CMP: AIE: رواية بنت المخاوي الفصل الثالث 3الاخير بقلم السعيد محمد
أخر الاخبار

رواية بنت المخاوي الفصل الثالث 3الاخير بقلم السعيد محمد

 

رواية بنت المخاوي 

الفصل الثالث 3الاخير 

بقلم السعيد محمد


وفجأة كل اللي قاعد بص علي انا ...!!


انا الوحيد اللي موجود من بره النجع ...

وكمان عندي فكرة عن القصة ..

ومش فكرة بس دانا عيشتها معاهم ..

ودخلت مع شباب النجع بيت المخاوي 

عيشت ليلة من أحزن واسوء الليالي اللي عيشتها في حياتي ....!!

، ليلة مرعبة عمري مهنساها ..

بس يا تري اللي جاي ايه ...؟؟


عمدة النجع قالي...

بص يا بني احنا عمرنا ما نقدر نجبرك ولا هنخليك تعمل حاجه غصب عنك ،...!!


 ولو الشيخ كان طلب ان انا اروح بنفسي معاه او ابعت عيل من عيالي او اي حد من النجع مكناش هنتأخر...

 لكن زي مشوفت بعينك وسمعت الشيخ طلب حد من بره النجع وانت الوحيد بينا اللي من بره البلد وعارف الحكايه وعشتها معانا ..!!


وصعب نلاقي حد تاني وانت شاب شهم وشجاع لأنك دخلت معاهم البيت بارادتك ومخوفتش وممكن تدخله تاني ...؟؟

والقرار في الاخر ليك لوحدك. ..؟؟


بس قبل متقرر عاوزك تعرف انك لو وافقت يبقا هتعمل فينا جميل وخير ليوم الدين وهتنقذ أرواح شباب كتير في البلد ..


ولو موافقتش برده ده حقك ومحدش فينا هيزعل منك ....؟؟؟؟


كل البلد قاعدة ومستنيه قراري هروح ولا لأ ...؟؟


سكت شويه وقولتله ..؟؟

طب انا ممكن اتأذي او يجرالي حاجه لو دخلت البيت ومضمنش اني اخرج تاني ..؟؟


رد الشيخ وقال ..؟؟

ده حقيقي خروجنا انا وانت مش مضمون واحنا هنجازف بحياتنا عشان نحاول ننقذ النجع ..!!


بصيت لأهل النجع والعمدة وقولتله ايه رأيك ..؟؟

بيقول اني ممكن مرجعش تاني ..؟؟


رد وقالي يا بني الأعمار بيد الله وانت رايح تعمل خير وربنا اكيد هيقف معاك ..!!


اترددت كتير ؟؟

مش هقول اني كنت شجاع ووافقت علي طول ، الموضوع مش سهل بالأخص بعد اللي سمعته وشوفته بعيني في بيت المخاوي ...!!


بس في الاخر وبعد نظرة عيون كل أهالي البلد اللي كلها عشم وآمل فيا ؟؟

وافقت ....!!!!!


وافقت اني ادخل البيت تاني ...

بيت المخاوي واقابل شبح بنت المخاوي ..!!


لا وكمان هنعد ونتكلم معاها زي الشيخ مقال ....!!!


اهل النجع فرحوا جدا لما وافقت ..!!

بس مش عارف لو كان  الشيخ طلب منهم ان واحد فيهم او حد من ولادهم هوه اللي يروح معاه مكاني يا تري كانوا هيفرحوا كده برده ..؟؟

معتقدش !!!


بس في الاخر وافقت معرفش ليه بس قلت موافق يمكن عشان صعبوا علي ، يمكن عشان حابب المغامره ..؟؟

وممكن في سبب تاني خالص ؟؟؟


بس اللي متأكد منه !! ان ده قدري ومكتوب علي ان ادخل البيت تاني ولوحدي مش معايا غير الشيخ ..!!


الشيخ قالي جهز نفسك هنروح وندخل البيت الليلة...!!


فعلا انا والشيخ  الليلة دي اتجهنا ناحية بيت المخاوي..!؟؟

 والعمدة وبعض شباب النجع كانوا عاوزين يجوا يوصلونا بس الشيخ قال محدش هيقرب من البيت غير انا هوه وبس ...!!!


