CMP: AIE: رواية عريس لقطه الفصل التاسع عشر 19بقلم حنين عادل
أخر الاخبار

رواية عريس لقطه الفصل التاسع عشر 19بقلم حنين عادل

         


 رواية عريس لقطه

 الفصل التاسع عشر 19

بقلم حنين عادل



فارس بعد ما سيف مشي ...


فارس: يلا بقا روحي وخوديلي ميعاد مع بابا 😘


..🥰🥰


فارس: بس ياريت يكون في اسرع وقت😉


..ليه ..


فارس: اصل انا تعبان 😉😘


..اه يا قليل الأدب 🙂


فارس: صفي النيه شويه تعبان من بعدك عني يا جميل 😂😂


..احم انا هامشي بقا عشان اتأخرت ☺️


فارس : 😂😂 انت بتتحرجي دا الدنيا هتشتي بقا ..

..........

في الصباح ...


واقفه قدام المرايا مشغله الاغنيه اللي غنهالي يا بختك يا اللي صاحي الليل بقت اكتر اغنيه بحبها وبتدخل قلبي ❤️ 


شريط بيمر قدام عيني من اول يوم شفته فيه لما خبطني بالعربيه لما حسيت ان قلبي رفف لما شفته وبعد كده المقالب اللي عملناها في بعض 😂


حتي لما ضربني يوم الكباريه كانت غيره ما هو لو ماكنش بيحبني ما كنش اهتم ❤️


لبست كالعادة بس النهاردة في جديد مبسوطه جدا عايزة ابقي اجمل بنت في الدنيا عشانه بس وعشان الكليه فيها بنات فورتيكه مش انا بنت وبقول عليهم كده ياتري الشباب بيقولوا ايه بس انا احلي طبعا 😂 جمالي الطبيعي فتاك 🙂

..........................

في الكليه ...


فارس ماسك التليفون...


فارس: ايه يا بني 


سيف: حددت ميعاد يا زميلي 😂


فارس: ايوه هاروح النهاردة 🥰 كلمت مامتها ..


سيف: طيب في موقف زي ده يتحتم عليا اجيلك بقا والبسك وابقي في ظهرك 😂


فارس: تلبسني 😂


سيف: ايوه اومال يا بختك اني في حياتك 😂


فارس: طبعا يا بني مين كان هليبسني غيرك 😂


سيف: انت في الكليه 🤔


فارس: ايوه ..


سيف: طيب انا فاضي هاجيلك 😁


فارس: ما انت علطول فاضي اصلا 😂


سيف: انا مشغول اخر حاجه بس افضالك انت بس يا جميل 😂


فارس: مستنيك يا عم المشغول.

.......................


دخلت من باب الكليه 🥰

عينيا بتدور عليه وحشني ...


ببص لقيته واقف مع كذا بنت 😡


قربت منه.....


..دكتور فارس ممكن كلمه علي انفراد 😡


فارس: اه طبعا 😁


..يعني واقف مع بنات وياريتها واحدة ده 3 كمان وبتتضايق مني لما اكلم مع محمد أو سيف 😠


فارس: يعني انت متضايقه عشان كذا بنت لو كانت واحدة كان عادي 😂


..واللهي طب خليهم ينفعوك بقا 😡


ولسه هامشي ...


مسكني من ايدي ...


فارس: انت بتغير ولا ايه 🥰 


..ايه ده وانا اغير من دول اللي لبسين محزق وملزق دول ما معهمش فلوس يكملوا فساتينهم اللي لبسينها 😏


فارس : وهما يجوا ايه في جمالك ورقتك 🥰


..اه كل عقلي بالكلام الحلو ..


فارس: دي الحقيقه 😍


ابتسمت...


فارس: ضحكتك دي بقا بتنور الدنيا كلها صباح الجمال 🥰


..صباح الورد 😍


فارس: عندك كام محاضرة النهاردة 


..واحدة بس 👍


فارس: تمام خلصيها وروحي علطول 🥰


..اوك ...


فارس: احبك وانت مطيع وعسل كده 😂


..☺️🤭

....................


سيف دخل الكليه وشاف فارس علي بعيد ..وشاورله وفجاءة خبط في حد 


رنا : مش تفتح يا أعمي ...


سيف: أعمي مين يا بت ماتحترمي نفسك مش انا اللي اتشتم انا ..


لمت كتبها من عالارض وقامت بصتله بغضب. .


رنا : انا اللي احترم نفسي 😠


سيف: 🥰🥰 ده انا اللي مش محترم انا وعيلتي واللي خلفوني☺️😂


رنا عدلت نضارتها بغضب ورفعت شعرها ..


سيف: 🤤😘 (ولهان )


رنا بتبص ليه بغضب ..


