CMP: AIE: رواية باسم قانون الحب الفصل الثامن8بقلم نشوه عادل
أخر الاخبار

رواية باسم قانون الحب الفصل الثامن8بقلم نشوه عادل


رواية باسم قانون الحب
 الفصل الثامن8
بقلم نشوه عادل




-قالت جملتها الاخيرة واغمى عليها زينب بخضة: ي حبيبتى ي بنتى الحق ي طارق هات مياه ولا برفان فوقها
جاب طارق المياه وفعلا فاقت رقية ولما شافته فضلت تلمسه وتقول: انت..انت حقيقى صح مش شبح!
طارق بضحك: اه انا طول عمرى شبح ف نفسى فعلا 
رقية: ع فكرة انا مبهزرش انت عايش اهو وبخير امال الخبر اللى منتشر ع السوشيال ده ايه؟
طارق: دى اشاعة واحنا اللى طلعناها
رقية : طب ليه؟!
طارق: والله ي حضرت وكيل النيابة انا مينفعش اتكلم عن حاجة خاصة بشغلى بس عشان تهدى وفضولك ده يخف ده مجرد تمويه عشان نوقع العصابة ف شر اعمالها
رقية: طب انت ليه مقولتليش مع انك عارف انى هشوف الخبر؟!
طارق بغمزة: عشان كنت عاوز اعرف هتعملى ايه؟
رقية باحراج: احم حمدالله ع سلامتك والحمدلله انك بخير
طارق: لا انا بخير وزى الفل كمان 
رقية: تحب تشرب حاجة؟
طارق: اه احب اكل اى حاجة عشان جعان اوى 
رقية: حاضر من عنيا 
مشيت رقية وخبطت زينب طارق ع كتفه : انت يولا انت رسينى الحوار ع ايه؟!
طارق: حوار ايه بالظبط ي حجة؟
زينب: انت هتعملهم عليا مفكرنى كبرت وخرفت ولا عشان بعدت عن حضنى وعيشتلك كام سنة ف القاهرة مفكر انى مبقتش افهمك
طارق: حيلك بس ي ست الكل ليه ده كله؟
زينب: ايه اللى بينك وبينها ليه بتساعدها وبتخاف عليها اوى كده 
طارق: انا؟!
زينب: ايوة انت ..انت مشوفتش نفسك وشك كان عامل ازاى لما اغمى عليها عيونك ولهفتك فضح*اك اوى ي ابن بنتى
طارق وهو بيملس ع راسه: كل اللى انتى فهمتيه حقيقة بس لحد الان هى متعرفش حاجة
زينب: طب ليه ؟
طارق: عايز اخلص من حوار كمال ده الاول واعرفها ان اخوها شغال معايا وبيخاطر بحياته عشانها وبعد كده ابقى اطلب ايدها من اخوها
زينب: عين العقل ي ابنى باين عليها بنت غلبانة دى اللى هتعرف تفتح بيتك وتستحمل ظروف شغلك
باس طارق ايدها ودخلت رقية بالاكل ...طارق: الله تسلم ايدك ي زيزى الاكل يجنن
زينب: بالهنا والشفا ي حبيبى بس مش انا اللى طابخة دى عمايل ايد رقية 
طارق : بجد انتى اللى عملتى الاكل!
رقية بتلعثم: ايوة انا منفعش ولا ايه!
طارق: متنفعيش ايه بس انتى مكانك مع الشيف الشربيني

