CMP: AIE: رواية غرام النمر الفصل الحادي والعشرون21بقلم جنة ياسر
أخر الاخبار

رواية غرام النمر الفصل الحادي والعشرون21بقلم جنة ياسر

رواية غرام النمر الفصل الحادي والعشرون21بقلم جنة ياسر



(وقفنا في البارت اللي فات ان جاسر وصل مقر العمل ودخل مكتبه وقال لحسام ان يأتى هشام لعنده .....هشام اول ما نظر ولاقه النمر . .)

قال هشام برعب 🙀: النمر .....

جاسر قام من مقعده وبدأء يقترب منه و قام بتشمير كم القميص و ثم خلع ساعته  ونظر له بنظرات مر*عبه جدا .

قال : انت تاذي اخويا انا ......وتدمر له مستقبله 

هشام برعب قال : والله يا باشا انا مليش دعوه ابوس ايدك خرجنى من هنا ....

جاسر فجاءه قرب منه ول*كمه ب*قوه فى وجهه لدرجه ان هشام وقع ....جاسر نزل لمستواه على الارض وجز على اسنانه بقوه وعروقه كلها بتبقى بارزه بشده وعيونه الرمادي بتتحول ....قال : انا هند*مك على عمر*ك كله......هخليك تتمنى المو*ت ومطلهوش .....انت عارف انت عاملت ايه..انت قربت من اخويا وأذيته ....انت عارف انى بقت*ل  بد*م با*رد وله لا ....بس متخافش انا مش هق*تلك ،،،،،،،، انا هخليك تتمنى انك تمو*ت ,،،،، ومش هطوله حتى ...ومره واحده مسك ذراع هشام وكسر*ه بقو*ه ......ثم قام وقف  ....

هشام صر*خ بقو*ه من شده الألم وامسك ذراعه ..... 

الظابط حسام دخل اول ماسمع صرخه هشام .. ونظر لهشام لم ينطق ابدا كان ماسك ذراعه المكسور وكان بيتألم بشده ....ثم نظر لجاسر وقال : جاسر ....اااه 

جاسر ببرود : اطلع بره يا حسام ومدخلش حد سامع وانت لو سمعت اي أصوات متدخلش 

حسام: تمام ...ثم خرج 

جاسر كان جالس على مقعده ثم شعل سيجار ويضعها داخل فمه .....وينظر لهشام ثم قال : وجعتك يا اتش .. هو انت لسه شوفت و*جع ....ده وله حاجه من اللى هعملها فيك ده انا هوريك جحيم ا*لنمر ،،،،،، اللى على أصول...

هشام كان بيتألم وقال : انا مليش ذنب .....انا كنت بنفذ اوامر بس ابوس ايدك ارحمنى ...

جاسر نزل لمستواه مره اخرى ونفث دخانه فى وجهه ثم امسك ذراع هشام المنكسر وضغط عليه وهشام صرخ بشده من الألم......

جاسر : ههههه أرحمك ،،،، لا ياروح امك انا فى قاموسى مفيش رحمه .....اي ذنب ادهم انك تخليه مدمن مخدرات ....ده انا هشربك الكاس اللى شربته منه هخليك تدوقه يا كلب بس هيكون اكتر منه باضعاف......

عاوزك تحكيلي على كل حاجه مين اللى باعتك انك تأذى ادهم .....

هشام بخوف : حاضر هقولك على كل حاجه  هعترف بس ارحمنى مش قادر خلاص ....

جاسر : ههههه قولتلك مفيش فى قاموسى رحمه ....اتفضل اعترف على كل حاجه ....

وقام ومسك بالمقعد ووضعه امام هشام وجلس عليه .

هشام بخوف : بص يا باشا هو من الاخر كدا مش ادهم المقصود انى يتأذى .... 

جاسر قام مره واحد ومسكه من ياقه قميصه وقال بعصبيه : احنا هنستعبط يلا اما مين المقصود لو مش ادهم  ... 

هشام برعب وقال : هقول والله هقول على كل حاجه بس ادينى فرصه ... 

هشام بخوف : بص يا باشا انا هحكيلك اللى مقصود ان يتأذى مش ادهم اخوك .....اللى مقصود ان يتأذى هو يونس الحديدى اللى هو والد حضرتك ... ومعرفش ليه انا كنت بنفذ اوامر كانت بتتبعتلى من راجل كبير جدا ومعروف انه مش بيرحم بصراحه انا معرفش اسمه وله شكله حته انا كل اللى اعرفه انه لقبه القرش وكل اللى كان بيحصل بينا  اتصالات ومسدجات وبس ماحصلش مقابله مابينا.. 

