روايه كبريائي
الفصل الخامس عشر15
بقلم هبة احمد
نجمة / انتى مش بنى ادمة انتى شيطان اعوز بالله منك
جليلة / بالقلم طااااااخ على وشها انتى عديمة الربايه انا هاولع فيكى انتى و اختك و دخلت المطبخ جابت جركن جاز و عوزة تحط على نجمة منه
سندس / قعدت تصرخ بصوت عالى
كل اللى فى شقة الحاج عتمان طالعوا الا هدى و صبرى اللى اشتد عليه المرض جامد
روضة / كانت أول من وصل لباب الشقة خبطت لما محدش فتح خبطت الباب برجلها و هى و قمر لحد الباب ما اتفتح
سندس / امى حطت جاز على نجمة و مصممة تولع فيها الحقونى هى قافلة باب الاوضة عليها
روضة / اكيد دى ست مجنونة
نجمة / حرام عليكى بلاش تموتينى ابوس ايدك
روضة / دفعت الباب و فتحته و مسكت جليلة من شعرها انتى مش عوزة تنهدى اطلعى ابت على تحت ادخلى الحمام وغيرى هدومك و انتى المفروض تروحى مستشفى المجانين مش ناقصه هبل
جليلة / انا هابرد النار اللى فى قلبى و هاحرق قلب امك عليكى
نجمة / مسكتها جامد و زقتها فوقعت على الكرسى هاتى اى حاجة اكتفها بيها يا قمر
الحاج عتمان اتصل بفهد
فهد / السلام عليكم فى أية و أية الصريخ ده
الحاج عتمان / تعالى شوف امك كانت عوزة تولع في اختك نجمة ولما روضة طلعت أنقذتها دلوقت ماسكة فى روضة وعوزة تولع فيها و حطت عليهم جاز
فهد / نهار اسود انا جاى هو أبوية مش عندك
الحاج عتمان / لا لسه مجاش
فهد / كلم فارس انا بجد معدش قادر اتحمل اكثر من كده
روضة / اقسم بالله انا اللى اولع فيكى أما انتى بنى ادمه مستفزة و ربطتها فى الكرسى بعد ما قعدتها عليه
الحاج عتمان / انتى بخير يا بنتى
روضة / أيوة الحمد لله هدومى غرقانه جاز دلوقت اغيرها
رسمية / تعالوا ننزل تحت علشان تغيرى هدمك و تاخدى دوش
فضل / طالع فسمع عياط نجمة فدخل شقة ابوه هو فى أية
هدى / شوف دكتور يكتب حاجة لنجمة بذمتك ينفع كده
فضل / مالك يا نجمة
نجمة / امى منها لله يدوب بقولليها تعالى احضرى كتب كتابنا قامت جابت جركن جاز من المطبخ و غرقتنى انا جسمى بيوجعنى اوى
سندس / هى ليه كده كلها غل وحقد د اختى كانت هتموت محروقة
هدى / الولاد نبته صالحة بلاش تدخليهم فى الصراعات اللى جواكم
فضل / طلع ساكت لشقتة لقى ابوه الحاج عتمان قاعد برة الشقة و أمه معاه و روضة واقفة فى الصالة جنب الكرسي اللى جليلة قاعدة عليه و أيدها مربوطة فيه
روضة / الست دى مينفعش تعيش مع بنى ادمين دى عوزة تروح مستشفى المجانين
فضل / ليه عملتى فى بنتك كده
جليلة / علشان مستحيل اوافق أن ولاد هدى تتزوج ولادى
روضة / مش مطلوب موافقتك على فكرة عندك مرأتك اهى و فكت أيدها اتصرف معاها د ممكن تعمل مصيبة
الحاج عتمان / يلا يا بنات
قمر / انا خايفة اوى من الست دى وبكت
روضة / متخفيش طول ماانا جنبك تعالى زمان بابا قلقان علينا
فهد / طالع يجرى على السلم و روضة نازلة هى و قمر و الحاج عتمان و رسمية وراهم فخبط روضة و كانت هتقع لولا أنة مسكها من وسطها أوقفها مش تحاسبى هى ناقصه
روضة / انت اللى طالع زى القطر اللى من غير فرامل
فهد / بص فيها و سابها و كمل طريقه لفوق
جليلة / بنت هدى كانت مكتفانى فى الكرسى وانت مهنش عليك تضربها على وشها وتقولها عيب انت راجل عديم المروءه انا لازم اخد حقى منها
فهد / تصدقى انا زهقت منك انتى لازم تروحى مستشفى المجانين نجمة كانت عمل أية لكل ده طول عمرك ظالمه وابوية طول عمره ساكت مش بياخد اى موقف
جليلة / انا هاعرف ازاى افرق جمعكم
فهد / انا موافق ارفض الزواج من بنت عمى صبرى ونقطع علاقتنا بيهم بشرط سددى حق عمى فى ارباح الشركة من 27 سنة باثر رجعى ده غير له تلت البيت و الارض و المصنع كمان
جليلة / جدك لسه عايش وهو صاحب كل حاجة
فهد / عارف و جدى كمان عارف انك عندك رصيد مقارب على ولا اسكت يالسانى
جليلة / ده من تعبى و شاقيه و خدمتى فيكم
فهد / نهاية الكلام انا مش عوز مشاكل و وجع دماغ بنات عمى هتعيش هنا معانا في البيت مش عاوز اى احتكاك معاهم
جليلة / د انت واقع فى غرام البرنسيسة امال لو مكنش وشها مشوه كنت عملت أية
فهد / انا بعمل كل ده علشان مركزنا ميتهزجش ويضيع تلت رأس مالنا غير حقه فى الأرباح طول السنين اللى فاتت و يمكن عمى شاكر يطالب بحقه هو كمان
جليلة /ليه هو مش كل حاجة باسم جدك
فهد / مع ال.........