CMP: AIE: رواية القاسي والقوية الفصل الخامس والعشرون25 بقلم مريم هاني
أخر الاخبار

رواية القاسي والقوية الفصل الخامس والعشرون25 بقلم مريم هاني


رواية القاسي والقوية
 الفصل  الخامس والعشرون25
 بقلم مريم هاني





فى صباح يوم جديد يستيقظ بطلنا الوسيم على صوت المنبه يقوم يأخذ حماما ويرتدى ملابسة المعتادة وارتدى ساعته الفخمة فضية اللون ونثر عطره الآخذ الذى يسلب عقول الفتيات وتوجه للاسفل
فهد:دادة دادة انعام
انعام:نعم يحبيبى
فهد:اعمليلى فنجان قهوة لو سمحتى
انعام:انت هتفطر ف المكتب زى امبارح
فهد بضيق لانه تذكر ما حدث امس:لا يا دادة انا هروح لاسيل عشان ننزل نشوف الفستان
انعام بأبتسامة:طالاما رايحلهم الاول يبقى فريدة هتفطرك غصبا عنك يبقى كدة مافيش قهوة ابقى اشربها من ايد خطيبتك بعد الفطار يلا روح
وتركته ورحلت اما هو ابتسم بسخرية وقال:اشرب قهوة من تحت ايديها والله انتى طيبة دى هاين عليها تشربنى سم هارى عشان تخلص منى اصلا يلا مش مهم ابقى اشربها ف المكتب بعد ما اخلص المشوار دة
خرج من قصره وركب سيارته وتوجه لمنزل اسيل لم يصعد للمنزل بل اتصل بها فقط انتظر قليلا حتى اتاه الصوت
اسيل:السلام عليكم
فهد ببرود:انا تحت انزلى يلا
لم ينتظر ردها لانه اغلق الخط هو لا يريد ان يتحدث معها لانه متأكد اذا تحدثوا سويا سيتشاجران وهو لا يود ذلك
                      •~•~•~•~•~•~•~•~•~•
اما عند اسيل عندما اغلق فهد الخط ظلت جالسة مستائة هى تعرف انها من اخطأت معه ويجب ان تتحمل عواقب خطأها هذا ظلت هكذا دقيقتين وبعدها قالت:خلاص انا هفضل اعتذرله لغاية مايسامحنى ماهو انا برضه غلطت ولازم اتعاقب انا هلبس وانزله
تجهزت وارتدت ملابسها وخرجت وجدت والدتها ولمار وصفاء جالسين يتحدثون سويا ولكن ما ان رأوها حتى صمتوا
اسيل بتوتر:مماما فهد مستنينى تحت عشان نروح نشوف الفستان ممكن
فريدة ببرود:انتى بتاخدى رأيى ولا بتقوليلى
اسيل:ماهو.......
فريدة بمقاطعة:خلاص مش فارقة اتفضلى انزلى ماينفعش تفضلى مخلياه مستنى كدة لما تبقى ترجعى نبقى نتكلم بس ابقى خليه يطلع فاهمة حتى لو رفض اجبريه
اسيل:حاضر عن اذنكوا
فريدة:اتفضلى
نزلت اسيل ووجدت فهد ينتظرها بالسيارة ركب وانطلقوا ظلوا صامتين لفترة الى ان قطعت اسيل هذا الصمت
اسيل:عامل اى
فهد:كويس
اسيل:ككنت عايزة اقولك حاجة
فهد:اتفضلى
اسيل وهى تأخذ نفس عميق:انا عارفة ان اللى عملته امبارح كان غلط وانها مش اول مرة اغلط غلط كبير كدة ومن حقك انك ماتسمحنيش مهما عملت بس.......