جاسر : وهو وصل ليك ازاى ....اكيد حصل مقابله مابينكم انت هتحور يلا ....   

هشام : والله ما حصل مقابله ....هو وصل ليا عن طريق  راجل اسمه هاشم الدسوقى لو تعرفه كنت صبى عندو بس وبعيد عن شغلهم ومعرفش حاجه عنهم خالص ......انا كنت معاه فى لبنان بس انا كنت بنفذ اوامر فقط...المهم يا باشا القرش ده وصل ليا عن طريق هاشم الدسوقى وانا مقابلتهوش خالص ....هو كل اللى اعرفه ان طلب من هاشم بيه ان عاوز حد من رجالته  ينفذ لي طلبه  .....وساعتها هاشم بيه اختارنى انا ما بين رجالته .....و بلغنى بكل حاجه بس انا رفضت فى الاول لما عرفت اللى هما عاوزينه بس هاشم بيه هددنى بأمى واخواتى اطريت انفذ كل كلامه وتواصلت مع القرش كان عباره اتصالات ومسدجات فقط و نزلت مصر عشان انفذ اللى طلبه  .....هو كله يا باشا عشان يأذى يونس الحديدى فى ادهم عاوز يوقع سمعته .... يا باشا ده كل اللى حصل ....انا معرفش حاجه تانيه ......

( ملحوظه هاشم الدسوقى هو نفسه سالم الاسيوطى وطبعا انتو عارفين قصته اي وهو كان قبل ماينزل تانى مصر كان هربان على لبنان انا مش هرجع احكى تانى ابقوا ارجعوا للبارت الخامس اللى ناسى حكايته  ) 

جاسر كان مصدوم من اللى سمعه  ...وعرف ان حد عاوز يأذى ابيه واخيه عينه احمرت اوى وكمان عرف هاشم ده مين قام فجأءه وضرب المقعد برجله بإندفاع ......وضغط على يديه بقوه ...

وقال : يولااااااد الكلب كل ده مأمره .....ونظر لهشام وتوجه اليه وهجم عليه بالضرب مره اخرى .

وقال : انطق يلا مين القرش ده اقسم بالله لو مقلتش هقت*لك  ....انا مش هيهمنى قولتلك انا بق*تل بد*م بار*د ،،،،،. 

هشام لم يستطع الكلام لانه بالفعل اغمى عليه هو لم يستحمل الألم .

جاسر توجه الى مقعد وأخذ منه جاكت بدلته وخرج للخارج ....حسام قبله في الطريق ...

جاسر : الكلب اللى جوه ده تحطه فى الحجز الانفرادى ومتعلجهوش سامع وتمنع الاكل منه عاوزه يموت بتدريج انت سامع وله لا ......

حسام خاف بشده من هيئه جاسر وقال له : حاضر انت تؤمر ...

جاسر ذهب وتوجه آلى مكتب عبدالله ودق على الباب ودخل ....

جاسر قدم التحيه لعبدالله وقال له : سياده اللواء محتاج اتكلم مع سيدتك فى موضوع مهم 

استغرب عبدالله من هيئه جاسر كان ملامح وجهه مرعبه جدا وعروقه باينه ..

قال له : اتفضل يا سياده المقدم خير...

جاسر بشر : سالم الاسيوطى لاقيته وله لسه مظهرش 

عبدالله باستغراب : وانت بتسأل ليه  ......

جاسر: فى حساب عاوز اصفه معاه ..

عبدالله: حساب ده من امتى وانت اي علاقتك بيى اصلا ...

جاسر : هو الوحيد اللى هيوصلنى للقرش ......فى مأمره كبيره بتتلعب علينا ...

عبدالله : لا انا مش فاهم حاجه خالص مأمرة ايه فهمنى يا جاسر مين القرش ده وايه علاقته بسالم الاسيوطى ....

جاسر نظر له وقال : هشرحلك ......   ..........

وبدأ يشرح له كل شيء وهيحكى له اللى هشام قاله له وعلى إدمان أخيه ادهم ......

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

نروح فى مكان مثل مخزن فيه إلياس وكان بيضرب فى الشخص الذى كان مر*بوط والياس بيضر*ب بقو*ه بيفش غله لابعد الحدود 

إلياس بغضب : ازاى تقر*ب منها  كدا يحيو*ان انا هوريك هعمل فيك ايه ...ازاى تتجر*أ تتعر*ض ليها ....

