CMP: AIE: رواية اسمي حياة الفصل السابع والاربعون47بقلم الاء اسماعيل
أخر الاخبار

رواية اسمي حياة الفصل السابع والاربعون47بقلم الاء اسماعيل

رواية اسمي حياة 
الفصل السابع والاربعون47
بقلم الاء اسماعيل
وصلوا الكفتيريا و انبهرت لما لقت  زينة حلوة اوي  و بالونات كثير و ورد كثير  كله باللون الابيض 
بصت يمين و شمال : لقت نفسها لوحدها هي و هو لوحديهم 

بصتله بدهشة : هو ايه ده ...مفيش حد يعني ؟؟
- عشان ما تبقيش تقولي اتفضحنا تاني 
- قصدك ثالث 😂
- يا سيدي ...المهم احنا لوحدنا و اقدر اتهور براحتي بقى 🙄
اتفضلي يا ست البنات 🥰
-- بس انت ما سألتنيش عن جنس الجنين ☺️
- مش عايز غير حتتين منك مش هيهمني اي حاجة تانية 
- تمام ...حيث كدة يبقى هأخليها مفاجأة 
- طب مش عايزة تسأليني عن المناسبة بتاعة النهاردة ؟
- مش فاهمة 
- كل سنة و انتي طيبة لا روحي 
- عيد ميلادي الأسبوع الجاي 
- بس انا عايز احتفل بيه النهاردة معاكي ...هتفرق يعني اليوم
- لا طبعا 🥰 أهم حاجة اني معاك 
قضينا وقت ممتع في الكافتريا لوحدنا رقصنا كثير و استمتعنا ببعضنا و بحبنا ...كنت محتاجة بجد الوقت ده معاه 
حسام عوضني عن الفترة اللي عدت كلها و مسح تعبير و حزني في يومين باكلة كوارع و حفلة 
- انا بحبك اوي يا حسام 
- و انا بأعشقك يا قلب حسام 😍
رجعنا بالليل و اتفاجأنا  بإن والدته تعبانة 
رحنا عندها سوا كانت نايمة
منيرة : لسة نايمة حالا لما نزلت حرارتها 
حسام - طب يالا سيبيها تنام و بكرة هنبقى نتطمن عليها .. يالا حياتي انتي كمان تعبانة 
حياة : حاضر يا روحي .

بعد اسبوع 
اتعافت شهيرة بس  لا هي غيرت معاملتها لمنيرة و لا منيرة قبلت تتنازل و تتحملها ... و كل مرة كانت بتدفعها الثمن بطريقة شكل ..حياة مكانش حسام بيخليها تروح لها و حاول يشغلها طول الأسبوع اللي عدى بسبب انه اخذ اجازة اسبوعين 

و بعدين معاك يا حسام .. و الله شطلي بقى وحش اوي .. امك هتقول عني ايه ؟؟ مش باشوفها غير مرة  في اليوم و احنا عايشين في بيت واحد !! 
- طب و عايزة تشوفيها كام مرة يعني ؟ المهم بتتطمني عليها كل يوم الصبح خلاص كفاية اوي كدة
- بس سعاد بتقول ان الممرضة اللي جايبها لها عمي رشدي بتعاملها وحش 
- بصراحة .. انا أعتقد أن معاملتها ما هي الا رد فعل على معاملة أمي ليها .. م انا مش هتوه عنها !
- بس برضو .  .. اسمها امك و هي عيانة .
- انتي الطيب قلب يا روحي ...طب انا عايز اقترح عليك اقتراح بما ان نور هتجي النهاردة
- ايه هو ؟
- انك بكرة تروحي بيتكم ترتاحي يومين مع طنط الهام و لو ان بعدك بيمو'تني بس يالا عشان خاطر راحتك استحمل 
- معقولة يا حسام ؟؟ يعني مش حلوة اختك تجي من هنا و انا اروح من هنا 
- بس انتي محتاجة الراحة التامة و ما تنسيش ان اهل خطيبها جايين الأسبوع الجاي عشان يتفقوا على تفاصيل الفرح يبقى الافضل انك تاخذي اجازة من دلوقت 
- انت شايف كدة يا روحي ؟!
- مش شايف غير كدة 😍
: اللي تشوفه و لو اني حاساك بتوزعني بس يالا 🙄😂 

