روايه لم يكن بيدي انا فقط أحببته
الفصل العاشر والأخير 10
بقلم دنيا محمد
لاكن تفاجأت بيهم واخدني لحاجه كده زي جبل عالي وتحته فيه صخور كتير عاوزين يرموني من عليه فضلت اثبت ف رجليا ع الأرض وازوقهم لورا لحد ماوقعنا وقفت وجيت
اجري مسكوني رن تليفون واحد معاهم ولما رد شاور لا كانو ماسكيني يرجعوني ع العربيه انا كنت ف زهول من لحظات كنت هبقي ميته مين دول وبيعملو فيا كده ليه والأغرب أنهم
رجعوني علي بيت اكرامي الخشبي وبعد ما فكوني رموني من العربيه بدأت اجري لحد ماوصلت طلعت علي فوق بسرعه لقيت الباب مفتوح وكل حاجه ف البيت متكسره
واكرمي قاعد ع الأرض وبيعيط ناديت عليه وأنا بقرب ناحيته
دنيا : اكرامي مالك ياحبيبي ف ايه
اول ماشافني وقف بسرعه وحضني جامد حتي كان بيعيط بصوت قولتله اهدي ياحبيبي انا رجعت اهدي لقيته بعد عني
واداني ضهره وصدمني اقوي صدمه ف حياتي
اكرامي : دنيا احنا لازم تنفصل
دنيا : اكرامي ايه ال بتقوله ده انا مخرجتش بمزاجي والله ده فيه ناس خطفوني ورجعوني هنا تاني
اكرامي : هيا كلمه اعملي حسابك اننا هننفصل بكره
لقيت وقفت قصاده لقيته بيبعد عينه عنه
دنيا : اكرامي انا دنيا حبيبتك صدقني معملتش حاجه غلط ال حصلمن شويه ده كان غصب عني اوعي تطلب مني تنفصل دي تاني
اكرامي : انتي ليه مش عاوزه انا مش عاوزك وال عندي قولتهولك
دنيا : طب اتجوزتني ليه ها رد عليا علقتني بالأمل ده ليه تاني حرام عليك تعمل فيا كده كل ده عشان عارف اني بحبك
اكرامي : يوووه ارحميني بقي واابعدي عني قولتلك بكره هنتطلق وانتهينا
دنيا : ابوس ايدك يا إكرامي لا هموت من غيرك واللهي حتي مافكرتش انا هروح فين لو سيبتني
اكرامي : مانتي كنتي هتموتي دلوقتي وانا ماقدرتش احميك
ولو فضلتي جنبي هتموتي صديقتي لو بعدني عني هتبقي ف امان
دنيا : بس انا مابحسش بالامان ده غير معاك وبعدين انت عرفت منين أنهم كانو هيموتوني وانا لسه ماقولتلكش حصل ايه معايا
______
اكرامي استني رايح فين عشان خاطري استني نتكلم . خرج وقفل الباب عليا فيه حاجه غلط بتحصل ازاي عاوز يطلقني لا مش هتحمل اكتر من كده صدمات ف حياتي عملت ايه
يارب استاهل عليه ده كله انا لازم اعمل حاجه بصيت من الشباك المقابل لسلم البيت الخشبي كان ف دماغي اني هعرف انزل لتحت منه بس لقيت اكرامي قاعد ع السلم وبيبكي
اول مره اشوفه بالضعف ده لو بس يقولي علي سبب قراره ده اكيد فيه حل كنت عاوزه اندهله بس مارضتش دخلت نضفت كل حاجه اتبهدلت والتكسر اترمي وطلعت قعد ع السرير
حزينه بفكر ف مصيري ازاي هتطلق منه ده لو حصل مش هينفع ارجعله تاني ليه بتظلمني كده يا اكرامي ليه حسيت
بيه بيفتح الباب لقيته داخل وبيحاول برضو مايبصليش
بس قالي .. لسه صاحيه ليه نامي نزلت قعدت جنبه وقولتله
دنيا : انا زعلتك ف حاجه ارجوك تقولي
اكرامي : لو بتحبيني يادنيا وافقي ننفصل ارجوك
دنيا : لو كنت عارف انت بالنسبالي ايه ماكنتش فكرت تبعد لحظه عني
اكرامي : يادنيا انتي كده بتصعبي الأمور عليا افهميني ارجوك انتي مش ف امان معايا
دنيا : اكرامي اسمعني انا مش عاوزه حاجه انا عوزاك انت بس ف حياتي وحياتي عندك متقولش انك هتطلقني دي تاني مش قادره حتي استوعبها
