CMP: AIE: رواية بائعة المتعه الفصل الخامس 5بقلم حنان حسن
أخر الاخبار

رواية بائعة المتعه الفصل الخامس 5بقلم حنان حسن

 


رواية بائعة المتعه

الفصل الخامس 5

بقلم حنان حسن


قال لي  : (بائعة للمتعة)...؟؟؟؟!!!! 

يعني...

هاتبيعي المتعة للزباين اللي هايجوا هنا

وفي المقابل : أنتي تاخذين  فلوس كثير وتعيشين  مرتاحه..

وممكن تعملي ثروة في وقت قصير..

ودا غير أن إبنك هيلاقي رعاية واهتمام على أعلى مستوي...!! 

فا فكرت شويه...... 🤔🤔..؟؟

وقلت...ومالة .. لما أجرب... 

وطول ما معايا خصلة الشعر اياها...مش هغلب.. 

وبالفعل .. أستلمت الشغلانة

وكل زبون كان بيدخل عندى كنت بفرك خصلة الشعر البيضة... 

 وبمجرد ما يقلب قرد مطيع وكنت بأمره أنه ينام لغاية الصبح بدون ما يلمسني... 

وهاكذا  ومرت السنين على الوضع ده...

وعملت فلوس حلوه

واكتسبت خبرة من الدنيا أكثر.. 

لكن ... كل ما كانت سنة بتعدي من السبع سنين

( المهلة أياها ) كنت بقرب من الخطر أكثر.. 

ودلوقتي أخويا تم ال 6 سنوات

والعقربة كمان فلوسها بتزيد

 ومالها بيمنحها قوة ونفوذ أكثر 

يعني الهدف بقى أصعب وبالرغم من كده

فا كان لازم أتصرف وأجيب الميراث بتاع أخويا من العقربة باي شكل من الأشكال.. 

حتي لو بالحيلة والمكر وعشان تتغلب علي عدوك

فا لازم تعرفة..؟؟

وتعرف نقاط ضعفة و قوتة

وفعلاً 

قررت أتقرب من العقربة وأعرف نقاط قوتها وضعفها

فا اتعللت لصاحب الشغل باني مريضة، 

 وهاخذ أجازة عشان أسافر واتعالج

فا اشترط عليا صاحب الشغل

أنه عشان يوافق علي الأجازة 

لازم أترك اخويا مع الدادة في بيتة

وأنا وافقت بالفعل... 

وبعد ما مشيت روحت على المنطقة اللي ساكنة فيها الهدف.. 

وأخذت شقة فارهة في عمارة كبيرة

وتعمدت أن الشقة تكون بجانب بيت العقربة

المهم...

لفت نظري في العمارة اللي أنا سكنت فيها جديد

أن ... في شاب شكلة حلو وبيلبس كويس

ومتابعني منين ما أروح..!!! 

وبيحاول يعرض خدماتة بأي شكل 

ولما سألت عنه ... قالول لي أنه إسمه عصام البواب

فا عرفت أنه شغال بواب في العمارة اللي أنا سكنت فيها... 

ولاحظت أن عصام الناس كلها تعرفة وعلاقاتة كثيره

وفهلوي... وناصح.. 

فا قلت ... أن هو ده اللي هايقدر يساعدني

ويجمعلي المعلومات اللي أنا عايزاها

وبالفعل... 

طلبت منه أنه يكون في خدمتي الكام يوم اللي هاقعدهم هنا... 

أصلي فهمتوا إني امرأة ثرية ... عايشة بره...

لكن جاية زيارة لمصر عشان  أحضر فرح بنت أخويا الكبير... 

وفهمتوا كمان ...

أن بنت أخويا خاطبها واحد من عيله كبيرة

وطلبت منه أنه يسأل عن خطيبها وعيلته ...

واعطيتة اسم العيلة.. 

والعيلة اللي كنت اقصدها طبعاً هي عيلة (العقربة)

المهم....

طلبت من عصام

أنه يجمعلي معلومات عن العقربة ... وأهلها جميعاً 

وطلبت كمان منه يجمعلي كل المعلومات الممكنة عنهم... 

سواء كبيرة أو صغيرة 

وفعلاً  في خلال كام ساعة

عصام جابلي معلومات كثير أوي أكثر مما كنت أتخيل 

وطلب مني أصرف نظر عن النسب المنيل ده.. 

سألته...!!

وقلت ... لية..؟؟ 

قال ... لأن الناس اللي هتناسبوهم كلهم عيلة زباله

قلت...معقولة؟

دنا كنت فاكرة أن العقربة ملهاش مثيل في الوضاعة

يقوم يطلع أخواتها كمان زيها..!! 

فا رد عصام .. بعدما سمعني وأنا بنعتها بالعقربة

وقالي...

تصدقي أن اسم العقربة لايق عليها جداً 

قلت له ... تمام .. كمل معلوماتك

وفعلاً ...

رجع عصام يكمل في سرد باقي المعلومات

 أللي جابهالي.. 

وقالي ....

