رواية مهاد والنذير
الفصل الحادي والعشرون21والاخير
بقلم منوش
صحيت الصباح لقيتو ضاميني عليو قعدته اعاين ليو والعب ليو في وشو فتح عيونو قال لي مالك بتلعبي لي في وشي قلته ليو وش راجلي انت مالك باسني في جبيني قال لي انا م راجلك يا شينه قوم ناخد حمام مع بعض قلته ليو ابدا امشي انت اول قال لي انا من زمان نفسي اول يوم مع مرتي ندوش مع بعض قلته ليو طيب نزل هو انا جيت انزل م قدرته قال لي دقيقه جا شالني دخلني الحمام الدوشنه مع بعض وطلعنه صلينا الصبح ورجعنه تاني نمنا رقد ورقدني في حضنو قمنه قريب الساعه عشره مشي جاب لينا فطور فطرنا وعدينا اليوم دا كلو في الغرفه واليوم البعدو والبعدو كمان ضربت لي زوبه اتونست معاي وقالت لي انا حامل قلته ليها جد الف مبروك فرحته ليك قالت لي عقبالك قلته ليها اميييين عده علينا شهر من احلي الشهور النذير ولا لحظه م بعد مني لو فكرته فيه كدا بلقاه قدامي الله يخليو لي بعد كدا نزلنا شغل نمشي مع بعض ونرجع مع بعض حتي لو النذير طلبو لي عمليه مستعجله كان بياخدني معاهو وادخل معاهو العمليه ولو انا عندي عمليه هو كان بيدخل معاي مكان هو موجود بكون انا ومكان انا موجودة بكون هو ما كانت مهاااد في مكان والا النذير موجود مهاااد والنذير بقينا اسم واحد كنته في الاسعاف بسعف في حاله وطبعا النذير جنبي حسيت بدوخه قلته للنذير كمل قال لي مالك قلته ليو حسيت بي دوخه بسيطه النذير استلم مني الحاله ومشيت غرفتو غسلته وشي واتعطرته ارتحته شو بعد النذير خلص جاني في المكتب قال لي خير حبيبي خوفتيني عليك حضني وباسني قلته ليو م عارفه حاسه بي حاجات غريبه كدا قال لي الا تعملي فحوصات عملتها ومن ضمنها الحمل طلعته حامل النذير دا من الفرح شالني في وقعد يلف بي انا اقول ليو يا مجنون نزلني الناس دي كلها تضحك ابوي قال ليو بتنزل الجنين براحه عليو عشان نزلني بابا وعثمان باركو لي وكل الناس فرحت لينا النذير اخدني وطلعنه من المستشفي مشينا البيت قال لي من اليوم دا تاني راحه بس عدو شهرين والنذير مهتم بي وبكل تفاصيلي وحمي كان صعب كنته اتشاكل معاهو اضربو كمان وبليل م انوم الا جنبو في حضنو مره صحيتو الساعه 2 قلته ليو عايذه فراوله قال لي الزمن متأخر شديد هسي م ح القا مكان فاتح نومي للصباح ح اجيبها ليك قلته ليو لا عايذاها هسي قال لي تعالي قربته ليو قال لي حبيبي الحلو الصباح امشي اجيب ليك اي حاجه عايذاها هسي نومي حضني وقبلني نساني الفراوله رقدته شويه كدا قلته ليو حبيبي قال لي عيونو قلته ليو عايذه فراوله هسي وقعدته ابكي قال لي طيب م تبكبي حبيبي ح امشي اجيبه ليك قلته ليو ماشه معاك قال لي لالا ارتاحي انا بمشي سريع واجي قلته ليو لا قال لي طيب قومي غيري ملابسك قمته لبسه الروب قال لي ح تمشي كدا قلته ليو اي احنا من العربيه م نازلين قال لي لا جا طلع لي الروب ولبسني عبايه سودا ومشينا لفينا لف م لقينا محل فاتح للصباح الساعه سته في محل فتح اشترا منو الفراوله لقاني نمته رجعنه البيت شالني دخلني رقدني في السرير ورقد جنبي قمنه قريب واحده لقيت الفراوله قدامي ولا عاينته ليها قال لي دي الجننتيني عشانها قلته ليو م عايذاها والله قال لي وحم غريب عدينا شهور الحمل دا في عذاب والله النذير اتحملني يوم م زهج مني لمن ولدته جبته بنوته زي القمر اسمها ملك عشنه مع بعض احلي السنين حياة بجد تقدرو تقولو عليها مثاليه الله يخليه لي حبيبي النذير وم. يحرمني منو
تمت بحمد الله