رواية اسمي حياة الفصل الرابع والخمسون54والخامس والخمسون55 بقلم الاء اسماعيل
اتصلت نيرة بالإسعاف و ادتهم العنوان و هي بتحاول تفوقه التفتت لوالدتها بحدة
- عملتي فيه ايه حرااام عليكي ؟؟!
بصتلها صافيناز بكل جبروت : عملت ايه يعني ؟؟ كتبت البيت بإسمي هو ايه اللي يزعله في كدة !!! بأضمن حق ولادي
بصت لابوها و هي بتبكي : تضمني حقنا بأنك تجيبي أجله ؟ يا رب يفوق منها على خير ...يااااا رب تحميه 😭
وصلت الاسعاف و رفضت صافيناز تروح معاه بحجة الولاد
راحت نيرة و اتصلت بحياة و هي في العربية
فضلوا مدة يبصوا لبعضهم و كل واحد مستني الثاني يبدأ
أخيرا بدأ حسام
- كنتي ناوية تقوليلي امتى بقى ان صاحبتك الوا'طية كانت السبب
حياة ببرود - مكنتش ناوية اقولك ...في كل الاحوال صاحبك مات الله يرحمه ....و مفيش حاجة هترجعه
- بس كانت روحه هتبقى مرتاحة يا حياة !؛ انتي مش متخيلة انا كنت باتعذب قد ايه و أنا بشوفه كل يوم و هو بيعاتبني
و انا مش عارف بيعاتبني على ايه ...لحد ما سمعت التسجيل
حطت حياة عينيها و ما قالتش حاجة
- شايفك سكتتي يعني ؟؟!
- حسام مهما كان دي بنت و مش عدل اننا نفضحها بالشكل ده
- مش عدل !!!! بتتكلمي عن العدل دلوقت !! مش دي هدى اللي فرقت ما بيننا ؟! مش دي هدى اللي بعدتني عنك بالكذب و الخداع ؟؟ سامحتيها بعد كل اللي حصل منها ؟؟؟ سامحتيها و خبيتي عني مصيبة زي دي... ..سبتي اخوي يموت ظلم و اللي قت'له عايش و بيتمتع بحياته !! ده هو العدل في نظرك !؟؟
حياة بضيق : مش كل حاجة ينفع تتقال يا حسام ...
- معاكي حق. ...مش كل حاجة ينفع تتقال ...يا ريتني فضلت على عماي و ما عرفتش حاجة ..
حياة بتذكر: بس انت ما جاوبتنيش احنا هنا ليه؟؟!
-لإن ده بيتنا من هنا و رايح
- ده ازاي !!؛ و امك و ابوك !! انت ازاي تتخذ قرار زي ده لوحدك ؟؟؟ هو احنا مش اتفقنا من الاول نعيش معاهم !!
كان هيتكلم لكن رن تلفونها
- ردي على تلفونك انا شلت الوضع الصامت اللي حاطاه على طول ده
مسكته حياة و هي تنظر لحسام بضيق
- الوو ..أيوة يا نيرة
نيرة ؛ .........
حياة بقلق : انتي بتعيطي .... .مالك !!!
نيرة : ............
- طب اهدي و قوليلي بالراحة فيه ايه عشان افهم !!
نيرة : ...........
وقفت بتوتر شديد : بتقولي ايه !؟؟! مستشفى ايه ؟؟؟
طب احنا جايين حالا
اسرع حسام إليها و هو يحتضنها بخوف
اقفلت و هي ترتجف : حساااام .... بابا يا حساااام ..الاسعاف اخذوه عالمستشفى ..يالا بينا !!!!
- بس انتي تعبانة يا روحي خليكي انتي و انا هأتصل بسند و نروح سوا و هأبقى اطمنك عليه
- لا مش هأقدر اقعد و استنى
حسام بإستسلام : طب ماشي .... يالا بينا
نيرة -:خير يا دكتور طمننا
الدكتور : السكر عنده علي اوي الحمد لله اننا لحقناه بسرعة
نيرة - الحمد لله ...يعني هيبقى كويس ؟
في هذه الأثناء وصلت حياة و حسام
راحت حياة عند نيرة اللي كانت منهارة.
حياة : طمنيني فيه ايه يا نيرة
نيرة - السكر علي معاه ...