أسمعي بقى لأهم المعلومات اللي عرفتها عن نسايبك

قلت ... قووول..؟

قال ... أولاً نسيبتك العقربة  لها ثلاث اخوات 

وكلهم ميتخيروش عنها.. 

في الوضاعة ... والجشع ... والنهب ... والسلب

ولكن بالرغم من كده العقربة بتحب أخوها الصغير جداً..

قلت .. صغير إزاي.. ؟

طفل .. يعني. ؟

فا رد عصام  وقالي...لا  طفل أيه. ؟

 دا ياسر ده رجل أعمال.. 

وفي أوائل الثلاثينيات من عمره.. 

قلت  ...  اسمة ياسر؟

واشمعني ياسر ده أللي بتحبة يعني.. ؟

قال ... معرفش... يمكن متعاطفة معاه

عشان الإعاقة اللي عندو.. 

وكمل عصام في توضيحة للصورة أكثر.. 

وقال ...أصلي عرفت أن ياسر أخوها ده ...

مصاب باعاقة كبيرة أوي...

وممكن يكون هو ده السبب في تعاطفها معاه

فا فكرت شويه .. 🤔..؟ 

وبعدين سألته ثاني، 

وقلت .. و ده حالتة الإجتماعية أيه بالضبط.. ؟

يعني متجوز .. ولا خاطب ولا مصاحب. ؟

فا رد عصام .. وقالي... أخوها عازب.. 

وأضاف عصام.. 

وقال لي ...

بيظهر أن الإعاقة اللي عنده مخلياه مضرب عن الجواز... 

فا أخذني الفضول أني أعرف نوع الإعاقة أيه بالضبط

 ولكن ... عصام قال لي أنه ميعرفش أيه الإعاقة اللي عنده بالضبط

في اللحظة دي

بصيت لعصام ... ورجعت سألته ثاني

وقلت .. أنتَ متأكد يا عصام  أن أخوها ده 

هو نقطة ضعفها دونما عن الجميع.. ؟

فا رد عصام بثقة

وقال لي ...

اللي عرفتة أنها مش بتقدر ترفضلة طلب لدرجة ..

أنه لو طلب منها أي شيئ مهما كان مستحيل ....؟

 لازم تنفذ له طلبة.. 

في اللحظة دي  حسيت أني وجدت ضالتي واكتفيت بالمعلومة دي... 

وعلى الفور أخذت من عصام عنوان المكتب بتاع ياسر...

والمواعيد اللي بيروح فيها المكتب

وبعدها .. تركت عصام يمشي

وقعدت مع نفسي .. وقولت لنفسي... ياااااه

أخيراً لقيتي للعقربة نقطة ضعف يا هناء...؟ 

أخوها المعاق .. يعني صيد سهل بالنسبه لي

يبقى الخطة هاتمشي كالتالي .. 

أنا هاتعرف علي ياسر أخوها المعاق ده

وهاوقعوا  في غرامي .. 

وحتي لو وصلت للجواز هاتجوزو مش مشكلة

وفي اللحظة الحاسمة هفرك الخصله البيضاء

وأول ما أخوها هيتقلب قرد هيبقى تحت أمري 

وهطلب منو ساعتها أنه يضغط علي أختو العقربة

ويجبرها أنها ترجع لأخويا ميراثه... 

قبل ما أخويا يبلغ السبع سنين ... 

أيه ده .. ؟؟؟

معقوله المشكلة اتحلت بالسهوله دي ؟

الحمد لله ....

وقررت أني هابدء في التنفيذ بمجرد ما ياسر يروح مكتبة...

وفضلت أعد الدقايق والساعات  وأنا بنتظر ميعاد المكتب..

وأول ما أجه ميعاد وجوده في المكتب

لبست أجمل فستان مثير عندي.. 

وروحت على المكتب وطلبت أقابل ياسر شقيق العقربة..

ولما السكرتيرة سألتني عن سبب الزيارة

قلتلها...

عايزاه في حاجة مهمه... 

تقدري تقولي مسألت حياة أو موت...! 

فا اتوترت السكرتيرة..؟؟

وقامت بسرعة من على مكتبها

وقالت لي ...

لحظة واحدة هاعرفه أن حضرتك عايزه تقابليه

وبعدما السكرتيرة .. دخلت لياسر وغابت عنده شويه

رجعت وقالت لي .. ياسر بيه في إنتظارك اتفضلي

فا مشيت خلف السكرتيرة اللي تقدمتني عشان تدلني على الطريق...

ولقيتها دخلت لمكتب شيك أوي.. 

وقالت لي..

اتفضلي ده مكتب ياسر بيه.. 

فا دخلت وفضولي كان داخل قبل مني

وكنت هموت و أعرف أيه نوع الإعاقة اللي عندو بالضبط...

وأول ما عيني أجت على ياسر اتسمرت في مكاني

لأن ياسر طلع .......... ؟


            الفصل السادس من هنا 

لقراءة باقي الفصول من هنا



تعليقات



حجم الخط
+
16
-
تباعد السطور
+
2
-