رواية فريدة الفصل الثالث3بقلم منه محمد
بعد ان انتهوا من تصوير الفيديو و شاهدوا
بلقيس : اهو شوفتي مبينتش وشك خالص ركزت ع الشغل بس
فريدة : حلو
بلقيس : بس فاضل حاجه
فريدة : ايه هي؟
بلقيس : احنا صورنا من غير صوت لازم تعلقي ع الفيديو
فريدة : ليه؟
بلقيس : يا بنتي عايزه تنقطيني اومال الناس هتفهم الشغل اللي انت عامله ازاي؟
فريدة : بس انا مش عايزه اتتكلم متتكلمي انت
بلقيس : لا مش هاينفع ده شغلك انت
فريدة : يعني هو لازم
بلقيس بسخريه : لا هنقضيها بالاشاره
فريدة : ارجوكي اتصرفي يا بلقيس اكيد ف طريقه تانيه و بعدين انت عارفه كويس اني مش بعرف اتكلم كلمتين علي بعض
بلقيس : طيب، بس انا هاعمل كده مؤقتاً عشان انت لسه مبتدئه
فريدة : شكرا يا بلقيس
__________________________________________________________________________________
مرت الايام و كانت "فريدة" تذهب كل يوم إلي "بلقيس" في نفس الموعد و كان "عمر" يراقبها يشعر ان هناك لغز فيها كما انه اخيرا وجد حاله عمليه يستطيع من خلالها انهاء مشروعه الذي يعمل عليه منذ فتره
___________________________________________________________________________________
بلقيس : بصي عدد المتابعين عندك بدأ يزيد
فريدة : دول صحابك اكيد
بلقيس : مش مهم المهم ان في حد بيتفرج و صحابي يعرفوا صحابهم و صاحبهم يعرفوا ناس تانيين و هكذا هي ماشيه كده، بس بقولك ايه رأيك نغير المكان و نخليه عندك
فريدة بطفوله : ليه هو انا سببت لك مشاكل مامتك مضايقه من وجودي مش كده
بلقيس : لا يا حبيبتي طبعاً بالعكس ده ماما بتحبك اوي هي بس كل الحكايه ان الحاجات كلها عندك و عشان اسهل عليكي مش اكتر
فريدة : بس اهلي لو عرفوا مش ها يوافقوا على ده، انا حتي كنت بقول لماما اني بخلص فستان ليكي عندك ف البيت عشان تخليني اروحلك غير كده مكنتش هترضى ، و بعدين انا مضايقه عشان بكذب عليها اصلا
بلقيس : اهدي اكيد لما يعرفوا ان اللي بتعمليه ده حاجه مفيده هايفروحلك
فريدة : صدقيني انت متعرفيهمش كويس
بلقيس : متكبريش الموضوع احنا ها ندور علي اي حجه نقولهالهم و بعدين نبقي نقولهم الحقيقه واحده واحده كده لحد ما يتقبلوها، ماشي
فريدة باستسلام : ماشي
_________________________________________________________________________________
كان في مكتبه يفكر كيف يمكن ان يقنعها بالعلاج عنده بطريقه غير مباشره دون ان يخبرها بالحقيقه و انها فأر تجارب بالنسبه له اخذ يلف و يدور في مكتبه : و بعدين اقنعها ازاي تجي تتعالج عندي، اكيد يعني مش هاروح اقولها وش كده انت مريضه و محتاجه تتعالجي مش اسلوب دكتور نفسي ده، يارب يارب اعمل ايه؟
اثناء تفكيره سمع باب شقه "بلقيس" يفتح ذهب بسرعه ليراها خرجت و ودعت صديقتها ثم نزلت، وجد نفسه دون تفكير يتبعها حتي ركب المصعد معها، توترت بشده لانه كان قريباّ منها
عمر : مساء الخير
فريدة : ممم مساء النور
عمر : انت صاحبه بلقيس مش كده؟
فريدة : اه اناااا هي اصدق صاحبتها
كانت تنظر إلي الارض بخجل و توتر بينما ينظهر لها هو بدقيق يراقب حركاتها كانت تفرك يدها مراراً و تكراراً و رأسها تنظر إلي ان توقف المصعد فجاءه
فريدة بهلع : ايه ده اللي حصل !!
عمر : الاسانسير شكله وقف
فريدة : ايه وقف و قف ازاي !؟
عمر : اهدي اهدي دلوقتي يشتغل
ثم انقطع تيار الكهرباء فجأة، مما جعل قلبها ينبض بسرعه شديده و بدأت تتنفس بسرعه ايضاً و التوتر و الخوف يملئ قلبها