حسام : هيبقى احسن انتو بس اتطمنو مش كدة يا دكتور ؟.. بص للدكتور و كمل : يا ترى نقدر نتطمن عليه دلوقت ؟
- ايوة تقدروا ...و كمان شوية و يطلع معاكم لما يخلص المحلول
- تمام .. يالا بينا ندخل له
حياة بهمس لنيرة : هو ايه اللي حصل له !؟ مامتك تاني؟
نيرة بهمس و هي بتبص لحسام : بعدين نتكلم
بعد مدة طلعوا كلهم على عربية حسام
وصلوا نيرة و ابوها عالبيت و رجعوا
في الطريق
حياة بإصرار - رايح فين انا مش راجعة الفيلا تاني
- حياة من فضلك مش عايزين كثر كلام انتي تعبانة و من الصبح واقفة على رجليكي و الوقت اتأخر
- مليش دعوة انا هارجع بيتكم .... أكيد والدتك فاكراني انا اللي مسخناك عشان تسيب البيت ...و بعدين انت ناسي اننا اتفقنا مع الجماعة يجوا بعد بكرة ؟؟ نور هتقول ايه دلوقت ؟؟
- قلتلك ما تفكريش في أي حاجة و ارتاحي النهاردة و بكرة هنروح لهم سوا ...و بعدين محدش له دعوة بيا و لا يقدر يقول ليه على حاجة عملتها ..انا كبير كفاية اني اقرر اعمل ايه و ما اعملش ايه
- ولا حتى انا !!! بقيت بتقرر لوحدك دلوقت يا حسام !!!
حسام بضيق : انا عارف رأيك من الاول و متأكد انك كنتي هترفضي عشان كدة قصدت ما اقولكيش
حياة بغضب - ما دمت عارف كدة كنت بتعملها ليه !؟!!
حسام بغضب - عشانك انتي ... و عشان ولادنا !!!
سكتت حياة و هي عارفة و متأكدة ان الكلام مش هيجيب نتيجة معاه ... فضل يسوق العربية وسط سكون غريب
لحد ما وصلوا الفيلا و هي متضايقة و جايبة آخرها
نزلت من غير اي كلمة طلعت اوضتها و قفلت على نفسها و هي مش قادرة تفكر او تفسر اي حاجة .
جيه يدخل لقى الباب مقفول
اتنهد بقلة حيلة و هو بيهمس لنفسه
- بكرة هتفهمي موقفي .... و ساعتها هتعذريني يا روح قلبي و هتعرفي ان ده لصالحنا كلنا .
راح الاوضة اللي جنبها و نام
تاني يوم الصبح
- انتي بتقولي ايه با نيرة ؟! ازاي محدش يتصل بيا او يقولي خبر زي ده !
- آسفة يا ابيه سند انا اتلخبطت وما عرفتش اعمل ايه لما لقيته اغمى عليه قدامي اول حد جه ف بالي هو حياة
- يعني تتصلي بحياة نص الليل و هي تعبانة و تنسيني انا ؟ ماشي يا نيرة ...هو فين دلوقت !
- لسة في البيت تعبان ... الدكتور طلب منا شوية فحوصات كمان و انا لما افتكرتك قلت خليني أتصل عليك احسن ما الخم حياة اصلا اللي فيها مكفيها
- طب انا جاي حالا ..
قفل السكة و هو بيشرب الشاي بتاعته بسرعة
إلهام بتعجب : خير يا ابني مالك مستعجل و بعدين وشك مخطوف كدة ليه ؟؟
- بابا تعب امبارح و اخذوه عالمستشفى ... و ست نيرة لسة فاكرة تتصل بيا دلوقت
إلهام بقلق ؛ تعبان !! خير ان شاء الله!!
- بتقول السكر علي معاه..كله من الحية اللي هو متجوزها
- طب روح اتطمن عليه يا ابني و شوفه يمكن يحتاج حاجة
- حاضر يا ماما اصلا نيرة عايزاني اخذه يعمل تحليل .. اه و ما تنسيش ان حنان عندها طيارة الساعة واحدة الظهر أبقي صحيها احسن نومها بقى ثقيل اوي مع الحمل
- ربنا يشفيه يا ابني ..حاضر هأبقى اصحيها و انت ما تنساش تطمني عليه .
