رواية شوكلاتي
الفصل الثاني عشر12
بقلم زينب أمير
*بالجانب التاني*
الام اشراقه قررت انها تكلم ابو لين لانو لازم يكون عارف ب كل حاجه واتصلت عليهو وكلمتو بالموضوع
ابو لين اول م عرف بالموضوع قرر يجي السودان يطمن ع بتو ويرجع
عدا اسبووع وعاامر وليين يوميا مع بعض وبتونسو مع بعض وبقو اصحااااب شديد عاامر بقى بالنسبه ل لين اقرب زول ليها بتحكي ليهو كل حاجه بتحصل معاها حتى كمان بتستشيرو ف حاجات كتييره شدييد وم بتعمل خطوه الا تكلمو لانها بقت تحس انو هو بالنسبه ليها الاماان وبحميها من اي حاجه وهو بقى عارف كل صغيره وكبيره عنها واي وعارف كل تفااصيلها وحياتها وكل موقف بحصل معاها او حصل معااها هو عاارفو وحكت ليهو ب كل شي عنها وهو كماان يعني بقوو اصحااب شديييد وبقت بس الجاامعه البيت البيت الجاامعه ومع وعد 24 ساعه م عندها صحبه غير وعد قطعت علاقتها مع اي بتعرفو ف السودان م عدا عاامر ووعد لانو ديل اكتر اتنين بتثق فيهو بقت بس مع نااسها القداام والناس البتثق فيهم بس حتى عهد قطعت علاقتها معاها
اما بالنسبه ل رغد لم جات الجامعه
لين ادتها ليك كف غير ليها ديكور وشها وقالت ليها: ي رغد ي م بتستحي هه سبحان الله اول مره اعرف انك انساانه رخييصه وبالمستوى الانحطااطي دا نووعك دا مفرووض يبيدهوو قبل م يتكاااثر يااخي خجلتينا والله اسي عليك الله انتي م خجلاانه من اخووك والله ليك حق هو زاتو اخوك دا هسي راجل يخلي اختو تلف وتتحاوم كدا ومن ولد لي ولد واخرتها مع المابيسوى دا بجد الماعندو كبير يشتري ليهو كبير✋ وانا اخووك دا والله م لاايمااهو ي انتي لانوو هو مداام رضا فيك انتي اختو تاني بيرضى ف بنات الناس عاادي، انتي عارفه الولد او بالاصح الرااجل بهددوهو بقولو ليهو لم تعمل كدا برجع ليك ف اخوااتك ممكن ضميرو يرجع ويخلي البعمل فيهو لكن دا اصلا من البداايه رااضي فيك لانو رجوووله ماعندو ولا ذره شهامه ولا ذره رجوله دا يودو وين عليك الله؟ ف بالله لمي نفسك واختيني واختي دربي لاني لو دخلته وراك م بريحك فهمتي ول لا؟ (عااد تمااام عجبتيني ي انتي😍👋)
رغد خاافت من لين طبعا واعتذرت ليها وطبعا الكلام دا كان قدام الجاامعه كلها ولين بقى م في زول بقدر يعمل ليها حاجه الاولاد خافو منها خلي البنات😹😹
اما ساامي دااك اصلا مووضوعوو محسووم زماان اخد كفو واتادب وتاني الجامعه م جا زاتو
بعد اسبووع❤
لين وهي بتاكل ف الشيبس وبتنطط ف البيت
الجرس ضرب
الام اشراقه: ي لين افتحي الباب
لين مشت فتحت الباب وككاانت الصدمه😨
لين: باااااابااااااااااا ونطت فيهو واتشعلقت في رقبتو وتبوس فيهو بي جاي وبي جاي مسكتو ليك تسلم ساعه ونص جمب الباب امها جات من جوا واتخلعت طبعا لانها زاتها م كانت عارفه
الاب منيب: كدي قولي لي ادخل عزبتيني ي بت😹😹
لين: خش ي بابا جيت متين وليه م كلمتنا ووووو
الاب منيب: كدي خليني اقعد واحكي ليك انتي لسه ف اسئلتك الكتيره دي
الام اشراقه سلمت ع راجلها وقعدت معاهو
لين مشت جابت ل ابوها المويه والعصير
ومشت عملت ليهو غدا خفيف لانو عارفه ابوها لم يكون جاي من سفر م بحب ياكل طوالي
ختت ليهو الاكل وقعدو اتغدو ويتونسو
لين: اها ي بابا احكي لي جيت كيف ومتين وليه م كلمتنا
الاب منيب: طبعا امك حكت لي الحصل وقلته لازم اجي اطمن عليكم
الام اشراقه: والله م كان تتعب نفسك نحن كويسين الحمدلله
الاب منيب: الحمدلله بس حتى ولو لازم اجي اطمن عليكم
لين شالت شنطه ابوها حقت السفر ومشت رتبت ليهو هدومو ف الدولاب وكلمت وعد ب انو ابوها جا
ووعد وامها جو عشان يسلمو ع ابو لين
جو وسلمو عليهو وشربو معاهو شااي المغرب بالكيك واتونسو ومشو
بالليل لين دخلت غرفتها وقفلت الباب عليها وبقت تحضر ف التلفزيون ومااسكه فوونها
عامر اتصل عليها
لين: الووو
عامر: كيييفك
لين: تمام الحمدلله وانت
