رواية 30 يوم
الفصل الرابع4
بقلم مارلي أيهاب
في البيت عند خالد كان يجلس في الصالون و بيفكر في اللي روح قالته ومش عارف كلامها صح ولا هو حاسس انها حقيقة حاسس ان فعلا في حاجه مش مظبوطة اخوها بيقول انه كان عندها قبلها بيوم وانها كانت كويسة طيب ايه اللي اتغير في يوم وليلة خلاص تعبت من التفكير
خالد بضيق... في حاجه مش مظبوطة في الموضوع ده
انا بكرة هروح المستشفي اطمن علي حالتها و اشوفها عاملة ايه يمكن تكون فعلا مجرد ضغطات نفسية
في صباح يوم جديد جهز خالد نفسه وكان اليوم ده منمش ابدا لبس وجهز نفسه اخد مفاتيح عربيته ونزل وركب وطلع علي المستشفى
وصل كان اخوها لسه مش موجود شاف مني
انسة مني
مني بجدية.... اتفضل
خالد بهدوء..... حالة المدام روح ايه دلوقتي
مني بجدية.... هي لسه نايمة من امبارح
خالد، بهدوء.... هتفوق امتي
مني بجدية.... انا بس عايزة اعرف مين حضرتك مازن امبارح مقليش حاجه عنك عايزة اعرف انت مين
خالد بجدية.... وحضرتك مهتمة اوي كدة ليه يا دكتوره معتقدش انك تعرفي انا مين ده يهمك في حاجه
مني بجدية.... لا يهمني دي صحبتي مش يمكن انت السبب في اللي حصلها اوي والحاجات الغريبة اللي شافتها دي مش يمكن انت سبب تعبها النفسي
خالد بهدوء..... وانتي عرفتي هي شافت ايه منين هي مش نايمة من امبارح
مني بلعت لعابها..... ايوه لما جات امبارح الاستقبال قالي انها قالت انها شافتني مقتولة
خالد نظر بهدوء وقال.... تمام وعلي العموم انا مليش اي علاقة باللي حصلها اما انا مين اسمي خالد
وسابها ومشي وهي نظرت ليه باعجاب
مني بابتسامة.... لا جامد شكل واسلوب وكاريزما دايما واقعة واقفة يا بت يا روح
،،،،،،،،،،،،،،،،،،،،،،،
عند خالد رح الشغل ودخل مكتبة وقعد يفكر مش عارف ليه مش واثق في البت اللي اسمها مني دي
دخل واحد فجاة المكتب وقال... خالد انا ولكنه راي سرحان
خبط علي. المكتب وقال.... في اية ياعم
خالد انتبه ليه وقال....احمد انت هنا من امتي
احمد.... بقالي شوية في اية اللي واخد عقلك يا خالد اوعي تكون حبيت
خالد بضيق.... اقعد يا زفت انت عايزك في موضوع مهم
احمد قعد لما حس بجدية الموقف..... ها في اية
خالد بهدوء اخد نفس وابتداء يحكي اللي حصل لاحمد وبعد ما خلص
احمد بجدية .... طيب ما يمكن تهيوات زي ما الدكتور قال وبعدين اكيد مفيش حد يبقي عنده الجراة انه يعمل كدة احنا في بلد فيها قانون يا بني
خالد رجع بالكرسي لورا وقال.... بس انا حاسس ان الموضوع ده بجد اصل اخوها لما شوفته في المستشفى قالي انا سايبة قبل اللي حصل ده بيوم وكانت كويسة جدا اية اللي اتغير في يوم وليلة دي حاجه صاحبتها اللي كانت المفروض اتقتلت اول يوم حستها خايفة اوي عليها بعدين حسيت انها بتوجه التهم ليا علي اساس اني علي علاقة بيها وكويس ان اخوها مقلش اني ظابط وقالت الحاجات الغربية اللي شافتها هي عرفت منين قالت الاستقبال قالي طيب لو الاستقبال قال قال حكاية القتل بس ليه قالت الحاجات مش حاجة واحدة
احمد بجدية.... طيب مش يمكن مكنتش تقصد
خالد بتعب.... مش عارف افكر يا احمد حاسس اني في شئ غريب بيحصل مش عارف ايه هو انا عايزك تساعدني
احمد بجدية..... طب اساعدك بأية
خالد بتفكير.... هقولك في الوقت المناسب المهم انا عايزك معايا
احمد بجدية.... طيب ما تفتح محضر علشان نشتغل مع بعض ويبقي لينا حق في اي حاجة نعملها
خالد بضيق... بقولك كل شئ اتمسح مش موجود
احمد بجدية.... طيب خلاص اهدي وان شاء الله كله هيتحل
خالد... ان شاء الله انت كنت عايز ايه
