رواية بنات راعي البقر
الفصل التاسع9
بقلم مريم اليوسف
قبل عدة ايام
كانت قمر وشمس قاعدين قدام الباب عم يفصفصو بزر كانو مليانين حيوية ومبسوطين
قمر : عم فكر جيب الفستان بشاحط
شمس : بطلت موضتو
قمر : لا مابتبطل
شمس : على راحتك
اجت سيارة من بعيد .. ضلو يراقبوها لوصلت لعندن
نزل منها رجال اربعيني انيق ومليان
السلام عليكم
وقفو وردو السلام
ضل صافن فيهن شوي .. وكان ينقلو نظرو بينهن
: هون بيت سهيل ابو بدر
شمس : اي وصلت
: هو موجود ؟
شمس : لا
: ايمت بيجي
شمس : بدو شي ساعة
: طيب فيكن تحكو معو خليه يجي شوي عايزو بموضوع ضروري
طلعت قمر جوالها من جيبتها واتصلت بأبوها : الو ... ابي في زلمة هون بدو يشوفك .... مين حضرتك
: قوليلو ابن عمو عثمان
قمر وشمس اتطلعو ببعض باستغراب
قمر : ابي عم يقول ابن عمك ... ماشي
سكرت وقالت : مسافة الطريق
شمس : حضرتك ابن عمو لابي
عثمان : اي والله .. وانتو بناتو
قمر : اي
عثمان : شو عندكن اخوات
قمر : لسه في بنت متزوجة وولد صغير
شمس : تفضل ارتاح لبين مايوصل ابي
عثمان : بطول
قمر : لا شغلة ربع ساعة
شمس : كيف قهوتك
عثمان : حلوة متلك
شمس ابتسمت ابتسامة مجاملة ودخلت وقمر جابتلو كرسي يقعد ولحقت اختها وهو صار يتفحص البيت وارجاء البيت
~~~~~~~~~~•
قعدو بالغرفة لحالن عطلب ابو بدر
بس شمس الحيرة عم تدور راسها .. امس رجال غريب واليوم رجال تاني عم يقول انو ابن عمو وابي من فترة مو على بعض ... لازم تعرف شو القصة ... قربت من الباب وصارت تتصنت عليهن
ابو بدر : اهلا ابن العم
عثمان : اهلين فيك
ابو بدر : كيف خطرنا عبالك
عثمان : ماكنت بعرف بوجودك بالاصل
ابو بدر : وكيف تعرفت
عثمان ؛ قال الك حق عنا
ابو بدر : هيك صار والله
عثمان: طيب فورا ع القضاء .. كنت تعا لعنا وناقشنا
ابو بدر : لو جيت كنتو عطيتوني حقي
عثمان : اكيد لأ
ابو بدر : لكن ليه جاي
عثمان : انا حاليا مستلم كل ارزاق جدك الله يرحمو يعني انا جاي بالنيابة عن اخواتي وولاد عمي لقلك لاتعلب لعب كبار ومالك قدو
ابو بدر : وحقي
عثمان : هههههههه بالحفظ والصون بس عنا ... وانت مالك شي عنا
ابو بدر : بس وصية جدي بتقول غير هيك
عثمان : ماهو ماجابني لهون غير الوصية ... مابدنا نلف وندور ع بعض .... وراقك نظامية ... بس مالك قدنا مشان هيك خليك مع عيلتك البسيطة و بعيد عن المشاكل
ابو بدر : انا حقي ومارح اتنازل عنو
عثمان : طيب اسماع .. انا كنت جاييك بخيارين بس هلق صارو تلاتة
ابو بدر : شو هنن
عثمان : الاول حقك بتاخدو بس مارح تتهنى وبتعتبر فتحت عحالك بواب جهنم
ابو بدر : والتاني ؟
عثمان : انسى القصة وانسة الوصية من اصلها
ابو بدر : والتالت
عثمان : ااااه هلق جينا للتالت ويلي خطر عبالي لما جيت لهون .. وهو بتعطيني وحدة من بناتك مقابل حقك
ابو بدر : شووو
عثمان : متل ماسمعت ... بتكمل اجراءاتك ومحدا بيتعرضلك .. بس بالمقابل وحدة من البنات تكون زوجة الي
ابو بدر : ليه انت مو متزوج
عثمان : الشرع حلل اربعة
ابو بدر : بس بناتي مخطوبين
عثمان : وشو هالقضية ... بتفسخ الخطبة .. ابن عمها احق من الغريب
ابو بدر : اكيد مارح يصير متل مابدك ... بناتي مابسلمن لناس متلكن ...
عثمان طلع من جيبتو كرت وحطو قدامو وقال : هاد كرتي ... والخيار التالت بظن مناسب للطرفين ... اذا صار معك شي خبرني
ابو بدر : فشرت اعطيك وحدة من البنات ... وحقي رح اخدو غضب عنكن والمحاكم بينا
عثمان : لكن القى اذا بتلقى ... سلام
ابو بدر : الله لايردك
هربت شمس من قدام الباب بسرعة وهي مصدومة من كلشي سمعتو ..وصية وابوها الو حق ... وهداك عم يطلب منو وحدة منن ليرجعلو املاكو
مرقو يومين لا ابو بدر حكي شي .. ولا حتى شمس حكت شي او حسستو انو سمعت شي .. واخر ليلة قضتها عم تفكر : ناس واصلين وولاد حرام .. ابوها مالو قدن .. وبنفس الوقت الن حق واملاك بتقلبلن حياتن وبيخلصو من هالعيشة .. ابوها بيخلص من رعي بقر الناس ... بصير عندن اراضي وبعمرو بيت كبير ... يضمنو حقهن هنن البنات مابيعرفو غدرات الزمن شو مخبيتلهن ... اكبر مثال لما رجعت نجمة زعلانة ... بركي بعد عمر طويل اهلا ماتو .. وشي وحدة زعلت او حردت .. بكون في شي باسمها وتضمن حقها ماتصير عبق ع حدا او تضل تتحمل بسبب انو ما الن مكان يروحو الو ... وبصير ابوها الو قدرو وقيمتو بين الناس .. والحل كلو بالخيار التالت يلي قالو عثمان .
~~~~~~~~~~•
#بااااك
شمس : بدي افسخ الخطبة
قمر : شوووو لي
شمس : هيك معد بدي
قمر : شو الشغلة لعبة
شمس : لا مو لعبة بس انا معد بدي اياه
قمر : عم تمزحي مو هيك
شمس : لاا
رن جوالها وكان فاروق
شمس : الو ...
