انتي كنتي حبيبة صاحبي و باعتبرك زي اختي نور!
- صاحبك مات و سابني وحيدة ...زي ما حبيبتك سابتك ..ليه مش عايز تشوف الحقيقة دي و تتقبلها ؟؟
- يعني انتي متخيلة اني ممكن اخونها حتى لو قطعت قلبي مليون حتة! و بعدين دي صحبتك !!!
ما قدرتش هدى تتكلم لما شافته متعصب كدة...انتفض بغضب و راح للعربية من غير ما يبصلها
هدى بتوتر - احم مش هتوصلني ؟؟
حسام بغضب: لا ...روحي زي ما جيتي
خرج من المدافن بسرعة رهيبة و سابها واققة تنظر بعصبية مش هأستسلم يا حسام ...هي مش احسن مني فحاجة !
وصلت عالبيت و اول ما دخلت العمارة لقتها قاعدة عالسلم و حالتها متبهدلة خالص
- حياة !! حبيبتي ايه شكلك ده ؟! انتي هنا من امتى
- حبيبتك !!! حبيبتك بأمارة ايه ؟؟؟
بقى انتي اللي تدمريني يا هدى !!! انتي اللي تلفي حبل المشنقة حوالين رقبتي ؟؟
هدى بتوتر : انتي بتقولي ايه ياحياة ؟! انا مش فاهمة حاجة
- انا عايزة افهم حاجة بس ...انا عملتلك ايه عشان تكرهيني بالشكل ده ؟ هاااا !! انطقي !! عملتلك ايه عشان تبعدينا عن بعض و انتي عارفة اننا ما نقدرش نعيش من غير بعض !!!انهارت حياة اكثر و هي بتشدها من رقبتها بشدة - استفدتي انتي ايه دلوقت قوليلي استفدتي ايه يا واااا،طية ؟؟؟؟؟؟
فضلت تصرخ و تضربها و بتخربش في وشها و ف كل مكان و هدى مش عارفة تقول ايه و دموعها بتنزل
الناس اتجمعت حواليهم مش فاهمين حاجة لحد ما جيه ابوها و بعدها عني : لو انتي مجنونة روحي طلعي جنانك في مكان تاني ؟
- انا مش مجنونة انا جاية اربيلك بنتك اللي انت مش فاضي تربيها
قلم جامد اوي علم على وشي و هدى شهقت من الصدمة
- اخرسي يا ز،بالة!! ما بقاش الا انتي تتكلمي عن التربية ؟؟
مسك هدى من ايدها و زقها جوة العمارة : انجري اطلعي و حسابي معاكي عسير لما اطلع...غوووري !!
و بعدين لف عندي و مسكني من ايدي جامد
- و انتي مين كان فاضي يربيكي ابوكي ولا امك ؟؟ ما احنا كلنا شايفين و عارفين تربيتهم كويس بدليل العربية اللي بتجيبك كل يوم بالليل
بص للناس اللي متجمعين كلهم و شفت في عينيه نظرات الشماتة و في عينيهم نظرات الاتهام
طردني بعدها من الحتة كلها و مشيت و انا دموعي مغرقة وشي ما عرفتش اروح فين ولا ادافع عن نفسي ..لقيت رجليا واخذني قدام المدافن دخلت تربة جدتي و فضلت اشتكيلها حالي و اعيط ساعات كثيرة
خسرت جدتي بعدين حسام بعدين صديقة عمري ...فاضل ايه لسة ما خسرتوش كمان !! معنديش جهد ولا حد اقاوم عشانه
عدى اسبوع كمان و اتحدد معاد الفرح خلاص ...جيه حمزة و طلعنا انا و هو و ابوي و مراته نشتري آخر الحاجات اللي ناقصاني و نتفق على التفاصيل و السفر
رجعت البيت بعد اللف طول اليوم ..حمزة بيحاول يتكلم معاي بس انا مش مركزة معاه خالص .. و بصراحة هو كمان كان بارد جدا في تعامله
كنت بأحضر في شنطة لما دخلت علي نيرة ماسكة كيس
نيرة بحزن : انا اتعودت عليك اوي مش قادرة اصدق انك هتبعدي عني خلاص 😫
حياة : هابعد ازاي با عب،يطة هو انا مسافرة امريكا !!
نيرة : انا جبتلك هدية ...انتي عارفة ان انا ما معيش فلوس بس متأكدة انها هتعجبك ...اتفضلي افتحيها
- الله يا نيرة !! مش ده شال جدتي اللي كانت بتحبه اوي !!
- ايوة هو ...و اللي عمتي خذته لانها عارفة قد ايه انتي كمان كنتي بتحبيه ، لقيتها جايباه لوالدتي مع هدوم تانية قديمة عشان تديهم لجمعية خيرية ..بس انتي احق واحدة بالشال ده
حضنتها حياة بحب: دي اغلى هدية يا نيرة ...مش فاضل لي حاجة من ريحتها اصلا بعد ما قسموا كل حاجة ما بينهم
فتحت شنطة ايدي وطلعت علبة : بصي انا كمان جبتلك ايه ؟؟
نيرة بتعجب ..ايه ده؟
حياة بمرح -افتحيها و انتي تعرفي !
