رواية تزوجت اخو زوجي الفصل الرابع4والاخيربقلم وسام الفرجاني

.. كال زياد اها واني اكول تريدنا نروح لبيت جدك نشيل طلع الحب كاتلك .. طبعا حيدر استحه ودنك راسه 

كتله زيااااد كافي بالله عليك 

زياد يضحك .. 

كتله حيدر منو هاي البنية وطبعا دمي يفور 

كال اسمها طوعة !😳

اثنينه صار واحد يباوع للثاني 

وين شفتها ؟ كال ببيت جدي مخليها عمو حسام عند اجدادي 

وهم رايحين لبيتهم الجديد ..!

صدمة ثانية .. يعني حسام عايف طوعة عند جدته ورايح لبيت مرته !!

كتله بصوت عالي شلون يعوف طوعة ويروح ويا مرته بدونها اكيد ما تقبل الحية تعيش وياها لذلك عافها ببيت جده .. 

جان يكلي زياد .. انتِ امها الحقيقية وصارلج سنين شامرتها عدهم ما سألتي عنها تريدين امها المزيفة تعتني بيها .. فر وجهه ع حيدر وكاله ابني شوفلك بنية منا وعود نزوج سوة اني وياك !!

كتله لا بلة تزوج سوة خاف ماتشتهي وثانيا اني ظروفي حكمت هيج اعوفها مو خيرتوني بينك وبينه و عود اختاريتك الي هسة تعير بية لان عفت بنتي 

مو انت متقبل بيها وحسام شرط اذا اطلك ما اشوف بنتي طوعة ومن اختاريتك انحرمت منها ليش تذب الصوج بية وانت تدري جبرتوني

كالي ما اعيرج بس القصة صارت سنين ع الاقل اروح مرة اسأل عنها اشوفها اصلا انتِ شايفتها شلون كمر هسة ؟ ما تدرين

جان حيدر يكول هسة عافوا مشكلتي وصار يطلعون دفاتر قديمة شدا تحجون هسة وكته هالحجي 

احجولي اني اريد طوعة 

لزمه زياد من اذانه وطبعا تعصب .. كال مدا تسمع شنحجي قبل شوي لو عقلك بي شي 

بابا طوعة اختك !! اختك اربط الكلام لا تظل اثول

كال ها ماشي يابه .. 

زياد طلع من الغرفة .. طلع خارج البيت ..

حيدر ما مفتهم بس من الخوف كال فهمت 

اجه عليه كالي يمه بس سولفيلي ترا عقلي وكف مدري شدا تحجون اني اريد اتزوجها وانتو مدري شسولفون بس اربطيلي شعلاقة هاي لهاي شلون اختي جاي يضحك عليه ابوية .. ترا اني مو جاهل ويضحك عليه بكلمتين 

بصراحة قهرني حيدر هواي .. ما اعرف شحجيله شوفوا المصايب شلون تجيني ما خلصت من ذيج القصة ونسيتها الا بزعانة

هسة حيدر بعد هالسنين كبر وعاف نسوان الكوكب كله وعلمود نهارين راح بيها لبيت جده حب اخته الي ميتذكرها هاي اخته .. 

حيدر صار يهز بكتفي امي شبيج جاوبيني ..

كمت ابجي اني .. كال اهوو عاد دفهميني لخاطر الله شصاير ترا ما كلت اريد اروح احارب 

كلت اريد اتزوج طوعة .. 

كلت اله لو محارب افضل من هالسالفة

كال اها كولي ماريد ازوجك وفضيها

كتله امي حيدر هاي اختك اختك دتفهم وشرحتله كل القصة من اصغر شيء لاكبر شيء حتى ارتاح واخلي يعرف كلشي ولو متأخر 

اني دا احجي وياه وهو يسمعلي وصارت عيونه تغورگ .. كتله حبيبي حيدر والله اي بنت تريدها ازوجك اياها بس كول من لسانك اسويلك عرس ما صاير .. 

