روايه كبريائي
الفصل الحادي عشر 11
بقلم هبة احمد
روضه / مش موافقه
الحاج عتمان / ليه مش موافقة
روضة / علشان هو بنى ادم سلخ
الحاج عتمان / ابتسم يعنى اية سلخ افهم بس
روضة / يعنى سلخ و خلاص
الحاج عتمان / اه لو سمعك و انتى بتقولى عليه سلخ كان علقك فى السقف وسلخك حية
روضة / قامت حطت أيدها فى وسطها كالاطفال نعم و النبى ساعتها كنت علمته الادب
جدها و ابوها قعدوا يضحكوا من حركتها
قمر / خبطت و دخلت مالك يا قلبى مين مزعلك يلا يا جدو الاكل
مراد / خدى وقتك انا موافق عليه لو بتحبى بابا وافقى
روضة / وليه اوافق من غير اقتناع
مراد / عوز اطمئن عليكى قبل ما اموت
روضة / بعد الشر عنك يا حبيبى
الحاج عتمان / يعنى انتى موافقة
روضة / و انا لو هاقول موافقة هيكون علشان خاطرك انت وجدو و علشان أعلمه الأدب و بس
الحاج عتمان / مبروك يا بنتى هو طيب اوى بس عصبى واخد الدنيا على صدره
قمر / هو فى اية
مراد / فريد عاوز يتزوج سندس اية رأيك ياحاج
الحاج عتمان / يازين ما اختار دى بنت طيبة اوى ومحترمة طب لو فارس طلب ايد قمر هتوافق
مراد / على بركة الله الصراحة الولاد شكلهم مش طالعين لا لامهم ولا لابوهم
روضة / هاروح اكل الا هاموت من الجوع
قمر / اللى حضرتك عاوزه انا موافقة عليه ممكن تاجى تقعد معانا يابابا
مراد / مش قادر يابنتى بجد هاتراح شوية
فريد / اكل معاكم ولا اخد اكلى و اكل جوه لو حد منكم بتتكسف
نجمة / كل معانا عادى احنا هناكل عادى
الحاج عتمان / سندس تعالى جنبى
نجمة / و انا كمان عوزة اقعد جنب جدى ليش دعوة
روضة / انا لما بتعصب مش بحس بايدى
نجمة / و على أية الطيب احسن وفضلت قاعدة مكانها بين ستها وهدى
هدى / فريد بعد الاكل تروح تجيب الحقن بتاعة ابوك بلاش المصري
فريد / حاضر يا ماما
نجمة / هو انت صغير علشان تقول ياماما
سندس / د انت ماشاء الله اد الفيل ماما طالعه من بئك زى العسل
فريد / هو انتم هتقسموا عليه
الحاج عتمان / هاروح انا وانت مع ابوك لدكتور ابراهيم يكشف عليه
هدى / هو رافض يروح لاى دكتور هو من كتر الالم معدش عنده ذرة أمل فى أنه يشفى و يرجع زى الاول
الحاج عتمان / ربنا قادر يحى العظام وهى رميم فما بالكم بالمريض
الكل يارب اشفيه و عافيه
فهد / جه دخل عند جده انا كلمت معتز وهو هياجى مع ابوه و خالتى بكرة يطلبوا ايد نجمة منك
الحاج عتمان / ينور بس ياجى عندى هنا و لا اقولك انا هاروح الشركة بكرة هاتكلم معاه
فهد / تمام هاطلع علشان هاتغدا و انزل اروح فرح جابر عبد الحى
الحاج عتمان /عقبالك على فكرة روضة موافقة تقعد تتكلم معاك
فهد / انا مش فاضى لمقابلات و الكلام الفارغ ده موافقة اهلا و سهلا مش موافقة تشكر
الحاج عتمان / الرؤية الشرعية دى مطلوبة فى زواج
فهد / تمام اللى تشوفه انا فاضى الساعة 11 ونص الليلة