فاروق :يسعد صباحك يا شموستي شو روقتي
شمس: صباح النور
فاروق : افتحي فيديو بدي فرجيكي شغلة
بعدتو عن ادنها بحزن وفتحت الكاميرا .. وظهرت قدامها غرفة نوم جديدة
وبعدها فتل الكاميرا عليه : عجبتك
شمس : ما كان الها لزوم
فاروق : كيف يعني مالها لزوم ... وليش هيك شكلك وصوتك
شمس : فاروق
فاروق : عيونو
شمس : نحنا لازم نترك
فاروق : شلون
شمس : نفسخ الخطبة ... نحنا مو لبعض
فاروق : عنجد انك فايقة ورايقة
شمس : عم احكي جد ماعم امزح ابدا
فاروق : شمس
شمس : والله ... نحنا مو لبعض تعا خود اغراضك وكل مين ببيتو
فاروق : شو يلي ضارب عقلك عند الصبح
شمس : هاد يلي عندي
فاروق : لحظة شوي
سكرت بوجهو .. وحاولت تضل قوية
قمر شافت هيك الوضع وقامت بسرعة تخبر اهلها ... مالحقو اهلها يدخلو عليها الا سمعو صوت سيارة ع الباب وعم يدق بقوة
قمر : هاد اكيد فاروق راحت بسرعة فتحتلو واتجمعو كلن
ابوها : شو القصة بنتي
شمس عم تتجنب تحط عينها بعين فاروق وقالت : انا بدي افسخ الخطبة
فاروق بعصبية : لييش
شمس : مابحبك ... مو لابقين لبعض
فاروق : بالله جدد
صباح : بنتي شو هالحكي
شمس : الدنيا قسمة ونصيب ... وفاروق لا هو قسمتي ولا نصيبي
فاروق : انت متاكدة انك بعقلك
ما ترد
قرب منها مسكها من كتافها وصار يهزا ... شمس اتطلعي فيني
فاروق : اتطلعي فيني وقوليلي شو القصة
شمس : مافي شي
فاروق : سامعة عني شي
شمس وهية منزلة راسها : لا .. بس خلص معد بدي اياك شو الشغلة غصب
فاروق : بهل البساطة
ماردت
تركها وقال : يا الله انا لك انا شو عاملك لحتى عم تعذبيني كل هالعذاب ...
رجع لعندها وقال :بعرف انك كتومة واكيد في شي صاير ومارح روح لحتى تحكي
شمس : مافي شي ... بس انو خلص كلشي انتهى
فاروق بصوت عالي : كيييف ... كيييف كلشي انتهى ... كييف
ابو بدر : فاروق انت هلق روح وانا بفهم منها
فاروق : ياريت والله
تركهن وراح بسرعة
~~~~~~~~~~~~•
وصل ع الورشة ومن شحطة الفرام مبين انو مو على بعضو نزل وطبش الباب بعصبية
قام لعندو جواد وقلو : شبك
فاروق : لك شو الله بلاني بهيك بنت
جواد : شو صاير
فاروق : قال الخانم بدا تفسخ الخطبة
جواد : ليه
فاروق : مابعرف ... مابعرف .. صرلا يومين مو على بعضها وكل مابسألها شبك بتقلي مافي شي
جواد : طيب روق ...
فاروق : من وين بدو يجي الرواق ... طول عمري انسان هادي ورايق .. بس طلعتني من تيابي هالبنت
جواد : طيب اهدى وروق هلق بحكي مع قمر وبنفهم شو القصة
فاروق : المشكلة هنن مستغربين متلي
جواد : طول بالك الا ماتعرف شو القصة وتمرق
فاروق : شكلها كتير جدي ... خايف تضل معندة على رأيها ... بعرفها راسا كبير وكتومة مابتحكي
~~~~~~~~~~~~•
ابو بدر : اتركوني معها لحالنا
تركوه وطلعو
ابو بدر : شمس شو القصة
شمس : مافي شي بابا بس انا اكتشفت انو مابحبو ومارح اقدر كمل معو هيك
ابو بدر : كذب هالحكيي ... احكي غير هالحكي
شمس : هاد يلي عندي
ابو بدر : اقسم بالله بغضب عليكي اذا مابتحكي
صارت تبكي
ابو بدر ؛ احكيي
شمس : انا سمعت الحديث بينك وبين ابن عمك
ابو بدر : ايي
سكتت
فهم القصة : وناووية تتتزوجيه ؟؟
نزلت لعند رجليه وقالت: بابا بترجاك خلي الامور تمشي هيك ... مابدك تامن على مستقبل اخواتي ... بدك تضل طول عمرك عم تشتغل عند الناس
ابوبدر : وانت مافكرتي بحالك
شمس : مو مهم .. المهم تكونو مبسوطين ... ويمكن انا كون مبسوطة
ابو بدر : ابو الاراضي ع ابو المال انا مابرميكي هالرمية
شمس : بس هاد حقك
ابو بدر : وانت بنتي وقطعة من قلبي ... فشر يطول ضفرك لو قدملي كل الدنيا ع طبق من فضة
شمس : بسس
ابو بدر : بنلاقيلها حل لا تدخلي انت
شمس : خايفة يأذيك
ابو بدر : لا تخافي علي ... انت المهم لاتزعلي خطيبك بحبك ولاتفرطي فيه ... رح حكيه يجي
شمس : بس بابا
ابو بدر : ولاا كلمةة... كلمتي يلي بدا تمشي ولا الك راي تاني
شمس : اعوذ بالله
اخد جوالو واتصل بفاروق يلي اجا فورا
~~~~~~~~~~~~~~•
العيلة كلها مجتمعة وبالأضافة لجواد وفاروق
ابو بدر حكي كلشي صار معو لكل العيلة .. وحكي على شو ناوية شمس وليش بدا تبطل
شمس طول القعدة منزل راسها وخجلانة وفاروق عم يسمع من عمو ويتزورها ولما خلص ابو بدر حكي ..قام فاروق وقعد قبالها طبعا قاعدين ع الارض
فاروق : مشان هيك ناوية تبطلي
شمس :....
