رواية ما رواه قلبي
الفصل الثاني عشر12
بقلم رودي عبد الحميد
قال بخبث : مراتو تلزمني..
رفعت سيا حاجبها وقالت : بخصوص شغلك ؟
قرب وقعد علي طرف السرير وقال : بخصوصي ، لما دورت وراه وبشوف مين اللي يسيب بنتي ويروح يتجوز دا ، لاقتها بصراحه تستاهل .. و أوي كمان
قالت سيا بِغيظ : إنت جاي تحر.قلي دمي يعني ولا إيه ؟
فرد دراعاتو لِفوق بأريحيه وقال : أنا مش بحر.قلك دمك بس علشان أسيبلك الساحه فاضيه فَمراتو تلزمني وعلي حسب لو عني.فه وشرسه يبقا هستعمل معاها إسلوب البابا الشرس إنما لو طلعت قطه وجميله يبقا هستعمل معاها إسلوب الشوجر دادي والإختيار في إيديها..
نفخت سيا بِضيق وقالت : مش مهم .. المهم فريد يكون ليا تحت أي ظرف ومش عايزاه يعرف إن أنا ورا أي حاجة ممكن تحصل
غمزلها وقال : متقلقيش.. ، ثقي فيا
" في بيت عزت | أوضة بيسان "
كانت قاعده ضامه رجليها وباصه في الفراغ ودموعها بتنزل ، مسحت دموعها بسرعه لما الباب خبط ..
دخل أبوها وقال : حبيبه بابا ، عندي ليكي خبر..
إبتسمت وقالت : إيه يا حبيبي
قعد قصادها علي السرير وقال : فيه عريس متقدملك وعمال يزن علي دماغي من فترة فَ إديتو ميعاد النهاردة ييجي بعد شوية
إستنتجت بيسان إنو وليد من كلامو معاها ، فَقالت بِهدوء : ينورنا يا بابا
شبك إيديه في بعض وقال : مش شايفه إنك لسه صغيرة شويتين ؟
إبتسمت ورفعت أكتافها وقالت : اللي يريحك يا حبيبي بس لو علي رأيي عادي أنا معنديش مانع أقعد معاه ونشوف ولو مرتاحتش خلاص
هز راسو وقال : تمام ، الساعه 8 جاي ، شوفي حاجة مُناسبه ليكي إلبسيها
هزت راسها وقالت : حاضر
قام أبوها وخرج من الأوضه وفونها رن بِرقم أحمد ، قفلت الفون من الجمب ومردتش..
قامت وقفت قدام المرايه وفضلت تبص لِنفسها وبعدها قالت : مش هد.فن نفسي بِالحياه تحت مُسمي الحب.. ، أنا هفوق لِنفسي وهشوف حياتي ومش هوقف حياتي علي حد
أخدت نفس عميق وراحت تتوضي علشان تصلي
" في تركيا | في الفندق "
دخلت الأوضة وقالت : أنا بجد مليت ومحتاجة أرجع القاهره ، مينفعش ؟
خلع فريد الجزمة وقال : أعتقد إحنا مكملناش 3 ليالي علي بعض ، هنمشي ؟
قعد علي طرف السرير وسند بإيديه عليه وقال : عارفه مليتي ليه يا شروق ؟ ، علشان إحنا مش عايشين حياه أي زوجين عاديين ، لو عيشناها صح وقضينا شهر العسل بتاعنا صدقيني هنحس بِتحسُن وكمان مش هنحب نمشي ، إنتي قولتي هنفتح صفحه جديدة وبتاع فَتعالي نفتحها ونعيشها صح بقا
سندت علي باب الأوضة وربعت إيديها وقالت : فكرة إنك إنسان توكسيك مش قادره أتخطاها بصراحه
قام فريد وقف وقال بإنفعال : يا ستي مفيش شاب مغلطش وكل دا كان قديم من قبل ما تدخلي حياتي وبعدين يا شروق إحنا مش واخدين بعض عن حب يعني إحنا جواز صالونات عادي فَندي فرصه لِبعض نعرف فيها بعض مفهاش أي حاجة يعني
إتنهدت وقالت : موافقه.. بس منخبيش علي بعض حاجة ونكون كويسين مع بعض ، موافق ؟
هز راسو وقال بِهدوء : موافق.. ، أنا حاسس إن جعان لإن مأكلتش الأكل اللي هو في بيت كينان ، أطلبلك حاجة معايا من تحت ؟
ردت بعد تفكير وقالت : تمام بس حاجة خفيفه
طلب فريد أكل ليهم وبعدها أخد هدوم ليه وقال : هدخل أخد شاور علي طول علي ما الأكل ييجي
هزت راسها وقالت : متطولش علشان عايزة أدخل أخد شاور أنا كمان..