رائف بتعب : وانت زعلان ليه اشمعنى انت تقرب منها كنت عاوز اعمل زيك ماهي واحده رخيصه بس عملا عليا الخضر الشريفه.....

إلياس قاطعه بضر*به قو*يه قال : اخرس يا حيوان ....دى اشرف من اللى جابتك .... ده أنت نها*يتك هتبقى على ايدى ....

رائف ضحك : اضرب ....يبقى الكلام اللى سماعته صح فى علاقه مابينكم مش كدا يا الياس بيه .

إلياس قرب منه ومسك قميصه : علاقه اي يا زباله....دى هتكون زوجتى قريب جدا يعنى لما تتكلم على زوجه إلياس بيه تتكلم بأدب هسيبك هنا  لحد ما تمو*ت

وخرج إلياس بغضب ضر*ب بر*جله ،،،،،،،فى كاوتش السياره بعصبيه : انا خلاص هقول لبابا انى اطلب ايديها ....انا مش هسمح لحد يقول عليها كلام مش حلو.      .......

ايوه انا بحبها ....اااه يا ديلان عملتى فيا اي انا اول مره فى حياتى احس بشعور ده ....

لقد اعترف ملك الاقتصاد بحبه لديلان اخيرا ♥️♥️💃💃

♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

فى المساء عند النمر كان وصل القصر معه ادهم .

ادهم : جاسر انا خايف من رده فعل بابا ...

جاسر قرب منه ووضع ذراعه على كتف أخيه 

وقال بحنيه : طول ما انا معاك محدش يقدر يعملك حاجه ....ادهم انت مش ذنبك حاجه ...واقسم بالله لهجيب ليك حقك من اللى عملوه كدا وهتشوف ....

ادهم ونظر بالارض بخجل وقال :  انا اسف يا جاسر ....انا عارف انى خذالتكوا ....

جاسر وقف امام ادهم ورفع وجهه وقال : ادهم الحديدى مينزلش وشه كدا ....احنا عمرنا ما هنضعف ابدا خليك قوى يا ادهم صدقنى هترجع زى الاول واحسن وساعتها هخليك بنفسك تجيب حقك .....

ادهم بدموع : ياريت ارجع تانى انا حاسس انى فى حلم نفسى افوق منه ....انا عمرى مأذيت حد نفسى اعرف ليه عمل معايا كدا .....

جاسر مره واحده أخذه فى حضنه وادهم بكى بشده مثل الطفل التائه ووجد امانه ......  جاسر بالنسبه لادهم والياس الأمان والضهر اللي بيتساندو عليه...... جاسر دمع هو الاخر و توعد للقرش انه مش هيرحمه .

جاسر بعد ادهم ورفع يديه يداعب وجنته بلطف 

قال بلهجه مرحه ليخفف عن أخيه  : من امتى و انت كدا يا واد يا ادهم .....انا حاسس انى واقف مع واحد تانى ....

ادهم : ياريت ارجع حياتى تانى 

جاسر: هترجع والله .....وحياتك عندى لانتقم ليك وزى ماقولتلك انت بنفسك هتاخد حقك ...يلا بقه ندخل انا عاوز اسد جمبى سامع ...

ادهم مسح دموعه وقال له : ماشى يلا 

ودخلوا وكانت شهد ورحيم وبراءه جالسين فى الريسبشن .

دخل جاسر ووصل لريسبيشن وكان حاضن أخيه 

وقال : مساء الخير 

شهد نظرت له وقامت بغضب وقالت : انت كنت فين يا ادهم انا وابوك مكناش عارفين نوصل ليك 

جاسر: كان معايا يا ماما ....

شهد : كان معاك بيعمل ايه ....ده ابوك مش طيقه نهائى 

جاسر : انا هتكلم معاه .....وقال لرحيم : اذيك يا واد يا رحيم 

رحيم : واد نفسى فى مره تحترمني......اعرفك  يا براءه جاسر الحديدى كبير العيله 

  نظرت لجاسر وابتسمت وجاسر وهو كمان ابتسم لها 

جاسر  : مين دى يا رحيم ....

رحيم: مراتى المستقبليه وغمز له : اي رأيك 

جاسر : مين انت هتتجوز ....

شهد : اه شوفت عقبالك يارب بقى لانى نفسى اشوف عيالك اللى شكلى مش هلحقهم ....