فاروق : انت مجنونة يعنيي.... في شيي بعقلك ... بدك تفرطي فيني وتفرطي بحالك ... شو هالحب هاد
شمس : فاروق اسمعني .. عملت هيك كرمال حق بابا
فاروق : عفكرة في مليون طريقة يترجع فيها حق ابوكي وهداك واحد متعجرف بدو تكسير راس .... ومو عطول تضحياتك الفاشلة هي الصح ... مو عطول انت البطلة والقرار يلي بتاخديه الصح ... هالمرة ما ظبطت معك ابدا .. ياخسارة بس
تركن وقام
ابوبدر : ع وين ابني
فاروق : مابعرف ... عمي مابعرف ... بس ياريت ما سمعت هالسبب التافه .. ياريت قلتولي مزحة ... وعشان قصة الوصية بظن الضابط عندو حل ولا ليش مافكرتي فيها انسة شمس
قمر : اي صح .. بابا عماد اكيد بفيدنا
فاروق : انا بستأذن ... عمي اذا احتجت شي بصوت واحد الضيعة وشبابها كلها تحت امرك لاتفكرونا من ضيعة قليلة
طلع وركب سيارتو ومشي .. وشمس انسحبت ع الغرفة التانية وغرقت بدموعها
ابوبدر اتصل ب عماد وحاكلو كل القصة وكان رد عماد : شغلتك محلولة عم ... اصلا انتو جاي توصية فيكن من العميد شخصيا واي حدا بحاول يهوب صوبكن بينخفى عن وجه الارض .. وبالنسبة لحقك تابع الإجراءات وانا من عندي بشوف شوبقدر اعمل .. وهلق رح اخد دورية وروح ع ضيعتك وفهمن انو مايلعبو معك والا بصيرو ورا الشمس
ابو بدر : يكتر خيرك يا ابني
عماد : ولو يا عمي ... شمس وانتو الها دين كبير عنا وبدنا نردو
ابو بدر : ع راسي
عماد : يسلم راسك
~~~~~~~~~~~~~•
بعد يومين
شمس قاعدة بزاويتها وعم تبكي
دخلت عليها قمر وشافتها عم تبكي .. اجت لعندها وقعدت قبالها
قمر : شو صار .
شمس : ماعم يرد علي ولا عم يرد ع رسائلي
قمر : كمان مو قليل يلي عملتيه
شمس : لك مافي انسان مابيغلط
قمر : بس غلطة الشاطر بالف .. وفاروق زعلو منك عقدر محبتو الك ... فاروق مابس زعلان .... فاروق مجروح منك
شمس : طيب شو اعمل ليرضى
قمر : بدك تضلي تحاولي ... فاروق بيستاهل انك تحاولي كرمالو مرة وتنيتن وتلاتة .. ومليون حتى
تنهدت بدون ماترد
قمر : صح خبرتي شو صار
شمس : لا
قمر : والله عماد ماطلع قليل ... خلا ولاد عمو لابوكي يمشو ويحكو حالن ... وهاد عثمان طلع مابيطلع بايدو شي بس كان عم يضرب مراجل على ابوكي لانو شاف وضعنا .... بس صدمناه صدمة عمرو تعهد انو مايقرب او يعترض لابي وامور المحكمة ماشية تمام بس بدها شوية وقت
شمس : يااارب
قمر : اي والله الحمد لله عكل حال
قامت قمر لعند الخزانة وصارت تدور فيها ع تياب
شمس : جاي جواد ؟
قمر : اي
شمس : اي منيح
قمر : مابدك تقعدي معنا عزول
شمس : لا
نزلت بفرشتها وغطت حالها ... مكتئبة وزعلانة
~~~~~~~~~~~~•
واقفين بالشارع جواد وفاروق قدام بيت فاروق
جواد : قوم روح معي ولو
فاروق : خلص جواد تركني بحالي لا تدخل
جواد : والله البنت زعلانة كتير
فاروق : معلش بتستاهل خليها تحس ع غلطها ... اصلا بعد هالموقف حاسس حالي كرهتا
جواد : شو هالحكي ... انت بتحبها وبتحبها كتير كمان
فاروق : مابعرف شي
جواد : العرس باقيلو كم يوم ناوي تضل هيك ليوم العرس
فاروق : ليوم العرس بيفرجها الله
جواد : اااخ على هالراس ما اكبرو ... بدك شي
فاروق : لا سلم
جواد ركب سيارتو وراح وفاروق فات ع البيت وهو فايت رن موبايلو بمسج منها
أشَتَقّت إليَك
وقَد بلغ شوقي أجُله
ألن تَعَفُو عَني وتصفح ؟
وتَفتح لي نافذة حُبك وباب قَلبّك
وتَكَرمُني بَلذّةِ وصَلك
قرءها وابتسم وبعدها سكر الجوال ورجعو ع جيبتو وكمل ع البيت
~~~~~~~~~~•
شمس : شافها ومارد ... بس وحياتك لراضيك .. انت بتستاهل ضل اعتذر كرمالك طول العمر
رجعت كتبتلو : حقك تزعل وتدلل علي ... وانا من واجبي ضل اعتذر منك لأخر يوم بعمري .. يا أحلى واحن رجال شفتو بحياتي ... بحبك ياعمري واشتقتلك كتييير
كمان شافها وما رد
حاولت تبتسم و تتفائل رغم الخيبة يلي متملكتها ..
~~~~~~~~~~~•
تاني يوم اتصلت شمس بجواد وسألتو عن فاروق وقلها انو بالارض وراحت لعندو .. صح كانت مسافة شوي بعيدة بس بالاخير وصلت اول ما دخلت من بوابة المزرعة شافت سيارتو
قربت لعند البيت ولفت حواليه وشافتو عند متور المي ... كان شالح كنزتو وضل بس بالفنيلا وواقف تحت بوري المي يلي كان عالي وعم ينزل عليه متل الشلال
اسرها هالمشهد ... كان حلو وجذاب كتير .. سمارو يلي عم يلمع تحت المي والشمس عم تعطيه بريق خاص ... نفض راسو وحبات المي صارت تتراشق يمين وشمال ... بعد من تحت المي وصار يمشط شعرو ودقنو باصابيعو وهو جاي اتجاه البيت طلعت قدامو وقالت : يسلميلي الجمال
فاروق : شو عم تعملي هون
شمس : جيت شوفك
فاروق : روحي من مكان ماجيتي
شمس : ليه ماعم ترد علي
تركها ومشي قدامها
مسكتو من زندو ولفتو لعندها : فاروق بترجاك بكفي جفا
فاروق : ....
