رواية اسميتها حنان الفصل الثالث3الاخير بقلم ساره محمد
طلعت اجري.. ايه ده.. ايه الي حصل!
ايه الدم ده..
البنت دخلت ورايا.. لقيتها بتقولها.. ايه ده ايدك بتجيب دم..
حنان : خليها تمشي من وشي يا احمد..
احمد معلش ممكن تمشي من فضلك...
والبنت مشيت..
تعالي بقا نطلع علي المستشفي بسرعه...
اااه ايدي.. انا حاسه ان العضم اتكسر..
لا لا محصلهوش حاجه يحنان استحملي انتي بس لحد منوصل المستشفي..
كانت بتعيط وكانت ايديها متبهدله.. كانت صعبانه عليا جداً.. لو كنت وقتها اقدر اخد انا الوجع الى هي حاسه بيه والله لكنت عملت كدا..
بعد مخيطت ايديها روحتها..
والدتها سلمت عليا وحلفت عليا لأدخل.. ودخلت بيتها سرحت واتخيلتها وهي في كل مكان فيه.. استغربت من ان بيتها كبير وجميل جداً... دا احنا بيتنا مش كدا.. كان باين اووي ان اهلها اغنيا او معاهم فلوس..
حاجه غريبه انها بتشتغل مع انهم اغنيا..
باباها سلم عليا وحلفو اعد اتغدا معاهم بس انا استئذنت ومشيت..
اتبقا 8 ايام على عيد ميلاد حنان..
مبتجيش بقالها يومين..
بطمن عليها من خلال الواتس...
ايدك عامله ايه النهارده؟! لسا بتوجعك؟!
الحمدلله لا الوجع بسيط..
حنان في البيت..
انا كحنان.. مدايقه جداً اني مش عارفه انزل واروح الشغل..
السبب الوحيد فى انى بشتغل اني بحب احمد..ولما لقيت الفرصه استنهزتها.. كان عندي احساس او هو كمان بيحبني لا انا كنت معجبه بيه في الاول وبشخصيته.. بس لما حبيت شخصيته كنت بحكي لكل الي حواليا كانت رده فعل اصحابي انه عاادي.. ومتعلقيش نفسك يا بنتي بحاجه.. بطلي احلام يحنان..
قررت انى مش هحكى لحد تاني اي حاجه انا مبخدش منهم غير احباط.. هما عمرهم مكانو مكانى
بس فى العاده نصايحهم ليا بتبقا جايه من عقلهم وبس.. بيبقو اقويا اووي وهما بينصحوني ويقولولي دا بيتعامل
عادي انتي بس الي بتوهمي نفسك.. وتعلقيها في حبال الهوا الدايبه..
ببقا نفسي احكي لحد بس للأسف مش بلاقي.. هما غرقونى احباط وبس..
انا كل يوم بدعى فى صلاتى فى كل سجده بسجدها بدعى ربنا انه يبينلي لو كان في حاجه.. انا بس عاوزه اعرف..
مع انهم ملم دماغي بالأحباط بس قلبى عنده ثقه ملهاش حدود انا فعلا تعبت من كتر التشتت الى مبين قلبى وعقلى..
بكره عندي خطوبه واحده صاحبتي انا بعزها جداً.. وقررت اني هروح..
لبست فستان اسود.. وطرحه حمرا.. حطيت روج احمر..
ووقفت قدام مرايتى وابتسمت ونزلت..
مشوفتش احمد بقالي فتره وعندي اقتناع كامل اني مش هشوفه دالوقت اكيد..
دخلت عند صاحبتي وحضنتها.. ووقفت مع البنات..
بس فجأه ببص لقيت احمد موجود وواقف مع صاحبه قلبي
فضل يدق كتير لاء انا مش عوزاه يشوفني..
طيب يا رب انا تعبت من كتر الصدف.. من كتر المواقف..
هو مشافنيش وانا حاولت انه ميشوفنيش لانى هتوتر مع انى كنت جميله جداً يومها..
منار هترمي البوكيه دالوقت يحنان...
ايه ده هو مش بيترمي فى الفرح وضحكت ايه العته ده يا جماعه..
مش هتقفى؟! لا مش هقف وحتي لو وقفت هيجى في ايدي انا؟!..
العروسه وقفت واديتنا ضهرها علشان ترمي البوكيه وكل البنات واقفه وراها مشيت خطوتين بالظبط ولقيت البوكيه
وقع قدامى واحمد واقف فى وشي..
والبوكيه واقع مبينا...
على اد مفرحت علي اد مزعلت.. كل الموجودين وقتها اتفاجئو..
وانا مشيت وفضلت طول الطريق اعيط..
روحت اتوضيت وصليت..
ووانا ساجده.. يا رب انا لسا مزهقتش من دعوتى وهدعيها تانى يا رب ودعيتها وقولت يا رب فرحلى قلبي...
عدا يوم..اتنين...
احمد مبيكلمنيش ولا بيسأل عليا...
خلاص انا مش هتعب قلبي وروحي تاني انا مش هنزل الشغل تانى..
بكره عيد ميلادى..
قررت اني هروح اجيب العلاج منه النهارده ومش هروح تاني خالص.. ولا هنزل الشغل..
دخلت..
احمد :يا اهلا.. ازيك يا حنان عامله ايه؟!
الحمدلله كنت مش في المود انا بس جايه اشوفه اخر مره..
محتاجه حاجه؟!
اه هاتلي العلاج ده من فضلك..
مالك يحنان؟! انتي لسا تعبانه؟!
لا انا كويسه..
اخدت منه الحاجه ومشيت دا حتي مقاليش كل سنه وانتي طيبه الظاهر ان اصحابي كان معاهم حق وانا الي معلقه نفسي بحبال الهوا الدايبه...
اصحابي جولي وعملولي سيربرايز وكل حاجه كانت حلوه جداً ضحكت معاهم ومبينتش اي حاجه.. واول ممشيو دخلت اوضتي وفضلت اعيط...
عمري معيطت كدا في حياتي...
روحت اتوضيت وصليت
يا رب فرحلي قلبي..
لقيت احمد باعتلي مسدج وبيقولي في حاجه نسيتيها جبتهالك افتحي الباب وخديها هي قدامه..
فتحت الباب لقيت بوكس صغير مش كبير اخدت البوكس ودخلت فتحته لقيت بلوره جواها خاتم..
صوت مسدج فتحت الفون..
تتجوزيني؟!
انا سبت التليفون من ايدي.. مش ميتوعبه الي بيحصل لاء فوقي يحنان انتي بتحلمي.. لا لا انتي بتتخيلي..
روحتي فين يحنان؟!
حنان..
عيطت وقتها وضحكت.. كنت هموت من الفرحه والعياط..
احساس ميتوصفش...
يا حنان...
احمد عاوزه اقولك حاجه..
قولي يحنان..
انا اخيرا ربنا استجابلي وفرحلي قلبي..
طيب والكارير يحنان..
يولع يا احمد..
كتبت استوري
واخيراً استجاب وفرحلى قلبى متوقفوش دعاء ربنا الكريم..
اتخطبنا سنتين ولما اتخرجنا عملنا الفرح.. عدا عليا في حياتي 3 فرحات..
فرحه يوم م احمد طلب مني انه يتجوزني...
ويوم خطوبتي وانا صحابي هيموتو من كسفتهم..
ويوم فرحي وكل الناس فرحنالي..
متبطلوش دعاء.. ربنا بيحب العبد اللحوح... ربنا كريم❤️
و
تمت بحمد الله