CMP: AIE: رواية بعد الخداع الفصل السابع7الاخير بقلم اماني سيد
أخر الاخبار

رواية بعد الخداع الفصل السابع7الاخير بقلم اماني سيد

رواية بعد الخداع الفصل السابع7الاخير بقلم اماني سيد
 
 
وصل ماهر ودينا وقاعدوا فى كافتريا ودينا بعتت رساله لماهر وعرفته
دينا : اتفضل يا ماهر عايز ايه
ماهر : دينا انا اسف اسف على اللى عملته معاكى وندمان وعرفت ان انا بحبك بحبك انتى بس 
دينا: خلصت عن ازنك عشان قاعدتنا كده غلط
ماهر: دينا ادينى فرصة اصلح اللى فات انا اكتشفت ان اختك كانت زى قطعه زجاج مكسوره فى وسط الرمل طول مانا بعيد عنها كنت شايفها بتبرق وبحاول امسكها ولما مسكتها لقيتها حته زجاج مالهاش لازمه
دينا: للاسف يا ماهر كلامك ده متاخر جداً جداً كلامك ده وصل بعد ما قدرت اداوى نفسى بنفسى وانا بعيد عنك 
كلامك ده وصل بعد ما قدرت اقف على رجلى من اول وجديد كلامك جه بعد مالقيت شخص تانى وقدر باحترامه واسلوبه يدخل قلبى 
للاسف يا ماهر مافيش اى امل اننا نرجع لبعض 
انا سمعت كلامك عشان ماتفكرش انى لسه بكنلك مشاعر او حتى ممكن يكون فى امل انا جيت عشان انهى كل حاجه 
ماهر : طيب ارجعى بيتك وماتتجوزيش حد بعدى يوم جوازك يا دينا هيبقى يوم موتى وانا حقوقك كلها هديهالك لكن لو اتجوزتى انا هاخد ابنى منك  كان بيقولها بلهفه ورجاء يمكن لو مارتبطتش وهو طلق نها يبقى في امل فى يوم للرجوع 
دينا: أولا ماتقدرش تاخدى منه لانه مع ماما وهو وماما هيكونوا معايا 
ثانياً انا عارف ليه يا ماهر سبتلك كل حاجه انا سبتلك الجمل بما حمل زى ما بيقولوا 
عارف ليه 
عشان كل حاجه بتفكرنى انى كنت مغفله وانى لعبه كل حاجه بتفكرنى انى كنت سبب انك تغيظ اختى عشان ترجعها مره تانيه بتعرفنى اد ايه كان دورى كبرى في حياتكم عشان تغيظوا بعض انا عرفت وفهمت ليه كنت كل مره تصر تعملى عيد ميلاد وتعذم اهلى وتجبلى هدايا غاليه مره عربيه ومرهوطقم دهب كل ده كنت عشان تغيظها وترجعك اهر رجعتلك واتجوزتها وحلت مكانى وانا فى اللى بقى مكانك عندى 
تفتكر دلوقتي بعد ده كله  ممكن ارجع البيت تانى خصوصا  بعد ما اختى قاعدت فيه وبقى فيه رحيتها وانا واثقه انها غيرت ملامحه عشان تشيل اى زكرى ليه فيه
فوق يا ماهر وماتحاولش تقرب منى تانى سامع ونصيحة عشان ماتخسرش كل حاجه اهتم بابنك وخد بالك منه عشان ده اللى باقيلك 
وسابته وقامت لقت بيبرس قدامها
بصتله دينا براحه وكان حمل من قلبها اتشال وخصوصاً لما خرجت كل اللى كان فسها تقولهوله 
بيبرس: ضايقك او هددك 
دينا : لا كان عايزنا نرجع تانى او على الاقل ارجع اعيش فى البيت يا اما ياخد الولد 
بيبرس: طبعا مايقدرش وانا مش هسيبك ولا هسمحله 
دينا : بيبرس ده باباه وبعدين ماتقلقلش انا اتصرفت معاه وهو مش هيتعرضلى تانى ابدا 
بيبرس: لو حصل حاجه تانى ابعتيلى وانا فى لحظه هكون عندك 