شمس : قاتلني عاتبني اعمل يلي بدك اياه بس لا تتجاهلني
فاروق : شوبدك عاتبك وقلك .. انت تخليتي عني ... مافكرتي فيني .... ماكنت بعرفك انو كل همك المال ... دعستي ع قلبي وقررتي تضحي فيني وبحالك كرمال شي غبي وتاافه ... في مليووون طريقة ابوكي يرجع حقو .... ليش اخترتي هي الطريقة ... شمس انا ثقتي انهزت فيكي عم شك بحبك فيني ...
مابعرف بس في شي تغير وتغيير كتيير ... حتى عم حس انو حبي الك عم يتلاشى
شمس : لا لاتحكي هيك .. بترجاك فاروق ... والله انا ماكنت بوعيي ... كنت عم فكر بأبي واخواتي ومستقبلن .. وبنفس الوقت خفت ع ابي من هداك ...
فاروق : وقررتي تضحي بحالك .. بس مابتعرفي انك عم تضحي فيني قبل ما تقدمي حالك كبش فدا
شمس : والله مو هيك
فاروق : لا تحلفي وتقولي مو هيك
شمس : كانت الهرمونات متخربطة عندي وانا بهيك اوقات بقلبها دراما
هز براسو ومارد
شمس : بترجاك سامحني ... والله عم موت كل يوم مية موتة لأنك بعيد عني
فاروق : اتركيها للوقت
شمس : ايو وقت وبعد كم يوم عرسنا
فاروق : عقد ماكنت ناطر هاليوم عقد هلق مو طايقو يجي
شمس : فاروق انت معد بدك اياني
فاروق : يمكن ... بس صدقيني ماعم حس شي اتجاهك
شمس : خلص لكن خلينا نترك اذا هالشي بريحك
فاروق : انا رجال وقد كلمتي ومارحت خطبتك لحتى اتركك
شمس : يعني انت مابدك اياني .. بس ماعم تطلع معك تتراجع بكلامك
فاروق : هيك شي
شمس : لكن خلص انت خليك رجال وقد كلمتك انا بتصرف ... بالاذن
لفت ومشت ودموعها سابقتها وهو بعد ماراحت الندم تملكو ... ليش حكاها هيك ... ليش كان قاسي ... بس الشي يلي صار ماكان قليل عليه
~~~~~~~~•
رجعت عفرشتها يلي قليل مافارقتها من يوم الحادث وكمان اخر فترة كتير ... مثلت النوم وماخلت حدا يلاحظ عليها ... ضلت تبكي بصمت ... لحتى دخلت بنوم عميق ... فاقت بالليل كان الجو هدوء والكل نايم ... شقد صرلها نايمة مابتعرف بس اكيد وقت كتير ... .تجلست ب تعب وارهاق .. حست عليها قمر وقالت : صح النوم
شمس : اهلين
قمر : فيقناكي ع العشا ماحسيتي ... ليكي امي شالتلك حصتك بالبراد
شمس : ماشي
قمر كانت قاعدة وعم تلعب بجوالها
قمر : ما تصالحتي انت وفاروق
شمس : قال معد بدو اياني
قمر : حكي لا تصدقيه
شمس : ياريت ... بس انا مارح استسلم ... ومارح اتخلى عني حتى لو قلعني تقليع من حياتو رح ضل متعربشة فيه .. وضحكت ... اتطلعت ع جوالها وشافت الساعة كانت ١ فتحت ع اسمو كان متصل من خمس دقايق
شمس : سهران لهلق ياعمري ....
بعتتلو : حتى لو انت مابدك اياني انا مارح اتخلى عنك .... وبدي اياك لأخر يوم بعمري ... ومستحيل تطلع مني .. الا اذا انت بدك تعا انت افسخ الخطبة انا مارح قولها ولا بعمري رح قولها
فتح فورا وقراها .. بس مارد
بس هية رجعت بعتت : شو رأيك بهل الحكي
جاري الكتابة ... حست قلبها رح يطلع من مكانو ... اجاها الرد : نامي اتاخر الوقت
شمس : هلق فقت
فاروق : طيب تصبحي على خير
شمس : فاروق انا تعبانة عبعدك
فاروق : سلامتك
وسكر لينهي المحادثة
ع وجه الصبح كانت بعدها فايقة ... مع فيقت العيلة كلها
قمر : صباحو
شمس : صباحو
قمر : مانمتي
شمس : لا ...
قمر : ليه
شمس : كنت شبعانة نوم
دخلت عليهن صباح وشايلة الفرشات يلي كانو نايمين عليهن وتسطرهن على محمل الفرش
صباح : صباحو الحلوين
: صباح النور
ضباح : شمس ماما ايمت فقتي
شمس : طول الليل فايقة
صباح : تعشيتي
شمس: لا مالي نفس
صباح : يلا رح نعمل فطور ... يلا قومو ضبو فرشاتكن خلونا نعمل فطور
شمس : لاا انا خلوني نام شوي طول الليل فايقة
صباح : افطري ونامي
شمس : لا خلص مارح طول لفيق باكل
قمر : ماما ننزل ع السوق اليوم
صباح : ماخلصنا من السوق ... من عيدا يلي عم تطلبوهن ع التلفون
قمر : بس بدي سكربينة للفستان نسينا نجيب
شمس : لك صح .. وانا جيبولي وحدة ..
قمر : انزلي معنا وبتنقيها عكيفك
شمس : والله مفحمة من النعس .. خلص نفس موديل تبعتك ونفس النمرة
قمر : شو ماما ننزل
صباح : امري لله .. بس مابنطول روحة رجعة
نزلت شمس بفرشتها ونامت
~~~~~~~~~~~~~•
كان قاعد ع سفرة الاكل وشارد شوي يبتسم وشوي يرجع يعبس
امو : شو ماما وين شارد
فاروق ؛ اااه ... هون امي .. شوفي
امو : كيف استعدادتك للزواج .. كلها يومين والعروس بتكون عم تتفتل بيناتنا
ابتسم ومارد
فاروق : ان شاء الله ..دايمة
ترك الاكل وقام وهو طالع اتصل بجواد
فاروق : وين
جواد : نازلين شوي ع السوق
فاروق : انت ومين
جواد : انا وقمر ومرت عمي
فاروق : وشمس لحالا بالبيت
جواد : اي
فاروق : طيب سلم
ركب سيارتو واتسعت ابتسامتو .. الرسالة يلي بعتتلو اياها مبارح .. بردت قلبو كتير .. متمني ينسى كلشي ويصالحها لسه هاليومين قبل العرس مابدو ليلة العرس تجي ويكونو متزاعلين ...