فى اليوم التالى ذهب محمد الى الشركة وكان كمال ف انتظاره ...محمد: بعتذر عن التأخير بس منمتش كويس
كمال: ليه؟!
محمد: ليه ايه ما بين اللى عملته ف الظابط والله اعلم هتعدى ولا هلبس وما بين الهانم اللى الارض اتشقت وبلعتها ومعرفش عنها حاجة وما بين مراتى اللى رافضة ترجعلى وولادى اللى مبقتش اشوفهم وحياتى اللى مبقتش عارف فيها راسى من رجلى 
كمال: كل ده هيتحل لو ع الظابط فقالوا انها حادثة عادية بس شكلك مقرأتش الخبر ولو ع مراتك وولادك هيرجعوا لما يلاقوك عايش ف فيلا وراكب عربية احدث موديل وبتلعب بالفلوس اما رقية فدى بتاعتى انا وهلاقيها قريب
محمد: تمام امبارح قولتلى انك عاوزنى ضرورى خير؟!
كمال بابتسامة: انا بقدر جدا الناس اللى مبتنساش كلامى ودلوقتى انت هتبقى راجل من رجالتى لانك اثبتلى ان اقدر اعتمد عليك ف الشغل التقيل
محمد: اللى هو ايه الشغل التقيل ده؟
كمال: كوكتيل
محمد: مش فاهم
كمال: يعنى تزو*ير وتجارة عملة وغيره
محمد بصدمة: نعم انت بتقول ايه ي كمال انت شارب حاجة ولا ايه؟
كمال: اهدى شويه ومتعملش نفسك من بنها انت عارف ومتأكد كويس ان شغل الشركة ده مجرد ستارة مش اكتر 
محمد: ايوة بس انا جيت اشتغل هنا بالشركة مش ف الشغل التانى ده!
كمال: بقولك ايه ي محمد من الاخر كده لو عاوز مراتك ترجعلك وهى زاحفة لازم تلعب بالفلوس وتعيشها برنسيسة وكمان تعمل حاجة لولادك بدل المدارس الحكومى تبقى مدارس انترناشيونال
محمد: وافرض اتقبض عليا وقتها الفلوس هتفيدنى بايه؟!
كمال: وانت ليه تقدر الشر سلك نيتك انت بس ونفذ التعليمات بالحرف 
محمد بتفكير: موافق
كمال: تعجبنى يلا قوم معايا 
محمد: ع فين؟!
كمال: هاخدك ع مكانى الخاص محدش يعرفه الا انا وانت ومرتضى وبس
محمد: وانت مأمنلى اوى كده!
كمال: ما قولتلك انت كسبت ثقتى يلا 
قام محمد راح مع كمال ع شقته القديمة وهناك كان فيه خزنة محتفظ فيها بكل الاوراق والعملات وغيره وبعد ما رجع محمد ع الشقة اتصل فورا بطارق وعرفه
طارق: هايل جدا والله عاش ليك يا حمادة انجزت المهمة بدرى بدرى بس اهم حاجة ميكونش شاكك فيك
محمد: اطمن لو كان شك فيا مكنتش زمانى بكلمك دلوقتى
طارق: تمام انا هتصل بالرجالة يطبوا ع المكان ويجيبوا الورق وموضوع صاحبك هيتقفل ملفه للابد
محمد: ان شاء الله هى رقية عاملة ايه ولا موجودة فين!
طارق: اطمن هى بأمان وبكرة ان شاء الله لما نخلص كل حاجة هجيبها ليك لحد عندك
محمد: ع الله تصبح ع خير 
طارق: وانت من اهله 
قفل طارق مع محمد وبلغ القوات بالمعلومات دى وطلب منهم ينفذوا كل حاجة الفجر وبالفعل وصلت الشرطة ولقت كل الاوراق اللى تدين كمال ومرتضى وطلع قرار بالقبض عليهم وطبعا اللى شغال ف المديرية عرف وكلم كمال 
كمال بخوف: ازاى يعنى ي باشا طب وانت هتتخلى عنى
.......: هو انت مراتى ايه هتخلى عنك دى انت اللى بغبائك وتهورك ضيعت نفسك
كمال: يعنى انت هتسيبهم يقبضوا عليا لا ده انا عليا وع اعدائى انا وقعت اه بس مش لوحدى اللى هروح ف داهية كله هيجى معايا 
........: انا مبتهددش وانت عارف كده كويس ولو فكرت تجيب سيرتى انت عارف كويس مصيرك هيكون ايه ووووو..


تعليقات



حجم الخط
+
16
-
تباعد السطور
+
2
-