ضحك بقهر وكال .. انتم دمرتوني .. خبلتوني مثل الاثول بحياته كلشي ميعرف 

كاطعته كتله جنت صغير يا ابني شحجيلك شنو اكلك .. 

شو هذا ثار وصاح صغير صغير صغير والله خبلتوني بصغير مو كبرنا شنكبر بعد .. اني اريد طوعة جاي تفهمين شحجي .. صحتله واني ابجي مو اختك يا ابني .. لا اختي ولا عشت وياها .. 

اجه زياد ع صياح حيدر ولزمه تكفخ واني احاجز بي يمعود مو هيج فوك ظيمه هسة انوب تضربه مو راح يتعقد ويضيع من ايدنا كال اسكتي انتِ كل الظيم من راسج 

راح حيدر لغرفته وقفلها .. اني كلبي يتكطع ع حيدر منين طلعت هالسالفة انوب هاي 

وانوب زياد يلوم بية علمود طوعة واني اعرف لو كايله اله اريد اشوف طوعة سابقا ميقبل 

بالليل خليت زياد يهدأ وحيدر بعده بغرفته .. 

زياد كاعد ع الاخبار .. كتله زيزو كال سولفي وبنترة حجاها كتله ليش ضايج عليه شمسوية كال كل المشاكل منج 

كتله لو ادور مشاكل جان حاسبتك ع كلمتك اخذ اني وياك ونتزوج !! 

شتزوج شناقصني اني كول شناقصني 

كال ناقصج شي مهم خليني ساكت

كتله احجي طلعت شايف الظيم وياي وما ادري 

كال مو ظيم لكن تعرفين صار حيدر زلمة يريد يتزوج وبعدنا مو صايرلنا طفل ثاني يعني من حقي اريد طفل من اشوف الاطفال بالشارع روحي تشوغ عليهم مو قصة قصور منج بس يعني اظل هيج ؟ 

انقهرت كلش صدمني بكلامه لان ولا مرة لمحلي بهالشي والله مو مقدر اجيب طفل شسوي غير كلشي بيد الله رحت لغرفتي تمددت ع سريع 

شي كم دقيقة اجه وراي وقفل الغرفة كالي زينة ماريدج تبجين بس فكري زين اني من اتزوج خوما اتزوج كره بيج لا زينتي انتِ تبقين الاولى والمدللة 

اتزوج حتى يجي طفل فكري زين 

كتله شفكر اني شفكر 

بزواجك الي مدري منين طلع !

بطوعة الي محد الها لو بحيدر الي يريد يتزوج اخته

حسوااا بية حسوا صرت اضرب بوجهي كمز عليه ولزم ادية كال لتفضحينه كافي .. كتله زياد وخر عني اطلع اترجاك اطلع 

فعلا طلع مدري وين .. 

رحت ادك باب غرفة حيدر ميقبل يرد ويفتح

حيييدر وينك ؟ ميقبل يرد يربي شبي هذا صارت تجيني افكار مدري شلونها خاف مسوي بي شي 

حيدر جاوبني ابني .. يربي شنو.مصايب هاي 

انفتح الباب . حضنته يمة وليدي خوفتني عليك صرت افرك بشعراته وضامته لصدري 

صرت اشم بي مدري ليش هيج تفكيرات تخيلتها سواها .. 

كلت لازم اقنعه واخلي ينسى هو هم مصيبة ووكعت ع راسه خطية اول صدمة يعيشيها بس بعده مراهق يكدر يعديها وتجي غيرها تعوضه كلشي ..