وهو ماشي شاف ستو على الطريق ماشية ببطىء وعم تتعكز على عكازتها .. ابتسم ووقف السيارة ونزل لعندها
فاروق : يا ستي .. يا ستي .. شو عم تعملي ع الطريق لحالك انا مو منبه عليكي ماتطلعلي لحالك ... طيب راعي مشاعرنا حلوة الناس تحكي علينا ...
ستو : وشوبدن يحكو عليك يا مقصوف الرقبة
فاروق : طالعة بكامل اناقتك وغندرتك والرايح والجاي يصير بتغمالك و يلطشك .. انا مابتحمل دمي فاير هاا
ستو : ورصاص .. فكرت بدن يحكو عليكن ليش بتخلوني امشي لحالي مرى كبيرة على الطريق ومابتوصلوني
فاروق : طيب اتصلي فيني
ستو : بنت الجيران معد رضت تتصل فيك بعد خطبت
فاروق : هيك لكن ... طيب اركبي لوصلك
ركبو بالسيارة ومشي
فاروق : عبيتك ماهيك ستي
ستو: ع بيتكن يا مغضوب
فاروق : بس نحنا لسه مافقنا
ستو: بفيقكن
فاروق : مصرة يعني
ستو : ايي... بدي روح شوف امك شو عم تجهز للعرس .. خايفة تسود وجهنا
فاروق : الله يسامحك هلق امي بتسود الوجه
ستو : لكن مابتسود الوجه عهيك خلفة
فاروق : الله يسامحك ... شبها هالخلفة
ستو : مابتقولو عنا هالست نروح نزورها ..
فاروق : بس انا عم زورك
ستو : بس هلق .. بعد ماتتزوج مابتختفى متل اخواتك
فاروق : لا ولوو
ستو : صحي تعا لهون .. انا ليش ماشفتها لخطيبتك
فاروق : بتعرفي انا ليش مافرجيتك اياها
ستو : ليش
فاروق : مشان ماتغار منك ومن جمالك
ستو : اااخ منك يا كذااب
فاروق : هههه خلص بالعرس بتشوفيها
ستو : ولااه بتحبها
فاروق : بحبها .. بس زعلان منها
ستو : ليه
فاروق : زعلتني ياستي
ستو : طيب ماعم تعتذر
فاروق : مبلى .. بس انا مجروح
ستو : يووووه ... عم تنجرح يابعدي
فاروق : ستي انا انسان والي مشاعر
ستو : تضرب انت ومشاعرك
فاروق : ستي مسحتي بكرامتي وهيبتي الارض هااا
ستو : طيب شو عملت
فاروق : كان بدا تتركني
ستو: هاي هية ... انا ياما مقلعة جدك وهو يرجع لعندي يبوس الايادي لارجعلو
فاروق : مابصدق
ستو: وعمرك ما تصدق ..
فاروق: اووف منك ... طيب احكيلي لي كنتي تقلعيه
ستو : كنت حب واحد غيرو وجدك يحبني ..
فاروق : اييي
ستو : قام هداك كان عم يتسلى وانا قلت هاد بحبني عصفور بالأيد احسن من عشرة على الشجرة
فاروق : صراحتك قاتلة يا ستي هههههه
ستو : لما قلتلو تعا قبلت فيك طار عقلو .. وكل ما انقهر منو قلو معد بدي اياك وهو يجن
فاروق : الله يسامحك .. واضح انك مرمطيه
ستو : انتو الرجال بتحبو يلي بمرمطكن .. مشان هيك روح صالحها
فاروق : طيب بأمرك
وصلها عباب بيتن وهية عم تنزل قالتلو خليك استنى شوي
نزلت ووصلت ع اول وردة جورية قطفت منها وردة حمرا وعطتو اياها
فاروق : شو اعمل فيها
ستو : انت ادرى
~~~~~~~~~~~•
وصل ع باب بيتن كان مسكر وهدوء نزل ودق الباب ...
فاقت ع دقت الباب .. قامت بحلتها واخدت شال الها حطتو على راسها وراحت تفتح لتتفاجئ فيه .. تلبكت وخجلت بنفس الوقت اتطلعت ع تيابها بنطلون البجامة شكل والكنزة شكل حاولت تظبط حجابها
فاروق: هلق انا كل يوم بدي اتصبح فيكي هيك
شمس : كأنو ماعجبك
فاروق : بتجنني بكل اوقاتك
شمس : شو يعني هالحكي
فاروق رفع كتافو وقال مابعرف
شمس : غزل ؟
فاروق : بجوز
شمس : اصبح رضيت
فاروق : ماشي الحال .. انت وهمتك
تلبكت وخجلت .. مافي طريقة تعبر فيها عن مشاعرها ...
طلع الوردة وعطاها اياها
فاروق : وردة لأحلى وردة
مدت ايدها لتاخدها لتلمس ايدها ايدو ... ومع لمسة ايديها .. هو مسك ايدها وشدها لعندو ... هية كانت متمنية هاللحظة بس بتعرف هالشي مابصير .. بس كانت لحظة ضعف
شدها لعندو وضمها لصدرو
شمس بطفولة : بعتذر ... والله ماعد زعلك مني
فاروق : بحبك .. بحبك .. يا جنوني
وماحسو ع السيارة يلي صفت ونزل منها جواد وقمر وصباح
جواد : كمشكتن اي شووو هاااد
وفورا بعدو عن بعض
صباح: انا بفرجيكي ... شووو هاد وليه .. استنو لتتزوجو .. عيب هالحركات
شمس : ماما هو...