احمد بهدوء.... ملف الواد طنطا موجود وجاهز ناقص يروح النيابة
خالد.. تمام ابعته
احمد بجدية... تمام
خرج احمد من المكتب وخالد سند راسه علي المكتب بتعب شديد
،،، ، ،،،،،، ، ، ،،، ،،،، ، ،،،، ،،،،، ،،،،
بعد اربع ساعات
في المستشفى استيقظت روح من النوم العميق وفتحت عيونها بتعب شديد
كان يقف مازن ومني بقلق
روح بتعب..... اه اه دماغي هتنفجر ااااه
مني بقلق... اهدي يا حبيبتي اهدي هديكي حقنة مسكنة اهدي
مسكت الحقنة المسكنة واعطاتها لها وخلصت
روح تذكرت ما حدث في الامس بكت بوجع وهي تقول انا مش مجنونة انا مش مجنونه وللهي
مازن قرب منها وقال.... حبيبتي اهدي انتي مش مجنونة انا بس عايزك تهدي
روح ببكاء يقطع القلب.... ولله يا مازن انا ما كدبت اللي حصل ده انا شوفته ولله العظيم شوفته اقسم بالله
مازن بحزن.... مصدقك يا حبيبتي صدقيني انا مصدقك
روح حضنت اخيها وقالت..... روحني انا عايزة اروح دلوقتي
مني بحزن وقلق.... مش هينفع يا روح لازم نتأكد ان حالتك تسمح بالخروج
روح اتعصبت مرة واحده وقالت.... ملكيش دعوة انتي سامعة انا عايزة اروح عايزة اروح دلوقتي دلوقتي
مازن بحزن.... معلش يا مني بعتذر انا هاخدها وهنروح وهاخد بالي منها متقلقيش
مني بحزن..... خلاص ماشي وانا هبقي اجي اطمن عليها وعلي صحتها وهجبلك الادواية اللي هتاخدها من المستشفى لحالتها وتمشي عليها بنتظام فاهم بنتظام يا مازن
مازن بهدوء... متقلقيش حاضر كله في معاده
مني بحزن.... هروح اجبهم واجي انا عاينهم معايا في المكتب من امبارح
مازن هز راسه بهدوء.... تمام
راحت مني تجيب الادواية ومازن كان يطبط علي راس اخته بخوف وقلق
الباب خبط
مازن بهدوء... اتفضل
خالد دخل بهدوء وشاف روح تجلس في حضن اخوها وعيونها تدور في انحاء الغرفة
خالد بهدوء.... حمدلله علي السلامة يا دكتورة
روح نظرت لمصدر الصوت وكان جسمها ينتفض واخيها ماسكها بشدة قالت بصوت موجع..... الله يسلمك
مازن بهدوء...... شكرا لتعبك يا استاذ خالد
خالد بهدوء.... لا تعب ولا حاجه انا بس كنت عايز اتكلم مع مدام روح شوية لوحدنا في حاجه وتحاول متدخلش حد الاوضة دلوقتي
مازن بهدوء..... بس ليه
خالد.... بعدين هتعرف
مازن ساب اخته وخرج بره واستغرب تاخير مني كل ده
في الداخل
خالد كان يجلس علي الكرسي امام السرير....
وقال بهدوء.... اول حاجه انا مصدقك جدا ومش هسكت غير لما اعرف في ايه كنت عايز اسألك كام سؤال انتي فاكرة المكان اللي حصل فيه الحادثة
روح بدموع.... معرفش فين وحتي لو ما احنا هنروح هنلقي مفيش حاجة زي ما حصل في الشقة والعربية حتي مني
خالد بهدوء.... اسمعي هو في كاميرات في شقتك
روح بتذكر... لا بس هو قالي انه حاطط كاميرات في الشقة عندي وبيعرف كل حاجه
خالد بهدوء... طيب انا عايز رواية تلاتين يوم عايز اشوف انتي كتابة ايه بظبط واية اللي ممكن ياخده من الرواية دي ويعملها فيكي. انا عايز اشوف حاحات معينة مش اكتر
روح بدموع.... تمام نبعتهالك مع مازن.
خالد بهدوء.... طيب انا هستأذن دلوقتي وهستني الكتاب منك
روح بدموع.... حاضر وشكرا علي تعبك
خالد بهدوء... مفيش تعب ولا حاجه بعد اذنك
روح.... اتفضل
خرج خالد وقال لمازن.... ياريت متقولش لا حد علي وظيفتي ولا حتي الدكتورة مني
مازن بهدوء... حاضر بس ليه
خالد بهدوء.... بعدين نبقي نتقابل وهتعرف ليه بعد اذنك
مازن بهدوء.... اتفضل
يدوب مشي خالد وجات مني
مازن بهدوء.... ايه التأخير ده يامني
مني بهدوء ..... معلش كان معايا مريض واتأخرت
مازن... طيب
مني..... اتفضل العلاج اهو
مازن بهدوء.... شكرا فين تصريح الخروج.
