رواية الطلاق ليس نهاية العالم
الفصل الثاني2
بقلم اصالة عامر
البارت التاني من قصة " الطلاق ليس نهاية العالم "
ــ السلام عليكم ورحمة الله وبركاته، بعتذر عن التأخير
= و عليكم السلام ورحمة الله وبركاته، اتفضل يا استاذ عاصم
ــ خير يا فندم حصل ايه
بصيت علي الشخص ده و عرفت انه والد الطفل اللي اتخانق مع بنتي، اتكلمت بسرعة
= حضرتك ابنك المحترم بيضرب بنتي و هي مش غلطانه، و حتي لو غلطانه ملهوش الحقي انه يمس شعره منها كان يشتكي للمدرسة بتاعته او المديره
بصيت للحظه للشبر و نص اللي بتتكلم دي، و ولا شكلها، و لا طولها، و كلامها يوحي انها سيدة كبيره ناضجه، اتكلمت و انا بحوال ابقي هادي و اخدت حازم ابني في حضني
_ ممكن اعرف ايه اللي حصل الاول
اتكلمت المديره و هي بتحول تهدي الوضع
= مفيش يا استاذ عاصم، المشكله بسيطه الاطفال كانوا بيلعبوا كورة في الملعب و الكورة جت في ابن حضرتك بالغلط، فابن حضرتك قام زق زميلته علي الارض اللي هي سالي بنت الاستاذة أمنية
اتكلم عاصم بهدوء و هو بيبص لي ابنه
_ هو ده اللي حصل يا حبيبي
= ايوه يا بابا بس انا مكنش قصدي ازقها انا بس لما اتعصبت شوية و عشان الكورة جت في وشي
ــ انت غلطان يا جو و هي مكنتش قصدها تجيب الكورة فيك، و بعدين من امتي جو حبيبي بيمد يده علي بنات
= أنا اسف يا بابا مش هتتكرر
ــ خلاص يا حبيبي، اعتزر لزميلتك و مامتها يلا
= حاضر
بصيت للشخص ده باستغراب اي حد مكانه في حاجه زي كده، مفروض يبقي متعصبه بس عجبني تفهمه للموضوع
_ انا أسف يا سالي، انا اسف يا طنط
رديت عليه بهدوء الصراحه احترام الاب و تربيته لي ابنه اخجلتني من اني اعمل مشاكل
= و لا يهمك حبيبي حصل خير
ــــــــــــــــــــــــــــــــــ
أخذت أمنية بنتي و خرجني من الحضانه
_ ايه رايك يا حبيبتي نروح نتفسح و نغير جو
= هييي بجد يا ماما
ــ بجد يا عيون ماما، تحبي نروح فين
= امم الملاهي
ــ من عيوني هو أنا عندي كام سالي
= ماما ممكن اسالك علي حاجه
ــ طبعا يا حبيبتي قولي
= هو بابا فين من سعت ما اتخانقتوا و انا بش بشوفه
بصلتلها و اتكلمت بهدوء عشان هي لسه طفله و مش هتفهم حابه:
ــ بصي يا حبيبتي أنا و بباكي مش هينفع نعيش مع بعض تاني
= ليه يا ماما
ــ في الوقت المناسب هاقولك يا حبيبتي تمام يلا دلوقتي عشان نروح الملاهي تمام، ممكن تسمعي كلام ماما
= تمام يا ماما
روحت البيت و كانت الساعه حوالي 9 و نصف بالليل اتكلمت سالي
ــ اليوم انهارده كان حلو قوي قوي يا ماما، و انبسط جدا
= و دي اهم حاجه عندي اني اشوفك سعيدة و مبسوطه يا عمري
حضنتها و ابستمت، و لقيت امي واقفه مستنياني و قالتلي:
ــ عوزاكِ في موضوع يا امنية
= حاضر يا ماما، روحي غيري هدومك يا سلي و انا هشوف تيتا و اجي وراكِ ماشي يا حبيبتي
ــ حاضر يا ماما
= خير يا أمي فيه حاجه
_ خير يا بنتي بس كنت هقولك مينفعش تتاخري لحد دلوقتي الناس تقول علينا ايه
= يعني ايه يا ماما الناس تقول علينا ايه هو انا بعمل حاجه حرام و لا غلط
_ يا بنتي الوضع اتغير و انتِ دلوقتي طلوعك و خروجك بحساب