جواد : هو شو ... ولا بس الرقابة علينا وانتو بتنسو حالكن
شمس : اي هية هالمرة شبكن عااد
جواد : والله بحطكن بزمتي .. بس بسيطة
قمر : والله ماتوقعت هالشي يطلع منكن .. ياعيب الشوم بس
فاروق : يعني استلمتونا هلق
جواد : لأبد الآبدين
صباح : هههه طيب ليكو هالجو حلو اقعدو لنشرب فنجان قهوة تحت هالشجرة
فاروق : من ايدك حماتي مابتتفوت
دخلت صباح ومعها الغراض يلي اشتروهن من السوق وشمس وقمر فردو الكراسي بفية الشجرة
جواد : انسة شمس بس شاطرة تقعدلي ع الدقرة ومابتشوف حالها
فاروق : كلامك معي مو معها
جواد : على اساس انت انظم ... وبعدين اذا عملنا شي انا وقمر فهالشي حلال مو متل بعض نااس
قمر : جواد وطي صوتك
جواد : ماااني ... والله ماني ناسيلكن اياها (الحكي لفاروق وشمس )
فاروق : هههههه وعمرك ماتنسى .. المهم عملنا يلي بدنا اياه .. مو هيك حبيبتي
جواد : بسيطة انا بفرجيكن ... (علا صوتو وقال ) خلصص يا فاروق عيب هالحركات وبعدين حرام تلمسها قبل كتب الكتاب
فاروق : الله يخرب بيتك .. شوو عم اعمل
طلعت صباح من المطبخ وقالت : شمس فهمناا بقا معد تستحوا
شمس : بس امي والله
صباح : اخرسي ولا كلمة ... جيل اخر زمن
وهون جواد فرط ضحك وكأنو شفى غلو شوي
فاروق : بسيطة .. وحياتك مارح انسالك اياها
شمس : اي عندك اياه ..
بس جواد بقي يضحك من كل قلبو وقمر حطت ايدها على وجها وصارت تضحك
~~~~~~~~~~~~•
تاني يوم
ببيت اهلو لفريد
كان قاعد فريد بالصدر ونجمة جنبو وابنو بحضنو .. وهي وصلتن من بيتن .. وامو عم ترحب فيهن
نجمة : رح قوم ساعدك مرت عمي
حماتها : والله مابتقومي .. شوي والفطور بكون جاهز
نجمة : بس والله مابصير هيك
حماتها : بصير ونص .. ليكي البنات بالمطبخ رح يخلصوه
فريد : طيب امي بسرعة .. لانو نجمة بدا تروح لعند اهلا
امو : خلونا نشوفكن شوي عشو مستعجلين
وليد : ماما نونو
نجمة : تعا معي
راحو ع الحمام وحماتها قربت لعند فريد وقالت : عنجد عمي طلع عندو املاك واراضي
فريد : وانا شو دخلني
امو : يعني جد
فريد : جد وماشي هلق بالاجراءات
امو : وشقد رح يطلعلكن
فريد : امي انا مادخلني .. ومابدي شي
امو ؛ وحق مرتك بدك تعوفو
فريد ؛ تسطفل هية واهلها حرين ... بدا تاخدا انا ما الي شي عندها .. واذا مابدها كمان بتكون عملت عين العقل
امو : انت مجنون ... بتفوت عليك هيك فرصة
فريد : امييي مااادخلني ... يلا نجمة لوصلك على اهلك
امو : خلص خلص سكتت .. لاتروحو قبل ما تفطرو ... وكمان بدي وليد يضل عندي مشتاقتلو كتير
فريد : ماشي متل مابدك
~~~~~~~~~~~~•
وصلت نجمة ع بيت اهلها وكان مقلوب قلب .. الغراض فوق بعضها وفوضى
صباح : نجمةة.. اهلين ياعمري
ضمتها وصارت تبوسها
نجمة : كيفك ماما
صباح: مشتاقتلك يا روح ماما ..يابنات تعو شوفو مين اجا
طلعو شمس وقمر من جوا ووجوهن عليها ماسكات بلون الاخضر
نجمة : لك شوو عاملين بحالكن
قمر : ههه لك اهلين بام الوليد والله
شمس : نورت
صباح : شايفة اخواتك شو عم يخبصو
نجمة : ههههه لك شو هاد
شمس : تعي لنحطلك معنا
نجمة : هههه يلا جاااية
صباح: الله يصبرني .. عاساس اجت العاقلة
~~~~~~~~~~~~•
~~~~~~~~~~~~•
عمت الافراح والليالي الملاح على ضيعتنا وابطالنا ...
اليوم حمام العرسان جواد وفاروق .. وهالحمام عند بيت ابو شادي واكتر الشباب مجتمعة
خلص جواد حلاقتو
وقلو شادي : يلا قوم الحمام دافي
جواد : مابفوت قبل ما امن انو فاروق قعد على الكرسي يحلق
شادي : ليه
فاروق : والله متلحلفك بحمام مرتب
جواد : وهي قعدة .. مارح اتحمم
شادي : خلص عندي .. قوم .. اصلا الحمام مابساع اكتر من ٣
جواد : ليش ٣ كمان
شادي : انا وقاسم بدنا نحممك
جواد : بالله شوو
شادي : لكن بعمرك سمعتها حمام عريس وبيتحمم لحالو
جواد : اي انا
طلع قاسم من الحمام مشمر عن اديه ورجليه وقال يلله خلصنا صرلنا ساعة نحمي الحمام
جواد : قلتلكن مابفوت غير لحالي
فاروق : عليه شباب
هجمو عليه كلن وشحطوه ع الحمام غصب عنو وهو عم يسب ويشتم بس محدا رد عليه .. وبلشو فيه .. من هون كف .. ومن هون طيارة ... وفاروق كل شوي يكب عليه مي مجلدة
جواد : فاااروق الكلب .. انابفرجيك
فاروق : ههههه المهم اتغدى فيك قبل ماتتعشى فيني واسترد حقي منك ... ولا نسيت
جواد : بسيط اعمل وكتر .. مارح يجي دورك
فاروق : مزالو جاي وجاي خود هي لقلك .. وفتح القنينة يلي كانت بايدو يلي مبينة مجلدة وصار يرشو فيها
جواد : لك مبوظةة... يا ابن الحرااام
فاروق : مشان تبردلي دمك ههههه
الكل عم يضحك ومبسوط .. واخيرا خلص جواد الحمام بعد ماكان محمر جسمو شي من الضرب ومن المي المسقعة
واجا دور فاروق .. قعد على كرسي الحلاقة .. صارو يغنولو ... وبعدها اجا دور الحمام ... وطبعا جواد ناطرو ع باب الحمام ليردلو الصاع صاعين ... وفاروق حاول يهرب .. بس مافي مفر ... مسكوه الشباب ودخلوه لجوا .. ودخل جواد وراه وابتسامة النصر على وجهو ...