__ قبل مايرد عليا لقيت تليفوني بيرن بصيت فيه لقيتها ماما جيت اخرج اكلمها بره قالي لا خليكي هنا وانا هخرج لحد ماتخلصي وبالفعل خرج وقفل الباب
ايوه ياماما
ماما : ازيك ياعمري عامله ايه
بخير ياحببتي اطمني
ماما : بس صوتك مش عاجبني مالك ياروحي احكيلي
صدقيني يا ماما انا بخير بس فيه شوية اضطرابات الفتره دي بيني وبين جوزي
ماما : خير يابني ربنا يهديكم الحال بس ايه السبب
بجد مش عارفه ياماما حاسه اني مش مكتوبلي افرح
ماما: دنيا اكرامي بقي جوزك بجد
يعني ايه الكلام ده ما انتي كنتي ف كتب الكتاب
ماما : لا مش قصدي يعني اجبهالك ازاي دي يعني لمسك
المعني ؟
ماما : كنت عارفه أن مخك تخين وهتتعبيني اسمعي اعملي ال هقولك عليه بالحرف وبلاش تعارضيني
ماشي عاوزه تقولي ايه ؟
_________
قفلت مع ماما وانا مش فاهمه ليه طلبت مني كده بس حبيت الفكره وقولت هعملها دخلت اخدت شاور وليست قميص قصير وحطيت برفان وسبت شعري مفرود ورنيت علي
اكرامي ولما رد عليا قالي أنه بيتمشي شويه قولتله ماشي براحتك بس ما تتأخرش فضلت رايحه وجايه ف البيت لحد
ماحسيت أنه وصل جريت بصيت ف المرايا ورجعت قعدت
ع السرير والنور كان مطفي ولما شغله وشافني بعد عينه عني
وقالي ايه ال انتي لبساه ده قولتله ماله مش عجبك ؟ قالي
بارتباك قومي غيري الهدوم دي يادنيا قربت منه بخطوات
هاديه وقربت ايدي من وشه وقولتله ليه موش انا مراتك
من حقي ألبس ال انا عوزاه ف وجودك
___ بِعد عني وطول ماهو بيتكلم مديني ضهره
اكرامي : دنيا قولتلك ادخلي البسي حاجه وإلا هرجع اخرج تاني
دنيا : ماشي هسمع كلامك بس لما تقولي ليه .....ف الاول ماكنتش مراتك وقولت عندك حق لكن دلوقتي بقيت لو انا
مش عجباك قولي
اكرامي : مين ال قالك ع الكلام ده ولا كنتي بتعملي فيها عبيطه
دنيا : ايه الكلام ده بس هو انت مش جوزي وحلالي
اكرامي : بس احنا هننفصل بكره
__ عنيا دمعت وفاض بيا قولتله مش هزل نفسي ليك اكتر من كده بس اخر حاجه هطلبها منك خليك جنبي انهارده علي الاقل يعني بلاش تنام ع الأرض
اكرامي : حاضر يادنيا
__ طلعت قعدت ع السرير وانا لسه بعيط خلاص هيطلقني للدرجه دي طلعت ولا حاجه ف حياته هيستغني عني بسهوله كده ... قرب ونام ع السرير واداني ضهره بعد ماطفي النور
فضلت قاعده مش عارفه انا ازاي قلبه مطاوعه ينام بعد ال عمله فيا انهارده قربت منه ودفنت نفسي ف ضهره قالي بتعملي ايه قولتله بستخبي منك وفيك منا ماليش ملجأ
غيرك لف نحيتي وقالي خليكي بعيد يادنيا انا كده بأزيك
دنيا : قُربك مني بيطمني مش بيإزيني وانا عاوزه اكون مراتك بجد حتي لو يوم واحد و هتبعد عني بكره فعلا
كنت حاسه من نظرته بإشتياق ليا حركاته ولمسته بس مش عارفه ايه ال مانعه وانا كنت محتاجه لحضنه اوي قربت منه وقولتله علي الاقل احضني ..وكأنه ماصدق حضني وقالي لو
كان عليا نفسي ادخلك بين ضلوعي بس خايف عليكي صدقيني وجودك معايا خطر عليك
دنيا : انا راضيه حتي لو هموت برضو راضيه
اكرامي : واثقه من كلامك ده يادنيا خايف تندمي
دنيا : الحاجه الوحيده ال هتخليني اندم بجد اني اسمحلك تسيبني
___ قطع كلامي بأول بوسه 🙊 ونامت شهرذاد عن الكلام وصحت تاني يوم كملت عادي 😂
دنيا : صحيت من النوم لقيته بيتفرج عليا حبيت وشي منه وقولتله علي فكره انت قليل الادب