جاسر : مين انا هتجوز ....ده استحاله انا هسيبك وادخل لبابا فى حد معاه فى المكتب ...

شهد : اه إلياس معاه فى المكتب بيخلصوا شغل 

جاسر: انا داخل اشوفهم 

وذهب وشهد قربت على ادهم وقالت له :  مش هتقولى بردو انت كنت فين ...انت من بعد آخر امتحان ليك وانت مجتش .....كنت فين 

ادهم بتوتر : كنت عند موسى يا ماما ارتحاتى 

شهد : مقولتيش ليه ....مالك يا ادهم شكلك مش عاجبنى يا حبيبي احكيلى ..  

ادهم كان هيبكى وكان عاوز يرتمى فى حضن امه ويقول لها انه تعبان اوى ....قد اي هو اتأذى واتظلم .....

ادهم قال : معلش ياماما انا تعبان هطلع على غرفتى اريح ...

وذهب ادهم كان بيحاول يهرب من انظار امه 

شهد : ماله الواد ده انا حاسه ان فيه حاجه.......

داخل المكتب كان جاسر خبر والده على كل شئ ....

إلياس بصدمه : انت بتقول اي انت اكيد بتهزر مش كدا يعنى انت عاوز تفهمني انة دلوقتى اخونا ادهم بقى مدمن

جاسر: للأسف  يا إلياس 

يونس بصدمه : انا مش مصدق ونظر لجاسر وقال : وليه أذانى فى ابنى لدرجه فى ناس كدا ....ازاى 

جاسر : اهدى يا بابا انا مش هسيب القرش ده و هوصل ليه ....بس لازم اوصل للكلب سالم الاول ...

يونس بشر : اقسم بالله مش هسيبه..... يقع تحت ايدى بس وانا مش هرحمه ....ازاى يتجرأ يعمل كدا فى ابنى 

قطع كلام يونس برنه هاتفه برقم....

قال: ده رقم دولى .....يا ترى مين .

جاسر : رد وافتح الاسبيكر  ..

خرج ليرد فتح الخط وفتح السبيكر  

يونس: الوووو 

مجهول : يا أهلا بيونس الحديدى 

يونس باستغراب : اهلا بحضرتك ممكن اعرف مين 

المجهول ضحك بخبث : هههه هقولك يا يونس مستعجل اووى ....

جاسر شاور ليونس انه يكمل معه عادى وقام ومسك الهاتف و داس على كلمه التسجيل على هاتفه ليسجل المكالمه 

المجهول : معاك القرش يا يونس ياحديدى قريب جدا سمعتك هتقع بالارض ...وقريب اوى..

جاسر كتم الصوت وقال ليونس : كمل معاه و اعمل نفسك انك متعرفش حاجه ...

يونس قال للقرش: انت مين وبعدين اي اللى انت بتقوله ده ...

القرش : هههه انا مين ...هتبقى تعرف بعدين المهم صح انا عاوز ابارك ليك على ابنك ادهم مش بقى مدمن مخدرات روح بقى ابقى عالج ابنك يا يونس يا حديدى ...

يونس بغضب كأن هينفعل بس جاسر شاور له انه يكمل بنفس الاستغراب كأنه لايعرف اي شئ

القرش قال : اي يا يونس صدمه مش كدا هههه

يونس : انت مين وانت اي اللى بتقوله ده 

القرش : قولتلك مش هتعرف دلوقتى .....ههههه سمعتك بقيت فى الارض يا يونس انا هدمرك نهائى سلام ....

يونس قال : انا عمرى ماكان ليا أعداء مين ده اللى عاوز يدمرني وليه بيعمل فيا كدا ....

جاسر بشر : واقسم بالله لهدفعه التمن غالى اوى ...متخافش يا بابا ...المهم دلوقتى احنا نفكر فى ادهم هندخله مصحه ولازم محدش يعرف .....احنا هنقول انه مسافر يقضى اجازه اخر السنه فى اي بلد ....

لازم محدش يعرف خالص ..

يونس : ماشى ...المهم شهد هنعرفها ازاى دى ممكن تروح فيها ..

جاسر : هنفهمها براحه متقلقش 

إلياس : انا عاوز افهم ...مين ده وليه عاوز يأذى بابا كدا

جاسر: هعرف ومش هسيبه الا لما اخلص عليه ....انا اللى يأذى عيلتى بموته بدم بارد ....

يونس : انا لازم اشوف ادهم .....وانت يا جاسر ابقى فهم شهد ....

