حبيبه بصدمه : انت !!
كانت هيئتها مزريه و وجهها ملئ بالكدمات و تنظر لها بشرر شديد : انت اللي سرقتي حياتي، و انقضت عليها، و بدأت تتشاجر معها
حبيبه ١ : انت سرقتي حياتي و دمرتيني بس انا خلاص رجعت و هارجع كل حاجه زي ما كانت
اخذوا في الشجار بينهم
حبيبه ٢ : كان لازم اعمل كده انت نفسك مستحملتيش يومين هناك
حبيبه ١ : ده مش مبرر
اثناء سير اخوها سمع صوت ضجيج بغرفتها : حبيبه كل حاجه كويسه عندك
شعرت "حبيبه ١" بالفرح عندما سمعت صوت اخوها الذي افتقدته كثيراً و همست بفرح : محمد
امسكتها "حبيبه ٢" حتي تمنعها من الكلام و قالت : مفيش حاجه ده صوت التلفون بس عالي
محمد : طيب تمام، ثم ذهب
ابعدت "حبيبه ١" يدها عنها : ابعدي عني انا مش هاسيبك تسرقي حياتي، انت لازم ترجعي للعالم بتاعك، امسكت بها و قربتها من البوابه و كانت علي وشك دفعها
حبيبه ١ : كده كله هايرجع لاصله ، و بدأت بدفعها لدخول البوابه لكنها توقفت عندما رأتها تبكي و ترتكتها
حبيبه ٢ ببكاء : انا حياتي مش حلوه محدش بيحبني اهلي بيعاملوني خدامه و اخرتها عايزين يجوزني لواحد كبير عشان خاطر فلوسه
حبيبه ١ : بس نور بيحبك
حبيبه ٢ : نور مايستهالش واحده زي و اجهشت ف البكاء : انا واحده معقده و غير مرغوب فيها، كنت دايما بصدر له الوش الخشب هو و كل زمايلي عشان بس ابينلهم اني قويه بس مش دي الحقيقه، اخفت وجهها و استمرت بالبكاء
جلست امامها : عارفه انا كمان مكنتش راضيه عن حياتي
حبيبه ٢ : بس انت عندك عيله بتحبك و بيعملوا اي حاجه انت عايزها انت حياتك احسن من حياتي
حبيبه ١ : فعلاً عندك حق يمكن اتعودت علي كده و نسيت اني ده فحد ذاته نعمه فكرت بس ف اللي ناقص من حياتي، عارفه بالرغم من ان عيلتي بتدعمني إلا ان بردو شخصيتي ضعيفه و زمايلي ف الشغل بستغلوني
بالرغم من اختلاف عالمينا إلا انه شخصيتنا هي هي نفس الشخصيه الضعيفه المهزوزه صمتت قليلاً و كأنها ادركت اين المشكله
الحل مش ف احنا نغير عالمنا الحل ف اننا نغير من نفسنا ساعتها بس عالمنا هايتغير، في ناس كتير حققت نجاح و عاشت حياه سعيده بالرغم من ان ظروفهم صعبه بس قدروا يغيروها بإيجابيه لما قدروا يغيروا من نفسهم للاحسن
انا كنت غبيه لما دورت علي ايه اللي ناقصني كان المفروض ابص علي اللي معايا و ارضي بيه و احاول اغير م الوحش اللي فيا مش اتعايش معاها ، انت كمان دوري ع الايجابيه اللي ف حياتك نور، نور بيحبك و مهتم بيكي صدقيني هو ده اللي هايسعدك
حبيبه ٢ : بس اهلي هايفضلوا وحشين
حبيبه ١ : محدش يقدر يختار اهله لكن ممكن يختار مستقبله متخليهمش يتحكموا ف حياتك انت المسؤولة الاولي عن قرارك
هزت رأسها بتفهم ثم تعانقوا، و ابتعدت عنها
حبيبه ٢ : شكراً
حبيبه ١ : لا انا اللي شكراً لاني بسببك عرفت حاجات كتيره عني و عن حياتي مكنتش اعرف عنها حاجه او مكنتش بلاحظها
اقتربت "حبيبه ٢" من البوابه و لوحت ل"حبيبه ١" ثم اغلقت البوابه و اختفت