CMP: AIE: رواية اسير جنانها الجزء الثاني من عريس لقطه الفصل التاسع والعشرون 29بقلم حنين عادل
أخر الاخبار

رواية اسير جنانها الجزء الثاني من عريس لقطه الفصل التاسع والعشرون 29بقلم حنين عادل

        


رواية اسير جنانها الجزء الثاني من عريس لقطه

الفصل التاسع والعشرون 29

بقلم حنين عادل

 


تيك تيك تيك ..


حظابط: ده صوت ايه ده انتم حطيتوا لينا ايه بالظبط..


ياسر: ايه ده..


فارس: حوش القماش من علي عينيهم .


بيروح سيف وبيحوش القماش اللي علي عينيهم.


حظابط: فارس وسيف😡


رنا: ليه كده يا سيف ليه؟!!


ياسر: انتم عايزين مننا ايه ؟!


فارس: انتم هنا تخرسوا خالص واحنا بس اللي نسأل 😡


حظابط: تسألوا علي ايه 😡


سيف: من غير لت وعجن انتم دلوقتي لابسين قنبله هاتنفجر بعد ١٠ دقايق من هنا للعشر دقايق وقبل ما يخلصوا لازم تجاوبونا علي كل اسئلتنا الوقت مش في صالحكم خالص😈


حظابط: عاوز تسال علي ايه.


سيف: مين اللي وراك وباعتك ..


حظابط: ماحدش ورايا انا عاوز انتقم من فارس علي اهانته ليا..


فارس: قولتلك الوقت مش في صالحك اخلص..انت اضعف واتفه  من انك تعمل حاجه خلص😡


حظابط: وانتم اضعف من انكم تسيبوني اموت بالقنبله دي..


فارس: يبقي ما تعرفناش ..


سيف: ما تخلص يا روح امك 😡


فارس: تمارا عايشه يا رنا ؟!


رنا :.............


سيف: رودي يا رنا تماره عايشه باقي من الوقت تلات دقايق وحيات ابني اللي مات غدر ان ما جاوبتم عليا لاسيبكم تموتوا كده بدم بارد ولا يرمشلي جفن ..


سيف: يلا يا صاحبي يظهر انهم عاوزين يموتوا ..


فارس: دي الفرصه الاخيره قدامكم ...يبقي يلا يا سيف ...كنتم تقدروا تحموا نفسكم لو قلتم الحقيقه .


..عايز تعرف ايه يا عمرو يا شرايدي؟!!


سيف بيلف وهوا عارف الصوت ده ...


سيف: 😳تمارا ..


تمارا: ايوه تمارا...


واقفه وحواليها رجاله كتير ...


تمارا: رجالتكم اللي برا كلهم اتصفوا ...وانتم بقا عزل وحلو اوي اللي انتوا عاملينه ده نحط النقط علي الحروف بقا😈


سيف بيقرب منها وبيحضنها : الحمد لله انك عايشه 💥


بتزقه بعيد عنها ...


سيف: في ايه يا تمارا ؟!! وكنتي فين السبع سنين اللي فاتوا..


فارس: اه يا ريت تفهمينا ...


تمارا  شدت كرسي وقعدت ...


تمارا: عايز تعرف ايه يا عمر ..


سيف: هوا ابننا عايش ؟!!


تمارا: للأسف مش عايش ابننا مات بسببك 


سيف: بسببي؟!!