- ماشي سلام عليكم
صحيت حياة و اخذت دش و لسة بتلبس هدومها و بتمشط في شعرها سمعت على خبط عالباب ، كانت فاكراه حسام ... وقفت قدام الباب و قالت بحدة : عايز ايه تاني ؟؟ فيه خبر جديد ليه ما قلتوش ؟!!
- ده انا يا حياة ...حسام بيه مشي من بدري
- سعاد !!!
فتحت بسرعة و دخلتها
- تعالي هنا .....انتي تحكيلي كل اللي حصل بالضبط من ساعة ما رحت بيت سند لحد امبارح
سعاد بتوتر : هو حسام بيه ما حكالكيش اللي حصل ؟؟
- انا بأتكلم عن الصندوق ...و بعدين تعالي هنا هو ايه اللي حصل ؟؟ هو ازاي وصل للصندوق اصلا ؟؟
- حسام بيه كان عايز يعملهالك مفاجأة و يرتب لك اوضة للبيبي عشان كدة بعثك عند اخوكي ...و لما كنا بنوضب في الاوضتين لقى صندوق الخشب اللي طلبتي مني اخبيه
سألني عنه قلتله ده يخصك قام نزل و طلع شوية و لقيته نازل و الشرار ييطق من عينيه و بيقولي الخطة اتغيرت وضبي كل حاجة في كراتين و شنط.
سأله البيه و الهانم بيعمل ايه قام وراهم تسجيل مش عارفة سمعهم ايه ..
شهقت حياة : يا نهاااار اسود !! انا ازاي نسيت ده !!! المسجلة كان فيها مكالمة والدته مش كلام هدى و بس !!!!
بصتلها بتوتر : كملي و بعدين !!!!
- و كمان طلب مني اقولهم اللي حصل يوم حادثة السلالم و مين اللي دلق الزيت
حياة بشهقة ؛ حادثة السلالم !!! و هو يعرف منين ؟؟؟
- مش عارفة و الله .. حتى انا استغربت و ما عرفتش انكر
- هااا ...ايه اللي حصل
سعاد : و ساعتها حصلت خناقة لرب السماء و رشدي بيه .....
- سعاااااااااد ..... امشي على شغلك
التفتت سعاد بصدمة : حسام بيه !!!
اتسحبت بسرعة و طلعت من الاوضة و حطت حياة عينيها في عينيه : كل ده يحصل يا حسام و انا آخر من يعلم !!! هاااا مخبي عني ايه كمان ؟؟؟
- حياة المفروض انا اللي ازعل منك لانك خبيتي عني كل ده
- هيحصل ايه لما تعرف هااااا !!! كانت علاقتك هتخرب مع امك و هأبقى أنا السبب ...ايه الفايدة اللي هآخذها انا ؟؟؟
انا كنت عايزة اكسب حبها من غير ما علاقتك بيها تتهز
- و علاقتي انا بيكي ؟ ما خفتيش تتهز ساعة ما اعرف ؟! يعني انتي بتخبي عني كل حاجة المفروض اثق فيكي ازاي بعد كدة ؟! و مع كدة ما زعلتش ومقدر وضعك . .. جاية انتي دلوقت تزعلي لاني بعدتك عنها و عن غلها ؟؟؟
- بس دي أمك يا حساااام عارف يعني ايه أمك ؟؟
- بس حاولت تق'تل ولااااادي !!! ليه مش عايزة تحسي بالنااااار اللي جوااايا !!!! انا مستحيل أعيش انا و هي في مكااان واحد و انا عارف انها كانت عايزة تحرمني من ضنايا زي ما حرمتني منك السنين دي كلها !!
حياة بغضب- و انا ما اقدرش أعيش مع واحد عاق لوالدته لان ولادي هيعملوا فيا كدة بسببك .
قامت توضب شنطة هدوم مسكها من ايدها و رماها
- حياااا ة ارجوكي ما تستفزنيش اكثر من كدة !!! قلتلك ده آخر قرار عندي انا مش راجع هناك تااااني
- يبقى من هنا لحد ما ترجع عن قرارك ده انا قاعدة هناك
اخذت شنطة ايدها و طلعت بسرعة .
