رواية اصون كرامتي الفصل الثالث3بقلم عبير سليم

 في بيت نورة : حبيبتي يا روكي وحشتيني اوي 

رقيه : انتي كمان يا نورة ربنا يكملك على خير يا قلبي يا رب 

نورة : يارب يا رقيه عقبال ما افرح بيكي يا حبيبتي يارب 

رقيه ' تفرحي بية لا يا نورة انا الفرح ده مش من نصيبي 

نورة : ليه بس التشاؤم ده ربنا كبير يا رقيه وان شاء الله حيرزقك بابن الحلال اللي يريح قلبك يارب 

رقيه : و تفتكري حتى لو جه حيحبني

نورة : وليه ميحبكيش يا رقيه ناقصك ايه عشان ميحبكيش

رقيه : ناقصني اللي خللا اسلام ميحبنيش  ويفضل غيري علية 

نورة : رقيه هو انتي لسه بتحبيه يا رقيه 

رقيه : مش فكرة بحبه بس انا قلبي واجعني منه اوي مش قادرة اتخطى اللي عمله فية يا نورة مش قادرة اصدق اني هنت عليه يجرحنى بالشكل ده ده انا كنت أقرب حد ليه محدش كان بيحس بيه غيري انا عامله نفسي نسيت ادام الكل عشان مصعبش على حد ولا حد يشمت فية لكن انا تعبانه اوي فاكرة كل كلمه قلتهاله و كل حاجه عملتها معاه و هو قابلها بالجحود ياااه للدرجه دي انا كنت هبله يا نورة للدرجه دي كنت متخلفه و عبيطه 

نورة : لا يا حبيبتي انتي ست البنات كلهم بس انتي اديتي اوي يا نورة و اديتي حتى من غير ما يطلب كنتي محسساه ان ده واجب عليكي تجاهه و ان دي حقوقه ده كأنه شاريكي من سوق العبيد وياما كلمناكي و انتي ولا هنا عارفه انك كنتي بتحبيه يا حبيبتي و نفسك ترضيه بأي شكل بس مش كده اوي يا رقيه فين كرامتك فين كبريائك هنتي فعنيه اوي 

رقيه : نسيتهم يا نورة هو كان عارف و متأكد من حبي ليه طب ليه مقالليش لاء انا مبحبكيش ابعدي عني 

نورة : وهو بيستفيد منك طب ازاي 

رقيه : طب ازاي بردو هنت عليه يخللي سمعتي على كل لسان في المدرسه و الكبير و الصغير يتكلم علية ده انا كنت بداري وشي في الفصل من البنات 

نورة : بس ادام الكل انك انتي اللي كنتي بتجري وراه مش هو يبقى انتي اللي جبتيه لنفسك 

رقيه : كل ده عشان حبيته هما مش بيقولوا الحب مفيهوش كرامه 

نورة : مين اللي قالك كده بالعكس يا رقيه طول ما انتي محتفظه بعزة نفسك و كرامتك حبيبك حيعزك اكتر و زي ما قالت أم كلثوم اصون كرامتي من قبل حبي 

الحب من غير كرامه بهدله و قلة قيمه بيخللي الواحده ولا ليها وجود فحياة اللي بتحبه و لا بيعمل لها خاطر في حاجه لأنه ضامنها و ضامن جودها فحياته و عارف انه مهما يعمل فيها و يجرحها و يهينها حتبقى تحت رجليه بردو 

مش فاكرة يا رقيه لما كنتي بتفطريه كل يوم و اليوم اللي متلحقيش تجيبي فيه فطار يبعت يجيب لنفسه ولا يفتكر الغلبانه بسندويتش فول حتى و انتي عمرك ما بينتيله انك زعلانه ده غير بقية اللي انتي عارفاه كله من تحضير لدخول حصص لهدايا ملهاش اول من آخر 

انتي كويسه يا رقيه و مفيكيش عيب يا حبيبتي بس لازم تتعلمي تصوني كرامتك قبل أي حاجه في الدنيا و اللي حصل لك مع اسلام ده لازم يكون درس ليكي 

رقيه : درس صعب اوي يا نورة أصعب درس فحياتي كلها 

نورة : صعب بس حنتعلمه كويس ونحفظه كويس اوي عشان منكررش غلطته تاني مش عيب انك تدي لكن بحدود الإفراط في العطاء غلط يا نورة مش صح و والله مش في العلاقه بين راجل وست بس لا ده في كل العلاقات