عند نها كانت بتتصل بطليقها 
نها : يا محمود انا عايزه اشوف عيالى دول ولادى ومن حقى اشوفهم وحشونى انت ايهو
محمود : انتى اللى سبتيهم وشوفتى حياتك يبقى انسيهم 
نها : مانت كمان اتجوزت من بنت خالتك وعشت حياتك 
محمود : انا واحد حر اتجوزت بعد ماطلقنا والحمد لله انى عملت كده عشان احمد ربنا على النعمه اللى انا فيها بعد الع ذاب اللى كنت عايشه معاكى وولادك انسيهم 
نها : طيب عشان خاطرى انا موافقه على اى حاجه تقولها
محمود: عايزه تعيشى مع ولادك وتشوفيهم يبقى تطلقى من البيه اللى اتجوزتيه ده وتيجى تعيشى تربى والدك وهرجعك على زمتى بس مش هنبقى زى الاول عشان عمايلك وطمعك ده انا مش هقبل بيه وقتها بس هخليكى تشوفى عيالك وتربيهم ومعاكى اسبوع تفكرى فيه يا تيجى تقوليلى انا اتطلقت وعايزه ارجع اعيش مع ولادى يا اما تنسى ان ليكى ولاد من الأساس ده اخر كلام عندى 
قفلت نها مع محمود وفضلت تشتم فيه وفماهر 
منك لله ياماهر انت السبب انت اللى خلتنى اطمع في اللى مع اختى وبقيت اضغط على محمود لحد مانفجر وطلقنى ودلوقتي عايز يربينى وياخد بطاره منى على الفتره اللى فاتت وطبعا السنيوره بتعمل اللى عليها وزيادة عشان تطلنى الشيطان وهى الملاك ( على اساس انك ملاك بأجنحة ده انتى الشيطان واقف بيتعلم منك ) 
وصل ماهر البيت وهو بوزه شبرين ومخنوق لانه خلاص أتأكد إن مافيش اى مجال للرجوع مره تانيه وان فعلا باع الدهب بالتقليد والتقليد الرخيص كمان 
دخل ماهر الشقه وكان مرهق جدا ولقى نها عماله تاكل فى نفسها ومتعصبه
ماهر : مالك يا نها في ايه
نها : محمود مش عايزنى اشوف عيالى 
ماهر : طيب بقولك ايه اجلى الرغى ده انا جاى تعبان وجعان وعايز انام عامله غدا ايه 
نها : مش عامله وبعدين احنا اتنين هعملنا غدا ليه احنا كل يوم نقضيها اى حاجه يعنى مثلا انهارده ممكن ناكل بيتزا بكره سمك وجمبرى كده 
ماهر : يعنى حضرتك مش ناويه تطبخى 
نها : لأ طبعا انا هربانه من مسئوليه ولادى عشان اتحملها هنا 
وقف ماهر اللى هو فى Erorr
ماهر : امال لما تخلفى مين هيطبخلهم 
نها : احنا متفقناش على الخلفه انا عندى ولاد وانت كمان نخلف تانى ليه 
احنا متجوزين عشان ننبسط نخرج نسهر ونعيش حياتنا 
انما طبيخ وترويق والهرى ده كله انا ماليش فيه 
ماهر: نها 
نها : نعم 
ماهر : انتى طالق 
نها : انت بتقول ايه 
ماهر : انتى طالق بالتلاته يا نها عارفه انا كنت جاى وناوى ادى لحياتنا فرصه تانيه مع بعض ونحاول نعوض بعض ونعيش مع بعض ونبنى اسره لكن طلع انه ماينفعش 
نها : اه يا واطى طيب انا هاخد منك حقوقى كلها والمؤخر وكل حاجه وهجرجرك في المحاكم 
ماهر : مش محتاجه تعملى كل ده لان انا عقابا ليا هديكى كل حقوقك كنوع من العقاب لنفسى انما مش هقدر اعاقب نفسى طول العمر بيكى صعب ده صعب عليا ويلا خدى هدومك ومع السلامه لحسن اقسم بالله ارميهملك في الشارع حالا 