تمارا: ياما قلتلك بلاش الشغل ده ياما بس كنت مصر تكمل لحد ما ابننا راح نتيجه اصرارك كنت عارف اننا في خطر ولا كان همك ابنك مات بسببك يا سيف وانا انتهكوا حرمه جسمي بسببك 😢😡


فارس: ايه اللي حصل بعد ما....هربتي


سيف متأثر جدا وافتكر اللي حصل وبيحاول ينساه


تمارا: خدوني معاهم في العربيه اسبوع من العذاب اغتصاب وتعذيب كنت مستنياك توفي بوعدك ليا انك هتحميني ومش هتخلي حد يئذينا وتيجي تنقذني بس لأ ما جتش لحد ما فيوم تعبت جدا بعد ما .....دقات قلبي وطت ويعتبر كنت ميته فكروني ميته ورموني في اقرب خرابه لحد ما في ناس شافوني وكان ليا عمر اعيش عارفين ليه عشان انتقم من كل اللي اذوني ودمروني وكان اولهم انت


سيف: انا ماكانش في ايدي حاجه انا بموت لما بفتكر اللي حصل كنتي عايزه ايه كنتي عايزاني اقبل الرشوه عشان تبقوا في امان وابيع نفسي وضميري ..


تمارا: ده اللي عمل فينا كده ده اللي خلانا نخسر ابننا ضميرك ومبادئك الكدابه اللي ماينفعش يبقي ليها مكان في مجتمع زي اللي عايشينه ده ...


صوت القنبله بيعمل انذار كانها هتنفجر..


تمارا جرت طلعت ..


ياسر: ايه ده في ايه ؟!


حظابط: فكونا .


سيف فك رنا وفكهم ...


والكل طلع يجري...


فارس قعد عالكرسي وسيف جمبه


رنا رجعت تاني ...


فارس: ارتحت كده..


سيف: انا تعبت اكتر كلهم كدابين يا صاحبي ..ايه ده انتي ماجرتيش ليه زيهم ...


رنا: عشان خوفت عليك بس مش غريبه كنتم بتقولوا لسه تلات دقايق من عشر دقايق مثلا..


سيف : لا عادي دي صوت بس اكيد مش هموتك منفجره يعني احنا مش مجرمين ...


قعدت رنا علي الكرسي التالت جمبهم...


رنا: وبعدين يا سيف


سيف: وبعدين ايه


رنا: هيرجعوا تاني ومش هتسلم منهم


فارس: هنعمل ايه يا عمر 


سيف: اشمعنا عمر


فارس: لان احنا دلوقتي محتاجين عمر الشرايدي مش سيف العدوي ..


سيف بتفكير: اللي فيه الخير يقدمه ربنا ...


فارس: طيب يلا روح ارتاح ...


سيف: يلا يارنا ..


قاموا وطلعوا ولقوا كل رجالتهم نايمه علي الارض مضروبه بالرصاص..


سيف: ياريتها كانت قنبله حقيقه دول مجرمين 


فارس: هما مجرمين بس احنا لأ يا سيف ماتسمحش للوحش انه يخليك زيه ..


فارس ركب عربيته ومشي


ورنا وسيف ركبوا العربيه وساقها ومشي


سيف: انا اسف يا رنا  


رنا: ما تعتذرش يا سيف انا مقدره اللي انت فيه 


سيف سكت..


رنا: انا خايفه 


سيف: من ايه..


رنا: منهم ..خايفه عليك 


سيف: وخايفه عليا ليه


رنا: يعني صديق وعشره وكده


سيف: اه..لا ما تخافيش العمر واحد والرب واحد


رنا: يعني هاتعمل ايه


سيف: العبد في التفكير والرب في التدبير


وصلت رنا للبيت .. استني لحد ما طلعت بيتها


وبعدين مشي

.............................

في فيلا فارس.


حنين واقفه قدام المرايه..


انا مش عارفني انا توهت مني انا مش انا لا دي ملامحي ولا شكلي شكلي ولا ده انا ابص لروحي فجأه لقتني لقتني تخنت فجأه تعبت من المفاجأه ونزلت دمعتي 😢


فارس:هههههه كملي كملي


..احم ...انت جيت


فارس: لأ لسه في السكه


..ظريف 🙂


فارس قرب منها وحضنها ...


فارس: مين اللي تخنتي دا انتي عسل وعارفه ان تخنتي هتبقي احلي واحلي انتي من دلوقتي ملبن اومال اما تتخني هتبقي ايه 😉


..هابقي كحك بالملبن😂


فارس: فصييييله  ..