عارفه محمد جوزي عنده اخت ارمله و قاعده تربي ابنها الصغير و مش هاين عليها تتجوز عشان متجيبلهوش جوز  أم  تمام برافو عليها و الله بصي مش حرماه من اي حاجه في الدنيا بتصرف المعاش و مرتبها كله عليه بتطلع اللقمه من بؤها و تديهاله و احنا عندهم الجمعه اللي فاتت و حماتي حطه في طبق كل واحد نصيبه قوم انت يا حماده مد ايدك في طبق مامتك ادام الكل و خد نصيبها في اللحمه و الفراخ و لما محمد زعقله قالله انا متعود على كده ماما بتديني حاجتها كلها طب تصدقي انها هيا نفسها اتجرحت و بعد ما قمنا محمد فهمها ان كده غلط مش صح وانه حيطلع اناني مبيحبش غير نفسه و معتمد عليها فكل حاجه العطاء الكتير بيخللي الكل يبخل عليكي يا رقيه 

رقيه : خلاص يا نورة اطمني يا حبيبتي وانا فهمت الدرس كويس اوي و لازم اصون كرامتي قبل أي حاجه 

انا حقوم بقى يا نورة 

نورة : مستعجله ليه ماتخليكي معايا شويه 

رقيه : ماما تعبانه اوي يا نورة وانا حجزالها عند الدكتور

رقيه : الف سلامه عليها يا رقيه ان شاء الله حبقى اجي اشوفها 

تروح رقيه و تلاقي الاسانسير عطلان و تضايق طبعا عشان مامتها كده حتنزل على رجلها و هما في الدور السابع بس حتعمل ايه تطلع و تاخد مامتها عشان معاد الدكتور وتمسك ايدها كويس و تنزل بيها واحده واحده عالسلم و هي خايفه عليها وتفضل تقوللها بالراحه يا ماما خللي بالك يا حبيبتي 

فنفس الوقت كانت واحده ساكنه معاهم في الدور الرابع ست كويسه هما عارفينها بس مش متداخلين مع بعض كانت واقفه على باب شقتها و معاها شاب بتكلمه سمعوا صوتهم و هما نازلين عالسلم و لما وصلوا لدورهم القوا عليهم السلام : وعليكم السلام ورحمة الله وبركاته ازيك يا مامت رقيه عامله ايه يا حبيبتي 

مامت رقيه : الحمد لله و الله يا مامت كريم 

مامت كريم : بس انتي شكلك تعبان تعالوا ارتاحوا شويه 

رقيه : معلش يا طنط والله عندنا معاد مع الدكتور و خايفه نتأخر 

مامت كريم : الف سلامه عليكي حبيبتي 

الشاب اللي معاها يدخل بسرعه يجيب كرسي عشان تريح عليه شويه فتقعد وتاخد نفسها و تشكره 

مامت كريم : عامله ايه يا رقيه 

رقيه : الحمد لله و الله يا طنط 

مامت كريم : البنات اللي راحولك الدرس من طرفي بيشكروا فيكي و فشرحك اوي بيقولوا اول مره يفهموا انجليزي 

رقيه : طب الحمد لله شكرا يا طنط ربنا يخليكي 

مامت كريم : نسيت اعرفكم عماد اخويا الصغير جه اجازة من شغله و جالي يزورني

دول بقى يا عماد من أحسن الجيران اللي في العماره ادب وأخلاق الدنيا كله و رقيه مدرسة انجليزي شطورة والبنات بيحبوها اوي 

يسلموا على بعض و عماد يعرض عليهم يوصلهم لكن رقيه تشكره و تقولله انهم طالبين اوبر  زمانه تحت من بدري 

و مر اليوم و اليوم اللي بعده بالليل لقوا جرس بابهم بيرن و لما فتحت رقيه لقتها مامت كريم قالت اكيد جايه تطمن على مامتها و بعد ما دخلت و رقيه قدمتلها حاجه تشربها و اطمنت على صحتها بلغتهم ان اخوها عماد اللي شافوه معاها عالسلم انه يبقى اخوها الصغير عنده واحد و تلاتين سنه بيشتغل في البترول وماشاء الله عليه عنده شقه حلوة اوي في منطقه شيك و عربيه أحدث مودبل وانه انسان محترم جدا بشهادة الجميع وانه لما شاف رقيه أعجب بيها وعاوز يطلب ايدها 

