رواية فريدة
الفصل الخامس عشر15
بقلم منه محمد
صمتت قليلاً تجمع افكارها : حضرتك لازم تعرف انك قدوتي و اني بحترمك جداً، لكن انا اسفه، انا اااانا بحب واحد تاني
عاصم : امممم، لا عادي يا انسه فريدة انا متفهم ده جداً و مع ذلك هافضل انكلك الاحترام و التقدير
فريدة : متشكره جداً لحضرتك
بعد مرور اسبوع انتهت عقوبتها و عادت مره اخري لتمارس حياتها بشكل طبيعي، و اول شئ فعلته هو الذهاب لصديقتها "بلقيس"
بلقيس : بجد يعني انت بتحبي عمر !!
فريدة بخجل : اه بس انا خايفه اصراحه بمشاعري افرضي انه مبحبنيش و بيتعامل معايا زي اي حاله عنده
بلقيس : طب متحاولي تلمحيله
فريدة : ما هي دي المشكله انا مش عارفه هالمحله ازاي؟
نظرت للساعه : ده معاد الجلسه انا لازم اروحله
كان يلف في مكتبه ذهاباً و اياباً : طب اقولها ما هو مينفعش اخليها تقول لاهلها الحقيقه و انا مخبي عنها، بس يا تري رد فعلها هايكون ايه؟
اوقفه صوت طرق الباب فذهب ليفتحه بسرعه : فريدة حمد الله ع السلامه اتفضلي
فريدة : شكراً
تقدم امامها و جلس على مكتبه : عامله ايه بعد العقاب ده انا اسف اظن مكنش لازم ادفعك مره واحده كده علي طول كان لازم نستني شويه
فريدة : محصلش حاجه احنا كنا محتاجين نتكلم مع بعض شويه
عمر : و اتكلمتوا ؟
فريدة : اه، انا بجد عايزه اشكرك علي كل حاجه انت ساعدتني في تطوير شخصيتي لحد افضل مكنتش هاعمل كده من غيرك
احمر وجهه بخجل و بدا يحك رأسه : لا عادي انا معملتش غير الواجب اللي بتحتمه عليها مهتني كاطبيب نفسي
فريدة : هو انا ممكن اسألك سؤال
عمر : اتفضلي
فريدة : هو انت ليه بقيت دكتور نفسي يعني دي رغبتك الشخصيه و لا حاجه تانيه
عمر : هو الحقيقه نص نص يعني اهلي كانوا عايزني ابقي دكتور عشان
البرستيج الدكتور راح الدكتور جه و والدي اصلا كان دكتور مخ و اعصاب، بس انا قررت اتخصص ف مجال النفسي هما عارضوا حبتين بس انا اقنعتهم
فريدة : اشمعنى المجال النفسي؟
عمر : لاني بحب اساعد الناس، و لاني اؤمن ان
النفسيه البشريه معقده و ان محتاج تفهم الشخص الكويس و ظروفه قبل ما تحكم عليه
فريدة : واو ده شئ لطيف ان قد ايه طيب
عمر بخجل : شكرا، ااا اسمعي انا كنت عايز اقولك علي حاجه
فريدة : يا خبر انا اتأخرت ع الورشه معلش انا هامشي دلوقتي و هاجياك بعد ما اخلص ماشي
عمر : طبعاً اتفضلي
ذهبت مسرعه لكي لا تتأخر بينما ينظر لطيفها و تأنيب الضمير يملئه