فهد:بس اى كملى
اسيل:بس انا طالبة منك انك تسامحنى المرة دى بجد انا مش عارفة اى اللى خلانى اقول كدة انا حتى مش لاقية مبرر لنفسى بس بليز سامحنى انا اسفة اوى والله ماهعمل حاجة تانى تضايقك صدقنى
لا ينكر انه كان سعيد لانها اعترفت بغلطها واعتذرت هو لم يتوقع هذا ابدا ولكنه كما قال لن يسامحها بسهولة هذه المرة لذلك قرر ان يمثل عليها قليلا:والمفروض انى اسامحك زى كل مرة مش كدة انا اسف يا اسيل بس المرة دى غلطتك مكنتش سهلة انتى فاهمة اى شعورى ومراتى مش طايقة قربى منها عارفة دة صعب عليا ازاى وغير كدة انتى مش بتثقى فيا يا اسيل انتى مش واثقة ف ولا تصرف او كلمة بقولها انتى مقتنعة اننا كدة ممكن نكمل سوا ممكن حياتنا تستمر اصلا
اسيل:انا عارفة ان معاك حق بس معلش صدقنى دى اخر مرة
فهد:اسيل بلاش تقولى كلام انتى مش واثقة منه لان الموضوع دة هيتكرر وكتير كمان وحتى لو متكررش انتى هتبقى بتحاولى توهمى نفسك انك خلاص تقبلتينى ومبسوطة معايا ودة مش صح وهتبقى تعيسة وانا ماتمناش دة انا اهم حاجة عندى انك تكونى مرتاحة ومبسوطة حتى لو بعيد عنى
اسيل وعيونها ممتلئة بالدموع:بس الكلام دة مش صح يافهد انا متأكدة انى هبقى مبسوطة معاك ارجوك بس ادينى فرصة واحدة وانا هثبتلك دة ارجوك فرصة واحدة
نظر لها فهد فوجد عينيها مليئة بالدموع وهو صدم من ذلك لانه معروف عنها انها لاتبكى بسهولة ولا امام احد(عشان تعرف غلاوتك يعم ابسط بقى😁😹)فأوقف السيارة:اسيل انا اول مرة اشوفك بتعيطى
اسيل واقد انفجرت ف البكاء:عارفة لانى مش بسهولة اعيط يا فهد انت اول حد اعيط قدامه بعد ماما حتى لمار نفسها عمرى ماعيط قدامها بس تعرف انا بعيط لى
صمت فهد وتركها تتحدث فأكملت:بعيط عشان انا بغبائى هخسرك وهخسر احلى حاجة ف حياتى انا بعترف يا فهد انك اجمل حاجة حصلتلى ف حياتى وانت الوحيد اللى عيطت قدامه عشان بحسك امانى انت الوحيد اللى بحس انى لو عيطت قدامة مش غلط بالعكس بحس انى المفروض اجى واعيطلك واشتكيلك انا عارفة انى غلطت اوووى معاك وانت حقك انك ماتسمحنيش بس صدقنى يافهد انا مقدرش اخسرك خسارتك بالنسبالى يعنى خسارة دنيتى كلها انت بتعنيلى كتير انت بالنسبالى حياتى كلها
فهد مصدوم وفرحان من كلامها لكن هو عايز يوصل لشئ معين لذلك قال:اسيل انتى بتقولى كدة عشان حاسة بالذنب مش اكتر اهدى كدة انتى مش واعية لنفسك بتقولى اى
اسيل بسرعة:لالا والله انا واعية لكل حاجة وقاصدة كل كلمها قولتها صدقنى
فهد بخبث:طب تقدرى تقوليلى انا لى بهمك اوى كدة ولى كمان بتعتبرينى امانك وكمان لى بعنيلك كل حياتك ممكن تجاوبى على الاسئلة دى كلها
اسيل وهى تأخذ نفس عميق:هقولك ومش هتكسف المرة دى انا.....انا بحبك ومش بس كدة وكمان بعشقك انت احلى حاجة ف حياتى انت النعمة اللى ربنا ادهالى وبدعيه كل يوم انه يخليهالى ومايحرمنيش منها ابدا فهد انا مبقتش اقدر حتى اتخيل انك مش ف حياتى ارجوك ماتبعدش عنى ومتسبنيش انا بوعدك انى.........