و طبعا والد رقيه زي عادة كل المصريين انه يطلب اسمه و عنوانه و مكان شغله عشان يسأل عليه قبل أي حاجه وبالفعل سالوا عليه واطمنوا انه فعلا انسان كويس جدا و قعد مع رقيه واتكلموا فحاجات كتير اوي و رقيه ارتاحت له في الكلام 

وقعدوا مع بعض مرة كمان و قعدت مع مامته وباباه وأخواته و قرروا يقروا الفاتحه ولما راحت معاه تشتري الشبكه قررت انها متفرطش فكرامتها تاني لا في التصرفات و لا في حقوقها مش معنى كده انها حتكون طماعه لاء استحاله لان ده مش طبعها لكن مش حتكرر نفس غلطها مع اسلام تاني ولازم تصون كرامتها قبل أي حاجه راحت و اختارت الشبكه اللي على مزاجها و لما مامته حاولت تتدخل عماد نفسه قاللها : لاء يا ماما بعد اذنك اناعاوز رقيه هي اللي تختار شبكتها بنفسها وعملوا خطوبه عالضيق و اتغقوا حيعملوا الفرح في اجازة الصيف 

راحت المدرسه وهي فرحانه اوي و الدنيا مش سايعاها من الفرحه و نورة اخدت الشيكولاته ووزعتها بنفسها على كل اللي في المدرسه والكل بارك لها و كانوا كلهم فرحانين اوي عشانها 

وحس اسلام انه عاوز يبارك لها عاوز يكلمها وخايف لأن دي حتكون اول مرة يكلمها فيها من بعد اللي حصل منه راح ناحيتها : الف مبروك يا رقيه 

بصتله رقيه بصة كبرياء بصه عمره ما شافها فعيونها قبل كده : الله يبارك فيك يا اسلام 

وسابته ومشيت هي اتعلمت منه الدرس كويس و احترامها لنفسها بقى قبل كل شئ 

عماد طول مدة تواجده بيعدي عليها كل يوم يروحها البيت و بيخرحها و يفسحها و يشتريلها كل اللي هياعاوزاه و يجيبوا كل حاجة الشقه مع بعض  وأحيانا كتير كانت بتعزمه عندهم في البيت و طبعا انبهر بأكلها اللي ما اكلش فطعامته قبل كده حبهاو حبته و حنانه عليها و كرمه معاها  ربطوها بيه و قدر في وقت قصير اوي انه يخليها تحبه و تتعلق بيه كمان و قدرت اخيرا انها تنسى اسلام و عيونها متبقاش شايفه غير عماد و بس و كل كلمه كانت بتقولهاله و كل حاجه حلوة كانت بتعملها عشانه كانت بتلاقي التقدير منه وده فرحها اوي و حست بفرق العلاقه وان فعلا لازم كل فعل يكون له رد فعل

اما بالنسبه لاسلام فحياته مستمرة مع صافيناز لكن بدأت تحصل بينهم مشاكل و كل يوم والتاني تسيب البيت و تزعل عند اهلها 

يابني انت ايه حكايتك انت و صافي هي كل يومين تغضب و تروح لأهلها 

اسلام : هي اللي عاوزه كده يا محمود مش انا 

محمود : معلش يا اسلام واحده عليك يا عم انت عارف هرمونات الحمل بتجنن الستات 

اسلام : ما هو الحمل ده جه على دماغي والله من يوم ما حملت لحد دلوقتي تمن شهور خربت بيتي فيهم من يوم ما عرفت انها حامل ومفصلتش طلبا ت ما كل الستات بيحملوا مبيعملوش كده ليه لا عاوزه تعمل اكل و لا تمسك مكنسه و لاتيجي المدرسه و ادفع يا اسلام كل يوم اخد اكل دليفري و انا مروح وانت عارف الدليفري ده خراب بيوت ده غير واحده بتيجي تنضف الشقه كل يومين وتغسل الأطباق و تاخد اد كده وتمشي وده غير الفلوس اللي بدفعها لحد في التأمين عشان يعمللها كل شويه اجازة و متجيش المدرسه اقسم بالله مابقى معايا حتى حق البنزين اللي هيا اصلا مبترضاش تتحرك من البيت غير بالعربيه تعبت يا محمود تعبت ده غير مناخيرها اللي على طول رافعاها للسما و تعاليها اللي بقى علية انا نفسي و كل ما تقعد مع حد من اهلي يكرهوا قعدتها من تقل دمها و تعاليها عليهم و انا تعبت خلاص و كل ما افضفض معاها بكلمتين تجري تغصب عند اهلها ولازم طبعا و انا رايح ارجعها اخد معايا حاجات اد كده عشان توافق ترجع معايا انا الدرس اللي بشتغله مبروحش بجنيه بيه البيت دي امي بقت بتساعدني عشان اقدر اغطي على طلباتها ده كل ده و هي حامل لسه و فاضل لسه شهر على ولادتها امال لما تولد حتعمل فية ايه انا خلاص قربت اشحت يا محمود قرفت منها و من اليوم اللي حبتها فيه و قررت اني ارتبط بيها