جاسر : بابا انا مش عاوز تقول لجدى حاجه ولا عمو زين سامع .

يونس : ماشى 

وخرج يونس و إلياس قال لى جاسر : انت هتعمل اي ....رسينى على اللى فى دماغك يا جاسر ...

جاسر نظر له : بعدين يا إلياس انا هقوم عشان أخبر ماما بالموضوع 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

تفاعلوا🥹🥹🥹🥹🥹🥹🙏🙏🙏🙏🙏🙏🙏🙏

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

اليوم التالى جميع عائله الحديدى راكبين السياره ليوصلوا ادهم المصحه و شهد كانت حضنه ادهم جامد وبتبكى بشده وهو كمان بيبكى فى حضنها ....

يونس : خلاص بقى يا شهد ان شاءالله هيرجع لينا احسن من الاول ...اهدى بقى ..

شهد : مش قادره يا يونس انا مش متخيله انى ابنى هيبعد عنى مده ....بجد منهم لله ربنا يخدهم ....ليه يعملوا في ابنى كدا ....حرام بجد 

يونس : اهدى يا شهد اكيد هنوصل للكلب اللى عمل كدا وانا مش هسيبه ...

بعد حوالى نصف ساعة وصلوا المصحه ونزلوا ليودعوا ادهم .....وفجأه لاقوه صحافه كتير بتجرى عليهم وبتصورهم ....جاسر اتصدم 

جاسر : اي ده هما عرفوا ازاى 

صحفى قال ليونس : يونس الحديدى رجل الأعمال الشهير فى الشرق الأوسط هل الكلام الذى يقال عليك صحيح ...ابنك الاصغر ادهم يونس الحديدي مدمن مخدرات وانت تأتى لى هنا لتدخلوا مصحه ليتعالج من الادمان هل الكلام ده صحيح ....

يونس شاور على الحراس انه يبعدوهم 

بس كانو بيصوروهم 

يونس قال لجاسر : اتصرف يا جاسر انا كدا هتفضح اعمل حاجه 

جاسر: متقلقش يا بابا مش هيقدروا يذيعوا الخبر ...انا هتصرف.... دخلوا انتو ادهم وانا هتصرف....

بالفعل دخلوا المصحه ليوصلوا ادهم 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

فى فيلا عبدالله الشاذلى كانت تاج جالسه فى غرفتها ومسكه الهاتف وبتقلب في الفيس بوك فجاءه ظهر لها البث المباشر ومكتوب عليه ....رجل أعمال يونس الحديدى يوصل ابنه المصحه ليعالجه من الادمان فتحت تاج الفديو و اتصدمت 

تاج بصدمه : لا اكيد ده كلام مش صح ...ايو لا استحاله 

وقامت جريت للخارج وتنادي على والدها بصوت عالى ....

تاج بصراخ : بابا انت فين الحق ...

عبدالله جاء لها بخضه وقال : فى اي يا تاج اي اللى حصل مالك ....

تاج : فى خبر هنا بيقولوا ان ادهم ابن عمو يونس مدمن وان هما رايحين يوصلوا لمصحه 

ورد جاءت من خلفها وقالت بصدمه: يا مصيبتى ....ازاى ده اكيد الخبر خاطئ

عبدالله: ورينى كدا ياتاج ....

عبدالله اخذ منها الهاتف ونظر للخبر 

عبدالله بغضب : ازاى يذيعوا خبر زى ده 

تاج : يعنى الكلام ده صح ادهم مدمن 

عبدالله: اه يا تاج للأسف ....

ورد : ازاى يا عبدالله....ادهم استحاله يعمل كدا 

عبدالله: ما هو مش هو يا ورد بعدين هبقى اقولك 

تاج : طب انا عاوزه اعرف يا بابا ادهم ليه٠ يعمل كدا ....ده شاطر جدا فى دراسته ده كان بيخلص اول واحد ويخرج من اللجنه ....ازاى ده يبقى مدمن 

عبدالله : اضحك عليه يا تاج 

غرام جاءت وكانت غضبانه وكانت تقول  : هو بيتصل عليا انا ليه ويزعقلى انا مال أمى هو انا صاحبة الجريده اووووف ....

عبدالله: مين ده اللى بيزعق ليكى 

غرام : استاذ هولاكو عشان الجريده نزلت خبر إدمان ادهم اخوه. ....وانا مليش دعوه مش انا اللى نزلت الزفت هو ليه بيحملنى المسؤليه ...