اكرامي ؛ ههههه ليه هو انا عملت حاجه وبعدين مهو انتي ال صممتي انام جنبك
دنيا : منا لو اعرف انك هتتجنن كده كنت نيمتك ف الشارع
اكرامي : طب احلفي كده
دنيا : بس بقااااا
اكرامي : طيب قومي غيري هدومك مافيش وقت
دنيا : مافيش وقت علي ايه بالظبط فهمني
اكرامي : هتفهمي كل حاجه بعدين قومي بس لازم نمشي
غيرت هدومي ولقيته بيحضر لي هدومي ف شنطه فضلت أقوله في ايه انتي موديني فين اكراميان خطري متبعدنيش عنك
اكرامي : متقلقيش يادنيا انتي خلاص بقيتي مراتي ومش هتخلي عنك اركبي العربيه وبعدين هفهمك كل حاجه
دنيا : طب هنروح فين
اكرامي : هوديكي عند مامتك ده أمن مكان ليكي هناك واوعي تخرجي من هناك ابدا لحد مارجع اخدك
دنيا : طب فهمني بقي هتجنن واللهي
اكرامي : ال خطفوكي دول جماعه الكلب هادي ولما اخدوكي ع الجبل وكانو ... هيرموكي من عليه كل ده كنت شايفه بعيني هددني وطلب مني اطلقك يا اما يقتلك ولما وافقت سابك
دنيا : حرام عليك وكنت هتسمع كلامه وتسيبني
اكرامي : اتجننت لما خطفوكي من بيتي يادنيا عارفه يعني ايه يخطفوك من بيتي يعني انا ماقدرتش احميك
دنيا : كنت علي الاقل قولي اكيد كنا هنلاقي حل سوا مش تيجي تقولي ننفصل وتوقع قلبي
اكرامي : خلاص بقي يادنيا هيا جت كده
دنيا : ماشي بس انت ناوي علي ايه
اكرامي : ناوي اطربقها علي دماغه عشان يبقي يفكر يلمس شعره منك بعد كده
دنيا : انت كده بتقلقني عليك سيبني وانا هعرف اتصرف معاه
اكرامي : نعممم طب مالبس طرحه واقعد ف البيت بالمره
دنيا : سدق هيبقي شكلك حلو اوي
اكرمي : دنيااا اتعدلي
دنيا : ماشي خلاص بهزر ......اخيرا وصلنا ياله تعالي نطلع سوا
اكرامي : هوصلك لحد فوق وهنزل تاني
دنيا ؛ ليه هتروح فين
اكرامي : يادنيا مافيش وقت ولو انا ماشوفتش حل للواد ده هفضل قلقان عليك
طلعت علي فوق ولما امي شافتني بشنطة هدومي خافت وفكرتني هقعد علطول طمنتها وقعدنا وحكيت لها علي كل حاجه والامور مشيت تمام لحد ما جه ميعاد وصول بابا
للبيت بيفتح الباب وداخل
بابا : ايه ال جاب البنت دي هنا
ماما : ده بيتها يامؤمن فيه ايه
بابا : بيتها ده كان زماني قبل ماتعرنا بفضيحتها وتقصر رقبتي اطلعي بره
ماما : لا مش هتطلع بره ان كنت مش عاوزها هنا هات مفاتيح البيت التاني وانا وهيا هنعيش هناك
بابا : اهو الزفت اتفضلي
__ طلع المفتاح من جيبه وراماه ع الارض كنت واقفه بابصله وحزينه للدرجادي كارهني ازاي ماكنتش شايفه القساوه دي كلها فيك من زمان يابابا ازاي ..البيت التاني ده كان بيت
جدي ابو بابا نزلنا انا وماما اخدت عربيتي ورحنا هناك طلعنا وقفلنا الباب علينا وطبعا عشان مقفول بقاله كتير ابتدينا ننضف انا وامي وبعد ساعه ونص تقريبا لقينا الباب حد بيرزع فيه جامد اتخضيت واستخبيت ف ماما
ماما : اهدي ياحبيبتي خليكي هنا وانا هشوف ده مين
____ مييين
افتحي يا امي انا اكرامي
سمعت اسمه وجريت علي الباب فتحته قبل ماما دخل وباين عليه مخنوق زعق فيا
مبترديش علي تلفونك ليه يادنيا هتفضلي مستهتره ومهمله كده لحد قيمته
دنيا : تليفوني سايلنت ومشوفتوش كنا مشغولين ف تنضيف الشقه هكون شيفاه وبتقل عليك مثلا
ماما : اهدو ياولاد ماينفعش كده ..