 

محمود يبص له و اسلام يفهم بصته ليه : عارف من غير ما تقول ايوة ده ذنب رقيه انا عارف بس اللي حصل حصل خلاص و انا مش عارف اعمل ايه

 

محمود : سبحان الله مش الصفات اللي انت كارهها فيها دي هيا نفسها نفس الصفات اللي اتجوزتها عشانها

 

اسلام : ايوة و كرهتها يا محمود انانيتها و حبها لنفسها خنقوني تعاليها و تكبرها تعبوني و كرهوني فنفسي انا كنت اعمى يا محمود 

محمود انا عاوز انفصل عنها انا خلاص جبت اخري منها و مش قادر اكمل معاها اكتر كن كده 

محمود :، ايه الهبل ده و الطفل اللي جاي في السكه ده ذنبه ايه يتولد يلاقي ابوه و امه منفصلين استهدى بالله يا اسلام متخربش بيتك انا حخللي سناء مراتي تتكلم معاها و تعقلها اهم ستات زي بعص و اكيد حتفهمها غلطها 

اسلام : صافيناز هههههههه تبقى بتحلم دي اللي فدماغها فدمافها و عمرها ما حتتغير ابدا 

محمود : ربنا يهديكم يارب 

مش رقيه فرحها الجمعه الجايه 

اسلام : بجد والله ربنا يسعدها و يهنيها يا رب عارف يا محمود لو الزمن يرجع بية تاني متجوزش و لا احب غيرها 

محمود : سبحان الله ما كانت معاك تلت سنين كانت بتمنالك الرضا ترضى مشفتش حبها ده محستش بوجودها

 

اسلام: لاء، كنت غبي يا محمود غبي و الله لو مكانت ارتبطت خلاص كنت رجعتلها تاني

محمود : ياسلام على اساس انها قاعده مستنياك يا عيني رقيه اتغيرت يا اسلام مبقتش رقيه الهبله العبيطه واللي عامله خدها مداس للقريب و الغريب لاء خلاص مبقتش وحشه لكن بقت ذكيه والفضل كله يرجع ليك صدمتها فيك كانت اكبر قلم اخدته فحيانها اهي رقيه دي ينطبق عليها فعلا المثل اللي بيقول الضربه اللي متموتش  بتقوي و هي قويت و ربنا يهنيها يارب 

اسلام:  يارب 

يمر الاسبوع و ييجي فرح رقيه و عماد و كل المدرسه تحضر الفرح ما عدا اسلام طبعا فرحتها كانت ملهاش حدود و طول الفرح مبطلتش رقص مع عماد و نورة مسابتهاش لحظه كانت معاها خطوه بخطوة لحد ما وصلتها لباب العربيه مع عريسها و قلبها انقطع من كتر الزغاريد واخدها عماد وسافروا على شرم الشيخ عشان يقضوا اسبوع 

: مبسوطه يا روكي

رقيه : مبسوطه اوي يا عماد 

عماد و هو بيبوس ايدها : ربنا يقدرني و اخليكي اسعد انسانه في الدنيا كلها يارب 

رقيه : انا فعلا بقيت اسعد انسانه من وقت ما دخلت حياتي يا عماد 

ياخدها فحضنه و يدعو ربنا انهم يفضلوا سعدا مع بعض العمر كله و يقضوا مع بعض ليله من الف ليله و ليله حسسها فيها انها هي الملكه و انها أميرة الكون كله 

و قضوا بعدها اسبوع في شرم و من حلاوته مكانوش عاوزين يرجعوا

و مرت الايام و حياتهم كلها حب و هنا و هو طبعا كان بيقعد معاها اسبوع و يسافر اسبوعين و الوقت اللي بيكون فيه معاها بالنسبه لها الدنيا كلها 

و السعاده بقت من نصيبها و الفرح دق ابوابه على قلبها