ورد : هو مين يا بنتى ده اللى بيحملك المسؤليه 

غرام : جاسر ابن طنط شهد 

عبدالله : هى الجريده دى اللى انتى شغاله فيها اللى عملت البث المباشر ..

غرام لا يابابا احنا عندنا فى الجريده اول ما الخبر جالهم نزلوا هما كمان بس مش هيا اللى عملوا البث المباشر...

عبدالله: امال جاسر ليه اتصل عليكى 

غرام : انا عارفه ابقى اسأله .....

ورد : انا لازم اكلم شهد اكيد يا حرام منهاره .

فى الغرفه ديلان كانت جالسه وسمعت الحوار وعرفت بموضوع ادهم كانت تجوب فى الغرفه ذاهبا واياب .

ديلان : اعمل ايه اتصل وله لا .....طب هو هيرد اوف بقى انا هوسيه وهقفل على طول وبالمرة اطمن عليه ....اي اللى انا بقوله ده اوف ...

قامت بالاتصال عليه وكان ضربات قلبها فضحها جدا كان بيدق بسرعه فتح إلياس الخط وقال ...

ديلان بتوتر : احم م .مساء الخير يا بش. بشمهندس  الياس ...

إلياس بحب : يعنى لو قلتى إلياس هتتعبى ...قولتلك قبل كدا شيلى الالقاب ....

ديلان بخجل : ااااه انا كنت متصله  ...عع عشان ا ...اقولك ان شاءالله ادهم اخوك هيكون كويس ...وو يرجع ليكم بسلامه  ....ووو سلام 

إلياس كان سامع صوت أنفاسها قد اي كانت مرتبكه ..

قال : ديلان متقفليش عاوز اقولك على حاجه ..

ديلان كانت هتقفل السكه بس اول ما قال  مقفلتش

قالت  : انا بحب.......

قطع اللحظه دخول عبدالله فى ديلان اخفت  الهاتف خلف ظهرها ...

عبدالله: ديلان بتعملى ايه

ديلان بتوتر : هااا مش بعمل 

عبدالله بشك : متأكده انا كنت سامع انك بتتكلمى مع حد ..

ديلان : ااا انا ابدا مكنتش بتكلم...هو حضرتك عاوز حاجه .

عبدالله: اه كنت جاى اقول ليكى يلا عشان هنفطر ....

ديلان بتوتر : طيب حضرتك اسبقنى وانا هاجى وراك على طول .

عبدالله خرج و ديلان قفلت السكه بوجه إلياس 

عند إلياس قال : اي الحظ ده هو انا كل ما خلاص هعترف ليها عموعبدالله يقطع اللحظه ده اى الحظ ده .

بعد دقائق كان الجميع جالسين على الطاوله ليناولوا طعامهم ...

عبدالله: هااا قولولى عاوزين تقضوا الاجازه السنه ده فين ...

غرام: مالديف بقالى فتره نفسي اروحها ...

عبدالله: لو الكل وافق نروحها هاا ياتاج انتى وسيلا وديلان موافقين .

سيلا : طبعا يا عموا  ..هو فى حد يرفض 

عبدالله: طيب فاضل تاج وديلان عاوزين تروحوا مالديف 

تاج وديلان ...كل واحده سرحانه في شئ تاج سرحانه في ادهم هتتجنن وتتطمئن عليه وتعرف هو ازاى وصل للمرحله اللى هو فيها ....اما ديلان تتذكر اخر جمله التى قالها الياس ...كان هيعترف لها بحبه هل حقيقه ام خيال ....

تاج فاقت : هااا اه يابابا معاك طبعا 

وديلان قالت : وانا موافقه طبعا

عبدالله يبقى جهزوا نفسكم من الأسبوع اللى جاى هنسافر 

غرام بفرحه: هييييييييييه هنروح مالديف يعيش عبدالله بيه ....انا هقوم احضر الشنطه 

كانت هتقوم بس هاتفها برقم غريب فتحت الخط من غير ماتنظر مين الذى بيتصل ...

غرام: ألوو.

مجهول : غرام الشاذلى معايا 

غرام باستغراب : اه انا مين حضرتك  

المجهول : مش لازم تعرفى افتحى الاسبيكر لان فى كلمتين عاوز أبلغهم لسياده اللواء..

غرام باستغراب فتحت الاسبيكر وقالت :  فتحت ...ممكن تقول انت مين .

المجهول : سالم الاسيوطى معاكى ....ازيك يا عبدالله...ليك وحشه يا راجل .

