CMP: AIE: رواية ودق قلب الحجر الفصل الحادي والثلاثون31بقلم ميفو السلطان
أخر الاخبار

رواية ودق قلب الحجر الفصل الحادي والثلاثون31بقلم ميفو السلطان

رواية ودق قلب الحجر 

الفصل الحادي والثلاثون31

بقلم ميفو السلطان

حمل بدار شكران ووضعها علي الفراش برعب وهيا قد تاهت لتخرجه الطبيبه ويتجمع الممرضات وتخرج له امه.. لتقترب .....فرحان يا ولدي البت بتسجط روحها تجولك عشان ماتكرهوش .ليه جولتلها انك هتكره عيلها يا مري علي مرطت نفسك يا بتي.. راجلك يجولك اكده تجومي تموتي نفسك  اجول ايه اجول ايه فوضت امري لله.

صرخ بحرقه ودموعه تنزل .....حرام عليكي كفايه بدل ماتدعيلي.

هتفت...... ادعيلك..... اعملها ازاي دي ادعي بالظلم ابقي ظالمه اجولك ربنا يوفجك في حرجه جلب الغلبانه والا اجولك تعيش وتتهني وانت جاهرها .جول انهي دعوه عايزها عايز امك تبقي ظالمه.. اني بعرف ربنا ادعيلك ازاي اذا كت انت دعوه وانحالت بالجضا عالغلبانه  فكرك لما ابعد امها واختها مايجوش عارف ليه لانهم هيدعولك ويمشو علي هواك لانهم مابيفكروش بجلوبهم .شكران الوحيده اللي رايده الجلوب وماخدتش الا جهر ومرطه نفس انت كت تنفعك شكريه لا رايده جلب ولا حزن اسود  روح الله يسهلك بعد سيبني اشوف هعالج الغلبانه ازاي. لتجد بدر وصبا يدخلون لتهتف.. اهلا شرفت يا كبيري. شرفتو ياللي رافعين راسي.

هتف بدر بعنفوان .....فيه ايه ياما.

لتقوم وتشد صبا.. فيه.. فيه سواد جاي ليكو يا ولاد العبابده.. اجعد مع اخوك واني ليا كلام تاني لتشد صبا وتدخل .

فهتف بدر .....فيه ايه يا حزين امك مجلوبه ليه اكده.

هتف بدار...... امي.. امي هتجومها حريجه اني عارف انجلبت عفريت َومرتي انجلبت ماعارفش ليه ودنيتي اسودت ليحني  راسه.

هتف بدر..... اجمد اكده وبطل نح ايه امسك حالك بطل هيحصل ايه يعني.

هتف بقهر.....هتهملني شكران هتهملني وتحرجلي جلبي.

بهت بدر......... جلبك.. بدار انت انت..

صرخ...... ايه ماعايزش تجولها ليه ماتنطج هو عيب اياك بدار يحب .بدار حب شكريه ووعي لده .بدار هيموت عالبت اللي جوا دي وكت حاسس اني ملكت الدنيا بس انجلبت وعاودت ترط جهر َماعارفش انجلبت ليه .اني هموت محصوربدار عشج يا بدر ورايد العشج ده ما رايدش يبعد. بدار كان جاحد وغدار وشايف نفسه حجاره وشكران جت بجلبها دشملت جواتي.. بدار واعي لجلبه لا هو عيب ولا شين ولا عار يابن ابوي.. الحب يعلي ويزود واني بحب ورايد والله رايد لتنزل دموعه.

 ليبهت بدر من تحول اخيه فكان صلب لا يحس ويبعد عن الحب بالمشوار ليظل ينظر اليه وتحوله واعترافه هكذا وكيف ان اخيه الذي هو نسخه منه قد رمح بعيدا ليطلب الحب وينذل اليه وهو راضي.صفحه روايات ميفو ...


دخلت نجيه علي شكران احتضنها...... اكده يا بتي اكده تموتي عيلك..

لتقترب صبا.. وتجلس بجوارها لتنظر شكران اليها .....شفتي يا خيتي اهو دلوك اني حاسه بيكي وبوجعك حاسه ازاي كتي رايده حب وختي جهر الدنيا بس انت جويه ووجفاله اني غلبانه  دايما يجولو شكران طيبه شكران طيبه ھو اني ليه طيب اووووي اكده....عاوز اجول كلمه تانيه بس😔😔😔😔   وماحدش بيجولها اني عبيطه  ..جولوها عادي ماتكسف...

لتهمس صبا..... َماتقوليش كده.