اكرامي : معرفتنيش ليه انك جايه هنا
دنيا : انت عارف المشاكل ال بيني وبين بابا ورفض اني استني لحظه ف البيت التاني
اكرامي : مهو حضرتك خلتيني اروح ازل نفسي ليه عشان يقولي علي مكانك لما لقيتك مش بتردي يعني لو كنتي كلفتي نفسك ورنيتي عليا قولتلي كان ايه ال حصل
دنيا : اكرامي لو سمحت وطي صوتك مش كل مانتناقش ف حاجه تزعقلي وماعملتش جريمه انا عشان استاهل ده كله
ماما : لا انتي غلطانه فعلا يادنيا كان واجب تعرفيه انك هتخرجي
دنيا : حتي انتي ياماما
ماما : ادخلو يا اولادي الاوضه دي اتفاهمو وانتي يا اكرامي خودها علي قد عقلها يابني
دنيا : هو انا مجنونه ياماما ايه ال بتقوليه ده
اكرامي : خلاص يادنيا فيه ايه معلهش يا امي انا همشي عشان عندي شغل وارجوكي خلي بالك عليها
ماما : دنيا ف عنيا اهتم انت بس بنفسك
اكرامي : عاوزه حاجه يادنيا ... دنيا : _________
بكلمك علي فكره ؟ ... ممكن تفهمني كل واحد فينا هيفضل ف مكان تاني لحد قيمته
ماما : ادخلو الاوضه اتكلمو قولت ياله
____
دخلنا اوضه لقيته بيحضني رغم خنقتي بادلته الحضن بس بعدها اتعاتبنا
دنيا : هو قدام ماما تزعقلي ولوحدنا تحضني ده يبقي اسمه ايه ده
اكرامي : اسمه انك وحشتيني وكنت خايف عليك
دنيا : طيب قولي عملت ايه ف موضوع الزفت هادي ده
اكرامي : قلبت عليه الدنيا مش لاقيه بس بعتله رساله مع واحد من كلابه ومتأكد انه مش هيسكت
دنيا : انا المهم عندي دلوقتي نرجع نكون سوا تاني
اكرامي : وحشتك ولا ايه
دنيا : مش ال ف دماغك ده خلاص علي فكره بس وانت بعيد عني ببقي هتجنن بجد عاوزه اعرف انت فين بتعمل ايه
اكرامي : هانت يادنيا هيا الشقه بقت جاهزه وممكن اخدك هناك انتي ووالدتك لو تحبي بس بعيد هيكون احسن لان الزفت ده كان مراقبني لو بس يطلع راجل ويواجهني
دنيا : عشان خاطري بلاش مشاكل انا نفسي نعيش حياه كويسه بعيد عن الخوف والقلق ده
اكرامي : اوعدك اني اول ما ارمي الكلب ده ف السجن هعملك فرح يجنن
دنيا : بجد يا اكرامي وهلبس فستان ابيض
اكرامي : لو عوزاه موف انا ماعنديش مانع
دنيا : دي اسمها رخامه
___ تليفونه بيرن ... لونه اتغير وقال لل بيكلمه انا جاي حالا
دنيا : اكرامي حصل ايه استني فهمني
اكرامي : بعدين يادنيا بعدين
__ فتح الباب وجري
ماما : دنيا ايه ال حصل
دنيا : مش عارفه هو جاله تليفون وعمل زي مانتي شايفه كده
ماما : خير يارب
_____
استنيت شويه ورنيت عليه ماردش رجعت استنيت شويه برضو مابيردش كنت هموت من القلق لقيته اخيرا بيرن
حرام عليك كل ده تأخير
اكرامي : معلهش ياحببتي كنت بصفي حسابي مع الزفت ده وخلاص جاي ف الطريق اهو
دنيا : بسرعه هتجنن واعرف حصل ايه
بعد حوالي عشر دقايق لقيت الجرس بيضرب جريت فتحت لقيت اكرامي وشه متعور صرخت وقولتله اي ده من ايه مين ال عمل فيك كده
اكرامي : اهدي انا كويس
دنيا : كويس ايه بس من ايه ال ف وشك ده
اكرامي : خناقه بسيطه بيني وبين خطيبك القديم
دنيا : حصل ايه يعني وليه مارحتش مستشفي تداوي الجروح دي
اكرامي : يابنتي هو انا سباك منا دكتور واقدر اداويها بنفسي
وبالنسبه للزفت هادي ده لما كنت عندك هنا جالي تليفون بالمكان ال هو فيه ودي فرصه ماكنش بنفع افوتها اتخانقنا شويه وقبل ماوصل عنده كنت مبلغ عنه اصلا
