رواية استغلال الحب
الفصل الثالث والرابع
بقلم نجلاء فتحى
نور وهى فى المستشفى بتاخد جلستها أفتكرت لما
سمعت كلام مامتها وأختها ومش عارفة سبب الكره
دة ايه وبكت أوى
الممرضة/ نور مالك بتعيطى لية
نور أنتبهت/ ها اه أصل عندى صداع
الممرضة/ بأبتسامة صداع اية بس أنتى قوية ومهما
يحصل جدعة مش بتعيطى ،فى حاجة فى البيت مزعلكى
نور/ لا
شوية كدة والصداع يخف
الممرضة/ أستنى أجيب جهاز الضغط ونقيسلك ،،
ومشيت قبل سماع رد من نور وبعد وقت
الممرضة/ ضغطك ١٦٠ على ١٠٠ أنادى الدكتور
نور/ لا مفيش داعى شكرا
الممرضة/ بعد مدة خلاص يا نور زى ما تحبى بس لو
تعبتى أكتر دكتور أحمد موجود وهو دكتور شاطر
وفرفوش وباين بيحبك دايما بيسأل عليكى ،،،قالتها بسلامة نية
نور/ فعلا دكتور محترم الله يباركلة وشاطر،، ماشى
وبعد مدة طويلة نور خلصت جلستها وخرجت وهى
ضغطها عالى وعلا أكتر من الأول ونزل الصداع على
عنيها وكانت لديها شعور القىء بسبب أرتفاع
الضغط( اللهم أشفى مرضانا🙏🙏)
بقلم نجلاء فتحى عاشقةالكلمات
أم نور/ طلعت تجرى عليها تسندها وأخذت منها
شنطتها وقالت حمدالله على السلامة يا نور عينى
مالك أنتى داخلة كويسة
نور بتعب وحاولت تكون طبيعية/ ،،عادى يا ماما
ضغطى عالى
(__٢٠٠___)
١٨٠
الأم شهقت وقالت لا يا نور لازم دكتور يشوفك
نور/ ماما أنا بخير هناخد مسكن ويلا بقا علشان
أبية مصطفى وحشنى أوى
لسة الأم هتتكلم بس نور كانت ماشية علشان مامتها
تمشى معاها
____________
بقلم نجلاء فتحى عاشقةالكلمات
وصلت نور البيت ومفعول المسكن أشتغل لكن كانت
تشعر بصداع خفيف وأجهاد أول لما دخلت لاقت
مصطفى نسيت تعبها من فرحتها
نور/ أبيه مصطفى وحشتنى اوى هى هبة مراتك معاك
مصطفى/ أيوه حمدالله على السلامة طول عمرك قمر
هو يا بت الغسيل حلاكى ليه كدة
نور/ الله يجبر بخاطرك يا ابن امى وابويا
طلعت هبة وإيمان من المطبخ
الام/ خدت هبة مرات ابنها فى حضنها وهى كذلك
لان هبة تعتبر مرات ابنها وبنت اختها
نور/ مدت أديها علشان تسلم على هبة
هبة/٠٠٠٠٠٠٠٠٠٠٠٠٠
فى مكان اخر
يعنى اية مشيت والله لكون٠٠٠٠
ستوووووووب يتبع
# البارت الرابع #
💕
بعد ما رجعت نور ومامتها من الجلسة ودخلت البيت
وجدت مصطفى فقامت الأم بالترحيب بمصطفى أبنها
ومراتة التى أتت من المطبخ وأخذتها فى حضنها
مصطفى/ حمدالله على السلامة يا نور ايه يا بت
الحلاوة دى هو الغسيل بيحلى ولا ايه وأخدها فى حضنة
نور/ خرجت من حضن أخيها وقالت تسلم وتعيش يا
أبية وكانت مكسوفة لأن دة طبعها الكسوف والخجل
ولسة بتمد أديها تسلم على هبة مرات أخويا وبنت
خالتها وقالت أزيك يا هبة عاملة اية
هبة/ وضعت إيديها وراء ظهرها وقالت ها اااهلا
وسهلا،، قالتها بتوتر
نور/ سحبت إيديها وفهمت ان هبة مش عايزة تسلم عليها
لاحظت هذا الموقف أم نور وقالت هبة نور عايزة تسلم
عليكى وبصت ليها
هبة / ها اه واخدة بالى بصراحة كدة سورى يانور
أصل أنتى كنتى فى المستشفى وفى كرونا وتلوث
وخايفة أحضنك أو ألمسك أتعدى من هدومك ها سورى
لسة مصطفى هيتكلم نور بتسرع ،،،، ثوانى يا ابية
عادى هى حرة وأبتسمت وقالت ثوانى أخد شاور
وأغير ماشى ودخلت غرفتها وأغلقت الباب على
نفسها بالمفتاح ورمت نفسها على السرير ودخلت فى
حالة بكاء لأنها كانت لازم تنهى الموضوع علشان
متعملش مشكلة مع أخوها ومراتة
___________
[[فى الخارج]]
مصطفى / تعالى عايزك يا هبة لوحدينا ( راجل يا واد هتجيب حق أختك )
مصطفى دخل غرفتة القديمة إللى هى غرفة ايمان
حاليا وهنعرف السبب وأغلق الباب وجلس على
السرير أمام هبة وقال ينفع إللى عملتية دة نور قبل
ماهى أخت جوزك فهى بنت خالتك وقدك فى السن
ومع بعض فى الكلية لية الأحراج دة
هبة بدلع أنثى على عكس ما بداخلها من غضب أنة
بيحاسبها كأنها تلميذة مذنبة ،اصل يا حبيبى أنا