فعلا بليل  الشيخ خدني وروحنا ناحية البيت وطول الطريق والشيخ عمال يتمتم في كلام غريب لحد موصلنا عند البيت ...؟؟


عند باب البيت "بيت المخاوي" وقف الشيخ وقالي اوعي تقرأ قرأن جوه البيت ومهما شوفت متحاولش تهرب او تجري عشان متتأذيش واوعي تظهر خوفك ..!!؟؟


بصيتله وابتسمت وقولتله انا مبخافش ..!!؟؟


استغرب مني وبهدوء فتح الباب ودخل وانا دخلت وراه ..!!

عمال يقول كلام مش مفهوم  بس انا فاهمه ..؟؟وخدني وطالعين علي الدور التاني ..!!

نفس المكان المحروق اثار الحريق مغطيه كل شبر في البيت والريحه كريهه جدا وغالب عليه ريحة الدخان ورماد الحريق ..!!؟؟


وصلنا لحد الاوضة اللي شوفت فيها بنت المخاوي المره الأولي ..!!؟

دخلنا ببطأ وحظر ..؟؟

الاوضه كلها محروقة ما عدا السرير وكأن حد لسه كان نايم عليه ...؟؟


اول مدخلنا الباب اتقفل ورانا ..!!


الشيخ حط أيده علي الارض وبدأ يتمتم بكلام وتعاويذ وجسمه كله بيترعش ..!!

وانا قعدت جنبه ..!!


الباب اتفتح واتقفل والشباك اتهز هزه قويه كادت تخلع الشباك معاها ...!؟


صوت الشيخ وتمتمته ابتدت تعلي وتعلي ...

وجسمة كله عمال يتنفض ...


وفجأة ظهرت بنت المخاوي علي السرير ...!!!


منظرها مرعب لأكبر درجة ممكن تتخيلوها ..

بتبص علي الشيخ  وعليا من علي السرير ..!!


نزلت وجت ناحيتنا ببطء وخارج منها صوت غريب اقرب لصوت الافعي ...!!


قربت اكتر لحد موصلت قدامنا وابتدت تقرب اكتر لحد وجهها بقا يكاد يلامس وجهي..!!


بتشم في وشي وخارج منها صوت فظيع

ريحة وشها المحروق غالب علي الجو المحيط بينا


الشيخ مبقاش يتكلم بطل تمتمتة ..؟؟

وهيا فضلت تلف حوالينا ببطأ شديد ..

وفجأة اتكلمت بصوت واطي ومريع وقالت ..؟


ايه اللي جابكم هنا انتوا مش خايفين أأذيكم ..؟؟مش خايفين تتحرقوا .....؟؟


الشيخ قام وقف ببطأ وهدوء وغالب علي صوته رعشة غريبة  وقالها ،..؟؟


بحق من له حق عليك وله كل الحق ، ماذا تريد لترفع حقدك وغضبك وانتقامك عن أهالي النجع ، بحق كل دماء ارقتها وكل شر سلطتة علي نجعك أطلب منك ان تسكن روحك الي مأواها وتكف شرك عنا ولك ما تريد ،اطلب وسوف تجاب....؟؟؟


ضحكت بصوت عالي جدا ومرعب وفجأة مسكت الشيخ من رقبته ورفعته فوق وقالتله بكل غضب ..؟


ايه تعرفه عن الشر وعن الحقد وعن الانتقام ..؟

ايه تعرفه عن الناااااااار ..؟؟

انا اعرف النار اكتر منك ..!! اكتر من اي حد في الكون ده ..!!؟؟


رميت الشيخ جامد علي الارض وقالتله..

لن يزول حقدي وانتقامي عن النجع الا بشرط...؟


رد الشيخ ؟ اطلب وسوف تطاع ..!!؟


ردت وقالت

 تروح وتجمع كل شباب النجع  ولا تترك شاب واحد بالنجع .!!

وتجيبهم هنا في بيتي ..!!

وهختار واحد منهم يعيش معايا علي طول تعويضا لي علي اللي عملوه فيا وعن حبيبي اللي خدوه مني ليلة فرحي ...!!

والباقي هيرجع النجع ولو ده حصل مش هنزل النجع تاني ومش هأذي حد منهم ..!!

وده عهد بيني وبينك ..!!

والا لن يزول حقدي وانتقامي وسوف يرون ما هو أشد وألعن من ذلك بكثير ...؟؟


ودلوقتي اخرجوا من بيتي قبل ما احرقكم..!!وساعتها رسالتي مش هتوصل وغضبي لن يزول وبعد كدة اختفت من قدامنا والباب اتفتح ...!!