صرت اني وزياد ندلل بي نريد نغير مزاجه نريده ينسى ناخذه سفرات منتزهات كلشي يريده حاضر 

شو زياد اجه كالي زينة شوفي اني ادري حجي الي راح احجي ميعجبج .. بس قدري ظرفي وموقفي

صراحة عرفت شراح يحجي .. كتله هه بعدك تريد طفل ؟ كال عرفتي السالفة ميحتاج وسولفتلج بيها وفهمتج .. كتله روح شسويلك بعد اتوسل بيك يعني ؟ روح تزوج بس متسكن وياي 

كال ناخذ هذا البيت الي عدنا نأجره

كتله اها ومفكر بيها والله يابه غير واصل بالتفكير وحال كل المشاكل عفية عليك ..

كتله شسويلك روح بس لتجي تسأل عني ولا عن اخباري وحتى حيدر من تريد تشوفه خلي يجيك لبيت ضرتي .

هه ضرتي هههه والله وكت واكول ضرتي يالله الدنبا تشوفنا العجايب .. 

راح وصار يغيب النهار كله مشغول

صراحة عرفته مشغول بالضرة بس معرفت شنو من ضرة منين مطلقة ارملة .. 

 

اجه للبيت تعبان وعرفته يريد عشه بس مغلسه اني كعد واني مبولزة وخشتي صايرة هالكبرها 

هو ساكت ما كال جوعان يدريني بكلمة اطك

كمت سويتله عشا ودزيته ويا حيدر 

اسمعه يكله لعد امك وينها ماتجيب العشا 

كاله مدري بس صدك تريد تزوج يابه كال اي وليدي اني تزوجت علمود يجونك اخوان قابل تظل وحدك

عفتهم يحجون ورحت لغرفتي ابجي ع حظي الي ضيعت بي كلشي .. وديروحون من ايدي كلهم 

حيدر الصبح كالي يمه ابوي يريد يتزوج عرفتي اكيد كتله اي وانت ويا منو كال اكيد وياج انتِ امي قابل هذيج الغريبة شبيج يمه 

كتله اذا صرت ضدي ما اسامحك كام يضحك .. 

كال غير انتِ امي صح ظلمتيني بالقصة الاخيرة بس ميخالف 

كتله طوعة اختك حبيبي حيدوري .. 

شو هذا انهبل عليه .. كالي لتذكرين اسمها كدامي يمه ابوس رجلج لتذكرين اسمها كدامي خلص خليني انسى 💔

حسيته يريد ينسى يريد يسوي كلشي بس ميذكرها اوف وليدي ملجوم حبه الاولي هذا هيج صار وبعده مراهق يأثر بي كل الي صار ..

اني حاولت اغير الموضوع بس المشكلة كل موضوعاتنا تقهر بعد ... 

كالي يمه حسب حجي ابوية يريد يزوج هالاسبوعين هذا شتكولين احجي ويا ابوي لو ازاعله 

ما ادري اريد الزم هذيج الي يريد يتزوجها واخنكها 

كتله لا امي حيدوري مو هيج ديربالك هذا ابوك اول وتالي شيكولون عنه العالم خلي المشكلة بيني وبين ابوك 

حيدر كال لعد ما نروحلهم ولا نسلم عليهم ولا كلشي كتله اي هيج تمام .. 

مرت اسبوع وشوي .. اجه زياد عليه كلي ح اخد #فاطمة من بيت فلان 

كتله شنو ؟ هاي مو ارملة وعدها ولد اكبر من حيدر وبنات اثنين كبار ؟ 

كالي اي شنو بيها شعليه بجهالها اهم شي تجيبلي طفل كتله فعلا انتم الزلم ما تترس عيونكم بس التراب يعني اني انتظرتك سنين وبجيت دموع وعلمود ابنك انت تزوجت مرة ثانية حتى يظل يم اهلك 

ومن طلعت عايش عفت بنتي الي من لحمي ودمي وعفت اخوك واختاريت اعيش وياك بعيد عن كل هالبشر 

وهسة جايني والله اريد طفل ... لا وتزوج عليه ارملة جهالها بكدي شسولفلك بعد بس عقل الي براسك ما ادري شبي 

بعدني ع حجايتي هاي وطكني راشدي فر راسي فر وكعت بالكاع صيحت وكمت ابجي كتله هاي بعدك ممزوجها وضربتني علمودها 

باجر شسوي الله اعلم .. كالي انجبي ولا حرف انتِ عوبة الف مرة فهمتج بس ماتفهمين الا بالكتل ..