الحاج عتمان / مش شايف ان الوقت متأخر
فهد/ هو ده الوقت اللى هاكون فاضى فيه
الحاج عتمان / مفيش مشكلة هانتظرك
فريد / الحمد لله هاروح الصيدلية اجيب علاج بابا
سندس / بابا شكله دلوعة اوى
نجمة / من حقه يدلع طلما انه عاش و اتربى بعيد عن المخروبة اللى احنا عايشين فيها
قمر / د نظام قر ولا ايه افهم بس
نجمة / مش قر بس و حياتك د حسد كمان
الحاج عتمان / يلا يابنى هناخد توكتوك من على اول الشارع
فريد/ ما عربيتى موجودة تحت
نجمة / افتحى ابت الباب بيخبط
سندس / خايفة ليكون الفهد الكاسر
روضة / ههههه انتم اللى خليتوه يتفرعآ عليكم
قمر / وسعى يا جبانة وفتحت الباب لقت فارس
فارس/ السلام عليكم
قمر / و عليكم السلام جدو جوه
فارس / ريحة اكل انا جعان
رسمية / ام ايمن حضرى الاكل لفارس
فارس / عمى عامل أية
رسمية / تعبان طول الليل بيتألم
فارس / ربنا يشفيه يارب
بعد الساعة عشرة بالليل
الحاج عتمان / روضة ممكن تقعدى تتكلمى مع فهد شوية
روضة / و نتكلم ليه الحكاية مش مستاهلة
الحاج عتمان / علشان خاطرى و اقلعى النقاب ده
روضة / حاضر من عنيه و دخلت الاوضة هى و قمر
قمر / مالك ابت
روضة / الاخ المغرور عوز يشوفنى و يتكلم معايا
قمر / حقه فى رؤياه شرعية
روضة / تمام انا هافرحه بمنظر وشى هاتى عدة الشغل ابت
قمر / بلاش والنبى د ممكن يترعب من منظر وشك
روضة / وهو ده المطلوب و قامت حاطة حاجة على وشها شبه اللزقة خلت اللى يشوفها يقول إن وشها به اثار حروق و ظاهر جامد
قمر / يخربيتك انتى عملتى أية شكلك بئة بشع والله لو انا العريس كنت سبتك و جريت هههه
روضة / ليه ياقلبي دانا قمر
قمر / بلاش كدب انت كده ملكيش شبه هاخرج احضر العصير
روضة / تمام اعملى حساب جدو
قمر / هاعمل للكل
روضة / و هاتى كيكة كمان
قمر / يكنش انا العروسة
روضة / ياريت يا قلبي شغلى البنات سندس و نجمة
قمر / دول بنات غلابة هم دخلوا وقفلوا الباب عليهم من بدرى
روضة / استعنا على الشقا بالله و النبى انا شكلى وحش اوي انا خايفة من نفسى
الحاج عتمان / فتح الباب لفهد اتفضل ادخل تعالى اقعد فى اوضتى
فهد / انا عوز اخلص هلكان بجد
الحاج عتمان / طول بالك عاوزك يكون بالك طويل ماشى
فهد / حاضر بس اخلص
الحاج عتمان / نادى على اختك يا فريد
فريد / حاضر و دخل اوضة اخواته جاب أخته وجه ماسكها من أيدها
الحاج عتمان / اتفضلى يا عروسة
قمر / العصير و الحاجة الساقعة اتفضلوا و خرجت
فريد / هاكلم واحد صاحبى
الحاج عتمان / ارفعى النقاب يابنتى و اتكلمى مع فهد انا فى البلكونة
روضة / حاضر
فهد / اخد كوبية عصير ولسه بيشربها بيبص على وش روضة أنصدم من منظره العصير جه على هدومه
روضة / مالك شكلك وشى مش عاجبك
فهد / انتى ازاى عايشة بمنظر وشك ده
روضة / انا لابسة نقاب علشان كده
فهد / بص....