الشيخ قالي يالا نخرج بسرعة..

قومت وخرجنا من الاوضة ونزلنا علي تحت وعلي اخر السلم لاقينها واقفه في وشنا ...؟؟

وقفنا مكانا متحركناش ..!!


بصت للشيخ وقالتله بصوت واطي ..؟

كل شباب النجع لا تترك ولا شاب !!

وقربت مننا واحنا واقفين متصلبين في مكانا مبنتحركش والشيخ جسمه بيتنفض وبيشر عرق ..!!

وابتدت تقرب مني وتلف حواليا وقالت وتجيب الغريب ده معاك ..!! لازم يكون مع شباب النجع ....!!!؟؟؟

وبعدين المكان كله أترج ورياح شديده ملت المكان وباب البيت اتفتح ..!!؟؟

جرينا علي الباب وخرجنا ..!!

والباب اتقفل ورانا كالعادة !!


رجعنا علي النجع وكان النجع كله مستنينا ..

مستني يعرف عملنا ايه ..؟؟

وأول موصلنا العمدة والأهالي قابلونا وقعدنا..!


الشيخ حكي كل اللي حصل في بيت المخاوي  وقالهم انها مش هتبطل انتقامها الا اذا جمعوا كل شباب النجع وراحوا البيت وتختار منهم واحد يعيش معاها والغريب يكون  معاهم ..؟؟؟


العمده وكل أهالي النجع استغربوا من شرطها بس مكنش في أيديهم حاجه غير انهم يوافقوا .،!!


العمده طلب من كل عيله في النجع انها تجمع كل شبابها ومتسيبش شاب في النجع وأقنعهم انهم هيضحوا بشاب بس هيتخلصوا من لعنة  بنت المخاوي أفضل من انها كل فتره تخطف شاب في يوم فرحه!!؟

 واللي هي هتختاره هيكون ده نصيبه وقدره.!!؟ 


انا قاعد مش مصدق انهم هيوافقوا علي شروطها 

وفعلا ممكن يضحوا  بشاب من ولادهم ...؟؟


العمده قرب مني وقالي ان أهالي النجع وافقوا ومش فاضل غير انك تكمل جميلك وتيجي معانا ونخلص من الحكايه دي للابد ..؟؟


قولتله افرض اختارتني انا ..؟؟

قالي لا متخافش هيا هتختار شاب من النجع لانها عاوزه تنتقم منا احنا ..!!

وانت غريب من بره النجع ..!!


امممم بصيتله وابتسمت وقولتله ماشي..!!

هرجع البيت لتالت مره معاكوا ..!!!


تاني يوم بليل  كل شباب النجع اتجمعت ومنهم اللي جابوه بالقوة ومنهم اللي حاول يهرب بس لحقوه ومنهم اللي واخدينوا مربوط عشان ميقاومش ويهرب ...!!؟؟


والعمدة نادي بأعلي صوته وقال للشباب ان ده أفضل حل ليهم ولمستقبلهم وعشان يعيشوا في أمان بعد كده وان واحد يروح مع بنت المخاوي احسن من ان كلهم يموتوا ..!!


الشيخ خدهم وانا معاهم واتجهنا لبيت المخاوي ..!!!؟؟؟؟


العمده والغفر محاوطين الشباب عشان محدش فيهم يهرب لحد موصلنا عند البيت ..!!؟؟


الشيخ قرب من الباب وابتدي يتمتم ..!!

الباب اتفتح ..!!

الشيخ دخل وابتدت الشباب تدخل لحد اخر واحد فيهم وانا دخلت ورآهم بعد متأكدت ان كلهم دخلوا عن آخرهم  ...!!؟؟


الشيخ خرج وقال للعمده والغفر يرجعوا النجع والصبح الشباب هترجع ماعدا اللي هي هتختاروا       

وفعلا رجعوا النجع ...!!؟؟

الشيخ دخل والباب اتقفل ..!!؟


رغم عدد الشباب الكتير الا ان السكون والترقب يعم علي اغلب المكان ..!!؟؟

لا احد يتحرك ..!!

لا احد يهمس ..!!

لا احد يتنفس ..!!


الشيخ بدأ يتمتم بتعاويذ وكلام بصوت عالي ..!!