عبدالله انتفض من مكانه وقرب من ابنته وأخذ الهاتف وقفل السبيكر وقال : انت اتجننت هي وصلت انك بتتصل على تليفون بنتى .

سالم: اه اي رايك قريب جدا مش هتبقى فى حضنك والمره دى بتكلم بجد خلي بالك ...انت اللى بدأت يا غول قابل بقى اللى هيحصلك ...سلام 

وقفل سالم السكه و عبدالله مره واحده  سقط الهاتف بقوي من يد عبدالله ...

غرام بصراخ : يلهووووووى تليفونى 

ورد : هو مين ده يا عبدالله...

عبدالله نظر لبناته : انا هأجل السفر كام يوم  ....وانتو مفيش شغل الفتره دى محدش ينزل من البيت سامعين 

قال هذا الكلام ودخل مكتبه 

غرام: الله ينكد عليك يا زفت الطين ...انا معرفش ده مين ...يارب يتنكد عليك نكد السنين ...باظت السفريه اهئ اهئ تليفونى باظ

ورد : ده كله اللى همك السفريه

غرام : اه طبعا امال اي ....

ديلان: انا دخله غرفتى بعد اذنكم ...

ورد : وانا هروح اشوف عبدالله 

تاج ذهبت هي الاخري على غرفتها 

سيلا : خلاص يا بنتى اهدى اكيد عمو عبدالله هيجيب ليكى واحد تانى ...

غرام : ماشى يا ختى ...🤔يا ترى مين الراجل ده وليه بابا اتعصب اوى منه ....انا لازم اعرف 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

تتسارع  الاحداث عدى شهر  علي الابطال من بينهم ادهم الذي تم علاجه بالكامل   وسوف يخرج من المصحه اليوم  ....  وطبعا رحيم علما بكل ما حدث وقام  بتأجيل الفرح الذي  كان يقوم بتجهيزه بسبب  الظروف  الطارئه ورجع لأمه وبدأت تتقبل براءته ......  اما إلياس فمازال معتقل رائف ويقوم بتعذيبه بسبب ما قام به مع  ديلان .... وديلان اخذت اجازه طويلة من الشركه بسبب والدها .. وإلياس سجين بسبب بعدها عنه ويريد أن   يقابلها ويراها فقام بعدة محاولات لكي يعترف بحبه لها  ولكن تأتي بالفشل  ..... اما جاسر فكان متقوقع مع نفسه لكي  يدرس القضيه ويريد اخذ  حق أخيه ويحاول ان يوصل لسالم ولكنه مختفى تماما عن الأنظار وهناك  عدة معلومات  جاءت له عن ما يدعي القرش فمازال يعذب فى هشام و وادخل في جسمه جرعه مخدرات حيث كان يقوم بحقنه بجرعات متتالية  لكي يذقه نفس العذاب الذى مر به أخيه ......وكان عبدالله بيحاول يوصل لسالم هو الاخر واغلق البيت علي  البنات لانه خائف عليهم من  سالم حتي لا ينفذ التهديد الذى هدده به ....

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

نذهب إلى قصر الحديدى كان ادهم وصل القصر مع اخواته ويونس وشهد بيستقبلوا .....

شهد تجرى على ادهم وحضنته بقوه وبتقبله 

قالت : يا حبيبى نورت بيتك ....واخيرا انا كنت بعد الايام عشان اللحظه دى ...

ادهم يمرح: اي ده كان فين الحنيه دى كلها ....مكنتش بشوفها 

شهد : بقى كدا انا مش حنينه ......اخص عليك يا ادهم 

ادهم : بهزر يا حبيبتي  .....ده انتى الحنان كله..

يونس : حمدالله على السلامه يا ادهم 

ادهم توجه اليه وقال : الله يسلمك يا بابا ....

يونس : خلى بالكم شويه وعبدالله وعائلته كلهم جين يطمنوا على ادهم ...

إلياس نظر لأبيه وقال : انت انهارده تقول على الموضوع اللى قولتلك عليه ...

يونس : ينهار ابيض انت عاوز اقول لعبدالله حاجه زى كدا ...لا طبعا  انت يا حبيبى اللى تقول ...طلعنى انا من الموضوع ده ..

جاسر : موضوع ايه 

يونس : البيه عاوز يطلب ايد ديلان لجواز...عاوزنى انا اللى اقول لعبدالله...ده يموتني 

شهد بفرحه : بجد يا إلياس ده انا لازم ازغرط ....للووووووولووووى 💃.....الف مبروك يا حبيبى ♥️ 

يونس : مش لما نشوف رأى عبدالله الاول انا هروح اشوفه فين ....

