رواية اسميتها حنان الفصل الاول1بقلم ساره محمد
مساء الخير يا حنان..
احمد.. يا احمد...
احمد : يا نعم..
البت شمس جالها امبارح عريس..
احمد : عقبالك يا حنان...
لا ي احمد لازم اتخرج الأول وابقا استرنج اندبينديد ومان..
وبعدين ابقا افكر فى الحوار ده...
احمد :اشتغلى يا حنان اشتغلى يا حنان وانتي ساكته..
حنان : اوووف..
انا حنان في شغاله فى الصيدليه مع احمد احد متخرج.. وابقا مدرسه متستغربوش.. انا كان نفسى ادخل صيدله ومدخلتهاش ودخلت تربيه فقررت اضرب عصفورين بحجر واحد..
احمد : ممكن اسألك سؤال يا حنان..
قولتله اصأل يا احمد..
هو انتى ليه كل يوم صاحبتك شمس يجيلها عريس..
وانا مالى يا احمد.. ممكن علشان هي حلوه؟!
احمد :منا شوفتها يحنان وهي عاديه..
طيب ممكن اسألك سؤال تانى..
اتفااااضااال.. يا احمد..
هو انتى ليه مبيجيلكيش كل يوم عريس شبهها..
كنت وقتها برص العلاج على الرف اديرت وبصيتله وقولتله علشان ده برضو نصيب يا احمد..
احمد : متزعليش يا حنان ما انا عمري متقدمت لبنت..
حنان ضحكت بصوت عالي وقالتله..
ازعل علي ايه يا ابني.. ع الهم!!!
انا كحنان.. مبسوطه جداً بده.. علشان انا مش عاوزه اتخطب دالوقت انا عاوزه اعتمد علي نفسي الأول واحقق كل احلامي وبعدين لما يجي نصيبي ابقا افكر..
مش تيجي فرثه مناسبه واوافق واتجوز واطلع من الدار علي النار..
فين بقا حياتي الي عشتها.. فين ؟!
كلامك منطقي الي حد ما يحنان..
روحت البيت يومها وفتحت الواتس اشوف الأستوري بتاعه حنان.. ملقتهاش حاطه استورى ولقيتها قافله..
غريبه يعني..
دا حنان لو منزلتش 3000 استورى متبقاش حنان..
قفلت الفجر وهى برضو مفتحتش..
جه تانى يوم..
اهلا يا ست حنان متاخره ليه؟!
حنان ساكته..
فين مصاء الخير بتاعتك يا حنان الي بتقوليهالى كل يوم الصبح..!
حنان : تخيل ايه الي حصل امبارح؟!
ايه الي حصل؟!
جالي عريس..انت.. منك لله انت.. كنت مرتاحه..
وانا عملت حاجه يحنان..!
اه هما بيجو علي السيره باين تخيل ان ده اول عريس يجيلي.. وانا عندي 20 سنه اهو.. يعنى لو وافقت هتجوز وانا عندى24 سنه.. وخلاص كدا.. احلامي بح..
وضربت كف علي كف..
بس انت عارف حاجه الموضوع كان غريب...
هحكيلك..
بصراحه عندي فضول اعرف بس هي اصلا مبتعرفش تمسك لسانها وهتقول اهو....
واحد اتصل ببابا وقاله عاوزين نيجو نشربو معاكم الشاي..
ف بابا قال لماما وماما بعتتلي اخويا يقولى روقي الصاله علشان فى ناس جايين يشربو مع ابوكي الشاي..
ف انا قعدت اضحك... اضحك...
معرفش ضحكت ليه بس هو الموضوع يضحك بصراحه..
وبعدين جم ع بالليل كدا..
وقعدو يتكلمو مع بابا وانا طلعتهم القهوه..
وبعدين العريس ده قعد معايا..
بص.. كل حاجه جات بسرعه..
ف انا قولتله..
هو انت ساكت ليه؟! انت مكسوف..
قولتيله كدا بجد؟!
حنان : مهو فاضل ساكت ربع ساعه بصراحه واحنا بننام بدري..
فقالى انا خريج تجاره وشغال في بنك..
روحت قيلاله وبعدين!!
راح قايلي..
انتي خريجه تربيه صح. ؟!
قولتله لا غلط.. انا لسا في سنه تانيه..
بس بقا ومشيوا..
خد وفتحت الشنطه وطلعت شوكلاته..
جبتلك شوكولاته..
قعدت طول اليوم باصص للشوكولاته وساكت..
وسألت نفسى سؤال..
امتا انا هجبلها الشوكولاته ديه؟!!
وجه تالت يوم قولتلها..
وافقتى علي العريس يا حنان؟!
حنان : انا وافقت علي...
وافقت علي..
وافقتي علي ايه يحنان متنجزي..
وافقت علي الشكولاته ورفضت العريس..
ليه يحنان.. ؟!
دا يعالم العريس الجاي يجيلك امتا؟!
حنان : انت فاهم غلط خالص يا احمد هو مش بعدد العرسان خالص..
"النصيب ساعه مبيدق بابك مبيستناش اذن"
وانا محستش ان ده نصيبي.. ومتاكده ان نصيبي هيبقا حلو عارف ليه؟! علشان انا حلوه
متبصليش كدا دا مش غرور.. انا روحي حلوه وكل الناس بتقول كدا.. والعريس ده روحه مكنتش تشبه لروحي..
كل مره مبتفاجأ منها.. ازاي جمعت مبين الضحك والهزار والجد والعقل..
نسيت اقولكم انا احمد.. في طب بشري لسا قدامي سنتين واخلص ودي صيدليه اخويا محمود وهو مسافر وانا واقف فيها حالياً..
حنان بقيت صاحبتي جداً بقيت لو جبت تيشرت ولا اي حاجه اوريلها الصور الأول واخد رأيها..
وهي بقيت تحكيلي على كل تفاصيل يومها دا انا حتي حفظت انها الساعه 11 بالليل بتروح تغسل المواعين..
هي الى شجعتني اني اصلي قيام ليل..
انا كنت بصلي كل الفروض..
بس عمري مفكرت اني اصلي قيام ليل..
حنان : مصاء الخير يا احمض..
مساء الخير يا حنان..
بص بقا عمايل ايديا بقا.. قولت لازم احمد يدوق..
ايه ده يحنان؟!
دا كيك يا احمد..
ماله اسود كدا ليه...!
لا لا دا مش اسود دا اسمر...
اه وماله عامل كدا ليه؟!
دا مرهق شويا بس يا احمد...
وحطت ايديها في جنبها وقالتلي.. هتاكل ولا لاء؟!
هاكل.. هاكل يا حنان..
حنان : بالهنا والشفا يا احمض.. ومتنساش بقا تبقا تقولي تسلم ايديكي...
كنت بتكلم مع واحد جاي يطلب علاج وبيسالني علي علاج تاني معين وفي وسط ده لقيت حنان بتقولي انا هدخل ارص العلاج الي جوا..
ودخلت وبعدين اول الراجل ممشا افتكرت ان رجل الكرسي الي هتقف عليه اتكسرت امبارح..
حنان :اااه
و