سيف بيمد أيده: سيف العدوي چنتل مان اكبر راجل اعمال في مصر 😎برغم صغر سني والناس بتغير مني 😂


رنا : يا نوغه🙄 ..


سابته مادد أيده ومشت ...


مشي أيده علي شعره 😎


فارس: انت قابلت رنا ..


سيف: انت عارفها 😁


فارس: ايوه دي صاحبه حنين 🤔


سيف: عسل اوي غامضه كده شكلي هخش المصيدة يا مان 😂


فارس: يلا ربنا يهديك ويچيلك اللي تعقلك 😂


سيف: طيب هانروح امتي ☺️


فارس: شويه لسه عندي محاضرة 👍


سيف: طيب اما تخلص رن عليا وانا هاخدلي لفه هنا وهبقي اجيلك 😉


فارس: 😂😂 ربنا يعينك .

......................


خلصت المحاضره وطالعه من الكليه ...


حظابط : صباح البسبوسه بالقشطه 😍


وقفت ابص يمين وشمال عشان ان فارس اجي هينفخني وينفخه 😥...


..صباح النور ولسه هامشي مسك ايدي 😥 ....


حظابط : ما كفايه تقل بقا تعبتيني هاجيب بابا وماما امتي  بقا 🥰 مش انا المفروض خطيبك 🥰


لقيت فارس قدامنا كملت 🙂


مسك ايدي وشدني لحضنه 😳


فارس: انا اللي هاجيبلك باباك ومامتك يزوروك في المستشفي 😡


حظابط : انت بتطلع منين مش معقول كده بقا 😥


فارس : تعاليلي يا بطه 😡


حظابط : وانا مالي هيه😂


فارس: اه دا احنا هنستعبط بقا 👊وضربه بالبونيه في وشه ...


حظابط : ما ينفعش كده ابقي قولي استعد (واغمي عليه يلا يا تافه 😂 وقال حظابط قال دا انت ظابط ايقاع ) 


..ليه كده يا فارس 🙄


فارس: ايه خايفه عليه 😡


..لا بس مش كل واحد يعاكسني تضربه يعني انا ليا معجبين كتير كده هاتتعب 😂


فارس: يا واد يا جامد 😂


..اومال من يومي 😂


فارس: يلا عالبيت لما اجي 😎


..🥰🤭


روحت البيت فرحانه باهتمامه بيا أنه اخد باله مني من قبل ما احتاجه بيكون موجود 🥰


دخلت البيت لقيت ماما بتتفرج علي ارناف سينج رايزادا 


ماما مش اخده بالها مني اساسا 😂


ماما : فينك يا لحمه لما كنا جزارين 🤭😘


أنا 😂😂😂😂


ماما : انتي جيتي 😏


..لا لسه في السكه 😂 جزارين ايه يا ماما دا بابا متجوزك تخليص حق 😂


ماما : فشرتي دا انا كنت مدوخه شباب مصر بس حبيت ابوكي 😏


بابا: ومالك بتقوليها كده أن شاء الله يا فوفا 🙂


ماما : ها لا يا دوله قصدي كان احلي يوم في حياتي لما قابلتك 🥰


..😂😂 


سبتهم مع بعض امي هتضحك عليه بكلمتين 😂 ..


..ايه ده لا بجد ايه ده لقيت سريري عليه ورد وفستان موف تحفه 🥰


تليفوني بيرن من فارس 🥰


..الو ..


فارس: ايه رأيك 🤔


..تحفه بجد مش عارف انا فرحانه قد ايه 💥


فارس: لما شوفته قلت مش هيليق علي حد غيرك 🥰


..تحفه جدا دا انت جامد بقا 😂


فارس: وانت لسه شوفتي حاجه 😂 هلبس واجي يا قمر 🥰


..مستنياك 🥰


فارس: يا وعدي ❤️

...................

في الكليه ...


فارس: برن عليك بقالي ساعه انت فين يا متخلف😡


سيف: لا انا في قاعده كده بصالح ناس جايلك حالا 🙂


فارس: انت فين يلا ..


سيف: في الكافتيريا وجاي 😡


فارس بيروح  يدور علي سيف بيلاقيه لامم البنات حواليه وماسك ورقه وقلم وقال ايه بيرسمهم 😂


فارس: واللهي ومن امتي ..


سيف: فارس🙂 استر عليا يستر عليك ربنا 😥ماتحرجنيش ..


فارس بيبص علي الرسمه اللي في أيده بيلاقيها شخابيط 😂 بيبص بيلاقي رنا قاعده بعيد شويه ...


فارس: معلش يا جماعه الفنان بتاعنا مشغول دلوقتي هايجي يوم تاني ويعملكم اللي انتوا عايزينه 😂


سيف : ايوه يوم تاني يا بنات 😎 وبيبص ناحيه رنا اللي بصتله بعدم اهتمام ...