لم تكمل كلامها لان فهد كان قد اخذها ف حضنه ضمها بشدة لدرجة انها احست ان عظامها تكسرت ولكنها لم تمانع بل هى ايضا احتضنته واشدت فى حضنها ايضا وهو سعد لذلك كثيرا
فهد بساعدة:عارفة كمية السعادة اللى اديتهالى دلوقتى قد اى انا بعد كلامك دة مستعد اسيب الدنيا كلها عشانك عارفة انتى لو طلبتى منى دلوقتى حياتى انا هديهالك من غير تفكير
اسيل بأبتسامة:اصلا غصب عنك حياتك بقت ملكى وحدى ومحدش ليه الحق فيها غيرى بس ممكن تسبنى لان انت هتكسر ضلوعى وانا لسة سخننة وعايزة اتجوز😹
فهد بضحك وهو يبتعد عنها :ههههه سخننة يعنى ماسمهاش صغننة
اسيل:تؤتؤ سخننة😁
فهد:ماشى يستى زى ما انتى عايزة انهاردة انتى ليكى الحق تعملى وتقولى كل حاجة انتى عايزاها
اسيل:اذا كان كدة يلا صالحنى
فهد بأستغراب:اصالحك لى هو انا عملتلك حاجة اصلا يبت 
اسيل:طبعاااااا انت خلتنى اعيط وانا بصالحك وعشان كدة انت لازم اصالحنى
فهد بذهول:يعنى انتى عايزانى اصالحك عشان عيطتى وانتى بتصالحينى اصلا
اسيل:بالظبط كدة يلا بقى صالحنى
فهد بخبث:طالاما مصرة ماشى هصالحك
نظرت له بشك ووجدته يقترب منها وهو ينظر لشفايفها ففهمت على ما ينوى فعله فأبتعدت ووضعت الشنطة على فمها كحاجز بينهم
اسيل بصدمة:انت بتعمل اى
فهد بخبث:اى يقلبى هصالحك
اسيل بتوتر:لالالا خلاص مش عايزاك تصالحنى
فهد:ابدا دة انا خليتك تعيطى ولازم اصالحك وبصراحة انا عاجبنى اوى انى اصالحك اوعى بقى
اسيل بخجل:انت قليل الادب على فكرة وانا مش هوعى اوعى انت انت اللى جاى عليا
فهد بضحك:هههههههه خلاص هرأف بحالتك وهبعد بس اعملى حسابك انى هاخدها لانى مش بسيب حقى ها...وانهى كلامه بغمزة جعلتها تشتعل من الخجل وانطلقوا لوجهتهم حتى ينتقوا فستان لاسيل
                    •~•~•~•~•~•~•~•~•~•~•
اما على الناحية الاخرى فى منزل اسيل كانوا جالسين مشغولين فى التحضيرات
لمار:ماما انا هنزل اجيب حاجة من السوبر ماركت
صفاء:هتجيبى اى
لمار:ايس كريم وشبسى واندومى وبيبسى اجيبلك معايا
صفاء:لا وانتى كمان مش هتجيبى حاجة يبنت الكلب دة انتى بتقومى بمياه وسكر عايزة تموتى يبت
فريدة بضحك:ههههههه اهدى يا صفاء مش كدة
لمار:قوليلها والنبى يا فرى وبعدين هو انا كل ما هنزل اجيب الحاجات دى هتقعدى تقولى نفس الكلمتين دول وبرضه بنزل ف الاخر يبقى اى لزمته بقى خلينى انزل واجى بسرعة ونخلص عشان نشوف اللى ورانا