- عاجبك كدة يا سئ رشدي ؟!
- ايه تاني خير  !!🤨 اوعي تكون منيرة تاني ذ!!
- هيكون مين غيرها !!!  البنت اللي انت جايبهالي  دي بلوة عارف يعني ايه بلوة!!! حاسة انها هتجيبلي جلطة عن قريب 
بتعمل حاجات بالعند فيا يا رشدي  بيه مش عايز تصدقني ؟؟ 
- لان البنت الغلبانة كانت شايلاكي على كفوف الراحة و برضو بتعامليها زي الزفت يبقى هأتوقع ايه غير انك بتعاملي الممرضة اسوأ من معاملتك لحياة عشان كدة بتعمل معاكي المقالب دي 
- و كمان بتبرر لها !!! انا عايزاك ترفدها من دلوقت مش عايزاها
و خلي حياة تجيني
رشدي بتذمر  : انا طالع المطار اجيب نور
دخل حسام في اللحظة دي و طلع رشدي 
- بس حياة راحت على بيتهم يا ماما 

شهيرة - ايه ؟؟؟! امتى !!! 
- من شوية ...هترتاح لها كام يوم أصل الحمل بقى تاعبها اوي
شهيرة بشك 
- الا قل لي يا حسام .. هي في الشهر كام
- نص الخامس .... ليه ؟؟؟
- مش شايف ان بطنها كبيرة زيادة عن اللزوم ؟؟!
- ازاي ؟؟
- يعني يمكن يكون عنده اكثر من خمس شهور و انتو غلطانين في الحساب مثلا ؟!
- الله أعلم .🙄 عن اذنك 

- انا عايزة اكلمك دقيقتين  يا رشدي بيه 
- خير يا كتيرة مستعجل شوية 
- بخصوص المدام يا بيه 
- مالها ؟؟ 
- بصراحة كنت عايزة اكلمك بخصوص المرتب
- ماله
- المبلغ اللي اتفقنا عليه ده يا دوب يكفي ثمن ادوية الضغط اللي باشتريها يا بيه .. الهانم بتعاملني ولا كإني عبدة اشترتها و انا مش باقبل كدة 
يا اما تزودلي في المرتب ما دمت عارف طباعها صعبة يا اما تشوف لها وحدة تانية 
- هي بصراحة كمان بتشتكي من معاملتك و انا كل مرة كنت باسكتها و حبيت اكلمك بس اتحرجت منك ..ده حتى بتقول انتي سبب مرضها بالبرد...يعني انتي سبتيها جوة الحمام و طلعتي بجد ؟ 
- طب حكت لحضرتك ليه ؟! قالتلي ريحتي مقرفة و طلبت مني اطلع اغير هدومي..اعمل ايه مكانش عندي هدوم !
تنهد رشدي بضيق : طب تمام هنتكلم بعدين لما أرجع

- حياة يا روحي  ...ايه  المفاجأة الجميلة دي !! مش مصدقة بجد انك جاية تقعدي معاي يومين !! ده انتي وحشتيني موووت ...
- انتي اكثر يا ماما ...هي حنان فين 
-  حنان خلصت اجازتها و بقيت اقعد وحدي بعد شغل الاتلييه لدرجة اني بقيت افضل في الاتلييه لوقت متأخر عشان الشغل نفسي .
- معلش ياماما ...نعمل ايه بقى !!
-  المهم طمنيني  عنك ...اخبار العقربة ايه ؟؟!
- تعالي ندخل جووة و خايفة احكيلك كل حاجة ...محتاجة اتمدد مش قادرة افرد طولي بجد 
- طيب يا بنتي خشي جوة جايبالك حاجة سقعة هألحقك عالاوضة 
حياة بحب : ماشي 

- نوووووووور ... حبيبتي وحشتيييييني اووووي يا روحي 
- انتي اكثررر يا مامااااا .. طمنيني عليكي ...
حضنتها نور و هي بتتحسس على وشها و ايدها بخوف
- الحمد لله يا بنتي ما تخافيش عليا بقيت احسن 
- اومال حياة فين ما شفتهاش لما جيت؟؟
لوت يوزها و قالت بتذمر : اخوكي اخذها تقعد في بيتهم يومين قال محتاجة راحة .
- أكيد هتحتاج الراحة مش كانت واخذة بالها منك طول المدة دي و هي حامل !
- لاماهو ابوكي جايبلي ممرضة و حسام مش سايب مراته تجي عندي أبدا 
- لا يا ماما اخوي ما يعملش كدة
- لا يعمل كدة و اكثر .  حتى لما تشوفيه اسأليه بنفسك 
اتصنعت البكاء 
اخوكي إتغير اوي يا نووور  اهئ اهئ اهئ.. ما  بقاش حسام اللي تعرفيه .. بقى واحد تاني قلبه قاسي... هي بتتصنع البراءة بس من تحت لتحت بتسخنه عليا. ....بتسخنه على امه اللي ولدته يا نور تخيلي !! 
- يا ماما حرام عليك و هي لو بتسخنه عليكي كانت شالتك كل المدة دي !!! أكيد الموضوع فيه ان سيبيني انا اعرف في ايه !؟