..بس بتحبني 😉


فارس: بعشقك ..


..طب بالمناسبه السعيده دي ما تجيب بوسه بقا🥰


فارس: بس كده 😘


..يا واد بس بقا بتكسف 😂(بتتكسفي اشطا😂)

نسيبهم يتكسفوا مع بعضيهم بقا

......................

في الصباح ..


في مركز الشرطه..


* متأكد يا عمر ؟!!


سيف: ايوه يا باشا متأكد لازم كل حاجه ترجع لوضعها الطبيعي..


* تمام تقدر ترجع لشغلك تاني 


سيف: متشكر يا فندم ..


خرج سيف من مركز الشرطه ...


بعد ربع ساعه لقاه قدام الجامعه...


سيف: انا كنت مروح ايه اللي جابني هنا ؟!


كان هايمشي بس وقف ...نزل من عربيته وكالعاده دخل يشوفها ...


وكانها بقت ادمان.   


راح بس مش زي العاده ماهزرش قعد علطول ..


رنا: سيف عامل ايه


سيف: الحمد لله ..


الصمت كان سيد الموقف ...


قام سيف ومشي كان جاي عشان يشوفها وبس او كانه بيودعها يا تري انت ناوي علي ايه يا سيف ..


رنا: ماله ده مش طبيعته يعني ؟!

......................

في فيلا فارس


..يلا انا جاهزه


فارس: رايحه فين ؟!!


..رايحه الجامعه 🤨


فارس: مش انتي المفروض ترتاحي عشان حامل وكده


..مين العبيط اللي قالك كده المفروض اتمشي عشان الولاده تكون سهله😂


فارس: دي في التاسع الكلام ده


..معلوماتك مغلوطه ومفحوته وطالع عينها ايه الكلام ده المفروض يتمشوا في الاول عشان النونو ينشأ نشأه رياضيه وكده انما في الاخر ده مش هيفيده في حاجه لانه هيكون اكتمل وكده ومصدق الفتي ده ولا ايه ؟!


فارس: وانتي بتقولي حاجه غلط يا حبيبتي 😂


..يعني هاجي ؟!


فارس: االلي يريحك بس تحاسبي علي نفسك وبلاش مشاكل 😐


..والله ابغي اعيط بس استحي 😂


فارس: ايه ده بجد انتي بتستحي 😂


..نينينيني يلا يابابا المحاضره بعد نصايه ...


فارس: اوك ..


..تحسك وانت بتقولها امريكاني يلا مش الانجليزي المكسر بتاعنا ابقي علمني


فارس: حاضر☺️


..اموت فيك وانت مطيع كده 😉


ركبوا العربيه ووصلوا للجامعه...


فارس: مش محتاج انبهك بطلي جنان وشقاوه


..ليه طفله انا مثلا 😐


فارس: ان حصل حاجه لابني هاعلقك ..


..من دلوقتي وكده اظهر وبان 😢


فارس: بتكلم بجد يا حنين انا طاوعتك عشان راح منك محاضرات كتير بس ...خليكي قد المسووليه وبلاش اي تصرف طايش ..


..اوكيه كيو ..


فارس: ده ايه ده


..لأ دي مايفهماش غير التافهين امثالي يلا يابني الله يرضي عليك 😂


دخل فارس وحنين الجامعه ...


رنا كانت واقفه قربت علي حنين


رنا: حنون ازيك ..


..🤨وانتي مالك


رنا: انا عارفه انك زعلانه بس ماكنتيش تعرفي ظروفي


..تخطفيني يا زباله دي ماكنتش عشره وجيره اخص عليكي 😢


رنا: ما خلاص بقا يا حنون ما انا سامحتك كتير..


..سامحتيني كتير ليه يا ختي كنت عملت ايه معاكي قبل كده🤨


رنا: فاكره ياختي اما جبتي الصبغه وقلتي تعملي فيها كوافيره وتعمليلي شعري وواففتك ويومها اقرعيت 😐


..ما كانش ليا ذنب كانت الصبغه مغشوشه وامر ربنا اعترضي بقا ..