هتفت شكران بقهر ......لا..هي دي الحجيجة ..الناس خلاص بقت بتشوف الطيبة عبط ..‏جولي مين اكده بيجدر الطيبة دلوك ؟! بُص  حواليك هتلاجي اكتر حد بيتأذي و بيتظلم وبيتاكل حجه هو الطيب ..‏و لا بيتعمله خاطر ولا حساب ولا بيتشكر اصلاً.. دا ابسطها اما بيزعلوه و ييجو عليه يجولو لنفسهم ماتشلش همه خالص دا طيب و غلبان مش هيزعل وهيتراضي بكلمتين .. ...،

‏نسيوا ان كتر الضرب بيعلم الجسوه..اني انضربت لما انهريت وبكره طيبتي من وجعي .هو إمتى الدنيا هتصالحني بجد نفسي افرح فرحه من غير ما اخاف . نفسي احس بالامان واطمن!! نفسي جلبي يهدي والجبضه اللي جواه دي تروح!! ولله انا راضيه بكل اللي ربنا كتبهولي وابطل تفكير شويه نفسي انام من غير ما افكر هو انا هقدر اجوم واجف علي رجلي واكمل حياتي تاني رغم اللي بيحصلي وبشوفه هكون جوية ولا لا!!. انا احلامى  بسيطة جوي بس حتي الاحلام البسيطة دي بقت ممنوعة عليا إنى احلمها معرفش ليه الدنيا جاية عليا اوي اكدة مع إنى ولله عمري ما اتعمدت إنى اذى حد او اوجع حد!!! بالعكس انا مبأذيش حد غير نفسي...ومبوجعش حد غير نفسي ....!ومبجيش علي حد غير نفسي...يارب انا كل اللي بتمناه إنى افرح من جلبي من غير ما اخاف هو الحنيه ليه صعبه جوي.... نفسي اعيش من غير ما اكون مستنيه حاجه تهدني وتوجعني لانى والله ما بقيت حمل وجع خالص كل اللي بتمناه إنى احس بالامان وجلبي يطمن اعيش حياة من غير ضغط وتفكير في بكره افرح من كل جلبي وانا عارفه إنى فرحتي هدوم مش مجرد وجت وتخلص...كل اللي طلبة إنى ابقي مرتاحه ومبسوطه وحياتي هادية من غير معاناه هو ده شئ صعب ولا انا بطلب المستحيل ...بس اللي حاصل ان ده مستحيل طلبت الحب طلع مستحيل طلبته من حته حجاره معبيه جلب بني ادم ماحسش من اساسه رايده ايه.. عارفه يا مرت عمي حبيت ولدك اد ايه الطيب لما يحب بيعشج بيصب عالي عاشجه بالكفه بس يا خساره كت بصب في غربال.. الحب ينزل من اهنه يتسرسب كيف الميه من الغربال ويفضل مصفي عليه الزلط وبواجي حجاره وعفاشه ده اللي فضلي وشفته ولجيته..

هتفت نجيه.. هجيبلك حجك يا بتي والله لاجبلكو حجكو.

هتفت شكريه..... بعد ايه بعد مالجلب اتعبي حزن وجهر هتجيبه اعمل بيه ايه يا مرت عمي هترجعيلي فرحتي هترجعيلي حالي البت الطيبه تاني. طب حسرتي علي جهرتي اني حامل دي هتشيليها ازاي المره بتطول السما لما تجيب عيل من راجلها واني الجهره مكلبشه في صدري ماراجلي مش عايزه وجالها لا رايدك ولا رايد منك عيال ولو جه هنزله ولو جه تاني هكرهه واجهره العمر كله.. خابره وجعي يا اماي لتنظر الي صبا وتبكي.... بتعيطي...... عيطي يا جلب اختك علي البلا اللي انحدف علينا نمنا بنحب صحينا لجينا نفسنا محطوط علي جلوبنا حجاره بتدعش فينا وبننزف الدم بالكفه.. عيطي علي بختي وبختك.

هتفت صبا ......بطلي بقه انت مش ضعيفه وتقدري تقفي من تاني.

هتف..... اجف.. ليه ولمين بدعي ربنا ياخد عيلي وهصلي وادعي جبل ماياجي ربنا ياخده عشان ده هو اللي هيذلني للجاحد اللي بره.

لتهتف نجيه ......ربنا بيوجعنا َ.ومن جوا ال جع ياجي الرحَمه.. اصبرو يا بتي انت وهيا اصبرو  اللي ما يوعاش لجلب الواحده باللين نوعيهالهم بالعافيه.

هتفت صبا .....انا مش عايزه حاجه منه يبعد وخلاص.