جواد : امسكوه شباب
مسكوه وفاروق : شباب هلق قتلة ورح ناكلها بس بشرفكن لا تقوها
قرب جواد منو ومسكو من قبة قميصو وبلش يفتحلو زرار القميص
فاروق : بلا زانختك
جواد : اي شو هالجسم الحلو يا حبيبي
فاروق: يحلى وبرك .. بعدوه عني
جواد : عليه شباب
صوتو كان طالع لبرا وهو عم يترجاهن وشي يسب ويشتمن ...
~~~~~~~~~~~~~~•
البنات بالصالون .. واقفين قدام المراية التنيتن وهنن لابسين الفساتين مع حجابات .. ومكياج خفيف ع زوق شيرين لأنو شافت انن مو بحاجة وبالفعل ماكانو بحاجة ...
واقفين وعم يتصفنو ببعض وكأنو مو مصدقين انو اجى هاليوم عليهن ..
شيرين : عنجد بدون مجاملة انتو احلى عرايس طلعو من عندي لهي السنة
شمس : شكرا هاد من زوقك
وانضمت لوقفتن نجمة كانت لابسة فستان تقيل ووقفت بالنص وضمو بعض وهنن عم يشوفو حالن بالمراية
~~~~~~~~~~~~~~.
الحفلة شغالة
والعرسان قاعدين على منصتن وجنبهن عروستاهن .. الفرح يلي بعيونهن مابينوصف .. والناس فرحانة كتير والكل عم يرقص ويدبك ...
قمر لجواد : طالعة حلوة ؟
جواد : بتجنني وبتطيري العقل كمان .. انت بكل حالاتك حلوة
قمر : بس ماعبرتلي عن جمالي لو ماسألتك ماكنت حكيت
جواد : ماهو انا محتفظ بحق الرد .. مافيني انا عبر بس بالكلام
قمر : قليل ادب مو بايدك
جواد : هههه .. رايح لعند فاروق اتغالظ عليه شوي
قمر : لك شوبدك فيهن
مارد عليها وقام
كانت شمس عم تحكي : ماكنت بحبها ابدا لهل الضيعة ماتخيلت يجي يوم وحبها
فاروق : بتحبيها كلها ولا بتحبي ناس معينين
شمس : ماهو بقولو كرمال عين تكرم مرج عيون ... وهو انا حبيتها مشانك بس
جواد : شو عم تتوتوتو انت واياها
فاروق : مادخلك وانقلع ارجاع لعند مرتك
جواد : جاي اعطيك كم معلومة
فاروق : روح انقلع من وجهي ماني ناقص معلوماتك
جواد: اسمعني ... مابدي تسودلنا وجهنا
فاروق : روح احسن ماقوم عليك
شمس : جواد فهمنا عااد .. روح التهي بمرتك وحل عنا
جواد: جواتي تار وكبير كمان
شمس : هههه اي راحت عليك سكرنا الدفاتر القديمة وبلشنا بدفاتر جديدة
جواد : طيب مسامحة هالمرة ... مشانك بنت عمي
شمس : الله يكبر شانك ياصهري
فاروق : شو قصتك ولاه عم تبيض طناجر
جواد بمزح : شو نسيت انو عمنا طلعلو ارزاق واملاك بدنا نظبط الوضع مع الكل من بدر وانت طالع
فاروق : هيك قولتك هههه
جواد : كيف لكن
شمس : انا قلبي كان حاسسني من الاول انكن فايتين ع طمع
جواد : ههههههه
فاروق : ليك مين اجا
التفتو وكان عماد هو ومرتو
جواد : هاد مين عزمو
شمس : ابي
فاروق : اي روح لعند مرتك .. هالزلمة ما استنضفت نظراتو لهلق
شمس : بس هو متزوج
فاروق : والله ياعمري الي عينو زايغة مابتهمو اذا كان متزوج او لأ
جواد : معك حق .. لارجع لعند مرتي
اجا عماد سلم عليهن وباركلن ... بس كان في تحدي بالنظرات بين جواد وفاروق وبين عماد .. اما البنات ما اهتموا .. وردو مباركة عماد بكل احترام
ابو بدر كان قاعد مع كبارية الضيعة
ومرتو صباح من نسوان الضيعة ونسايبها ومن بيناتن ام فريد يلي عم تحاول تكون منهن .. بس صباح كانت تتجاهلا نوعا ما
وعند الصبايا ميرفت ولونا
ضحكت مريفت وقالت : ما راحت جيتنا على الفاضي هي حضرنا عرسهن هههه
لونا : هيك قولتك ههههه
مرفيت : بس عنجد طالعين حلوين مع بعض
لونا : قومي نرقصهن
ميرفت فكرة
قامو .. ووحدة راحت لعند الديجي وطلبت منو غنية حماسية والتانية نزلت العرسان على الساحة يرقصو .. ومع نزلتهن الكل قام الساحة انعجقت والكل عم يرقص ومبسوط ...
~~~~~~~~~~~~~~•
البيت معجوق عند بيت ابو جواد .. بس جواد فورا سحب قمر وطلعو على غرفتهن مع انو بهيك مناسبات بيقعدو شوي مع العيلة وبسمعوهن كم زلغوطة .. بس جواد كسر كل هالقواعد ... اخد قمر ودخلو على غرفتهن ...
لحقتو امو ودخلت معن وقالت : لا تتاخرو بدلو تيابكن لاحقين لبعض تعو اتعشو اقعدو شوي مع ضيوفنا وبعدها ارجعو على غرفتكن
جواد : ماشي ماما
مشت خطوتين ورجعت اتطلعت فيهن وقالت : تقبرو قلبي شو طالعين حلوين
ابتسم جواد لأمو وهي راحت وهو سكر الباب بهدوء ورجع لعند قمر بسرعة ... كان عم يتأملها بكل حب وعيونو عم تبرق برق
قرب منها واخد بوسة طويلة ... بعد عنها وتنهد : يا الله شو بحبك ... بحياتي ماكنت مصدق انو هاليوم رح يجي
قمر : ربك كريم
سحبها من ايدها وقعدها على التخت
قمر :: سمعت امك قال تعو اتعشو
جواد : ايو عشى هاد ... وانا مافي شي رح يرويني غيرك ... لك انا مشتقلك كتتير يابنت ...