رنا: بلاش دي هانمشيها كده ...انما ليه ها ليه تروحي تقولي للواد سعيد جارنا البلطجي اني بحبه ويفضلي مستقصدني وفاكرني بتقل ؟!!


..يا سلام لقيته عينه منك يا ختي وكل يوم الكلب بتاعه بيخلينا نموت من كتر الجري بيلف ورانا كل الحاره قولت اقوله كده واقوله انك مش بتحبي الكلاب ونفعت الخطه ومشي الكلب وبقينا في امان ان شاء الله سالمين يعني اعمل خير ومش عاجب😏


رنا: يا سلام ...ده خطفني بسببك ..


..ماحدش قالك تديله ريق حلو احنا ما حيلتناش غير شرفنا اه 🤨


رنا : بلاش دي فاكره لما واحنا صغيرين زقيتيني من الدور التالت 😏


..اديكي قولتي كفايه ظلم بقا كنا صغيرين وزقيتك ليه ها زقيتك ليه مش عشان كنتي عايزه تطيري ؟! 


رنا : اه كنت عايزه اطير مش اموت انا اسفه😂


..طالع في حضن اخوووك يا فواز 😂


حضنوا بعض ...


رنا : يلا عندنا محاضره ...


..يلا يا اختي اصل فارس يطردك


رنا: نا يطردنا 😂


..لا فاروستي استحاله يطردنا ..


رنا: باماره العشرين مره قبل كده 😂


..يلا يا ستي بريستيجي لا يسمح لي بالطرد..


رنا: ماكان من الاول😂


دخلوا المحاضره ..


فارس دخل وبدأ يشرح ..وحنين قاعده بتغمز ليه وبتضحك وهوا بيضحك وهوا بيشرح مش قادر ...


فارس: حنين ...


..يس بوس..


فارس: ركزي 🤨


 ..اوك 🙂

 ‏............................

في مكالمه تليفون


سيف : متأكد؟!!


مجهول: ايوه يا باشا..


سيف: والميعاد؟!


مجهول: بعد اسبوع..


سيف: تمام خليك مراقبهم وخليني علي معرفه بكل جديد


مجهول: حاضر يا باشا

.........................


حسن: ها يا تمارا كده خلاص مش هنعمل حاجه


تمارا: اتقل نخلص بس العمليه الجايه علي خير ونفوق ليهم دي هتودينا في حته تانيه خالص..


حسن: طب وياسر ؟!


تمارا: ياسر ده اخره معانا العمليه دي وبعد كده نصفيه ما تنساش هوا اللي عارف الناس مانقدرش نستغني عنه دلوقتي ..


حسن: ده طالب نص الفلوس ..


تمارا: العمليه تخلص بس وياخدوا يصرفوا في جنهم ..ههههه


حسن: بدأت اخاف منك يا تمارا


تمارا: ما تخافش يا حسن انت اخويا انا افديك بنفسي ..

..............................

في الليل وتقريبا الساعه 2


حنين بتصحي فارس..


..فارس فارس..


فارس قام مفزوع: انتي كويسه ؟!


..انت بتحبني يا فارس ؟!


فارس: ده سؤال يتسأل الساعه 2 بالليل 😢


..جاوبني😢


فارس: بحبك وبموت فيكي نامي بقا الله يرضي عليكي ..


..طب لو بتحبني اطلبلي خمسه كبده وسجق😢


فارس: يا حبيبتي انتي متعشيه عشر مرات الواد هيفطس..


..الله انت بتحسبلي اللقمه😢


فارس: خلاص انا اسف ..قام ومسك تليفونه وطلب دليفري بعدها بعشر دقايق الدليفري جه قام حاسب وجابلها الاكل ودخل ينام ...


كلت الاكل ....


..فارس فارس 


فارس قام: فيه ايه تاني؟!