خبط الكومودينو بقوة بقبضة ايده و نفخ بغضب
- اعمل ايه بس دلوقت مع المجنونة دي .. هي كانت امي ولا امها !! 😤
قام جري وراها لقاها بتتصل بسند
- تقدر تجيلي دلوقت يا سند ؟
- معلش يا حياة انا رايح عند بابا لو تحبي أعدي عليكي المساء
- لا مفيش داعي ..ابقى طمني على بابا
- رايحة فين دلوقت ؟!
بصتله و ما ردتش عليه .
ضحك بمرارة : هنتخانق بسبب شهيرة هانم دلوقت !! عظيم اوي حتى و هي بعيدة برضو بتأذيني
طلعت من الفيلا و هي بتدور على تاكسي
- اركبي بلاش عبط يا حياة ..انتي ناسية انك حامل !
ما ردتش عليه و فضلت مستنية برة
طلع و ركبها جوة العربية بالقوة و انطلق:
لسة عندية و دماغك ناشفة زي اول مرة عرفتك فيها بالضبط. 😡
- و انت لسة متهور زي ما انت مع انك هتبقى أب 😤
-طب رايحة فين دلوقت ؟؟
- راجعة البيت تاني ..
حسام بإستسلام : حاضر . هأرجعك البيت
و همس لنفسه : على الله بس ما تتصدميش من اللي هتعرفيه
بارت 55 🔥
كانت شهيرة بتبص لكل ركن في البيت بحزن و دموعها بتنزل بحرقة و من وراها نور
- يالا يا ماما هنتأخر دلوقت
- سيبيني اشبع من بيتي يا نور. .... مش مصدقة اني مش هاعيش هنا تاني 😭
طول عمري عايشة في البيت ده ...فيه ذكرياتي كلها مع ابوكي و معاكم ... كنت فاكرة اني هأطلع منه على قبري ..مش اتطلق على آخر الزمن و اترمي في شقة لوحدي 😭
- يوووه يا ماما و بعدين معاكي انتي موتت'ي نفسك من العياط مش كدة !!
- يا ريتني كنت مو'تت ولا اني أعيش اللحظة دي يا نور
- بس العربية مستنية يا ماما يالا بينا ...
في اللحظة دي دخلت حياة و من وراها حسام
حياة : سلام عليكم ...ازيك يا طنط عاملة ايه ؟؟
رايحة ناحيتها و هتسلم عليها
اول ما شافتها شهيرة زعقت فيها
- جاية دلوقت تشمتي فيا مش كدة !!!
بصت حياة لنور بتعجب و اتسمرت مكانها
كملت شهيرة بحدة
- دخلتي بقدم الشؤم علينا يا بووومة .. منك لله !!! يا رب تتردلك في ولادك
حسام بغضب : ماااااماااا ... هي حصلت تدعي عليها كمان !! ما كفاااااية يا مامااااااا ؟؟
شهيرة بمقاطعة : هو ايه اللي كفاية !؟؟ مش دي الحقيقة!!
و بصتلها بغضب : خليتي ابني يهج مني و يلحقك و خليتي جوزي طلقني بعد كل السنين دي !! انتي السبب ف كل الخراب ده !!! ايوة انتييييي كله من تحت رااااسك !!! 😡😤
حياة مصدومة و مش قادرة تتكلم حتى !
بصت لحسام بدهشة : امك ...ب بتقوووول ايه يا حسام ؟؟؟ هو مين اللي طلق مين!!
شهيرة : ايوة استهبلي يا اختي استهبلي !! يعني منتيش عارفة عملتي ايه !
نور بضيق : يا ماما كفاية بقى حياة مش عارفة حاجة حرام عليكي !!
حياة : اعرف ايه يا نور ما تفهموني !!!
نور بحزن : بابا طلقها بالثلاثة يااا حياة 😓
بصت لحسام بصدمة : الكلام ده صحيح !!! اتسببت ف طلاق امك يا حساااام ؟؟؟ عجبك كدة ؟؟؟ حاسس انك ارتحت دلوقت !!! وديتني لبيتنا و رحت عملت مصيبتين كل واحدة أكبر من التانية يا حسااااام !!!! لالا لالا انت مستحيل تكون حسام اللي انا حبيته ! مستحيل تكون حسام اللي اعرفه اصلا ..
بصت لشهيرة اللي كانت عيونها بتطق شرار
- صدقيني مكنتش اعر....