شهد: متخافش يا واد يا إلياس انا هقف جمبك و انا هفاتح ورد بالموضوع .......اخيرا ابنى هيبقى عريس ونظرت لجاسر وقالت : عقبال اللى فى بالى يارب ....

ادهم قال بمرح : اي يا ماما انا لسه صغير على الكلام ده بس لو عندك عروسه انا معنديش مانع ..

الجميع ضحكوا عليه و جاسر اكتفى بابتسامه 

♥️♥️♥️♥️♥️♥️♥️♥️♥️♥️♥️♥️♥️♥️♥️♥️

اما عبدالله كان يقود السياره وكان بيتحدث مع بناته 

عبدالله: زى ما قلت ليكم مش عاوز واحده فيكم تتحرك من جمبى سامعين !!

ورد : يا حبيبي خلاص...ده أنت قولت الكلام ده كذا مره ...يعنى هما هيروحوا فين ....

تاج بزهق : قوليله يا ماما ده انا حفظت ....وممكن اسمع

عبدالله: اخرسى يالمضه انتى بذات مشوفكيش تتنقل من جمبى ...

وبعد حوالى ربع ساعة كانو وصلوا ودخلوا القصر ...يونس وشهد قاموا يرحبون بيهم ...

يونس : يابنى انا كنت برن عليك بقالى ساعه مردتش ليه ..

عبدالله: كنت سايق ومش عارف ارد عليك 

شهد : اتفضلوا يا جماعه مش هنفضل واقفين كدا ...

ورد : حمدالله على سلامه ادهم يا حبيبتي...

شهد: الله يسلمك يا حبيبتى ووجهت كلامها للبنات : منورين يابنات ...

البنات : ده بنورك يا طنط ...

عند الشباب كان واقفين مع بعض والياس بينظر لديلان باشتياق وحب 

جاسر نغزه وقال : يا بنى  شيل عينك من عليها اهدى كدا 

إلياس: مش قادر يا جاسر وحشانى اوى انا اول مره احب كدا  واحس بالاحساس اللى حسه...

جاسر : مش مصدق ان ملك الاقتصاد هو اللي بيقول الكلام ده 

إلياس نظر له وضحك وقال : شوفت انا نفسى مش مصدق انى وقعت فى الحب هههه ونظر لديلان وهمس بعددة كلمات: بحبك يا ديلان ♥️

فاللحظه دى ديلان كانت بعيده عن إلياس بمسافه بس فجاءه حست بقشعريه صابتها وقلبها يتسارع ويدق بقوه عندما نظرت لالياس لاقته يغمز لها اتصدمت وبرقت من فعلت إلياس......

غرام نغظتها وقالت: مالك يا بنتى مبرقه كدا ليه 

ديلان بتوتر : هااا وله حاجه انا ...مفيش حاجه 

اما الياس ذهب وقعد بجانب ابيه ونغزه وقال : افتح الموضوع ....انا مش هعرف اقول حاجه

يونس : الله يخربيتك اسكت خالص انا مليش دعوه عاوز تقول اهو عندك ...انت مش شايف عامل للبنات حظر تجوال ده مقعدهم جمبه ومش عاوز يخليهم يتحركوا. ..عاوزنى افاتحه ازاى ....

إلياس: انت ابدأ وانا هقول ....

يونس : ماشى ...انا عارف انك هتودينى فى داهيه ...

يونس قال لعبدالله: منور يا عبدالله....القصر نور اول ما دخلت ...

عبدالله باستغراب : ده بنورك يا يونس ....حمدالله على السلامة ادهم وان شاءالله هنجيب حقه قريب جدا 

يونس : ان شاء الله ...احم بص يا عبدالله بما اننا كلنا قاعدين والحمد الله ديما يارب نكون كدا متجمعين ... اصل يعنى ...اللى انا عاوز اقوله .

عبدالله: في ايه يا يونس ما تقول انت عاوز ايه .....ايه كميه المقدمات دى...

إلياس بتسرع وقام وقف ونظر لعبدالله ثم نظر لديلان بحب ......

قال : عمو عبدالله انا عاوز اتجوز ديلان وبطلب ايديها قدامكم



        الفصل الثاني والعشرون من هنا

تعليقات



حجم الخط
+
16
-
تباعد السطور
+
2
-