" في القاهره | في بيت عمر "
زعقت سلمي بِصوت عالي وقالت : أقسم بالله يا جاسر لو مارجعت النهاردة القاهره لإنت إبني ولا أعرفك
قال جاسر بِزعيق : إنتي بتتبري مني علشان رافض أجي القاهره!
قالت بِزعيق : إنت مش عندك بِتتفسح يا روحمك ، إنت بتخرب بين واحدة وجوزها ، إعقل وإرجع وشوفلك واحدة وإبعد عنها وعن جوزها بقا يا شيخ دول حتي في شهر العسل
دخل عمر وقال : مين اللي بيخرب بينها وبين جوزها ؟
إتخضت وقالت : طب إقفل هكلمك شوية كدا
قفلت في وشو وقالت لِعمر : إ..إنت جيت إمتي ؟
تجاهل كلامها وكرر سؤالو تاني ، ردت وقالت وهي بتعدل هدومها : أ..أصل يعني ، أصل هو يعني حب واحدة متجوزة وإتهوس بيها فَ عايز يتجوزها بِالعافيه وكدا
بصلها بِطرف عينو وهو بيخلع الجاكيت وقال : خليه يعقل علشان لو حصل هحبسهولك بِنفسي ، خراب البيوت دا أنا مبحبوش
هزت راسها وقالت : قولتلو والله وهو هيرجع ، أحطلك تاكل ؟
طلع هدوم ليه من الدولاب وقال : أدخل أخد شاور الأول
هزت راسها وطلع عمر برا الأوضه وهي قعدت علي طرف السرير وماسكه راسها وبتقول : الله يسامحك يا جاسر علي اللي إنت عاملو فيا
" في بيت عزت | في الصالون "
قال وليد بِهدوء : أنا عارف إنها لسه صغيرة بس سوري يعني يا عمي لما بتشوف جوهره بتحب تحجزها علشان في يوم من الأيام تقدر تشتريها وتبقا ليك لوحدك ، بنتك جوهره .. خايف تضيع مني بصراحه ، أنا عندي إستعداد أستناها لِحد ما تخلص دراستها براحتها أو تبقا تكمل في بيتنا وأنا مش هبقا ضد إنها تكمل تعليم أبداً
إبتسم عزت وقال : أنا شايف راجل وكويس ومُحترم وشاري بنتي كمان ، بس رأي بنتي أهم شئ ، لو رفضت فَأنا أسف يا أستاذ وليد
هز وليد راسو وقال : ممكن أشوفها وأقعد معاها طب ؟
قام وقف وقال : ثواني وجاي
دخل عزت أوضه بيسان وقال : جاهزة تطلعي ؟
قامت وقفت وقالت بِهدوء : جاهزة
مسك إيديها وخرج بيها وقال : هسيبكم مع بعض شوية
قعدت بيسان علي الكنبه و وليد قاعد علي الكرسي قصادها قال بِهمس : حبيبي
قلب بيسان دق جامد ورفعت راسها وبصتلو وهي بتفرك في إيديها جامد
إبتسم وقال : حبيت أدخل البيت من بابو ، وعد مني ليكي هعيشك أحلي أيام حياتك بس وافقي ..