نيرة بفرحة : مسجل صوت !!!انا طول عمري نفسي اشتري واحد زيه ميرسي يا حيااااة !!
- انا عارفة انك عايزة تكوني مراسلة صحفية ...كنا معديين على محل بيبيع حاجات قديمة و انتيكات واول ما شفته افتكرتك على طول ...و جبتلك معاي شرايط كاسيت بتاعته كمان...و أوعدك اني هاشتريلك واحد رقمي آخر إصدار لما تتخرجي ..انتي بس شدي حيلك
- ان شاء الله يا حبيبتي
- اتمنى من كل قلبي تحققي حلمك و ما تخليش حد يتحكم في حياتك زي ما حصل معاي .
احتضنتها نيرة و هي بتبكي: انا بحبك يا حياة ..اوعي تفتكري أنك وحيدة ...انا هكون دايما معاكي
- عارفة يا حبيبتي و انا كمان بحبك
دخلت نوران اوضة حسام و فتحت الستاير
وضع الغطاء على رأسه بتذمر
- ارجوكي يا نور اقفلي الباب و رجعي الستاير مكانها عايز أنام
- تنام ايه هو انت ناوي تنام اللي فاضل من عمرك ولا ايه ؟؟
حسام بتذمر- هقوم اعمل ايه ؟؟
- تقوم تشوف الحكاية دي لانها مش داخلة دماغي خالص !
مع اني ما اعرفش هدى دي بس شكلها بنت مش سالكة.. انت ازاي صدقتها بالبساطة دي و كذبت حبيبتك ؟!
- دي صحبة عمرها هتكذب عليها ليه يعني؟
نوران بتردد : مش عارفة ...يمكن عندها سبب ؟
حسام بشك: انتي عندك حاجة عايزة تقوليها من كام يوم صح؟
نوران بتوتر : انا ! ...لا هيكون عندي ايه ؟؟
حسام بحدة: نور لو عندك حاجة اتفضلي قوليها يا اما تقفلي الستاير و تسيبيني أنام فاهمة !!
صمتت نوران شوية بعدين اتشجعت : بصراحة ...ايوة
- هااا ...ايه اللي عندك
- مش قبل ما توعدني انك ما تقولش لماما لانها هتزعل مني
- أوعدك قولي اللي عندك
- حياة لما جات المستشفى يوميها و قالت لك انها كانت بتدور عليك كان يوم كتب كتابها او قبليه بيوم مش فاكرة
حسام: هاااا
نوران بضيق: : ماما سمعتها كلام جارح اوي ..اي وحدة عندها كرامة مكانتش هتقبل على نفسها ترجع لك تاني بعد اللي سمعته
- انتي بتقولي ايه ؟؟
- بقولك اللي انا سمعته...مامتك سممت بدنها و هزقتها لدرجة انها طلعت منهارة ... الكلام ده واجعني في قلبي من يومها مع أنه مش موجه ليا فما بالك بيها هي و انت دايما بتقول انها عندها كرامة و عزة نفس رهيبة !!
حسام بحدة- يعني قصدك كانت جاية تقولي على جوازتها دي و ماما طردتها ؟؟ طب ما قتليش ساعتها ليه ؟؟؟
- آسفة اني خبيت عنك الموضوع ده ماما هددتني و ضغطت عليا ....بس انا ما اقدرش اشوفك بتغرق و افضل اتفرج عليك .قلت يمكن تلحقها مادامت الحكاية عالبر ..😥
قام حسام جري عشان يغسل وشه و يغير هدومه
- رايح فين كدة ؟؟
- مشوار مهم يا نوران ...ادعيلي بس اتوفق
يوم قبل الفرح
كنت مع مرات ابوي اللي كانت بتضبطلي في الشنط ماهي تقريبا اللي اشترت و حضرت كل حاجة ..
- مش هتساعديني بدل ما انتي قاعدة بتعيطيلي طول الوقت !؟ دي هدومك انتي على فكرة
رديت ببرود : و انتي اللي كنتي عايزة تخلصي مني بسرعة
اتأففت و كملت توظيب و هي بتبرطم : هانت كلها يوم و اخلص من القرف ده !
فجأة تلفوني رن مسحت دموعي و قمت اشوف مين بيتصل لقيته حسام !!!
كان نفسي ارد عليه. ..كان نفسي أقوله اني سامحته و أنه وحشني اوي ...اني بحبه و عمري ما هحب غيره اني هابقى لحمزة مجرد جسد فاضي من غير روح ولا قلب بس ما قدرتش ارد ..خفت اسمع منه كلام جارح تاني خفت اواجهه معنديش اي طاقة زيادة عشان اتحمل منه تجريح تاني.