كتله شوف من تزوج لا تجيني ولا تشوفيني خليك يم فاطمة لا تشوفني وجهك ولا اريد اشوفها لا هي ولا جهالها الاكبر مني .. والبيت هذا يتسجل ب اسمي وروح اتزوج اربعة معليه بيك .. وكال ميخالف بس خلي هالقصة تفض ع خير ..

اجه حيدر ع صياحنا .. كتله حيدر ابوك راح يتزوج تريد تروح عند فاطمة لو يمي 

كال اكيد يمج وما اريد اشوف فاطمة وبناتها وولدها ابد .. 

عافنا زياد وراح بس معصب كلش ..

ما اهتم النا وعناد بينا اجر البيت الي عدنا قريب علينا حايط ع حايط .. 

حساب وسام الفراجي ناشرها فقط الباقي سرقة

تزوج زياد وليلة عرسه نار وتجوي بكلبي ولا لحظة كدرت اغمض عيني او ابعد التفكير بي وبمرته الثانية هيج روحي تلوج لوج مدري شيطفيني 

بس ماخليته يتزوج قبل ما يسجل بيته بإسمي لان وكت ميتأمن وخاف انطرد بالشارع

شو هاي ورا اسبوع من العرس جابت جهالها وياها للبيت شايفهم حيدر .. 

طلعت شارطه عليه جهالها يجون وباها ورا اسبوع يلا تزوج وهو الفطير راضي قشمر اكيد

ودا اشوف حيدر تغير حتى ع ابوه شاد عداوة وياهم وويا الضرة فدوة لطوله سندي هذا ماضاع التعب بي .. 

ماكو تقريبا 5 اشهر او 6 من زواجه 

وطبعا للعلم زياد يجي للبيت بس ياكل يكعد يحجي ويا حيدر يروح للحديقة كذا اني اظل بغرفتي ما اريد اشوف وجهه وهو يكمل ويطلع ..

صرت اشوف حيدر الافندي صار مو مثل قبل عداوة وياهم ومن احجي على الضرة يكلي شعلينه بيهم يا امي عوفيها .. 

ويوم عن يوم اكتشف بي شي يصدمني حدما كالي ااحنه ليش معادينهم يجوز يطلعون زينين يعني ..

كتله حيدوري اكو شي شو مدري احسك صاير رقيق وياهم كال لا ماما .. 

والايام هي تكشف طبعا حقيقة هالشي وانتظرت تكشف شنو جاي يفكر حيدر .. حدما عدت تقريبا شهر هيج كالي يمه اريدج بموضوع بس مو نفس الصدمة القبلها 

حصري لـ وسام الفراجي

اني مدري بشكل غير مباشر شفت بنت فاطمة الكبيرة وما شاء الله عليها

كتله اييي وحطيت ايدي ع خصري 

كال شبيج خل اكمل كبل صرتي تهزين 

كتله كمل كمل مصايبك مثل مصايب ابوك 

كال شو حبيتها اذا اتقدملها ينطوني اياها ؟ 

كتله عيد عيد شنو كلت ؟ حبيتها !

شنو شايف منها انت!

تعرفوها منو شنو اصل فصل !! 

كال شبيج يمه اذا امها مو زينة هذا مايعني هي مو زينة 

كتله حسافة ترباتي وتعبي بيك والله

كال اهووو كلما سولفنا سالفة حجت نفس الحجاية

يعني هسة هم هاي اختي وعارضتي عليها

كلما اختار تطلعيلي صفح اريد اتزوج من حقي 

كتله مو اختياراتك كلها تبط الجبد كلها تبعج بعج اختار اختيار زين شبيك اثول انت

كال اريد هاي وبس .. كتله منك لابوك بس اذا اخذتها غصب عني لتشوفني وجهك لان انت ميفيد وياك تعب ع ابوك .. 