خايفة عليك ماهو أنا لو أتعديت أنت وتصنعت
الخجل والكسوف
مصطفى / نظر إليها وبلع ريقة وقال هو دة وقتة
احم أسمعى أول وآخر مرة وكان نفسة عالى جدا
هبة/ لاحظت دة فأستغلت دة لصالحها و🤭🤭وبعد وقت
مصطفى/ هبة كفاية كدة أسمعى هنقول لماما
ولأختى إيمان العقربة إللى برا دى أن سبب التأخير
أنى زعلتك وأنتى أعملى نفسك زعلانة ونكمل فى
بيتنا ماشى
هبة / أنت تؤمر يا سى مصطفى ولسة بتضحك وضع
مصطفى إيدة على فمها وقال هوش الله يخرب بيتك
هتفضحينا ،،، والله أزعلك بجد فاجريت من أمامة
إلى خارج الغرفة ،،،مصطفى لنفسة دة الواحد كأنة
بيسرق بس أحلى سرقة هههههههههههههه وخرج
وتصنع الزعل ( وانا إللى كنت فاكراك راجل وتجيب
حق أختك اتفوووة) سورى يا جماعة أندمجت شوية
"فى المطبخ "
أيمان/ بت يا هبة أبية مصطفى كان عايزك لية
هبة/ بتصنع بس بس يا ايمان أخوكى دة مفترى
تصورى زعقلى وبهدلنى اهىء اهىء
ايمان/ ربعت اديها على صدرها وقالت نععععععععم يا
اختى فوقى أنا إللى كنت سبب فى جوازك من اخويا
يا بنت خالتى يعنى فهماكى ها وعارفة ان ابية لما
بيزعق كانة ماسك مايك ولا الزعيق بتاعة كان المايك
بايظ بت انتى بلفتى اخويا صح
هبة لنفسها/ صدق إللى قال عليكى عقربة احمم ايوه
أرتاحتى
ايمان/ اممممم قليلة الادب وفى غرفتى وضحكوا
هما الاثنين
________________
""على السفرة"
الام/ ماشاء الله الاكل ريحتة حلوة من إللى عملة
ايمان/ انا وهبة يا ماما
الام/ ماشى تسلم إيدك انتى وهى بس ايه دة لية
كدة ،،، المكرونة مالحة لية وداقت الاكل كلة،،، يا نهار
كدة نور مش تعرف تتعشى حرام عليكى يا ايمان
دة انا منبهة عليكى
ايمان/ على فكرة يا ماما الاكل مضبوط مش مالح
الام / عارفة بس نور لازم تاكل الاكل مالحة قليل
علشان الضغط الله يسامحك يا ايمان دى بعد الجلسة
بتكون جعانة اوى
مصطفى/ خلاص يا ماما مجاتش من مرة وانا اصلا
دوقت الاكل مالحة مضبوط وانا بحبة كدة لكن لو
كان مالحة قليل مكنتش أكل وبدأ فى الاكل وهو
سعيد
نور / كانت فى غرفتها بس سمعت الكلام وقالت انا
اة تعبانة بس جعانة اوى ومرة واحدة طلعت وحست
بالاحراج مرة واحدة مش عارفة لية ولسة بتاكل
واخدت معلقة مكرونة وكانت فرحانة لان أكلها على
طول بدون ملح والمكرونة كانت جميلة بالنسبالها
الام/ كفاية معلقة يا نور ضغطك عالى معلش يا بنتى
اختك نسيت تعمل الاكل مالحة قليل كلى عيش
وجبنة وخيار
نور/ عادى اى حاجة كلها نعمة ربنا وقامت جابت
الاكل واكلت على الأرض عيش وجبنة وخيار ومامتها
واختها واخيها ومراتة على السفرة فوق بياكلوا كل ما
لذ وطاب وخصوصا اخيها الذى كان يستطعم الاكل
ويتلذذ بة هو واختها التؤام
نور: احست ان ما حدش راعى شعورها وانها ملهاش
مكان فى وسطهم فقالت الحمد لله شبعت انا داخلة
انام يا ماما تصبحي على خير
الام/ لية يا بنتى لسة بدرى مش انتى كنت
فرحانة ان اخوكى هيبات معانا واخذتى مسكن
علشان تعرفى تسهري معاة ومع البنات
نظرت نور إلى هبة وإيمان لاقتهم مندمجين مع
بعض وعارفة انها هتكون عازول فانظرت إلى مامتها
وقالت مرة تانية أنتظرت ان اختها تقول تعالى
اسهرى معانا لارد سحبت نفسها إلى غرفتها وأغلقت
على نفسها بالمفتاح ودخلت فى نوبة بكاء وكانت
إضاءة الأوضة على نورالشارع إللى داخل من
الشرفة
وكأن الضحك والهزار والحزن والبكاء لا يفصل بينهم
شىء غير باب وهو باب غرفتها وكل ما الهزار يعلا كل
ما البكاء يعلا لكن داخلى فقد وضعت ايديها على
فمها خوفا من تسرب صوتها للخارج
وبعد مدة ليست بقليلة
مصطفى: كفاية ضحك بقى يا بنات يلا يا ايمان خدى
هبة وسبونى لوحدى انا وماما عايزها فى موضوع
الام، خير يا بنى اوعى تنكد عليا اصل انا ما
ضحكتش كدة من ايام ابوك موضوع اية
مصطفى/٠٠٠٠٠٠٠٠٠٠٠٠٠
الام/😯😯😯😯يا نهار اسود