..عايزه كاكولا تهضم 😢


فارس: في عندك في التلاجه..


..انا مش بحب غير شويبس 


فارس: المحلات قافله دلوقتي 


..خلاص انزل هاتلي راني من التلاجه 


فارس: حاضر😴


..ولو لقيت شوكلاته هات 


فارس: طيب


..وحته جاتوه🥺


فارس: ماشي تاكليني انا بالمره


..لأ دا انا كده يجيني السكر من كتر حلاوتك..


نزل فارس وهوا تقريبا نايم جاب لها اللي هيا طلبته وطلع ونام ...


كلت حنين الجاتوه والشيكولاته وشربت الراني وربنا هداها ونامت ..

.............................

بيعدي احداث الاسبوع بدون حاجه مهمه مليان بشقاوه حنين وجنانها وهرموناتها بعد الساعه 2


وسيف من الواضح انه بيخطط لحاجه مهمه ..

.........................

في شركه فارس..


فارس: خلي بالك علي نفسك  يا سيف انا هابقي في ضهرك وجمبك 


سيف: لا ارجوك ابعد عن الموضوع ده كفايه اللي خسرته


فارس: كله هيبقي تمام ..


سيف: ان شاء الله.


فارس: الميعاد امتي 


سيف: الساعه عشره بالليل


فارس: ربنا معاك يا صاحبي 


سيف: يارب ...

.............................

قدام مطعم علي النيل 


بتركب رنا العربيه ..


رنا: في ايه ياسيف خضتني مالك ؟!


سيف حضنها بدون اي مقدمات وهيا بدلته الحضن


بعد عنها..


رنا: انت كويس


سيف: عمري ما كنت كويس زي النهاردة ...


رنا: حاساك مش طبيعي انا خايفه عليك ومش مطمنه ..


سيف: ما تخافيش ...


رنا : متأكد انك كويس


سيف: ايوه


بيحي تليفون ل.رنا


رنا : ايوه يا ماما تمام تمام حاضر جايه


بتقفل رنا التليفون


رنا: مضطرة امشي خلي بالك من نفسك


سيف : تمام 


حضنها سيف للمرة التانيه ورنا مستغربه...


وبعدين مشيت وهيا حاسه ان فيه حاجه غريبه..

.........................

في الليل...


سيف ورجالته مستخبيين ...


تمارا وحظابط وياسر واقفين  ووراهم رجالتهم وعربياتهم 


وبيجي عربيات كتير  وبيقفوا وبينزل راجل ووراه رجالته. 


بيظهر الراجل الشنطه اللي في ايده اللي مليانه فلوس وبيظهر ياسر الشنطه اللي مليانه هيروين 


احد الرجال : ها يا باشا نهجم..


سيف: استنوا بعد واحد اتنين ...


بيسلم الرجاله الشنط ...


سيف: اهجموا.....


المكان مش باين من كتر ضرب النار وتمارا وياسر وحسن مستخبيين وبيضربوا نار وكذلك الناس التانيه بيطلع سيف قنبله مسيله للدموع ...


الكل مابيبقاش شايف حاجه ...وضرب النار لسه شغال بيمسك العساكر الكل ...


الا تمارا اللي بتجري وبيجري سيف وراها..


سيف وماسك مسدسه : اقفي وارفعي ايدك لفوق..


تمارا وماسكه المسدس: معقول يا عمر هاتموتني هاتموت حبيبتك انا شفت كتير ده بدل ما تواسيني اضرب اضرب يا عمر اضرب ...


سيف قلبه مش مطاوعه يضرب و ايده بتترعش


تمارا: ما ضربتش ليه ....


بترفع مسدسها عليه : يبقي اضرب انا بقا ....


طااااااخ .......صوت طلقه طلعت..


          الفصل الثلاثون والأخير من هنا 

لقراءة باقي الفصول من هنا

تعليقات



حجم الخط
+
16
-
تباعد السطور
+
2
-