إتنهدت وهزت راسها ، إبتسامتو وسعت وقال بِصوت عالي : ياا عميي
دخل أبو بيسان وقال : إتكلمتو ؟
قال وليد بإنشكاح : ووافقت ، نقدر نقرأ الفاتحه بقا ؟
قعد وقرأو الفاتحه وقعد وليد شوية مع بيسان وأخد رقمها ومشي..
" في بيت أبو سيا "
دخلت سيا بِعصبيه علي أبوها اللي قاعد علي كرسي المكتب ورافع رجليه علي المكتب وماسك في إيديه كاس وبيدندن مع الكاسِت اللي مشغلو ، قالت سيا بِعصبيه : ممكن أعرف إنت متصرفتش لِحد دلوقتي ليه ؟
رد بِهدوء وقال : الواد بيستمتع بِشهر العسل بتاعو ، إيه مضايقك بس!
رزعت علي المكتب وقالت : يعني إيه يستمتع ، إنت هتسيب خطافة الرجاله دي تنبسط وأنا هنا محر.وق دمي!!
رد بنفس الهدوء وقال : أما يرجع ، نقدر نتصرف ، سيبيه يستمتع الكام يوم دول لِحد ما يرجع بس علشان الأيام الجايه كلها هتكون سوو بااد
ربعت إيديها وقال : بس علي الأقل راقبو..
بصلها بِخبث وقال : متراقب كدا كدا
فضلت تهز جسمها بِعصبيه وبعدها قال : ماسكه فيه ليه؟ ، دا واد صايع ، شوفيلك غيرو عادي
قالت بِحقد : مش سيا مُنير اللي تخسر أبداً ولا شاب يقولها لأ وكمان يتاخد منها
كمل مُنير كلامها وقال : و مُغفله كمان
صرخت بِعصبيه وطلعت من المكتب وهو فضل علي وضعو ببرود وبيدندن وهو بيحرك التلج اللي في الكاس بِصباعو
" بعد مرور إسبوع "
وقفت العربيه قدام باب الفيلا ونزل منها فريد وشروق والسواق نزل شنطهم من العربيه..
أول ما نزل فريد من العربيه جري وراح حض|ن خديجة وقال : محدش كان واحشني غيرك
سمع صوت يوسف بيقول : لا يا شيخ
ضحكت خديجة وقالت : معلش يا يوسف أنا اللي مربياه ، دا إبني مش حفيدي
بعد فريد وقرب حض|ن يوسف وقال يوسف : حمدلله علي السلامه ، إنبسطو في تركيا ؟
إبتسم فريد بعد ما بِعد وقال : أه كان شهر عسل زي العسل يعني
ضحكت خديجة وقالت : يعني فيه حاجة قريب إن شاء الله هتيجي كدا ؟
بصت شروق في الأرض وإتحرجت قام فريد قال : إن شاء الله
قربت خديجة من شروق وقالت : أخبار حياتك إيه مع فريد ، مضايقك في حاجة ؟ أو عملك حاجة !!