خافت نها من منظره ولمت هدومها وراحت لبيت طليقها 
محمود : ايه ده بالسرعه دى اتطلقتى 
نها : ولادى وحشونى سبنى بقى ارجعلهم وانت طلق بنت خالتك ونرجع نعيش كلنا زى الأول
محمود ضحك بعلو صوته : زى الاول مين انتى هبله يا نها انا متجوز ستك وتاج راسك ادخلى بصى شكل العيال نضاف ازاى والبيت نضيف ازاى وريحه الاكل عامله ايه ادخلى وبصى واتعلمى ستات البيوت عاملين ازاى 
دخلت نها واتفاجئت بمنظر شقتها ازاى مترتبه ونضيفه ودخلت غرف العيال لقتها متروقه والواليت مرصوصه والعيال كل واحد على مكتبه بيزاكر ولما شافوها حريوا عليها حضنوها وقتها نها حست انها فعلا كانت ستةمهمله وطماعه بس خسرت كل حاجه
محمود : انا هردك تانى بس بعد عدتك بس مالكيش عندى اى حقوق لما مزاجى يجيلك ابقى اجيلك غير كده لا وولادك هتقعدى معاهم هنا واميره انا واخدلها شقه تانيه وفارشهالها اخسن فرش هنروح نقعد فيها وكل يوم هاجى عشان اشوف عيالى انا رجعتك عشان اعرف اشوف حياتى مع اميره وعشان هى حامل وصعب عليها العيال والحمل مع بعض 
وسابها ودخل لاميره وقالها اللى هيتم وعرفها انه رجعوها على الورق فقط عشان يقدر يشوف ولاده 
وهى وافقت لانها لما اتجوزته كانت بتحبه وعارفه انه مطلق وممكن يرد مراته عشان بينهم ٣ اولاد 
عدا التلات شهور وكان ماهر بيحاول بكل الطرق يتخطى خسارته لدينا وقرر انه يسافر ويفتح فرع لشركته فى بلد تانيه يمكن يرتاح ويحاول يعيش طبيعى ودايما بيسال على ابنه وبيزوره وباع كل حاجه تحص دينا وعملها ودايع باسم ابنه 
نها رجعت لعيالها بس مش عارفه ترجع جوزها ليها مره تانيه وراحت لامها اتاسفتلها هى ودينا امها سامحتها بس دينا قالتلها خليها للزمن يمكن اقدر اسامحك على خداعه ليه السنين دى كلها 
سيلا ومؤمن اتجوزوا وعايشين سعداء جداً مع بعض
وانهارده لا دلوقتي في غرفه فى فندق احلى عروسه لابسه فستان ابيض وتاج كبير كانها بتتجوز لاول مره منتظره عريسها يدخل ياخدها 
دخل بيبرس واتفاجئ من جمال دينا راح حضنها وعينه بتبكى من الفرحه باس راسها وايديها ونزل بيها وابنها كان نازل قدامها لابس بدله شبه بدله العريس بيبرس جبهاله وقضوا احلى فرح واخدها بيبرس فى نص الفرح ومشيوا وصلوا الفيلا وشالها بيبرس وطلع بيها لحد الجناح بتاعهم ونزلها براحه كانها حتت زجاج هتتكسر 
بيبرس : يا انا مش مصدق اننا خلاص اتقفل علينا باب واحد انا حاسس انى اول مره اتجوز 
دينا : وانا كمان مبسوطه اوى ومتوتره اوى 
بيبرس : لا يا حبيبتي ماتتوتريش وسبيلى نفسك خالص 
نسيبهم بقى عرسان جداد
عدا ست 
استقل ماهر بحياته فى البلد اللى سافر ليها وقابل هناك بنت واعجب بيها بس لسه مش قادر يحبها خايف يقرب منها ويظلمها زى ما عمل مع دينا وقرر انه يدى نفسه فرصه 
