رواية مهرة العز الجزء الثاني2 الفصل السابع7 بقلم مريم حسين
عزيز بصدمه:انت تعرفها!!!!
اسر بابتسامه: ايوة........دي كارما اختي.......
عزيز بص على كارما وبعدين بص على اسر وقاله:غريبه اوووي دي مش شبهك خالص...لا شكل ولا زوق ولا حتى تربيه....
كارما بصوت عالى نسبيا: تريبه!!!......انت مجنون.....انت مش عارف انا ابقى مين عشان تقول كده
اسر بمقاطعه:كارماا.....بسسس.......
كارما:انت مسمعتش هو قالي ايه ده انسا.........
اسر بمقاطعه: انا قولت بسسسس.......اتفضلي يلا اعتذري من عزيز صديقي يلا...
كارما باستغراب: اييييه....انت واعي انت بتقول ايه...
اسر بجمود:ايوة....ويلا من غير كلام كتيرر....
كارما خافت من نظرته وبعدين جزت على سنانها وبصت لعزيز وقالت من تحت سنانها:انا اسفه....وبعدين خدت حاجتها ومشت.....
اسر وهو بيبص عليها وبعدين رجع لعزيز بنظره:انا اسف بالنيابه عنها ياعزيز....بس هي مش عايشه هنا ف تصرفاتها هتلاقيها غلط شويه...
عزيز في سره:طب منا طول عمري بردو عايش برا...
اسر:بتبرطم بتقول ايه؟؟؟......
عزيز:لا ولا حاجه......بقولك عادي ولا يهمك....
اسر بابتسامه: طب تصبح ع خير
عزيز:وانت من اهل الخير...
🦋♡♡♡♡♡♡♡♡🦋
تاني يوم الصبح•°•°•°•
قام عز من النوم ودخل اخد شاور ولبس لِبس كاجوال...ودي طبعا اول مرة ف حياته يلبس كاجوال ووقف قدام المرايا وبيصفف شعره وهو بيفكر في ليله إمبارح لما احمد قاله انه شافه هو ومهرة مع بعض..وطبعا اضطر يحكي لأحمد كل حاجه....
المهم خلص لبس وصلى وخرج من الاوضه وراح عند اوضه سلوى وخبط عليها.....
سلوى:صباح الخير
عز بجمود:صباح النور....
سلوى باستغراب: مالك فيه حاجه حصلت ولا ايه؟؟؟؟
عز بنفس الجمود:ايوة...........عايز اتكلم معاكي ف موضوع مهم....
سلوى بتوتر:اتفضل....
عز:مش هنا
سلوى:اومال فين؟؟؟
عز:هستناكي الساعه٥ النهاردة في مطعم***عشان نتغدى برا واتكلم معاكي
وسابها ومشى من قبل ما تنطق بحرف واحد....وطبعا الخوف سيطر عليها وقالت اكيد عز عرف حاجه طالما بيتكلم معايا كده وهو عمره ما اتكلم معايا كده....لحظات والفون رن
سلوى بخوف:الو
المجهول:هتفضلي كده لحد امتى؟
سلوى:مش فاهمه؟؟؟
المجهول:انا مش قولتلك ان قدامك ٤٨ساعه
سلوى برعب:ايوة بس لسه ال٤٨ساعه مخلصوش...
المجهول بضحك:ايوة معاكي حق لسه مخلصوش..بس عدى منهم ٢٤ ساعه...لسه قدامك ٢٤ ساعه والا.....
سلوى بمقاطعه:عرفت عرفت خلاااااص.....
المجهول:ايوة كده......احبك لما بتفهميني....
سلوى:طيب عز اكيد مش مجنون عشان يسيب ملف زي ده في البيت ولا حتى في الشغل عنده...هيسيبه فين؟؟؟
المجهول بصوت عالي:انتي بتسأليني....دي شغلتك انتي...مش انا....وقفل في وشها....
سلوى :انا لازم اعرف الزفت الملف ده فين...لسه قدامي ٢٤ساعه ولو مجبتوش هيقول لعز كل حاجه وساعتها عز مش هيتردد ثانيه واحدة انه يقتلني.....
ربنا يستر وتعدي على خير...انا هحاول النهاردة اعرف اي حاجه من عز....