صفاء:انا قولت لاء يعنى لاء
لمار بهزار:وانا قولت اة اة ااااااااااااااة 
فريدة:ههههههه لمار انزلى هاتى اللى عايزاه بس بلاش اندومى
صفاء بسخرية:بلاش اى دى هى اصلا نازلة مخصوص عشان المدعوء دة اساسا
لمار:احبك وانتى فهمانى يا صفصف خلاص بقى خليكى جدعة وخلينى انزل كان زمانى جيت والله
فريدة:خلاص خليها تنزل تجيب اللى عايزاه مرة من نفسها
صفاء:ماشى انزلى بس خدى بالك من نفسك ومطوليش هاتى الحاجة وتعالى على طول
لمار وهى تخرج:حاضر حاضر يلا باى
نزلت لمار وذهبت الى السوبر ماركت جلبت ماتريدة وفى طريق عودتها الى المنزل اعترض طريقها شخص
لمار بضيق:انت تانى عايز اى يا ادهم انت محرمتش من علقة المرة اللى فاتت
ادهم:لاء محرمتش ومش هاممنى انشالله افضل انضرب لغاية ما اموت بس اهم حاجة ترجعيلى صدقينى انا ندمت وعايز ارجعلك ارجوكى
لمار:اظن انى قولتلك قبل كدة الموضوع دة تنساه تماما لانه ولا حتى ف احلامك انا ممكن ارجعلك انت شخص زبالة وحقير وانا يستحيل انى اوافق على واحد ذيك
ادهم:ماشى انا زبالة وحقير وواطى وكل اللى انتى عايزاه بس صدقينى انا اتغيرت وكل دة عشانك انتى ارجوكى سامحينى وارجعيلى
لمار:شوف يا ادهم انا مسمحاك لانى متعودتش اشيل او احقد على حد وكمان لانى متأكدة ان ربنا هياخدلى حقى منك انما انى ارجعلك ف دة مستحيل انت نجوم السما اقربلك منى فاهم ابعد بقى
ادهم:لا مش هبعد ومش هسيبك انهاردة غير لما ترجعيلى
لمار بزعيق:هو بالعافية يا اخى انا مش عايزاك ومش هرجعلك ابعد عن طريقى بقى سبنى ف حالى
ادهم:قولت.........
لم يكمل كلامه بسبب تلقيه ضربة قوية اسقطته ارضا وجعلت انفه ينزف بشدة(احسن تستاهل دة انت بنى ادم تنح😁😹)نظرت لمار بصدمة للشخص الذى فعل ذلك وصدمت لانها رأت سيف
سيف:انتى كويسة
لمار بصدمة:اة اة كويسة
قام ادهم بعصبية:انت ازاى تتجرأ وتضربنى كدة
سيف ببرود:زى ما انت اتجرأت وضايقتها
ادهم:وانت مالك انت دى خطيبتى
لمار:خبطك قطر يجيب اجلك انا مش خطيبتك
ادهم:لمار انتى خطيبتى وبتاعتى بمزاجك او غصب عنك
هنا امسكه سيف من تلابيب قميصه وقال بنفس البرود ولكن نبرة صوته كانت مخيفة وتحذيرية:هو انت بتكلمها لى انت مش بتعرف تكلم غير ستات بس ملكش ف الكلام مع الرجالة وبعدين انت ازاى تتكلم معاها كدة وانا واقف هاااا
ادهم ببعض الخوف:ووانت مالك انت اصلا تقربلها اى عشان تدخل خليك ف حالك