قمر : وانا كمان
جواد وقف وشلح جاكيت البدلة وقال : بتسمعي بالمتل يلي بقول اعزب دهر ولا ارمل شهر
قمر : والمعنى
جواد : المعنى انو انا ترملت على غيابك وخلص طفح الكيل
قمر : جواد بسس عيب عليك
جواد : زمن العيب ولاا وهلق زمن ...
قمر : زمن شوو
جواد : خلص انا ماعد اعرف احكي ... سكر العداد عندي
قمر : جواد .. لك ناطرينا ع العشى
جواد : معلش ينطرو شوي .. وانت خلصيني قومي اشلحيلي هالفستان بلش يكبس على نفسي
قمر : انت ليش هيك
جواد : كيف هيك
قمر : بحسك اوقات همجي
جواد : هيك لكن ... هلق رح فرجيكي الهمجية على اصولها
قمر : جواد لااا
~~~~~~~~~~~~•
ببيت ابو قاسم
دخلو العرسان على الصالة البيت وكانو كل القرايبين مجتمعين ... قعدوهن بالصدر ..
شمس كانت خجلانة ومتوترة كتير .. من الجو وناس كتير والكل عم يجي يبارك وهية مو مركزة مع حدا .. حست حدا رفعلا الطرحة عن وجها .. وشافتها مرة كبيرة بالعمر
فاروق : شو رأييك يا ستتيي
ستو: وطرشش قلتلك بسمعع ...
فاروق : هههه ما قلتلي شو رايك بعروستي
ستو : احلا منك
الكل قلبها ضحك
فاروق : هيك هلق
ستو : انت بدك رأيي وانا قلتلك ...
فاروق : طيب في مليون طريقة تقوليلي انها حلوة بدون ماتجرحيني
ستو : هههههه معلش بتستاهل
شمس عم تضحك عليهن
ستو : يسعد هالوجه يا قمر
فاروق : ستي اسمها شمس .. اختها اسما قمر
ستو : لك سكر تمك عاااد
فاروق : اي سمعينا شي زلغوطة كل اخواتي هاهيتيلهن وانا
ستو : وانت لضل زلغطلك للصبح
فاروق : اي هيك بدي اياكي
الست : اويها يا صحن تين
اويها مجلل بالياسمين
اويها عروستنا حلوة
اويها و ما طبقت العشرين
اويها يا صحن نجاص
اويها مجلل بالالماس
اويها عرستنا بنت اصل
اويها و بينرفع فيها الراس
اويها عريس عريس لما اجى الحلاق يحلقلك
اويها حط المناشف على كتفك تلبقلك
اويها امك تهللك و اختك تزلغطلك
اويها و خالتك تقللك يا قمر ما خلق متلك
اويها عريس عريس يا لولو على الفنجان
اويها يا عرق الماس جبتك من اراضي الشام
اويها يا زين تقلك دهب يا زين تقلك مال
اويها و بطالعك يا قمر تضوّي على البلدان
فاروق : يلسم تممك ستتي
قربت ستو وهمست بادنو : ولااه هي هية يلي شفتها بالمنام مو هيك
فاروق : لك انت مابتنسي
ستو : ههههههه وعذبتك ولاه
فاروق : الله لايوجيكي يا ستي
ستو : بس بتستاهل
شمس ؛ شو عم تتوتو
فاروق : عليكي يا حب
وقف واخدها من ايدها وقال : انا بودي اقعد معكن ... بس اتأخرت
ابوه ضحك وقال : على شو
فاروق : على قفص الزوجية .. لازم ادخلو وجرب
قاسم : ههههههه والله لتقول سألله ايام كنت حر
فاروق : قولك بلا هالفوتة
امو : انت ناوي تحرقلي دمي يعني .. خلصني خود عروستك واطلعوا
فاروق : امي انت بدك تورطيني
قاسم : تورطت ومشي حالك
شمس خجلانة تبدي اي ردة فعل نكعتو بايدو بدون مايتنبه ..
التفت عليها وابتسم وقال : بتورط كرمالك والله
الكل هون ضحك ..
سحبها من ايدها وطلعو ع غرفتو اول ما سكرو الباب بعدت عنو وتخنصرت وقالت: تورطت لكن
اجا يقرب منها هية بعدت وحكي : عم امزح والله
شمس : مو علي هاد المزح .. ما زال تورطت ليش تزوجتني
فاروق : لاتقلبيها جد هلق
شمس : قلبتها ومشي الحال ..
قربت من الخزانة طلعت تياب ومنشفة اجى بدو يقرب منها عجلت وقالت : اذا بتقرب لاصرخ ولم عليك البيت
فاروق : عم نمزح ولووو
شمس : خلي مزحك ينفعك
فتحت باب الحمام ودخلت بسرعة على الحمام وقفلت الباب
نفخ بقهر ورما حالو على التخت وخرب الورد المنتور عليه ...
طولت بالحمام .. وهو انشغل بالو .. قام ودق على الباب : شمس .. شمسي ... يا عمري ... وينك .. طولتي
وهية جوا كانت لابسة قميص نوم اغلبو شفاف وقصير ولونو ابيض وداخلو شوية ريش كان طالع عليها كتتير حلو حتى هية استغربت من حالها اول مرة بتشوف حاله بهيك هيئة ... وفردت شعرها الطويل الكستنائي مع المكياج نفسو .. بعد ماشلحت فستانها .. .. سامعة طرقات فاروق على الباب بس خجلانة تطلع قدامو
فاروق ,شمس طولتي ... شمس والله عم نمزح لاتنزعيها علينا
شمس : بطلع بس غمض عيونك
فاروق: ماشي ..المهم طلعي .. فتحت الباب وطلعت بخجل .. طبعا هو ماغمض من فضولو
فاروق : مين انت
شمس : ماقلتلك غمض
فاورق : لك شووهااد ... ياعمي شوي شوي علي والله انا هيك بنجلط ومابتحمل
شمس ؛ مو حلوة ماهيك
فاروق : شو ماحلوة.. ماهو من جمالك تبلكمت ... لك من وين جابية كل هالحلا
شمس ؛ امي اعترفتلنا بسر
فاروق : سر شو هلق
شمس : قال امي اصلها غجرية
فاروق ؛ لك دخيلو الجمال الغجري انا ...
شمس : فاروق
فاروق : عيونو
شمس : شيليني
فاروق : بس هيك
شمس : اي ..
شالها بين ايده وبرم فيها وقال : ميلون طلب متل هالطلب
شمس : بعشقك
تمت