- بس بقى ... كلام السهوكة ده مش عليا... قال جاية تواسيني قاااال ! يعني تقتلي القت'يل و تمشي ف جناز'ته ؟
حسام بغضب : اهي قدامك ...هي دي شهيرة هانم اللي عايزة تبيعيني عشانها .... دي اللي رفضتي تعيشي في بيتك عشانها و جاية تفضلي معاها عشان ما تزعلش منك ؟ صدقتي دلوقت انها مستحيل هتتغير حتى لو قدتي لها صوابعك العشرة !! برافو يا حياة ...لا بجد برافو ... اثبتيلي انك غبية بإمتياز ...انا ماشي و مبروك عليكي حب شهيرة ليكي.
طلع و الغضب مالي عينيه و طلعت حياة اوضتها القديمة و دموعها شلال
نور بتذمر : و الله اللي انتي عملتيه ده غلط يا ماما ... هي عملت لك ايه عشان تعامليها بالقسوة دي؟؟ نسيتي اوام عملت معاكي ايه من اول ما تعبتي مع انها كانت عارفة ان انتي السبب في الحادثة و انها كانت المقصودة ! دلوقت بتحمليها كل ذنوبك انتي ؟! انتي بجد مش معقولة يا ماما 😤
- مش عايزة نصائح ..ما بقاش الا انتي كمان !!! امشي يالا طلعيني من هنا .
طلعت حياة الاوضة و فضلت تبكي و هي بتفتكر كل كلمة
معقولة غلطت في حقه ؟؟ معقولة معاه حق ؟ بس دي امه مش مفروض يقسى عليها مهما عملت .. يا رب انا تايهة ما بينه و بين امه مش عارفة اعمل ايه ؟!
فضلت على الحال ده مدة
بعدها مسكت تلفونها و اتصلت بإلهام و حكتلها اللي حصل
- ماما انا محتاجكي جنبي حاسة اني تايهة بجد ...مش عارفة مين اللي صح فينا و مين غلط 😭
- طب يا حبيبتي ما تفكريش كثير. و انا اول ما يجي سند هنجيلك
- طب هو فين
- راح عند ابوكي محتاج تحاليل
- يوووه انا ازاي نسيته !!! طب انا هاتصل على سند و اسأله عنه
- طيب يا قلبي
كانت هتتصل بسند لما افتكرت هدى
- اوووف انا التهيت بمسألة حسام و امه و نسيتها هي كمان
عملت اتصال
- استاذ عاطف اخبارك ايه
- أهلا حياة ازيك يا بنتي
- الحمد لله ...و الله محتاجة منك خدمة
- انتي تؤمري يا بنتي ..
في مكتب الطبيب
- اتفضل يا استاذ سند
- خير يا دكتور ؟ كنت عايزني
- ايوة يا استاذ .... هو انتو عندكم في عيلتكم حد مصاب بالسكري
- ايوة يا دكتور ...جدي الله يرحمه يعني ابوه كان مريض بيه
- زي ما اتوقعت ...المرض وراثي و ممكن يصيب الواحد في أي مرحلة من مراحل حياته و خطر الاصابة بيزيد اكثر بعد 45 سنة... الظاهر كدة ده الحال مع ابوك .. انفعال عصبي ادى الى خلل في افراز الانسولين
- مش فاهم يا دكتور...تقصد ايه
- يعني ممكن المرض ده يفضل معاه على طول مش مجرد ارتفاع عادي خلاص في نسبة السكر
- طب و الحل ؟
-محتاجين نراقب وضعه الصحي و نسبة السكر في الدم لمدة اسبوع على الأقل .. لما نتأكد بعدين هبقى اديك النظام اللي هيمشي عليه
سند بإستسلام : اللي تشوفه يا دكتور
طلع سند من المكتب و كانت نيرة لسة طالعة من اوضة الفحص مع ابوها
- خير يا سند الدكتور كان عايزك في ايه
- مفيش يا نيرة قال لسة عايز يعمل كشف لمدة اسبوع بنسبة السكر احتياط بس
مراد بحنق - كشف ايه ده كمان ؟؟ كل ده عشان شوية تعب !! لا مش راجع تاني
- يا بابا هو لزوم احتياط بس عشان نتطمن عليك ! و بعدين مين قال انك هترجع هنا !؟ دي شكة صغيرة خالص تقدر تعملها في البيت و تبقى نيرة تسجلك الرقم كل يوم الصبح و بعد الأسبوع هناخذ النتيجة للدكتور..قلت ايه ؟!