دنيا : اخيرااا طب ياله بقي
اكرامي : ياله فين
دنيا : نرجع بيتنا
اكرامي : لا مش هاخدك من هنا غير وانتي عروسه وعلي فكره انا قولت ل امي كل حاجه واتقبلت الموضوع ف الاول زعلت شويه بس بعد كده عادي
دنيا : يعني هتحضر فرحنا هيا ودعاء
اكرامي : اكيد انشاء الله هيا والدتك راحت فين
دنيا : اشتغلنا كتير انهارده تعبت ودخلت نامت
اكرامي : طيب حاولي ترتاحي انتي كمان واعملي حسابك من بكره تبتدي تحضري للفرح
دنيا : بسرعه كده طب هيبقي قيمته
اكرامي : هما يومين اخرك معايا مش هتحمل تبعدي عني اكتر من كده ولو محتاجه وقت انا ممكن اشوف عروسه تانيه عادي
دنيا : اه واضح انك عاوز تنضرب مش كده
اكرامي : لا هو انا ناقص ماكفايا ال ف وشي بس تعرفي انا سعيد جدا اني رميت الكلب ده ف السجن
دنيا : هو فعلا يستحق كان مستفز وبارد
اكرامي : ماشي ياحبيبتي انا همشي مش محتاجه اي حاجه
دنيا : ماتخليك معايا هنا لازم تمشي يعني
اكرامي : لا مش هاينفع خالص
دنيا : ليه :'(
اكرامي : اصل بصراحه وحشتيني واحنا مش لوحدنا وكده يعني
دنيا : اكرامي اطلع بره ياله يابابا هش
اكرامي : اهربي مني براحتك بكره تبقي ف بيتي ;-)
_____
كان بيتكلم وهو حاضني وبعد شويه سابني ومشي قولت لنفسي بلاش افرح اوي عشان الفرحه تكمل وفاتو اليومين ودعاء ووالدته رجعو يحبوني تاني ويزوروني جبت فستان
الفرح وكل التجهيزات خلصت حتي ان اكرامي كان حاجز ف قاعه جنان الفرح كان كله يهبل اتصورنا ورقصنا وكل حاجه عدت بخير غير ان بابا محضرش فرحي بس اكرامي قالي
هعوضك عن وجوده رغم ان مافيش حد يقدر يعوض مكان الاب انا وانا كنت فاكره كده بس الزوج الحنين يعوض فعلا
وجينا لوقت ماخلص الفرح قالي استعدي عشان تشوفي
بيتنا الجديد ابتسمت له وقولت ..عاوزه اوصفلك سعادتي مش عارفه قالي كفايه ابتسامتك ...ركبنا العربيه ومشينا
نزلنا قدام عماره شيك وشكلها يجنن من بره بصيتله قالي
تعالي مسك ايدي ودخلنا طلعنا للدور التالت وقفنا قصاد بابا شقه ولقيته قبل مايفتح الباب بيطلع شريط اسود من جيبه وربطلي بيه عنيا
دنيا : اكرامي هو فيه ايه
اكرامي : مفجأه ياعيوني انزلي سلمه ايوه كمان واحده بس كده تعالي معايا
دنيا : ها خلاص عنيا وجعتني
اكرامي : لا مدام وجعتك يبقي نشيلها اتعدلي بس لحظه كده ايوووه
شال الرباط من علي عيني فتحت لقيت حيط كبيره عليه صوره ليا مليااه بصيتله بعيون مدمعه لفني نحيته وقالي عجبتك ..... عجبتني بس دي تجنن انا مش عارفه اقولك ايه
بجد ... رجع قالي خليكي هنا لحظه وراح ناحية اوضه ورجعلي تاني وف ايده علبه صغيره فتحها ونزل علي ركبته
لقيت فيها خاتم يجنن لما شافني بعيط من الفرحه قالي ه
تتجوزيني ولا ارجع الخاتم ده ل صاحبه انا سالفه اصلا
ضحكت ونزلت عليه حضنته
بحبك يا اكرامي اوي
اكرامي : اكتر مني
ايوه اكتر
اكرامي : محصلش علي فكره
لا حصل
اكرامي : لا لا انا بحبك اكتر
يووووه بس بقي
اكرامي : طب مش ياله
ياله فين
اكرامي : علي اوضتنا
لا انا مرتاحه هنا
اكرامي : لا بقولك ايه دنا صارف ومكلف ياتيجي معايا ياترجعولي فلوسي
ههههههههه هههههههههه مجنون ماشي
تمت بحمد الله