اجه زياد لبيتنا كاعد واني دا اغسل مواعين راحله حيدر يبسبس وياه ويحجي شو طلع زياد يضحك ومتونس والضحكة شاكة حلكه

كتله حيدر شححيتوا ؟ كال بموضوع بنت فاطمة وكالي ساعة المباركة وعفية وليدي وبوسني خوما مثلج طردتيني 

كتله طبعا يكلك هيج حتى يرجع العلاقات ويحسن علاقة الاولى بالضرة بس تحرم عليه هالشغلة 

وانت خليك مضحكة للرايح والجاي .. 

ما اتعبكم .. رتبوا زياد وحيدر كلشي وفاطمة طبعا مكيفة تطكلها اصبعتين هاي الشغلة

وكالي هالاسبوع خطبتي هه 

كتله هسة عاد ما ظلتي حاجة اظل يمكم 

روح عيش ويا فاطمة ما احتاجك .. 

كال ليش وهالبيت كتله هالبيت بيتي خلص غاضبة عليك ليوم الدين دام اخذت شي ما اريده .. 

القصة بحساب وسام الفراجي خاصة

كال مو اريد اتزوج بي كتلها تحرم ع بوزك روح ع فاطمة ع ابوك يدبرك

بي بوكت المصلحة تجيني مو تاخذ رايي 

دام تزوجت غصب عني ومن منو ؟ من ضرتي 

روح خليها تفيدك

لملمت غراضي .. 

صفيت البيت .. ثاني نهار اخذت شغلاتي الرئيسية .. 

وعرضته للبيع .. 

وطلعت لبيت اهلي .. عشت يمهم كم يوم .. بس احس وجوهكم ثكيلة عليه هواي بحيث كاعدة ع كلوبهم يسمعوني كلام ..القصة غير وسام الفراجي ناشرها يعني سرقة

حدما دك الباب بيت اهلنا زياد وراد بشوفني وما خليته يشوفني .. اجت امي عليه كالتلي يريدج كتله خلي يكللكم شيريد ماريد اشوفه .. 

طلع يريد يكمل اجراءات الطلاك 💔

واني اكيد اريد اطلك واخلص منه .. 

طلكنا رسمي 💔 كتله من طلعنا حسام ما سأل عني 

كالي لا 💔

ههه عفتهم ورجعت بجي بجي مطر .. 

اجوني ناس ع بيت اجرته الهم .. وهناك الاجار كلش زين.. 

فلوس الايجار صرت انطي لاهلي وشوي خففوا ضغط عليه لان صرت انطيهم فلوس .. 

حدما اجه خبر وفاة عمتي ام زياد الله يرحمها ..

انكسر كلبي عليها حنينة عليه جانت اكثر من اهلي هسة .. 

لبسنا اسود ورحت اني وامي ع فاتحة النسوان .. وابوي ع زلم 

قصة تخص وسام الفراجي وبحسابه تنشر والباقي سرقة

ههه شفت منو هناك عبالك .. 

طوعة 💔

طوعة تبجي وتكللهم امي ماتت 

تسمي جدتها امي 💔

حضنتها حضنة لصدري اوف عليها بنيتي 

كلهم ظلموني الا انت اني الي ظلمتج .. 

من ردنا نطلع للشارع  صاحني ولد ملثم بشماغ واكف برا .. 

زييينة 

نعم !

كال عرفتيني كتله لا وطبعا مستحية ومرتبكة 

كال اني حسام !

اوووو وين رجعني.  .. كتله هلا بيك اخوية 💔 شرايد حسام 

كال طوعة ماتت امي وتعرفين اني مكدر اخليها يمي 

اريدج تاخذيها 

هه اني فرحانة لان ح اخذها وحزنانة عليها شلون عافوها اهلها بهالبساطة 

يا جماعة من تترك شي متعود عليه جدا صعب جداا مو تعبالوها سهلة .. 

