حسااام.. اوووو يا ابن اللاعيبه طول عمرك دماغ بقا انت بتعمل معاها كل ده علشان رسالتك...
بصيت لقيت حركه برا... قولتله اوعا كدا يا حسام وقمت بسرعه... لقيت لينا بصيتلي وعيطت وفتحت باب الشقه وطلعت تجري....
لينااا... استني..
طلعت اجري وراها.. كنت بنهج ومش قادر وكانت الدنيا بتشتي...
لقيتها وقفت مره واحده بعد مكانت بتجري.. طلعت اجري لحد موصلتلها وبصوت بيتنهد قولتها..
ثواني يا لينا هشرحلك..
رفعت راسها وقالتي شكراً جدا للي انت قدمتهولي لحد كدا..
مش عاوزه اشوفك تاني..
عارف ايه اكبر غلطه غلطتها... اني فكرت اروح لدكتور...
يا لينا اسمعيني...
لينا بصوت عالي : ششششش مش عاوزه اسمع حاجه...
كفايا اووي الي سمعته..
_طيب هوصلك هتروحي لوحدك نص الليل...
لينا بنفس نبره الصوت : انت كنت مين علشان توصلني...
مش عاوزه اشوف وشك تاني.. يااا.. دكتور..
ومشيت طلعت اجري ركبت العربيه ومشيت ورا التاكس الي هي ركبته معرفش عملت كدا ليه....
لقيتها وقفت قدام فيله...
ودخلت...
قولت اكيد هي ساكنه هنا... وروحت.. تاني يوم روحت العياده وكل تفكيري عنها... مش بتطلع من دماغي.. حاولت اخلص شغلي بسرعه...
وروحت وقفت قدام بيتها...
بقالي يومين بنام في العربيه بالليل قدام بيتها علشان اتأكد انها مش هتتقمص اي شخصيه وتخرج..
وبالنهار اشتغل عاادي.. وهي بتبقي في كليتها الوقت ده...
وتالت يوم.. لقيتها فتحت باب العياده ودخلت..
بصيتلي وقالتلي انت هتسكت وانا هتكلم...
انا مش مجنونه وعارفه اني قولتلك اني مش عاوزه اشوف وشك.. بس مفيش حد غيرك احكيله...
انا امبارح كنت هقتل مرات بابا انا محستش بنفسي غير لما السكينه وقعت من ايدي قدام باب اوضتها..
هو انا ممكن اقتل حد.. هو انا ممكن ابقي مجرمه....
_حاولي تهدي طيب يا لينا...
انتي اخدتي العلاج؟!
لينا : لا...
طيب مهو انتي كدا مبتساعديش نفسك واديكي شوفتي انتي ممكن توصلي لأيه...
لينا : انت دالوقت بتساعدني ليه؟! علشان مصلحتك صح؟!
بس لو نسيت يا دكتور انا بدفع فلوس علشان تعالجني واتفضل فلوس تاني اهو.. قولي انت عاوز كام علشان تخليني اصحاا... قوول..
انتي بتتكلمي معايا كدا ازاي.. انا عارف اني غلطت وبعتزرلك دالوقت ع غلطي بس بلاش الاسلوب ده لو سمحتي...
ههههههه ضحكتني يا دكتور... خليك رويح كدا ما انت عارف اني مجنونه.. متاخدش علي كلاامي...
_في اللحطه دي انا اتفاجأت.. اسلوبها اتغير وبدءت تتقمص دور شخصيه جديده...
حطت رجل علي رجل وقتها ورسمت ابتسامه عريضه علي وشها وقالتلي ممكن تطلبلي قهوه بس سكر زياده..
طبعاً.. طلبتلها القهوه.. وحبيت اني ادخل معاها في نقاش..
او مع الشخصيه الجديد...
ادي القهوه جات يستي انتي مين بقا...
انا... انا.. لينا...
قومت من علي الكرسي ولفيت حواليها وقولتلها.. مش هتضحكي علي الدكتور..
قامت وقفت قصادي وبكل ثقه قالتلي.. شاطر.. لا شاطر بجد..
بس برضو مش هقولك انا مين كفايا عليك لينا الغلبانه الهبله الي انت استغليتها وضحكت عليها...
لينا الي مرات ابوها مطلعه عينيها وقرفاها في عيشتها.. الي اخدت منها ابوها وقهرتلها امها وموتتها..
بقولك ايه يا دكتور والنبي اوعاا كدا من سكتي علشان مش فضيالك ورايا حجات كتير اعملها... ورايا حقوق كتير لازم اخدها...
في اللحظة دي انا حطيت ايدي علي راسي وكنت هتجنن...
_هتعملي ايه.. حقوق ايه الي بتتكلمي عنها...
_ وانت مالك.. بقولك ايه اشرب انت القهوه دي علشان بردت وانا مبحبهاش بارده... سلام....
وسابتني ومشيت قومت وقفت وكسرت كل حاجه كانت علي المكتب...
ازاي انا مش قادر اتصرف...
وقتها السكرتيره دخلت..زعقتلها وخرجتها وقولتلها تمشي كل الحالات النهارده..
واخدت مفاتيح العربيه ووصلت قدام الفيله.. لقيتها نزلت من تاكس ودخلت... نزلت من العربيه واتمشيت قدام الفله.. انا لازم ادخل لازم اشوفها هتعمل ايه...
لقيت الجنايني بيقولي في حاجه يا استاذ؟!
قولتله هو تلبنت الي لسا داخله ديه بنت مين؟!
قالي دي بنت حسام بيه..
الانسه لينا...
ممكن تحكيلي عنها؟!
احكيلك عنها ايه يا استاذ وانت مين اصلا...
انا معجب بيها وبصراحه عاوز اتقدملها واخد معاد من حسام بيه.. انا الدكتور يوسف..
اه قولتلي..
الانسه لينا طول عمرها حياتها كانت عباره عن جمال ودلال لحد مجات الي متتسما...
مين الي متتسما؟!
الست هدي.. مرات ابوها.. هي مش مصريه دي لبنانيه..
قهرت الست ام لينا الله يرحمها لحد مماتت من القهره... وكل يوم خناقه مع الست لينا..
اه وهي لينا بتسكتلها؟!
اه هتعمل ايه يعني بتقفل باب الاوضه عليها ومتطلعش غير تاني يوم...
اااااااااه ابعدي عني...
ايه الصوت ده؟!
الجنايني.. : دا صوت الست هدي وطلع يجري دخل..
دخلت انا كمان لقيت باب الاوضه الي جاي منها الصوت مقفوله... ومرات ابوها بتصوت جوا ولينا كمان جوا...
اكسر الباب بسرعه...
كسرنا الباب ودخلنا لقيت لينا موقعاها في الارض ولسا
هتضرب السكينه في بطنها... مسكت ايديها...
اديرت ورفعت راسها بسرعه وبصيتلي...
وراحت واقعه علي الارض...
بخوف لينا يا لينا وطيت وشيلتها من هلي الارض لقيت واحد واقف قصادي وبيقولي انت مين؟!
ومستغرب من مرات ابوها الي واقعه علي الارض وميته من الخوف.. ومني وانا شايل لينا..
الجنايني.. دا عريس جاي للأنسه لينا يا حسام بيه...