فارس وسيف مشوا ....وراحوا البيت .

..........

الساعه 8


لبست الفستان ووقفت قدام المراية سبت شعري وحطيت ميكب سيمبل .واستنيته ..🥰


ماما : فارس وسيف برا 😂


..اه ايه رأيك شكلي حلو ..


ماما : قمر بسم الله ما شاء الله 😎 هاتي الشربات وتعالي..


طلعت وانا لابسه كعب عالي ...استر يا رب يارب بس مادلقش ويبقي منظري زباله 😂😂


دخلت المطبخ جبت الشربات ودخلت عليهم.


فارس كان زي القمر ماهو قمر علطول 😎لابس بدله سوداء قمه في الجمال 😘 شعره السايح اللي معدي ودنه بشويه غمازاته اللي في وشه 💥


حطيت الشربات وقعدت ...


سيف: بسم الله ما شاء الله قمر 🤭 اوعدنا يارب 😂


فارس: 😡 بيبصله..


سيف: مبروك يا صاحبي 😁


فارس: انا جاي ياعمي عشان اتقدم لبنتك 🥰


بابا : وفين اهلك يا بني 🤔


فارس: امي وابويا الله يرحمهم وماكانش ليا غيرهم .


بابا : ربنا يرحمهم ..


فارس: المهم انا جيت اطلب ايد بنت حضرتك 🥰


بابا : متأكد يا بني 😂


فارس: طبعا يا عمي ..


بابا: حد جبرك علي حاجه جاي تحت تهديد السلاح 🤔


فارس: ايه ...


بابا: انت في كامل قواك العقليه 🙂


فارس: ايوه 🤔


بابا: يبقي مبرووك يابني 😁


فارس: الله يبارك فيك ياعمي ...


ماما في البلكونه بتزغرط لينهال علينا سيل من الزغاريط 😂(أهل الحارة بيحبوني حب يا جدعان )...


فارس: هوا في فرح هنا ولا ايه.


ماما : لا ياحبيبي دول فرحانين ل حنين اصلك خدت نوارة الحته كلها 😁


فارس: طيب يا عمي بخصوص المهر والشبكه وكده اللي تؤمر بيه 👍


انا قاعده مكسووووفه مش عارفه اول مرة اعرف اني بتكسف اه واللهي 😂


بابا : احنا ماصدقنا نخلص يا بني شيل وربنا يعينك 🙂


انا 🥺🥺 بيحبني ابويا ده مش قادر علي بعدي 


فارس: طيب انتي يا عروسه عايزة مهرك ايه 🥰


سيف: ايوه قولي يا قمر ما تتكسفيش😍


فارس: 🙂 بيبصله....


..مهري ده اللي هاخدك منك بعد الجواز سعادتي معاك وحبك واهتمامك وانك تكون لي اخ واب وسند 🥰


سيف بيسقف👏👏: ايه ده كله ايه ده كله 😂


فارس بحب: اوعدك انك هتبقي اسعد واحدة في الدنيا 


سيف بيتك علي ايده .


فارس بصوت واطي: ايه 🙄


سيف: ماتوعدش بقلب جامد انتوا الرجاله مالكوش امان اه يا خويا واللهي 😂


فارس: انا ايه اللي خلاني اجيبك معايا اساسا 😡


سيف: اه يا استاذ فارس من دلوقتي وبتنسي امك اومال لما تتجوزها هتعمل ايه هتوديني دار مسنين 🙂


فارس: خلصت يا تافه مش وقت تفاهتك هنا خالص 🙄


سيف: كمل كمل وإنساني 😉


فارس: تمام يا عمي ..


بيطلع خاتمين بيلبسها واحد وبتلبسه واحد 🥰


والزغاريط ماليه الحته ...


بنحس بهزة ارضيه ...


فارس: ايه زلزال ولا ايه 😥


سيف: هنموووت ولا ايه انا لسه ما دخلتش دنيا طب اصلي الاول طيب 😭


ماما : ما تخافوش دول أهل الحته طالعين يباركوا لكم 😁 وريني يا حبيبتي كده الماظ ده 😂


فارس: ايوه يا طنط ...


وقفت ماما تستعرض فارس قدام الناس وجماله والخاتم الألماظ...


ماما : اهو يا ام احمد مافيش حد في الحته لبسه غير بنتي الله اكبر الله اكبر بسم الله ما شاء الله 😎


ام احمد : ايوه يا ختي والواد عسل أسد كده في نفسه  🙂


فارس كان واقف بقا نايم علي بطنه فجأه🙂...


سيف: يقطعك يا ام احمد رشقتهالوه😂..


             الفصل العشرون من هنا 

لقراءة باقي الفصول من هنا

تعليقات



حجم الخط
+
16
-
تباعد السطور
+
2
-