حيطان البيت ابتدت تسخن ..!!؟

السخونة زادت بالمكان لدرجه الل كان بيلمس احد الحوائط كانت بتحرق أيده ..!!!؟

دخان كثيف ابتدي يعم في كل ارجاء المنزل ..!!؟


عرق الشباب غرق الارض من كتره .،!!

حاله من الهرج والمرج انتابت كل الشباب وفجأة ؟


ظهرت بنت المخاوي ..؟؟

واقفه علي السلم بمنظرها المرعب ..!؟

بتضحك بصوت عالي جدا ...؟؟


الخوف والرعب والهلع سيطر علي كل شباب النجع ..!!

الكل بيحاول يهرب بس مفيش باب او شباك بيتفتح ..!!!

كلهم بيرحعوا للخلف بعيد عنها لحد مبقوا تقريبا زي قطعة لحم واحده من كتر ملتصقوا ببعض وعرقهم اختلط ببعض والرعب في عيونهم ..!!!


بصتلهم بنت المخاوي بكل غضب وقالتلهم بصوت عالي اخيراً قدرت اجمعكم ..!! انا كنت مستنيا اليوم ده من سنين ..!!


اليوم اللي انتقم فيه من كل النجع مره واحده !!

زي هما متجمعوا وحرقوني ليلة فرحي من غير ذنب ..؟؟

انتوا كمان هحرقكم كلكم ..!!!


الحيطان والأسقف والأبواب والشبابيك ابتدت تشتعل بالنار ..!!؟

كل شبر في البيت النار سيطرت عليه في ثواني معدوده ...!!!!!


صراخ الشباب لا يتوقف !!!


يصرخون ويصرخون ،ولكن هي قبلهم صرخت كثيرا ،وأحرقوها بلا ذنب ، بلا رحمة ،ولم يستجب لصراخها احدا ، ولو كنت انا معها ذلك اليوم لما استطاع ان يمسها احدا منهم ،وكنت أحرقتهم جميعا عن آخرهم  ،بل كنت انا أحرقت النجع عن اخره ...!!!!


انا المخاوي ....!!!!!

صاحب النجع .!

ولست بمصور فيديوا جبان ..!!


هدأ الصراخ وتم حرق الجميع بنجاح والباب اتفتح ..؟؟


خرجت بنت جميله جدا وراجل عجوز جدا ..!!؟


البنت بإبتسامه ملائكية قالت  :

شكرًا يا جدي انك ساعدتني اني ارجع حقي ..!!


المخاوي ..:

قولتك من يوم محرقوكي ان هرجعلك حقك في نفس البيت اللي حرقوكي فيه اللي هوه بيتي ..!!


وبغضب قالها ..:

ودلوقتي ادخلي نظفي البيت من اثار الجثث دي انتي عارفه اني مبحبش اشوف جثث محروقة في بيتي وده من الأسباب اللي خلتني ارجعلك حقك مره واحده  ، عشان مش كل يوم تحرقيلي شاب من النجع جوه البيت ...!!!


بتكشيره ردت وقالت ..:

حاضر يا جدو ...!!!!!


في مكتب الحفلات والفيديو ..؟؟

الباب خبط ..؟؟

خش ياللي بتخبط 

ايوه يا فندم انا كنت عاوز اعتذر لحضرتك اني مقدرتش اروح أصور الفرح اللي في النجع !؟؟؟

مقدرتش ايه ...؟؟؟؟؟

امال مين اللي خد الكاميرا والعده وراح ..؟؟

                   تمت بحمد الله 

 🌹 🌹🌹🌹🌹🌹🌹🌹🌹🌹🌹🌹
    🍁🍁مرحبا بكم .ضيوفنا.الكرام .
اترك 5 تعليقات.ليصلك الفصل.الجديد
.فور نشره.في كرنفال الروايات. ستجد
.كل.ما هوا جديد.حصري ورومانسى
.وشيق.فقط ابحث من جوجل.باسم
. الروايه علي مدوانة. كرنفال الروايات.وايضاء.اشتركو على

ليصلك. اشعار بكل ما هوه. جديد من اللينك الظاهر امامك        

  🌹🌹🌹🌹 🌹🌹🌹🌹🌹🌹🌹🌹🌹

تعليقات



حجم الخط
+
16
-
تباعد السطور
+
2
-