لتهتف.. يبعد وهتتحملي يبعد دانت العشج هري جلبك.. لاه مايبعدش بس يتربي والله لاربهملكو صوح بس يتعدي الامور دي.

لتهتف شكران.. اعملي كيف مابدك يا مرت عمي ماعادتش تفرج الله يسهلهم.


عند اميمه كان كرم يقفل الباب ولا يسمح لها ان تخرج  لتتصل باخيها لتهتف بدر انت فين

هتف..... اني مع اخوكي وشكران في المستشفي.

هتفت....ليه بيها ايه . طب تعالي خدني.

هتف...... اخدك كيف يعني خلي راجلك يجيبك.

هتفت راجلي مسافر وعمي تعبان  تعالي يا بدر عايزه اجي محتاجه امي.

هتف..... فيه ايه يا اميمه مالك.

هتفت.....هتاجي والا اكلم بدار.

تنهد وهتف..... طيب جاي جاي..

لتتنهد وتجلس مقهوره  ذهب بدر لياخذ اميمه ولم يكن كرم موجودا .دخل علي ابيه ...... ازيك يا حاج جمال كت عايز اختي شيعتلي اجي اخدها عشان بت عمها تعبانه.

ليبهت جمال.. هاه بعتتلك.. طب يا ولدي  اما جوزها ياجي.

هتف .....ما هو مسافر هيا جالت اكده مش اكده والا ايه واني اهه بستاذنك يا حاج مش انت الكبير برضك.

تنهد الرجل.. طب يا ولدي دجيجه..

ليذهب لنبويه ويهتف .....اطلعي هاتي اميمه اخوها جاي يخدها.

لتخبط نبويه علي صدرها بحسره .....يا مري خلاص اكده هترجعو البت حرام يا حاج البت نسمه ماتتهملش بالله عليك ماترجعها يا حاج .كرم وعي لحاله خلاص َرايدها ماتغفلجهاش يا حاج.

هتف .....اهدي اكده هو جاي ياخدها عشان بت عمها عيانه وجالتله ان كرم مسافر همي الله لا يسيئك هاتيها لو كرم جه هتجلب نار وحريجه ومش بعيد يتناحرو ويرجع التار بهمه.

قامت نبويه..... يا مري يا مري بدر العابد ماهواش سهل دا غول مابيرحمش وكرم ولدك مابيتفاهمش جوز تيران هيجيبوها مردغه والدم يبجي للركب.

هتف...... اعمل ايه في ولدك  كت البت جدامه وراضيه يجهرها ويرجع ينح خلاص اللي حصل بحزنه حصل ماجدمناش الا نندعي ان ربنا يستر عاد.

صعدت نبويه لتفتح علي اميمه لتدخل لها ......حجك عليا يا بتي بالله عليكي ماتجوميهاش حريجه اخوكي واعر ماهيسكتش وولدي مخه كيف التبن هيطجشو في بعض ويموتو بعض.

لتتنهد اميمه وتحس بخوفها..... اطمني يا مرت عمي ماهجولش انه دخل عليا اطمني بس بالله عليكي خلي كرم يرجعني لاهلي اني ماجدراش اتنفس.

هتفت نبويه...... يا بتي كرم بيحبك والله ووعي لحاله ورايدك ولو بعدتي هينحصر ومش بعيد يرتكب جنايه دا خارج زي المجنون  

ماتبعديش يا بتي وسامحي دا بيحبك جوي.

هتفت بقهر .....عارفه يا مرت عمي ..البعد عن الحبيب جرار صعب جوي بتحكم علي نفسك بالاعدام بس ملوش مفر .... لازم ابعد عن اللي  هونت عليه مره و اتنين عشان انا ماكتش في جلبه و ههون عليه مليون مره .هان عليه دموعي و عارف قد ايه هو بيزعلك

وعارف ان بعملته هيمزعني .. كرم  بيختار دنيته لازم ابعد  لان اللى بيحب لو حطوا الدنيا تحت رجليه مش هيختار غير اللي بيحبه لازمن ابعد عشان ماحساش بالامان يا مرت عمي.. لتستدير وتذهب الي اخيها لتسلم عليه وتخرج معه وهو يحس ان بها شئ ليسالها لتنظر اليه بسخريه تسلم يا اخوي اطمن خيتك زينه بت العابد ما يتخافش عليها ليستعجب من كلامها .

ذهب بها الي المشفي لتنضم للصبايا ليتجمع الكل علي كسره القلب من الحبيب .


عاد كرم من الخارج صعد حجرته انصدم عندما وجدها فارغه نزل صارخا وقلبه سيخرج من مكانه .....اما مرتي فين مين فتحلها. 