سيف:اخلينى ف حالى؟!دة انت جامد اوى عشان تقولى كدة شكلك متعرفش مين سيف المنياوى مش كدة
ادهم:لاء معرفوش 
سيف:بسيطة انا اعرفك مين هو
لكمه لكمة قوية اسقطته ارضا فقال:دى عشان تعرف انا مين....لكمة الاخرى.....ودى عشان اتجرأت وقطعت طريقها...لكمة ثالثة....ودى عشان ضايقتها....لكمة رابعة....ودى عشان متفكرش تقرب من خطيبتى مرة تانية اظن عرفت دلوقتى انا اقربلها اى
كان سيلكمه مرة اخرى ولكن اوقفه صوت لمار:كفاية يا سيف هيموت ف ايدك سيبه
سيف:تمام هسيبه عشان انتى طلبتى بس
قام ادهم بصعوبة وقال:لمار هو الكلام اللى قاله دة صح
كانت ستنفى ولكن قاطعها سيف بغضب وزعيق:هو مش انا قولتلك كلامك معايا انا ولا انت مش بتفهم وبعدين اة صح اتفضل امشى من هنا بقى ماشوفش خلقتك تانى
ادهم:انا همشى بس راجع تانى انتى بتاعتى انا يا لمار فاهمة
ورحل كان سيف سيلحقه ولكن اوقفته لمار قائلة:بس بقى اقف انت رايح فين
سيف بغضب:رايح اربيه واعلمه الادب اوعى سبينى
لمار بضيق:يعم اتهد بقى دة انت بوظت وش الواد مالك عامل زى التور الهايج كدة لى وبعدين ممكن تقولى انت ازاى تقول انى خطيبتك حصل امتى دة هاااا
سيف:هو محصلش بس هيحصل
لمار:يا سلام ومين قالك كدة دة مستحيل طبعا
سيف بغضب:لى مستحيل ولا لتكونى بتحبى سى عمار دة
لمار بأستغراب:عمار مين
سيف:ماتستهبليش هو انتى تعرفى كام عمار يعنى
لمار بذهول:انت قصدك عمار اللى انا اعرفه اللى اتخانقتوا سوا قبل كدة صح
سيف بضيق:اة هو
هنا انفجرت لمار ضاحكة ولم تستطع ان تسيطر على نفسها مما اغاظ سيف فقال:ممكن افهم اى اللى يضحك اوى كدة
لمار بضحك:هههههههه قول اى ميضحكش هههههههه انت ازاى تفكر كدة انا وعمار هههههههههه
سيف:اى المشكلة مش فاهم
لمار وقد هدأت قليلا:هههه اة مش قادرة اصل اول مرة اعرف انى ممكن احب وارتبط بأخويا
سيف بأستغراب:اخوكى اخوكى ازاى هو مش انتى مالكيش اخوات
لمار:لا ليا اخوات بس ف الرضاعة انا وعمار اخوات ف الرضاعة يا اذكى اخواتك
سيف بسعادة:انتى بتتكلمى بجد
لمار:ايوة بتكلم بجد هكذب عليك لى يعنى بس مالك انبسطت اوى كدة لى
سيف:عشان انا بحبك يغبية وعايز اتجوزك وكنت خايف لتكونى بتحبى عمار
لمار بصدمة:بتحبنى انا؟!😳(يعينى دة انصدم😹)





سيف:ايوة بحبك ومن اول مرة شوفتك فيها كمان وانتى مابتروحيش من بالى كل يوم بحلم بيكى وبقيت بفكر فيكى دايما لدرجة انى بقيت اتخيلك حتى وانا صاحى لمار انا مش بس بحبك انا بعشقك