- بقولك ايه يا سعاد 
- ايوة يا حسام بيه 
- انا كنت عايز اعمل مفاجأة لحياة و عايزك تساعديني 
- تحت أمرك. يا بيه 
- بصي  يما ان حياة مش بتخدم والدتي ف إحنا مش محتاجين نفضل في الاوضة اللي  تحت  ... و كنت ناوي نرجع اوضتنا على فوق بس بما انو بعد كام شهر هيشرف البيبي فكرت ان  إحنا هنحتاج اوضة اكبر عشان كدة بدل ما نرجع اوضتنا  انا بقول نوضب على طول الاوضة اللي قدامها لينا انا و هي و نسيب اوضتنا للبيبي ...ف احنا لازم نخلص كل الشغل ده قبل ما ترجع من بيتهم فاهمة ؟
- حاضر يا بيه 
- طب يالا نادي بهية و تعالوا فوق 
- حاضر يا بيه 
أتصل حسام بحد 
- زي ما اتفقنا يا حازم ؟؟  مستني البضاعة  النهاردة

طلعت سعاد و بهية و بعد ما خلصوا تنظيف بدؤوا  يطلعوا العفش و الهدوم للأوضة اللي قال عليها حسام 

بعد مدة دخل الاوضة ياخذ حاجة   لقى  صندوق فوق السرير 
- ايه ده ؟؟ 🤨 انا عمري ما شفت الصندوق ده هنا ؟
في الوقت ده دخلت سعاد تاخذ باقي الحاجات 
- آسفة بجد يا بيه مكنتش اعرف انك رجعت
- هو الصندوق ده بتاع مين ؟؟
- اااه ده صندوق ست حياة بتاع جدتها 
- طيب ...روحي انتي 
فتحه من باب الفضول ...لقى صور قديمة  ليها قعد يتفرج عليها بحب و مرات بيبتسم مرات بيحزن ...ماهو عاش مع جدتها فترة و افتكر قد ايه كانت بتحبه و بتفرح لما بتكون معاه ..  فجأة لقى التسجيل و معاه شرايط 
فتح التسجيل اللي كان جوة 
- مفيش بطارية ...ايه الحظ ده !  طب افتكرت انا عندي بطارية في المكتب تحت 
طب ليه الغلبة انا مالي !! ي حاجاتها الخاصة 
رجعها الصندوق و حطه فوق السرير تاني 
- سعاد !!
- ايوة يا بيه 
- هو الصندوق ده كان فين ؟؟
- ست حياة كانت حاطاه فوق  الدولاب بتقول فيه ذكرياتها الحزينة اللي مش عايزة تفتكرها 
- طب طلعيه تاني فوق 
- حاضر يا بيه 
نزل و الجملة دي مش راضية تغيب عن باله
- صندوق ذكرياتها الحزينة !!؟! 
بعد ما كان طالع برة غير رأيه و دخل المكتب على طول جاب بطاريات جديدة و طلع على طول 
جاب الصندوق تاني و طلع المسجلة و حط فيها البطاريات وهو عنده فضول يعرف ايه الحزين فيها 

شغل  التسجيل  : كانت مسرحية المدرسة بتاع  يوسف 
ثاني تسجيل كلام عادي ما بين نيرة و اخواتها
ثالث تسجيل اول ما حطه شهق تاني : ايه ده !!! ده صوت ماما ؟؟! كمل التسجيل للآخر و كان مكالمة شهيرة مع صافيناز 
- يعني مكانتش صدفة  زي ما كنت فاكر ؟؟! 
طلعتي مخططة معاهم لكل ده يا شهيرة هااانم ؟؟؟ 

حط رابع شريط و هو لسة مصدوم  اول ما اشتغل التسجيل اندهش تاني  :مش  دي هدى !!
سمع شوية من الكلام ما بينهم و هو بيهمس لنفسه : ده يوم فرحها المشؤوم !!
كمل التسجيل لحد ما شهق بصدمة من اللي سمعه!!!  😳

تعليقات



حجم الخط
+
16
-
تباعد السطور
+
2
-