نيرة بتأكيد : هيقول ايه ؟ طبعا موافق
مراد بإستسلام : اللي تشوفوه ما دمت مش هارجع مستشفى
- طب يالا اوصلكم عشان اروح لماما محتاجاني
في قسم النيابة
- حضرة النائب انا الاستاذ عاطف منصور محامي المتهمة هدى صبحي فرج الله
ممكن اعرف موكلتي متهمة ب ايه وعلى اساس ايه ؟
- اتفضل و انا اقولك
بعد شوية حضرت هدى و فضلت هي و المحامي لوحدهم
- انت مين !!
- انا المحامي عاطف منصور انا هأبقى المحامي المسؤول عن قضيتك ...
- مين اللي وكلك انا معنديش فلوس عشان اوكل محامي
- مدام حياة طلبت مني اترافع عنك .. انا بأعتبرها زي بنتي و مش بأردلها طلب
- حياة !؟! و انت تعرفها منين ؟
- مش ده موضوعنا .... احنا دلوقت عايزين نلاقي حل للورطة اللي انتي فيها دي لإن حياة فهمتني كل حاجة تخص القضية و انا شايف إن البوليس عندهم أدلة قوية
- أدلة قوية!!! أدلة ايه دي ؟!
- اعتراف بتهمة الق'تل مسجل بصوتك و لو عملوا تحليل الصوت و اكتشفوا ان التسجيل حقيقي هتبقى مشكلة بجد
- تسجيل ؛!!! مش فاهمة حاجة!! مين اللي سجلني و امتى
- مش مهم مين المهم ان التسجيل موجود و الحل الوحيد أنه تحليل الصوت يثبت أنه متفبرك... بس في الحالة دي يفضل الدليل التاني
- دليل ايه كمان ؟؟
الموتوسكل بتاع الضحية موجود عندهم هيطٌلِع عليه الخبير عشان يثبت ان الفرامل اتقطعت بفعل فاعل لو لا ...
بصراحة موقفك صعب اوي.... الا لو ...
هدى بأمل - الا لو ايه ؟؟!!
المحامي بتفكير
- لو التسجيل طلع حقيقي و الفرامل بايظة بفعل فاعل بجد إنتي ساعتها هيبقى عندك حل من اثنين
فضلت هدى باصاله بتركيز مستنية يكمل
- الاول اننا نعملك تقرير طبي يثبت ان حالتك النفسية مش مستقرة ...و بكدة تقدري تنفذي من العقاب
- تقصد تقرير يثبت اني مجنونة !!!!
- ده حل ...ايوة
- طب و التاني ؟!!!
-تعترفي و تبلغي عن شريكك اللي بوظ الفرامل و في الحالة دي هيتخفف عنك الحكم لأنه هو اللي نفذ مش انتي خصوصا لو حطينا في الاعتبار الدوافع اللي خلتك فكرتي في كدة
هدى بتوتر : دوافع ايه ! 🙄😥
- الورقة اللي تبثت الجواز العرفي و تقرير يثبت طبي يثبت انك مش بكر يبقى الموضوع كإنك انتقمتي لشرفك....مع التقرير النفسي طبعا .
- و اتفضح ؟؟؟!
- مش أحسن ما تتعدمي !!!!
فكرت هدى بيأس بعدين قالت : بس في الحالتين همووت لو ما اتعدمتش كدة كدة ابوي هيخلص عليا 😓 ...انا من رأيي نفكر في الحل الاول
ابتسم المحامي بمكر : انا قلت كدة برضو ... من بكرة هأقدم شهادة طب نفسي مكتوبة بتاريخ سابق و أطلعك بكفالة تحت ذمة التحقيق لحد معاد المحاكمة .
- و ده امتى !؟
- هيستنوا نتائج تحليل المعمل الجنائي للأدلة المتقدمة يعني قدامك اسبوعين على أقصى تقدير
هدى بتفكير - طب و الكفالة قد ايه ؟؟؟
- ما تشغليش بالك انتي ...حياة هي اللي اتكفلت بالاتعاب و الكفالة كمان
هدى - حاضر .... المهم أطلع من هنا بس
همست لنفسها بشر : اصلا هوما يومين كفاية اوي عليا ..مش هأحتاج أكثر من كدة