لمار:سسيف انت مدرك للى بتقوله دة
سيف:ايوة مدرك للى بقوله بس عايز اسألك سؤال هو مين الولد دة شكله يعرفك من زمان
لمار بتنهيدة:دى قصة طويلة اوى
سيف:احكيهالى باين انك شايلة ف قلبك كتير احكيلى يمكن اخفف عنك شوية
لمار:انا اتأخرت على البيت ومش هينفع لازم اروح
سيف:استنى هنا انا كلمت طنط صفاء وطلبت منها اننا نفضل سوا شوية وهى وافقت تعالى بقى نقعد ف اى كافيه وتحكيلى كل حاجة
لمار بتوتر:مماشى
وتوجهوا ناحية كافيه جلسوا وطلب سيف شيئا له وللمار
سيف:ها يستى احكى يلا
لمار:بص.....كانت ستتحدث ولكن اوقفها صوت هاتفه
سيف:معلش دة تليفون ضرورى هرد وارجعلك
لمار:مافيش مشكلة اتفضل
وذهب حتى يجيب على المكالمة
               •~•~•~•~•~•~•~•~•~•~•~•~•
اما فى مكان اخر لم نذهب له من قبل انه منزل فريد العمرى
كان جالس بمكتبه يتحدث على الهاتف
فريد:اسمعنى فهد ماينفعش يكسب الصفقة دى لو خدها هيدمر لازم انا اللى اخدها
.......:عارف وعارف كمان انه داخلها عند فيك ودة اللى هيضعه بس هنعمل اى ف دماغه الناشفة
فريد:ماعرفش اتصرف لازم نعمل اى حاجة عشان نمنعه حتى لو بالغصب انت فاهم يسيف انت عارف فهد تعب قد اى عشان يوصل للى هو فيه دلوقتى ولو خسر كل حاجة هيدمر بالمعنى الحرفى ودة مش هسمح بيه
سيف:يافريد صدقنى انا عملت كل اللى اقدر عليه عشان امنعه من انه يدخلها بس هو لما عرف انك هتخش المناقصة اصر انه يدخل هو كمان ويكسبها
فريد:انا مش فاهم بس انت قولتله لى انى داخلها اصلا
سيف: قولتله لانى عرفت انه عرف ف لما تيجي منى احسن ما يعرف من برة انى كنت عارف وماقولتلوش وساعتها لاهيبقي حضرتك جمبه ولا انا كمان
فريد: طب شوف يا سيف هو فاضل على المناقصة اصلا يومين بالظبط لو وصلت لحل هقولك وانت كذلك تمام
سيف:تمام هشوف واكلمك
فريد:ماشى سلام
سيف:سلام
اغلق فريد الهاتف وظل يفكر كيف يمكن ان ينقذ صديقه من تلك الورطة التى اوقع نفسه بها وفيما هو يفكر دخلت عليه صافى وهى ترتدى شئ يظهر اكثر مما يخفى
صافى بدلع وهى تجلس بحضنه:بيبى كنت عايزة منك فلوس عشان عايزة انزل مع اصحابى اعمل شوبينج
فريد ببرود:اى اللى وداكى لفهد
صافى بتوتر:ففهد وااانا ههروحله لى يعنى انا مروحتش لحد
فريد:صافى الكلام دة مش عليا انا هاتى من الاخر روحتى لفهد لى شركته
صافى وهى تتقرب منه:حبيبى قولتلك انى مروحتش صد......