نها : حياتها اصبحت لولادها فقط والتعامل مع جوزها بيكون في اضيق الحدود لان اغلب وقته مع مراته الجديدة والبيبى الجديد بتاعه وهو مش قادر يصفى لنها بيحاول يتعامل معاها وسايب مسامحته ليها للزمن 
صحيت دينا فى يوم على تعب في معدتها وترجيع شافها بيبرس 
مالك يا دينا فى ايه
دينا: غالبا اخدت برد فى معدتى 
بيبرس : برد ايه احنا فى الصيف 
دينا : عادى بتخصل 
قونى البسى نروح للدكتور 
دينا : لأ مالوش لزوم 
بيبرس : اسمعى الكلام وقومى تحت ضغط بيبرس قامت دينا وراحوا للدكتور وكشف عليها وطلب تحاليل 
دينا : مكنش ليه لازمه ده كله اهو طلب تحاليل وكمان شويه هيطلب اشاعه ومصاريف على الفاضي
بيبرس : لا طبعا لازم نطمن عليكى مش هنخسر حاجه وفلوس ايه اللى بتتكلمى عنها صحتك اهم من فلوس الدنيا كلها ظهرت نتيجه التحاليل ودخلوا بيها مره تانيه للدكتور : زى ماتوقعت مبروك يا مدام انتى حامل 
بيبرس ودينا وشهم سهم وسكتوا 
الدكتور: حضرتك يا مدام دينا محتاجه تروحى تتابعى مع دكتوره نسا عشان تعرفى انتى فى الشهر الكام 
خرجت دينا وبيبرس من عند الدكتور 
دينا : بيبرس انت ساكت ليه 
بيبرس : استمى لما نروح لدكتوره نسا الاوا 
اخدها بيبرس وراحوا لدكتوره نسا واكدتلها الحمل وانها حامل فى شهرين فرح بيبرس هنا وبان عليه الفرحة واستغربت دينا جدا لانها حست انه شك فيها 
خرجوا من عند الدكتورة و ركبوا العربيه
دينا: بيبرس انت فرحان فعلا 
بيبرس: مش باين عليا 
دينا : بس انت قولتلى انك مش بتخلف 
بيبرس   : بعد جوازنا بشهر رحت لدكتور تانى وعملت تحاليل واشعه كامله وطلعت بخلف وحمدت ربنا وقتها 
دينا: محاولتش تواجه مراتك او تاذيها
بيبرس: لأ طبعا انا كنت عايش في خدعه خدعه كبيره والكل حزرنى منها بس انا فضلت مصمم عليها ودى كانت نتيجة عنادى وعقابى اخدته للنهاية خلاص 
بس الحمد لله ربنا رضانى بيكى وبالطفل اللى فى بطنك ارجع بقى اتكلم فى الماضى ليه 
دينا : عندك حق طيب ليه خبيت عليا 
بيبرس: حبيت اعملهالك مفاجأة
دينا : واحلى مفاجأة. بس مالك 
بيبرس: مالك ده ابنى الكبير ومعزته من معزتك فى قلبى يكفى انه حته منك تعالى دلوقتي نروح نجبله هديه ونعرفه انه هيجيله اخ او اخت 
فعلا اشترولوا هدايا وجمعوا كل العيله وبلغوهم بخبر حمل دينا والمل فرحلهم خصوصا مامت بيبرس وفضلت تزغرط وعيطت من الفرح 
 🌹 🌹🌹🌹🌹🌹🌹🌹🌹🌹🌹🌹🌹🌹🌹
         💚 مرحبا بكم ضيوفنا الكرام 💚
هنا في كرنفال الروايات ستجد كل ما هوا جديد
 حصري ورومانسى وشيق فقط ابحث من جوجل باسم 
الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار

 بكل ما هوه جديد من اللينك الظاهر امامك        

  🌹🌹🌹🌹 🌹🌹🌹🌹🌹🌹🌹🌹🌹🌹🌹

               تمت بحمد الله 

تعليقات



حجم الخط
+
16
-
تباعد السطور
+
2
-