لبست وعدلت نفسها بس عيونها وارمة من بجي وملامحها تعبانة ع جدتها 

اخذتها وياي .. وصرت افهمها كلشي واحجيلها كلشي من اول يوم لاخر يوم وتكلي ليش هيج عفتيني وصارت تلومني وصرت اترجاها تسامحني.وماتسوي بية وتتركني مثل الكل 

كتلها من هسة ورايح اعوضج ع كلشي ثقي بالله بس ثقي بية ومعليج .. وسامحتني من فدوة اروح للبنات وحنيتهن ..

اهلي صاروا يتضايقون منه ويسمعوني حجي 

هو وحدج مو متحملينج انوب نفر وياج

حدما طوعة حبيبتي كالتلي مو كلتي اليه ع بيت الج مأجرته بسعر زين كتلها اي

كالت ناجر بغير مكان بيت صغير بسعر مناسب نعيش يي والباقي مسواك وهالامور ونحاول نلاكي شغلة زينة نشتغلها ..

يبو من فدوة اروح لهالحلك وهالجمال اني وين جنت عن هالجمال كله .. 

اخذنا بيت صغير وايجار مناسب 

والباقي لمسواكنا وصح بالبداية صعوبات واجهتنا خصوصا بس اني وطوعة بالبيت وحدنا 

بعدين تعودنا وصرنا نعيش احلى حياة ويا حلوتي وحبيبة كلبي طوعة محد يندل مكانه لا اهلي ولا زياد وابنه حيدر 

وخطية السنة الي توفت بيها جدتها مادرستها وكتلها حتدرسين وتشدين حيلج واريدها شوي شوي اعوضها عن كلشي ..

بس ركزوا وياية مرات يشيلك انسان انت جنت مو مهتمين اله ومو حاسبيله حساب بعدين يصير هو الكل بالكل ويشيلك للغيم

ومرات تحسب حساب لشخص وتتعب اله وتضحيله وتصرف روحك اله ومو بعينه بأول زلة يتركك

حسام انجبر نكول يتركني بس عاقبني طوعة ما شوفها شرط ةواستغلني

وزياد وحيدر شكد ضحيتلهم ونطيتهم بالاخير باعوني ومحد سأل عني

حدما الله عوضني ببشر وبنت جنت اصلا اني ظالمتها وعايفتها وتاركتها كل هالسنين وماجنت متوقعة تتأقلم وياي وصح بالبداية تعبانة علمود جدتها بس شوي شوي من سولفت كل قصتي تعاطفت وياي وصارت تشيلني بالصلاوات اي حساب غير وسام فراجي ناشرها فهي سرقة

هسة روحي من الدنيا طوعة اذا تكلي اريد روحج اطلع روحي من جسمي واقدمها فدوة الها ولحذائها هم .. 

البنات حنينات .. بس بصراحة بصراحة جاي افكر باجر من يصير نصيب حبيبة كلبي طوعة شيصير بية شلون ماشبعانة منها ومنو يظل اليه 

ومن حجت لطوعة هالشغلة كالتي #يمة 

اوف يمة بحلكها تسوة الف واحد من الي ببالي 

يمة اني اول شرط اشرطه بيت يم امي لان وحدها اصير جارتج 24 ساعة مكابلتج وادللج دلال وانظفلج واطبخلج كم ام عندي

هاي قصتي وصلت لنهايتها و طوعة واني اكتب بهالقصة هي كاعدة كدامي هسة ودا تكوي بملابسها مال تخرج مو كوي قوي بس هيج ترتب بيهن  ...  ومن باوعت على قبعتها لكيتها كاتبة ع القبعة #بدعاء_امي_هنا ههههه شكد فرحتني 

ادعولي يجي نصيب زين لطوعة دعوة الغريب مستجابة ماريدها تتلوع مثلي 

               تمت