هتفت نبويه بسخريه.. بعتت لبدر جه خدها يا ولدي.  

هوي قلبه.. ايه بدر جه خدها بدر خد مرتي خلاص.. ليه ياخدها ماعداش سنه ليصرخ انتو ازاي تسيبوه ياخدها ياخد مرتي ليه بتحرجولي جلبي ليه اني رايد مرتي. 

هتف ابيه..... ايه هتنح كيف النسوان اياك ماهي كت جدامك ايه الجديد اللي جد اتحايلنا عليك نجفلو جصه التار وتاخد البنيه وطلعت بت تشرح الجلب بس ازاي  غفلجتها يبجي تنخرس وتجطم وتسكت الا بدر هيجلبها حريجه .

صرخ كرم..... يجلبها كيف مايجلبها اني رايد مرتي وماحدش هايخدها مني وعلي اكده ان شالله تنحرج الدنيا لينصرف ويذهب الي زوجته ليعيدها.


كان الكل قد وصل الي البيت بعد ان اطمنو ان شكران حالتها استقرت  ما ان دخلت شكران حتي طب عليهم سعد وسعيد كان سعيد لا يسكت ويشحن سعد علي بدار دخل فوجد شكران تجلس شاحبه فاقترب واحتضنها هنا ارتعب بدار ورجف قلبه فهتف سعد ،،كيفك يا بتي جتلك المستشفي كت نايمه ايه حوصل .

اقترب بدار واحتضنها ،.....مفيش يا خال كت وجعت بس والحمد لله اهه حامل وشايله عيلي .

ابتسم سعد ،،صوح ده شايله يا بتي طب الحمد لله ربنا يفرحك بخلفك وتتهني يا بتي دا يوم فرح اما يزيد النسب ويتربط مع الخلف .،احنت شكران راسها بقهر .هتف سعد خلي بالك منها يا بدار .

شدها لاحضانه..... في عيوني يا خال والله .

نظر سعيد باسي ،،،انت كويسه يا شكران .

هتف بدار ،،ايوه كتر خيرك علي سؤالك عن مرتي .

قام سعد .،طب اجوم بقه وابقي اجي تاني ..قام وقبل راسها ..فقامت شكران وهتفت خال كت عايزاك كان يقف بعيدا فمسك بدار يدها ابوس يدك يا جلبي بالله عليكي والله عاشجك . ابوس يدك اني اهه تحت رجليك بالله ماتفضحيني بالله عشان خاطر عيلك ماتجوليش اني حاسس اني هموت .

شدت يدها ونظرت اليه بوجع .،،قامت فمسكها فشدت يدها وهتفت مانشليتش لسه عشان تسندني اما ابقي اتشل  حتي ماهجيبكش تسندني ،

ذهبت الي خالها فترنحت فاندفع سعيد ومسكها وبدار يقف يشعر بالقهر اقتربت واهتفت .،ربنا يخليك يا خال ابقي اسال عليا ماتسيبنيش اهنه من غير حد انت سندي انت وخالي فكري .

ابتسم سعد واحتضنها بقوه ،.......حاضر يا بتي اني خابر اني مجصر بس والله شغلي اكده بس عيوني انت في العين يا شكران انت طيبه وحنينه واي حاجه تكلميني رفع راسه لبدار الواد ده بس يزعلك اجي افلجه نصين ،

اندفع بدار ،.....ازعل ايه ازعل ام ولدي ،

ابتسم سعد ......ايوه اكده هيا مالها دبلانه اكده انت مزعلها يا واد .

هتف بدار ،.....هاه لا ابدا اني اجدر داني روحي فيها .

تنهد سعد ربنا يفرحكو بخلفكو يا ولدي ..واستدار وسعيد يقف محصورا فهتف بدار ماتلحج عمك ماتسيبهوش اكده ،نظر سعيد غاضبا ورحل فهتف بدار ،.....عبوشكلك عيل غلس.  

دفعت شكران يده ،،ماتجولش علي سعيد اكده ده الحنيه وناسها ده اللي عيونه مهما ان حصل لساتها فيها حب لا فيها غدر ولا لوع مش زي ناس الغدر واللوع طبع واندس في الجلوب نهشها وخلاها كوم راتش مالوش عازه واستدارت وهو يقف مقهورا من دفاعها علي سعيد وتركته وصعدت ومعها اميمه .

لحقت بهم صبا فلحقها بدر عالسلم فهتف ،،اتوحشتك اني مارحبتش بيكي كويس ماتاجي نلفلف شويه عالزراعيه اجبلك جصب فاكره مش كتي بتحبيه يا جلبي .