مني بهدوء.... في العلاج
مازن بهدوء.... تمام
دخل الاوضة وقال.... انا جبتلك لبس في الشنطة اهو وانا جاي الصبح قومي البسي يلا
روح قامت ومشيت بتعب ومسكت الشنطة اللي فيها الهدوم ودخلت الحمام وبعد عشر دقايق خرجت وهي لبسه وقالت... يلا نمشي
مازن مسك ايديها وخرج من الغرفة
وكانت مني تقف برة واول ما شافتها قالت.... انا مش عارفه ليه انتي زعلانة مني يا روح رغم اني معملتش اي حاجه
روح بدموع... معلش استحمليني الفترة دي يامني متزعليش مني انا اسفة اسفة ليكوا كلكم
مازن لما شاف انها داخله علي انهيار قال... تعالي يالا يا حبيبتي يلا
ومسكها من ايدها واخدها ومشي وركبها العربية بهدوء وهي سندت راسها علي الشباك
ومازن طلع علي بيته علي طول واول ما روح شافته قالت... لا رجعني بيتي
مازن بعصبية.... انتي هتقعدي هنا وتسمعي الكلمة انتي فاهمة ولا لاء مفيش قاعدة في البيت لوحدك ابدا
روح اتخضت من صوته العالي وحضنت نفسها بخوف ومازن مسح وجهه بضيق وقال بحزن.... ياروح انا عايزك تقعدي معايا يا روح عايزك اكون مطمن وانتي في بيتي في حمايتي لكن ده اللي انتي بتعمليه ده ايه يا روح بيتك زي بيتي وهو بيتك كمان اهدي بس واسمعي كلامي
روح هزت راسها بخوف ونزلت من العربية معه وهو كمان نزل وطلعوا العمارة وركبوا الاسانسير
ووصلوا الشقة وفتح مازن الشقة ودخلوا
نهي بهدوء.... حمدلله بالسلامه يا روح
روح بخجل بسبب طردها ليهم...... الله يسلمك يا نهي
نهي بهدوء ... اوضتك جهزتهالك لو عايزة ترتاحي دلوقتي
روح بخجل.... ايوه هي فين
نهي بهدوء..... تعالي معايا
دخلوا التلاته الغرفة وكانت صغيرة جدا وفيها سرير صغير ونظروا للغرفة بصدمه... هذا غرفة اطفال وليس لها ولكنها لم تتكلم
مازن بضيق..... ايه الاوضة دي يا نهي
نهي بهدوء.... مالها يا مازن هي الاوضة الفاضية في الشقة هعمل ايه
مازن بضيق ونظر ليها بغضب.... تعالي معايا يا روح هتنامي في اوضتي
روح بهدوء.... لا هنا كويس انا هنام هنا
مازن بضيق... لا
روح بدموع.... خلاص يا مازن قولتلك هنام هنا متتعبنيش
مازن سكت بضيق وهي دخلت الغرفة مازن نظر لمراته بغضب وهي نظرت له ببرود
دخل الغرفة وقال..... متزعليش بكرة هجبلك سرير احسن من ده
روح ابتسمت.... مفيش داعي يا مازن متجبش حاجه انا كدة كويسة
مازن لسه هيتكلم لقي فونه بيرن... دقيقة واحدة بس
مازن رد علي الفون وقال...طيب طيب انا جاي مع السلامة
مازن بهدوء..... معلش يا روح انا لازم امشي دلوقتي في مشكلة في الشركة ولازم اروح اشوف في اية
روح بهدوء.... ماشي يا مازن ربنا معاك
مازن.... ربنا يخليكي مع السلامة
روح.... مع السلامة
خرج مازن من البيت وهي جلست علي السرير بتعب شديد وشافت نهي جايبة طبق في حتة جبنه ورغيف عيش وقالت ببرود..... معلش يا روح يا حبيبتي اصل العيال كلوا الاكل هما ومازن ومفيش غير حته الجبنة دي والعيش ومازن انا قولتله يجيب اكل وهو جاي
روح بهدوء..... شكرا انا شبعانة
نهي ببرود..... اوعي تكوني مضايقة اني جبتلك جبنة بس وللهي ما في اكل
روح بهدوء... خلاص يا نهي انا قولتلك شبعانة ومش عايزة اكل انا عايزة ارتاح شوية بعد اذنك
نهي ببرود.... ماشي زي ما تحبي
وخرجت ببرود اما روح دمعه نزلت من عيونها وهي حاسة بالاهانة الشديدة
ونامت علي السرير وهي ضامة رجليها في بعض بسبب صغره وقالت... انا لازم يومين كدة وارجع شقتي
و غمضت عينها ولكن حست بوجع في راسها شديد وفضلت علي هذا الحلال ربع ساعة ثم
رأت شئ امامها يضحك بسخرية شديدة ويقول... مجنونة مجنونة
صرخت روح وهي تقول... انا مش مجنونة انا مش مجنونة
ومسكت فازة كانت علي الكمودينو وحدفتها علي الخيال ده و هي تصرخ فيه بشدة وتقول.... انا مش مجنونة مش مجنونة
دخلت نهي بعصبية وقالت.... في ايه يا مجنونة انتي
روح بصدمه... مجنونة انا مش مجنونة
نهي بعصبية... لا مجنونة وستين مجنونة كمان وياريت متسمعنيش صوتك ده خضيتي العيال انتي سامعة مسمعش صوتك
روح.......