هزت راسها بِلأ وقالت : لأ كويسين مفيش حاجة
قال يوسف : طب يلا ندخل جوا ويطلعو يرتاحو من السفر وبعدها بليل نقعد مع بعض شوية
دخلو كلهم جوا وطلع فريد وشروق علي أوضتهم
" في المدرسه "
نفخت بيسان بِزهق وقالت : هوف خلاص يا ريم مش هكلمو تاني ، أديني سيبتهولك إنبسطي بيه
إتوترت ريم وقالت : س..سبتيلي إيه ، إيه العبط دا
فتحت بيسان فونها وطلعت الصورة وورتها لِريم اللي من صدمتها مكانتش قادره تتكلم أصلاً
ضحكت بيسان بِسخريه وقالت : فاكراني مش عارفه!! ، أه و وليد اللي كان بيفضل ماشي ورايا دا فاكراه ؟ ، اللي حاولتي توقعيه هو كمان ، ماهو قالي برضوا ، عموماً قريب هعزمك علي خطوبتنا لإنها كدا كدا قربت
بلعت ريم ريقها وقالت : علي فكره الصورة دي كدب وعموماً يا ستي ألف مبروك وربنا يتمملك علي خير وشكراً علي إنك شكيتي فيا كدا ياللي المفروض صحبتي وعشرة عمري وواكلين مع بعض عيش وملح
سقفت بيسان وقالت : أه عيش وملح دا اللي إنتي معملتيش بيه مش كدا ؟ ، عموماً حصلخير أحمد ولا يفرقلي أنا اللي وجعني إن إزاي إنتي تخونيني وتعملي فيا كدا ، بس يلا فداهيه مبزعلش علي حد مش باقي عليا
قالت كلامها وسحبت شنطتها وقامت من جمبها وسابت ريم قاعده بتحاول تلاقي مبرر للي هي عملتو
" في بيت عمر "
دخل علي بِفرحه المطبخ لِسلمي وقال : أبله سلمي ، أبله سلمي
سابت المغرفه من إيديها وقالت : إيه يا حبيبي
قال وهو بيتنطط : شروق رجعت ، لسه قافله معايا وقالتلي إنها رجعت النهاردة
وطت وبقت مستواه ومسكتو من خدودو وقالت : حمدلله علي السلامه ، أول ما أبوك ييجي هنقولو ويبلغهم ونروحلها وتكون هي إرتاحت شوية من المشوار
قال بإبتسامة واسعه : ماشي ، بتعملي أكل إيه ؟
قامت وقفت وقالت : بعملك شوربة الكريمة اللي بتحبها يا سيدي
حطت حبه في المعلقه ونفخت فيها وقربتها من علي وقالت : دوق كدا وشوف
داق علي منها وقال بإستمتاع : جميله أوي ، تسلم إيديكي
بعتتلو بوسه في الهوا وهو طلع من المطبخ ودخل الأوضه بتاعتو
" في فيلا يوسف | أوضة فريد وشروق "
كان فريد واقف بيسرح شعرو قدام المرايه وحاطت الفوطه علي كتفو ومش لابس حاجة من فوق وشروق في الحمام ، ساب الفرشه من إيديه لما الباب خبط
راح فتح لقاها أمنيه اللي بصتلو بِشوق وقالت : حمدلله علي السلامه يا حبيبي
نفخ بِضيق وقال : خير يا أمنيه جايه ليه ؟
قالت وهي بتدخل وبتحط إيديها علي جسمو : وحشتني ، قولت أجي أشوفك و..
قطعها فريد بِحده وصوت واطي علشان شروق وقال : أنا مش ناقص وياريت تتعاملي بِحدود سبق وقولتلهالك قبل كدا أنا واحد متجوز وخلاص كل القرف اللي كان بيحصل دا إتلغي ومش هيحصل تاني
قالت بِلهفه : لأ علشان خاطري متقولش كدا ، مش هقدر أنا أعيش من غيرك ولا من غير أيامي معاك
بعدها لِورا وقال : أخرجي برا يا أمنيه ولو تعديتي حدودك بعد كدا أنا همشيكي من الفيلا كلها
رفعت حاجبها وقالت : ركنتني علي الرف يعني ؟
قال ببرود : إعتبريها
قالت وهي بتهز جسمها بِعصبيه : تمام ، تمام يا..يا فريد بيه
قالت جملتها الأخيره بِسخريه وبعدها خرجت من الأوضه ، قفل فريد الباب وراها ونفخ بِضيق ولف لقي شروق واقفه عند باب الحمام
بلع ريقو وقال : والله كنت بقولها..
قطعتو وقالت : عارفه ، سمعت
إتنهد وقال : طب كويس بصراحه إنك سمعتي ، يلا ننام بقا لإن بصراحه جعان نوم
هزت راسها وراحت علي السرير من غير ولا كلمه ، إتغطت ونامت
" في الليل | أوضة شروق وفريد "
صحي فريد مفزوع علي صوت صريخ و ...