ابتسمت بسخريه .....مشكلتي اني فاكره با بدر فاكره كل حاجه فاكره تمثيلك كلو ،،روح يا بدر اضحك علي حد غيري يابن الناس انا بجد تعبانه وكتير عليا هدنه يا بدر. هدنه منك بالله عليك قلبي عليل ماعتش متحمل رخص اكتر من كده 

بهت وهتف... رخص ،

هتفت ،،....ايوه رخص كل اللي انت فيه رخص حس يا بدر حس بس اقول ايه علي راي طنط ،دانت متعبي حجاره ربنا يعينك علي حجاره قلبك ويعيني علي وجع قلبي .،لما القلب بيعشق حجاره الحجار بتدعس القلب وتمركه ويبقي الوجع بالكوم وتركته يقف مقهورا ،،هتف اني تعبت تعبت اعمل ايه عشان ترجعلي اعملها ايه دي .

سمع امه ،،،حس يا بدر لما تحس هتتراضي انما اجول ايه مخلفه بهايم ربنا يهدي وتركته يقف غاضبا من كلامها عليه


دخل كرم منفعلا ليهتف ......فين مرتي يا بدر.

بهت بدر واستدار ... ايه يا كرم فيه ايه حد يهجم علي حد اكده مش كت مسافر مرتك فوج مع بت عمها ايه اللي حوصل يعني.

هتف...... طب اني عايزها..

نظر اليه بدر باستغراب.. فيه ايه يا كرم مامطمنش ليك والبت فيها حاجه لتكون عملت في خيتي حاجه واني ماعرفش.

هتف كرم بعنفوان..... هعمل ايه يعني يا بدر مرتي ورايدها هاتها ايه غلط اياك.

هتف.... لاه ما غلطتش بس طريجتك وكلامك مش مرتاحلهم اسمع يا كرم لو وعيت انك اذيتها ماهيكفنيش فيك صنفك.

صرخ كرم..... انت بتهددني  دي مرتي يا بدر.

هتف .....مش لكتير يا كرم ماتتكش اكده وعروجك تطلع و َتتشنج.. َمالك جاي اكده وطايح محسيني انها مرتك عن حج لتكون نسيت الاتفاج يا كرم.

صرخ كرم.... ايوه نسيته َعايز مرتي ايه جولك يا بدر َنجفلو عالجصه النجسه دي.

بهت بدر.. نعم يا اخويا.. نجفلو عليها دا اتفاج وانت راضيت بيه.

هتف...... ورجعت ....عايز ايه مشكلتك خيتك هشيلها جوات اعيوني  والتار هيروح لحاله وماهينجصهاش جشايه ايه انت عايز ايه.

هب بدر .....من ميته يابن الشواتفه عايز ورايد ايه اللي حوصل في الدنيا دانت كت مش طايج .ايه حليت في عنيك البت اياك. اسمع يا كرم الاتفاج كان راجل لراجل واني ماهطمنش علي خيتي عنديكو.

صرخ كرم.... ماتطمنش ليه هناكلوها والا هنجطع منها نساير ثم انها مرتي جدام الخلج وجدام ربنا وماحدش هياخدها لو رَوحها طلعت.

اقترب بدر ويعلو صوته.. هيا مين االي رَوحها هتطلع دي .اتكلم علي جدك مرت ايه يابو مرتك احنا هنضحكو علي بعض البت لساتها بشوكها وده اتفاجنا وترجع يعني هترجع وماتجومهاش حريجه يا كرم البت لا هيا مرتك ولا هتكون ليك من اساسه ولا تحط عليها صباع فاهم.

هتف كرم بعنفوان.. مين جالك اني ماحطيتش صباع يا بدر.

بهت بدر وتراجع و نظر لكرم .....ايه بتجول ايه انت.

هتف كرم بعنفوان .....اميمه بجت مرتي بتاعتي وحط فوج ده جلبها خته خيتك بتحبني يا بدر واني رايدها َمحبه.

هتف بدر..... محبه.. نهارك اسود خت البت وخالفت الاتفاج يا محروج انت والله لاجتلك ليهجم عليه ليدخل بدار ونجيه .

صرخت نجيه واقتربت ليتدافع كل من كرم وبدر .وبدار يقف بينهما ليعم الهرج َالمرج لتنزل اميمه وتسمع حديثهم وصريخهم لتصرخ عن اخرها ليبهت الجميع.......

          الفصل الثاني والثلاثون من هنا

لقراءة باقي الفصول من هنا


تعليقات



حجم الخط
+
16
-
تباعد السطور
+
2
-