ما رديتش عليه ...بصتلي مرات ابوي بشك و هي بتحاول تعرف مين بيرن - ما تردي عاللي بيتصل ؟
- مش عايزة اتكلم مع حد .
في اللحظة دي جات نيرة وشها مخطوف :
حياة في حد عايز يقابلك
حياة بصدمة : حسام !!!
صافيناز : حسام ايه بس انتي مرات راجل و بكرة دخلتك ؟
نيرة بحزن : لا مش حسام
فجأة لقيت صوت أعرفه جاي من وراها...صوت بأكرهه
- انا يا حياة
اول ما شفتها الغضب اللي كان مكبوت جوايا طول الفترة اللي فاتت كله طلع فجأة و صرخت بأعلى صوتي
- انتي ايه اللي جابك عندي تاني يا حقيي،ييرة!!!! ليكي عين توريني وشك بعد كل اللي حصل لي بسببك يا حية؟؟ ولا تكونيش جاية تشمتي فيا ؟؟ تشوفيني و انا في اشد لحظات انكساري ؟؟ و انا بأتقدم للإعدام !؟؟
مرات ابوي طلعت من الاوضة و هي بتشاور لنيرة
هدى بندم- انا جيت لحد عندك عشان اطلب منك تسامحيني
- اسامحك !!!! اسااااامحك ؟؟؟؟؟ اسامحك على ايه ولا ايه ؟؟؟؟؟ اسامحك لانك قتلت،ينا بالحياة انا و حسام !!! ولا اسامحك لانك خلتيني أشك بوجود حاجة اسمها صداقة ولا اسامحك على سنين عمري اللي قضيتها معاك و انا مش عارفة وشك الحقيقي ؟ ولا على حبيبي اللي حاولتي تلفي عليه ؟
على فكرة انا عمري ما كنت غبية ...ولا ساذجة و كنت فاهمة كل اللي كان بيحصل بس كنت طيبة زيادة لما فكرت انك بتحبيني و عمرك ما تفكري تأذيني ..و على فكرة انا معترفة إن طيبتي هي اللي دمرتني مش خيانتك
هدى : حياة ...ارجوكي تسمعيني الاول ما تحكميش عليا قبل ما تعرفي اللي حصل ..أنا مش ملاك نازل من السما كلنا بنغلط لاننا بشر و عندنا شيطاننا اللي بيغلبنا ساعات .. ايوة انا كنت باغير منك و باحقد عليكي ساعات كثير ...عارفة ليه ؟؟ لاننا مع ان ظروفنا نفسها بس انتي دايما احسن مني في كل حاجة ...كنت بشوف تعامل حسام معاكي و باقارنه بتعامل أحمد معاي ...و أقول هي احسن مني ف ايه عشان يحبها بالشكل ده !! هو أحمد مش بيعمل عشاني كل اللي بيعمله معاكي حسام ليه ؟؟
- ايه الكلام الغبي اللي انتي بتقوليه ده ؟؟!
- ما تقاطعنيش ارجوكي ...انا شايلة جواي كثير ..و لو ما اتكلمتش هأنفجر ف أي لحظة . احساس الذنب بيمو،تني كل يوم ...اللي انتي ما تعرفيهوش يا حياة ان انا و أحمد انفصلنا نهائيا عن بعض يوم قبل الحادثة بتاعته ...أخذ مني اللي هو عايزه و رماني زي الگلبة ...😭💔
حياة بشك- اخذ اللي هو عايزه ازاي يعني ؟؟
هدى ببكاء - طبعا انتي شايفة الفرق اللي بيننا يا حياة ؟ انا مش حلوة زيك انتي حسام هيتجنن عليكي مع انك عمرك ما سمحتيله يقرب منك ..بس واحد زي أحمد كان هيبصلي على ايه ؟؟ أكيد كان هيقضي وقت حلو وينبسط و بعدها يشوف له وحدة تانية ..عشان كدة كان لازم اعمل حاجة اربطه بيها على طول
حياة بدهشة: حاجة زي ايه ؟؟؟ اوعي يكون الي ف بالي صح!
هدى ببكاء : ايوة يا حياة...انا بغبائي سلمتله نفسي كنت فاكرة اني لما اعمل كدة هأجبره يفضل معاي بعد ما أدبسه في حكاية زي دي ...بس هو في الاخر عمل ايه ؟؟؟ عاااايرني
ايوة عايرني بيكي يا حياة !!! لما واجهته و قلتله هو ليه مش عايز يعمل خطوة رسمية زي ما عمل صاحبه حسام قالي لانها محترمة و جدعة مش بتسمح لحسام حتى أنه يحضنها ولا بتتجاوز معاه بالكلام ..انتو مش شبه بعض خالص مش عارف صاحبتك ازاي و ليه !! انتي مجرد وحدة رخ،يصة
فهمتي دلوقت ليه عايزة او،لع فيكي من يوميها زي ما ولعت فيه هو !!! 😤😤🔥
حياة بصدمة : ولعتي ف مين ؟؟! 😳