🦋♡♡♡♡♡♡♡♡🦋
عند مهرة كانت صحت من النوم وصلت فرضها ولبست عشان هتنزل الجامعه
المهم خرجت من اوضتها لقت باباها قاعد لوحده
مهرة بابتسامه: صباح اليانسون على احلى عيون😂
رؤوف بضحك:صباح الموز لعيونك الجوز😂
مهرة بضحك:ههه...عامل اي النهاردة
رؤوف:بخير
مهرة:اومال فين عبير؟؟؟
رؤوف:قامت الصبح بدري عملت الفطار ونزلت مع شمس توديها عشان انتي عارفه الي اليومين دول حالات الخطف زادت وهي خافت عليها تروح لوحدها..
مهرة:ايوة فعلا زادت جدا......طيب هقوم انا بقى عشان الحق المحاضرة قبل ما تبدأ
رؤوف:مش هتفطري؟
مهرة بابتسامه: هفطر هناك بقى لاني اتأخرت.....باي
رؤوف:خلي بالك من نفسك
مهرة:حاضر....
ونزلت ورنت على رفيف
رفيف:صباحووووو
مهرة:انتي فين
رفيف:ثواني وهتلاقيني عندك
مهرة:طب بسرعه عشان اتأخرنا
رفيف:اشطا....
بعد حوالي ٥ دقايق رفيف وصلت
رفيف:وحشانييييي
مهرة بضحك:منا كنت معاكي امبارح يا هبله ولا انا بوحشك كل دقيقه
رفيف بضحك:وحياتك كل ثانيه مش دقيقه
مهرة بضحك:طب يلا يا بكاشه هنتأخر
🦋♡♡♡♡♡♡♡♡🦋
عند شمس ولؤي في السنتر......
لؤي بابتسامه متخلفه:شمس عامله ايه
عبير من وراها:شمس بخير...انت مين؟؟؟
شمس بضحك عشان تخفي توترها:ااه....ده لؤي ياماما....اخو عز انتي نسيتيه ولا ايه...
عبير بتذكر:اه اه.....ازيك يا لؤي عامل ايه
لؤي بنفس توتر شمس:بخير الحمدلله والله يا طنط......انتي عامله ايه....
عبير بابتسامه: الحمدلله......انت مع شمس هنا في نفس السنتر؟؟؟؟
لؤي:ايوة.....
عبير بابتسامه: ربنا يوفقكم يارب
شمس ولؤي بابتسامه: يارب.....
عبير:طيب انا همشي بقى واول ما تخرجي رني عليا عشان اجيلك......
شمس بابتسامه: حاضر......مع السلامه
لؤي:هي مامتك بتوصلك ليه...هو فيه حاجه ولا ايه؟؟؟
شمس بضحك:لا مفيش....بس هي خايفه بس عشان حالات الخطف اللي زادت دي مش اكتر
لؤي :اااااه......وكمل بغمزة وهي خايفه عليكي وانتي معايا ازاي
شمس بخجل:حد قالك قبل كده انك بارد...
لؤي ببرود:اممممم......
شمس باستغراب: مين
لؤي بضحك:انتي
شمس بغيظ:هههه.....خفيف ....يلا عشان الدرس هيبدأ..
لؤي:يلا....
🦋♡♡♡♡♡♡♡♡🦋
عند كارما كانت قاعدة في اوضتها طبعا في شقه اسر..
وعماله تعمل ماسكات ومانكير وباديكير
اسر دخل عليها.......
اسر بابتسامه: الناس في كوم وانتي كوم تاني خالص
كارما بضحك: عايزني اعمل ايه يعني
اسر:مش المفروض انك جايه عشان تكملي دراسه هنا
كارما بلامبالاه وهي ماسكه المبرد:ايوة......بس باخد اجازة من نفسي وبعدين ابقى انزل اكمل
اسر برفع حاجب:حد قالك قبل كده ان انا مستحملك بس عشانك اختى....
كارما برفع حاجب: قصدك ايه
اسر بابتسامه: قصدي ان لو واحدة غيرك بتكلمني بطريقتك دي كنت طلعت المسدس***بتاعي وفضيته في دماغها
كارما بضحك:اهون عليك
اسر وهو بيحضنها:لا طبعا....الدنيا كلها تهون الا كارما ام احلى عيون
كارما بضحك:والنبي انت عسل اووووي....ووحشتني موت.....
