رواية غدر الاصحاب
الفصل الاول1
بقلم اسراء ابراهيم
كنزي: مكنتش في يوم متخيلة أن يحصل معايا كده عمري ما تخيلت أني لما يحصلي غدر في حياتي يحصلي من أقرب صاحبة ليا بس أنا هبقي أقوي من الأول وهبقي أحسن من الأول وهثبت لها أني مبقتش البنت الطيبة الهبلة اللي هي عرفتها
واغلقت ملف يومياتها الذي يوجد به جميع افراحها واحزانها وخلدت في نوم عميق من كثرة ما بذلت من جهد
في الساعة السابعة صباحًا أستيقظت كنزي بكسل علي صوت المنبه المزعج
كنزي بعصبية وتلقائية: أنتَ منبه قليل الأدب أزاي تصحيني من النوم كده
وقاطعها صوت الطرق علي باب غرفتها
كنزي: ادخل
دخل والدها وفي يده صنية بها طعام شهي ولذيذ
حمزة: صباح الخير يا جميلتي
كنزي: صباح الخير يا بابا
حمزة: مستعدة لأول يوم في حياتك العملية
كنزي وفي عينيها نظرة خوف من العالم الخارجي: مش عارفة أنا خايفة يا بابا
حمزة: خايفة من أي يا كنزي
كنزي: خايفة أثق في حد تاني خايفة حد يعرفني من الصور
حمزة: حبيبتي اولًا مش انتِ اللي كنتِ في الصور اللي صحبتك نشرتها ثانيًا مش مهم رأي حد فيكِ نهائي غير انه كان ترند وراح لحاله والناس بتنسي مجرد ما ترند جديد يظهر فمحدش هيفتكر حاجة من ست شهور يا كنزي ولو كان حد هيفتكر مكنوش قبلوكي في الشغل ولا اي
كنزي: يعني رأيك اي يا بابا
حمزة: رأي تفطري وتقومي تاخدي شاور وتلبسي علشان متتاخريش علي الشغل ويخادوا عنكِ انطباع وحش
كنزي: حاضر
بعد مرور ثلاث ساعات
ياسين: أي يا استاذة كنزي متأخرة نصف ساعة من أول يوم
كنزي: بعتذر عن التأخير هتبقي أخر مرة وعد
ياسين: تمام المهم عايزك تعرفي أنكِ اخدتي فرصة من ذهب انكِ تشتغلي معانا لاننا مش أي تيم أحنا أجمد تيم في الصحافة تيم افكارنا مجنونة لما بننزلها بتعمل جدل كبير والأهم من كل ده أننا شوفنا فيكِ الشطارة والكفائة اللي يسمحولك تبقي مننا
كنزي: إن شاء الله هكون عند حسن ظنكم فيا
ياسين: لازم هتكوني قد ظننا فيكِ لأن الغلطة معانا بفورة
كنزي: طب انا دلوقتي المطلوب مني اعمل اي
ياسين: في جريمة قت. ل حصلت في العنوان ده عايزك تروحي وتتابعي التحقيقات وتنشريها في الجريدة بتاعتنا اول ب اول
كنزي: بس العنوان ده عنوان بيتي ومفيش اي حاجة من الكلام ده
ياسين: تقدري تروحي تتأكدي بنفسك
بعد مرور نصف ساعة كانت كنزي قد وصلت الي بيتها ودخلت وكانت الصدمة...