= و ليه بحساب، و هرجع اقولك برضو انا مش بعمل حاجه حرام، فميهمنيش راي الناس
_ عشان انتِ دلوقتي مطلقة يا امنية فهمتي
بصتلها و انا حاجه من جوايا و جعتني عشان جات من امي الكلمة دي، حاولت ابان قوية و قولت:
= و يعني ايه دلوقتي انا مش بعمل حاجه حرام و لا عيب، و لما اعمل حاجه زي كده يبقي في حساب غير كده لا،و مش الناس اللي تخسبني كمان، و بالنسبة لكلام الناس ميهمنيش عشان الناس كل اللي يعرفوا يعملوه يتكلموا و بس، محدش شافني و انا بتحمل و اسكت قرف و مشاكل تامر اللي مبتخلصش، و اقول استحمل عشان بيتي و بنتي، و برضو محدش شايف تعبي في الشغل و مرمطتي عشان اوفر لبنتي كل حاجه عوزاها و مخلهاش محتاجه لحد و لا لحاجه، و هرجع اقولك مره و اتنين و الف كلام الناس ميهمنيش عشان الناس عمرها ما ترضي او تحب حد مهما كان الشخص كويس بيدور علي اي عيب او صفه و حشه فيه عشان يتكلموا عنه، و حتي لو الشخص كويس برضو مبيعجبهمش ففي الحالتين رايهم ميلزمنيش
أستاذنت من امي و دخلت غرفتي انا و بنتي و لقتها نامت، نمت جنبها و حضنتها و اتكلمت ببكي و حزن
أنا مش زعلانه اني اطلقت بل بالعكس؛ عشان مكناش هنعيش انا و بنتي بسعاده، غير انها مكنتش هتستحمل تشوفني كل يوم انا و بابها بنتخانق، ده كان هيعملها مشاكل نفسيه و هيأثر عليها، وهي اغلي من عمري و مستحملش عليها الهوي، خدتها في حضني و نمت
ــــــــــــــــــــــــــــــــــ
ثاني يوم الساعه 6 الصبح
ــ سلي يا سلي اصحي يا عمري
= صباح الخير يا ماما
_ صباح النور يا عيون مامي، يلا قومي البسي عشان متتاخريش علي الحضانة
= مش عاوزه اروح سيبيني انام
_ كفاية كسل و قومي يلا عشان لو سمعتي الكلام هوديكِ الملاهي تاني ان شاء الله
ــ بجد يا ماما
= بجد يا عمري
_ هيي هلبس بسرعة
= الاول اتوضي عشان نصلي الضحي سوا و علي فكرة فضلت اصحي فيكِ مع الفجر عشان نصلي سوا كالعادة بس الهانم مرضيتش تصحي
_ اول و آخر مره يا ماما سامحيني
= المره دي بس سماح، يلا قومي يلا يلا اشطر كتكوت
لبست سالي و صلينا انا وهي و اخدها اوصلها الحضانه، وصلتها و انا و في طريقي للشغل فكرة في حاجه كان نفسي اعملها من زمان و سعتها تامر طليقي كان رافض
Flash back
ــ تامر انا حابه اشتغل في مصنع للادوية و اكتسب خبره و اطور من نفسي ان شاء الله
= مش وقته يا حبيبتي بعدين
_ ليه بس
= اهتمي بيبتك و بنتك
ــ صدقني مش هقصر في حق بنتي ولا بيتي انت عارف اني اقدر اوازي بين الاتنين
= انا قولت لا و بنتك و بيتك و جوزك اولا بالوقت ده
_ طيب يا تامر
فوقت من سرحاني علي صوت العربيات حوليا، روحت الشغل و انا بفكر في الموضوع قولت لما اروح ان شاء الله اشوف رأي بابا في الموضوع
خلصت شغل وروحت اخت سالي من الحضانه و روحت البيت، غيرتي هدومي و كنا قاعدين علي سفرة العشاء اتكلمت و قولت:
ــ بابا عاوزه حضرتك في موضوع بعد العشاء
= ماشي يا بنتي
اتكلمت امي:
ــ عوزاه في ايه يا امنية
= في موضوع شغل يا ماما
ــ طيب خير ان شاء الله
= ان شاء الله خير يا ماما اطمني
_ طيب