عامر : بخير الحمدلله
لين: طبعا ي عاامر م وريتك
عامر: اهاا احككي
لين: اللييله بااابا جاا من السعوديه وجانا واسي معانا ف البيت😍😍
عامر: بالجد حمدلله ع السلااامه والله❤
لين: الله يسلمك ي رب
لين سمعت صوت بناات جمبو
لين ب انزعاج: ديل منو البنات الجمبك ديل؟
عامر: ديل صحباتي
لين ب انفعال: شنوو؟ ومن متين عندك صحبات؟ وصحبات شنو بالليل دا؟ وليه م كلمتني بيهم؟ (بت ترفع الضغط والكثافه من الاسئله الكتيره👋)
عامر: اهدي شويه هسي انتي مالك هايجه كدا؟
لين ي داب انتبهت ل نفسها
لين: لا م في حاجه بس استغربته
عامر: بس انا البنات ديل حكيت ليك بيهم نسيتي ول شنو
لين: بس م كنت قاعد تتكلم معاهم ولا بتلاقيهم
عامر: بس الليله لاقيتهم
لين: اوكي اخد راحتك يلا
وقفلت الخط
عامر ف نفسو:ي ربي هسي دي مالها اضاايقت ككدا؟
رجع ليها تااني م ردت
بقى زهجاان وزهج من القعده هو اصلا طلع مع شلتو وديل اصحابو الاولاد والبنات الحكيت ليكم عنهم
طووالي عاامر شاال مفتاح عربيتو وقام من القعده واستأذن من اصحابو ورجع بيتهم
#ماتنسى_الايك
لين بعد قفلت من عامر القعده غلبتها بقت ماشه وجايه ف غرفتها والعبره خانقاها
لين وهي بتتكلم مع نفسها: هسي ي لين انتي مالك هبله ولا عويره؟ طيب انا مالي اتضاايقته كدا يعني شنو لو قعد مع صحباتو ف النهايه ديل صحباتو حتى من قبل م اكون انا صحبتو يعني هو م حقي براي وم ملكي انا براي م في داعي للهباله هسي انا زعلانه ومتنرفزه كدا ليه؟ الولد م عمل حاجه
وواتصلت ع وعد قالت تتونس مع وعد شويه
وعد: لين انتي مالك زهجانه كدا
لين حكت ليها الموضوع
وعد: لين انتي هبله؟ هسي الموضوع دا مزعلك في شنو؟ يعني فيها شنو لو طلع مع صحباتو م يطلع ف النهايه ديل صحباتو قبل م انتي تدخلي حياتو اصلا انتي عايزه يكون ليك براك يعني؟ بعدين الا كان انتي بتحبيهو ول حااجه لانو م في سبب بخليك تزعلي اصلا فهمتي؟
لين: الزول اصلا م بيطلع منك ب فايده وبعدين م بحبو ولا حاجه دا صحبي م اكتر من كدا فهمتي ي سجم يلا امشي ل رامي بتاعك دا شكلو قاعد يتصل عليك لانو اتصل لي
وعد: ااي اتصل لي المجرم😹😹 (طبعا ي جمااعه راامي عندو حرككه😹😹 كل م يتصل ل وعد بلقى فونها مشغول بعد ترد ليهو بقول ليها كنتي مشغوله مع منو؟ بتقول ليو مع لين يلا بقى كل م يتصل ل وعد ويلقى فونها مشغول طوالي بقوم ف نفس اللحظه بتصل ل لين بشوف فون لين مشغول ول لا عشان لو مشغول بعدين لم تقول ليهو كنت مشغوله مع لين معناها فعلا مشغوله مع لين لانو فون لين كان مشغول ف نفس اللحظه الكان فيها فون وعد مشغول فهمتوو😹😹)
بعد قفلت من وعد
عامر اتصل عليها تااني
لين: الو
عامر: قفلتي مالك انتي؟
لين: قلت اخليك تقعد مع صحباتك شويه
عامر: اممم طيب اطلعي البلكونه
لين طلعت البلكونه وهي بتتكلم بالفون
لين: طلعته
عامر: عايني تحت
لين عاينت تحت لقتوو واقف
لين: عاامر بتعمل في شنو هنا؟ مش قلته مع صحباتك
عامر: جييت مش انتي زعلتي لاني مشيت جيت عشان م تزعلي
لين: بجد
عامر: ايوه
عامر كان بتكلم معاها بالفون ومتكل ع عربيتوو وبعاين ليها فوق
عامر: دا شنو اللابساهو انتي دا امشي البسي ليك حاجه زي الناس سرييع
لين: طيب طيب
لين مشت لبست طرحه كبيره غطت نفسها وطلعت البلكونه
لين: كدا كيف؟
عامر: كدا تمااام حلااتك😻
لين: ههههه والله انت
عامر: امممم عايز اسالك سؤال
لين: اتفضل
عامر: اضايقتي ليه لم عرفتي اني مع صحباتي؟
لين وهي بتمتم: م اضايقته اصلا
عامر: اممم بصراحه كدا؟
لين: ااي م في سبب بخليني اتضاايق
عامر: طيب ليه هجتي واتنرفزتي كدا؟
لين: م هجته ولا اتنرفزته ولا حاجه
عامر: امممم بتغيري عليي؟
لين: لاا
عامر: قوولي الحقيقه عاارفك عاارفك
لين: عاامر😒
عامر: لي يعني م في غيره بين الاصحاب يعني؟
لين كلمه الاصحاب دي طعنتها عدييل لانو فهمها مشى بعيد