اسر:وانتي كمان والله
كارما:طب انا مش هعرف اقعد في الشقه الصغيرة دي انا عايزة ننقل في الفيلا بتاعتنا عشان اعرف اقعد براحتي إنما شقتك اللي قد عشه الفراخ دي مش هعرف اتأقلم فيها
اسر بابتسامه مصتنعه: كلك زوق ياحبيبتي....بجد مفيش حد في زوقك
كارما بضحك:طب منا عارفه
اسر:وعارفه كمان انك مغرورة
كارما بتكبر: الناس بتقول كده....بس انا لا
اسر بضحك:ونعم التواضع...
كارما وهي بتضحك خربشت ايديها بالمبرد....
كارما بدموع:Oh, my God
اسر :فيه ايه مالك.....دي خربوشه يعني مش قصه
كارما:لاطبعا....انا لازم اروح المستشفى ضرورى....وسابته وقامت تلبس عشان تروح المستشفى
اسر في باله:ايه الدلع ده......انا امي وابويا مستحملينها ازاي كده....وبعدها قام هو كمان عشان الساعه قربت تيجي على ٤ ويروح يشوف رفيف
🦋♡♡♡♡♡♡♡♡🦋
عند مهرة ورفيف خرجوا من الجامعه......
مهرة:ايه رأيك نروح نقعد في اي كافيه نشرب حاجه
رفيف:لا اصل انا واعدة اسر نروح نقعد الساعه ٤ في كافيه***
مهرة بضيق عيونها:اااه يا كلب البحر....بقى بتبعيني عشان تروحي تشربي قهوة مع اسر
رفيف بضحك:لا طبعا...بس مينفعش اخلف معاه ممكن يزعل مني
مهرة بخبث:اممممم وفيها ايه لو زعل منك
رفيف بتوتر:هااا....اه عاديي يعني انا مش بحب حد يزعل مني
مهرة بنفس الخبث:اممممم....واسر حد؟؟؟
رفيف بغيظ:ههه.....لا ايام الاسبوع كلها ياغاليه
مهرة بضحك:طب يلا روحي عشان متتاخريش....وابقى طمنيني عليكي .....
رفيف بابتسامه: سلاموززز
مهرة بضحك:بالموز ياختي
المهم ومهرة ماشيه عز رن عليها
مهرة بابتسامه: عامل ايه
عز بابتسامه: الحمدلله وانتي
مهرة:بخير
عز:ديما يارب
مهرة:انا وانت♥️
عز:هااا خلصتي محاضرات
مهرة:ايوة
عز:وراحه فين دلوقتي
مهرة:على البيت..
عز:لا...مش عايزك تروحي البيت
مهرة باستغراب: اومال اروح فين؟؟؟؟
عز:...........
مهرة بصدمه:بتهزر صح؟؟؟
عز :وحياتك عندي لا
مهرة بصدمه اكبر:انت قولت ايه
عز باستغراب: قولت ايه
مهرة بخجل:قولت وحياتك عندي؟؟؟؟ولا انا سمعت غلط
عز باستفزاز: لااكيد انتي سمعتي غلط....وانا هقول كده ليه
مهرة بغيظ:طيب اقفل بقى عشان اروح
عز:خلي بالك من نفسك....ولو حصل اي حاجه كلميني
مهرة بابتسامه: حاضر....مع السلامه
عز:باي.....
🦋♡♡♡♡♡♡♡♡🦋
عند عزيز كان قاعد بيفكر في موضوع عز وسلوى واللي بيحصل ....قطع تفكيره دخول الممرض...
الممرض:دكتور عزيز...في واحدة برا مجنونه وعايزة تدخل عشان قال ايه تعالجها.....
عزيز:ليه هي مالها
الممرض:معرفش...بس اللي شايفه ان ايدها متخربشه وعايزة تعالجها....
عزيز بضحك:طب دخلها....
الممرض خرج:اتفضلي يا انسه...
كارما دخلت واتصدمت......
عزيز:هو انتي!!!!
كارما بصدمه:....
🦋♡♡♡♡♡♡♡♡🦋
اسر بابتسامه: اسف ان اتاخرت عليكي
رفيف بابتسامه: لا عادي....متأخرتش كتير يعني..
