رواية تقي
الفصل الثاني 2الخير
بقلم اسماء عبد الهادي
تقى بنبرة ثقة
ومش هتطلقني أبدا يا فايز وابقى افتكر كلامي يا زوجي العزيز
ثقتها دي شجعته انه يقربها منه اكتر واكتر
لكنها مسكته من ايده وقالت تعالى
ونيمته ف حضنها وكأنه طفل صغير والعجيب انه نام بكل سهولة
واستمرت الايام ما بينهم وفايز مبقاش يجيله نوم الا ف حضن تقى
ولما رجع بالليل ولقته ع نفس الحال
زعقت بردو يا فايز مفيش فايدة مش هتبطل القرف بتاعك دا حرام عليك نفسك يا اخي بقا انا حاولت معاك بكل الطرق بس الظاهر مفيش فايدة ابدا، طب طلقني وريحني واعمل اللي تعمله ومحدش هيحاسبك انا خلاص جبت اخري
مهتمش لكلامها وقالها تعالي عايز انام
راحت هي ع الاوضة التانية وقالت لا من النهاردة انت هتنام ف مكان وانا ف مكان يا فايز وقفلت الباب
فايز كانت هيتجنن من تصرفها دا
افتحي يا تقى بدل ما اكسر الباب دا ع دماغك
تقى لا مش هفتح الا لما توعدني انك هتتغير او تطلقني وتريحني
فايز بشر دا بعدك وهتفضلي هنا تحت رحمتي طول عمرك وبردو هعمل اللي انا عايزه
وراح ع اوضته حاول ينام لكنه معرفش لانه ف الواقع اتعود انه ينام ف حضنها هي وبس
حاول كتير معرفش فراح ع اوضتها وفضل يخبط افتحي يا تقى احسنلك انا مش عارف انام
تقى ما تنام هو حد ماسكك
فايز مبقتش اعرف انام الا ف حضنك انتي عملتي فيا ايه يا بت انتي
تقى بثقة علشان تعرف اني مش زي اي واحدة انت تعرفها
فايز افتحي لاني لو فتحته انا هبهدلك
تقى مفتحتش
وفايز كان عامل زي المجنون فكسر الباب برجليه ودخلها بهدلها جامد ومهتمش لصرخاتها ولا وجعها من ضربه ليها
وبعد كدا اخدها ف حضنه ولا كأنه عمل حاجة ونام نوم عميق
صحى من النوم ملقهاش جنبه ولا لقا ليها اي أثر
فاتعصب
معقول هرب..ت ازاي تمشي من غير اذني وقسما بالله لاجيبها واعرفها شغلها
راح علشان يلبس فسمع صوت شهقاتها بتعيط فارتاح انها موجودة وكمل لبس
لكنه فجأة مقدرش يتحمل صوت بكاها فراح عندها واتفاجىء بالاثار اللي ف وشها وانه اتمادى المرة دي معاها
فقرب منها وقال متزعليش انتي اللي عصبتيني
تقى ببكا اختي بتموت يا فايز امي اتصلت بيا قالت انها تعبانة اوي وبين الحيا والموت، اوفي بوعدك وانفذ اختي بالله عليك وانا مش هعارضك في اي حاجة تاني
بالفعل فايز ساعد اختها وعملت العملية وفضلت تقى مع اختها ف المستشفى ودا لان فايز امر الممرضات تهتم بتقى هي كمان
وبعد اسبوع لقته جايلها المستشفى وهو حالته حالة بيقول تعالي معايا بقا كفاية عليكي دلع لحد كدا
تقى بامتنان شكرا ع انقاذك لأختي
لقته فجأة بيبصلها بنظرات اول مرة يشوفها ودفن راسه ف شعرها
تقى وحشتيني بقالي اسبوع بحاول اقنع نفسي ان زيك زي اي واحدة عرفتها لكني اكتشفت انك غيرهم وان حياتي من غيرك ملهاش طعم، تقى انا مبقتش اعرف انام من غيرك
تقى قصدك من غير بهدلتي مش كدا
فايز معلش بقا حظك وقعك فى واحد قاسي معندوش قلب وفاسد زيي
تقى بالعكس انت طيب جدا يا فايز ،بس مشكلتك ان محدش وجههك للصح لو مكانش من جواك كويس مكنتش هتوفي بوعدك وتنقذ اختي، ويمكن لاني لمست في قلبك الطيبة دي اتحملتك
فايز ساعديني اتغير يا تقى واتحمليني
تقى هتحملك وهساعدك لانك لازم تتغير يا فايز حتى لو مش علشاني علشان ابنك
فايز مكانش مصدق نفسه
ايه انتي حامل ؟؟
تقى للاسف الدكتورة قالتلي دا وهي بتفحصني عارفة انك مش عايز طفل مني وانك ااا
حط ايده على بوءها اااشش دا احلى خبر سمعته ف حياتي، تعرفي بنات كتير قالتلي كدا علشان اتجوزها بس انا عمري ما صدقتهم ،لكني علشان عارف طهارتك وبراءتك متأكد ان اللي ف بطنك دا ابني انا ياااه واخيرا هيكون ليا ابن
تقى فرحت
مكنتش متوقعة انك تفرح كدا فكرتك هتطلب مني انزله
فايز كنتي هتسمعي كلامي
تقى لا طبعا دي هبة ربنا ليا ازاي ارفضها
فايز شالها بحب ولف بيها وهو بيقول حافظي ع ابني علشاني يا تقى
تقى قالت بدلع هحافظ عليه ع وعد انك تتغير يا فايز هل انت تحب ان ابنك يكون زيك كدا بيعمل اللي كنت بتعمله
فايز نزلها ومرة واحدة وزعق وقال لاااا ابني مش عايزه زييه ،ربيه يكون بنقاءك دا يا تقى
تقى مسكت ايده وحطتها ع بطنها وقالت ابنك انت اللي هتربيه على الصح لانك هتتغير علشانه
فايز باصرار هتغير
تقى فرحتني يا فايز
فايز وانا فرحان بيكي وبطفلي انا بحبك يا تقى حبيتك وانا عمر الحب ما عرف طريق لقلبي
تقى وانا كمان حبيتك يا فايز ومش عارفة ازاي وامتا
شالها فايز تاني وقال تعالي يلا نوري بيتك من تاني بس المرة دي هتنوريه وانتي أميرته وكل حاجة فيه
تمت بحمد الله