اسر:امممم.....طب ايه
رفيف باستغراب:ايه....
اسر بابتسامه: عاملة اي ف الكلية والمذاكرة......
رفيف :كله تمام والله هانت اهي وكلها شهرين وهتخرج ومعنتش اروح ف اي حتة وانام براحتي بقى
اسر بضحك:تنامي براحتك هو ده كل همك
رفيف بضحك: ايوة
اسر كان لسه هيتكلم جه صوت من وراه:اسر......انت بتعمل اي هنا ي بيبي مش احنا كنا متفقين اننا هنتقابل النهاردة!!!!!
رفيف بصدمه:دي مين دي
نيرة بسهوكه: انا نيرو قلب اسورتي انتي بقى مين
اسر بغضب مكتوم:نيرررررررة........ولسه هيكمل كلامه رفيف قامت ومشت
اسر:رفيف
🦋♡♡♡♡♡♡♡♡🦋
عند شمس ولؤي..............
خرجوا من الدرس وكل واحد خارج مع زميله او زميلته.
المهم شويه بنات حاوطوا شمس قدام السنتر
البنت الاولى:مش كنتي بتقولي ان لؤي ابن خالتك؟؟؟
شمس برفعه حاجب: ايوة...........بتسألي ليه
البنت التانيه:عشان انتي واحدة كدابه.....وشمال***وعشان تداري على نفسك انك مش بتكلمي شاب غريب اخترعتي قصه انو ابن خالتك...وهو مش ابن خالتك ولا يقربلك اصلا....
شمس بتوتر:انتي ايه اللي بتقوليه ده...وجبتي كلامك ده منين...
البنت التالته: احنا مجبناش كلام من عندنا...احنا شوفنا الحوار اللي كان بين مامتك وبين لؤي....بذمتك ده يبقى ابن خالتك ازاي
شمس بعصبيه:محدش فيكوا ليه دعوة ولا ليه حاجه عندي انتو بتقولوا كده بس عشان محروقين مني ان ازاي لؤي يبقى بيكلمني انا ولا معبر واحدة منكو.....
البنت الاولي:تمام. انا هوريكي.........واتكلمت بصوت عالي وقالت يشباب شمس واحدة كدابة وطلعت بتضحك علينا كلناعشان متبينشانها مش تمام ف اخترعت قصه ان لؤي ابن خالتها وهو ميقربش ليها اي حاجه....
الشباب اتجمعت حوالين شمس وقالو تؤتؤ يحرام لا وعاملالنافيها الشريفة العفيفه وفضلو يضحكو عليها وواحد قرب منها وقالها طب ما تجيبي بوسة***..
شمس بعياط:ابعد عني منك ليه
شاب:ليه ياقمر بس.....ولا احنا وحشين ولؤي هو اللي حلو....
لؤي كان خارج من السنتر وشافهم حواليها وراح لعندهم:.......
لؤي بعصبية:.....
عند عز كان المطعم اللي قال لسلوى عليه وقاعد بيستناها......
بعد شويه سلوى وصلت.....
سلوى بابتسامه: انا اسفه اني اتأخرت.....
عز:لا ولا يهمك......تحبي تطلبي ايه......
سلوى بابتسامه: زيك...
عز:تمام....
سلوى بتوتر خفيف:هو انت كنت عايزني في ايه...يعني فيه حاجه ولا ايه
عز بابتسامه: اتفضلي......
سلوى بصدمه:ده ايه ده؟؟؟؟؟؟؟
عز:ده ملف قضيه العصابه الأعضاء""""اللي قتلوا سلمى...
سلوى بصدمه:ايوة وانا اعمل بيه ايه
عز بابتسامه: مش هلاقي حد اكتر منك أمن عليه .....انا عارف كويس ان انتي اكتر واحدة هتحافظي على الملف ده...عشان كده جبتهولك. ....
سلوى بتوتر:ايوة بس.......قطع كلامها فون عز
عز :الو.........انت بتقول ايه......طب انا جاي حالا...
سلوى :فيه ايه....
عز قام من غير ما يرد عليها ومشى.
الفصل الثامن من هنا
لقراءة باقي الفصول من هنا
لقراءة الجزء الاول جميع الفصول كامله من هنا