لم تكمل كلامها لانه كان جاذبها من شعرها واوقفها:انا مش قولتلك فهد دة تنسيه خالص وتبعدى عنه وحذرتك ان مجرد التفكير فيه انا ممكن اقتلك
صافى بوجع:انا مكنتش اعرف انك غيور كدة
فريد بغضب:لا يروح امك مش انا اللى اغير على واحدة زبالة زيك انا اللى يهمنى ف الموضوع دة فهد صاحبى انا مش هسمحلك ترجعيله وتدمريله حياته اوعى تكونى فاكرة انى اهبل وانى نسيت اللى حصل زمان واسباب جوازى منك وكمان عارف انتى طلبتى الطلاق منى لى لا فوقى يا ماما انا عارف انك طلبتى الطلاق عشان لاقيتى فهد رجع احسن من الاول بقى فلوس وسلطة ومركز اكبر منى دة غير ورث ابوه
صافى بصريخ وهى تفلت شعرها من يده:ايوة انت صح وانا فعلا عايزة ارجع لفهد عشان كدة طلبت منك الطلاق وهطلقنى برضاك او غصب عنك وبعدين اوعى تكون فاكر ان فهد لسة بيثق فيك زى زمان لا يا بابا فوق لنفسك دلوقتى انا لو روحت لفهد وقولتله انك بتحاول تخسره المناقصة هيصدقنى انا
فريد:عارف انك واطية وتعمليها وعشان كدة هحبسك ف البيت ومافيش خروج منه غير لما انا اديكى الاذن دة لما ابقى اديهولك يعنى
نادى على حرسه ف جاء اليه اثنان طوال وعريضين ومنظرهم يرعب فقالت صافى:انت ناوى على اى بالظبط
فريد بأبتسامة خبيثة:ولا على اى حاجة شكلك بس نسيتى فريد بتاع زمان فهفكرك....وجه كلامه للحرس....خدوها على المخزن وظبطوهالى يلا
الحرس:امرك يا فريد بيه
صافى بصريخ:فريد صدقنى هتندم على اللى بتعمله دة
فريد:انا حابب اندم انا مستعد لاى اى حاجة غير انك تدمرى فهد كفاية اللى عملتيه فيه زمان يلا خدوها من وشى
اخذوها الحرس وسط صراخها وتوعدها له بالهلاك اما هو ظل جالس شارد فيما حدث قبل 8 سنين
                   •~•~•~•~•~•~•~•~•~•~•~•
اما عند فهد واسيل كانوا لا يزالون يبحثون عن الفستان ولكن دون جدوى ف اسيل لم يعجبها شئ
فهد:اسيل مش معقول بجد ولا فستان عاجبك من دول
اسيل:اة ولا واحد عاجبنى بزمتك انت شوفت حاجة تلفت النظر اصلا
فهد:ايوة شوفت على فكرة فيه حاجات كتير اووى حلوة بس انتى اللى مش مقتنعة مش عارف لى
اسيل بضيق:يووووووه بقى اهو مافيش حاجة عجبانى وخلاص هعمل اى يعنى
فهد بهدوء:ماتعمليش انا اللى هعمل
اسيل:يعنى اى مش فاهمة
فهد:يعنى انتى هاتى حاجتك اللى ناقصة عادى والفستان دة سبيه عليا انا عارف اى اللى هيرضيكى ويعجبك
اسيل:ومالك واثق من نفسك كدة لى مش يمكن يطلع زوقك مختلف عن ذوقى وميعجبنيش
فهد بسخرية:لا بجد على اساس مين اللى نقى فستان الخطوبة بتاع سعاتك وانبهرتى بيه هاااااا
اسيل:احم اقنعتنى
فهد:لا تسوى حالك فاهم يا شطور
اسيل:اوباااااااااااا دة انت ليك ف الالش اهو
فهد:يبنتى افهمى انا معاكى واحد تانى غير فهد اللى بتشوفيه ف الشغل خاااااالص ولا مأختيش بالك
اسيل بخجل:لاء اخدت بالى والصراحة دى حاجة عجبانى
فهد بغرور مصطنع:اصلا انا كلى على بعضى عاجبك بس انتى بتكابرى او مكسوفة تقولى
اسيل:اى اى يابا اهدى على نفسك اى النفخة دى مش اوى كدة
فهد:تقدرى تنكرى انى اعجبك
اسيل:انكر طبعا
فهد بغيظ:اسييل
اسيل بضحك:هههههه يعم استنى اكمل كلامى انا اقصد انك بتعجبنى اوووووووى مش بتعجبنى بس
فهد:انا بقول نروح احسن يلا بينا
اسيل:هههههههه ماشى بس عايزة اتكلم معاك ف موضوع مهم بخصوص الشغل ممكن نقعد ف اى كافيه وبعدين نروح
فهد:بس كدة دة انتى تؤمرى اتفضلى يا اميرتى
ذهبوا لكافيه وجلسوا وطلب فهد مشروبات لهم هما الاثنان وقال:ها يستى قوليلى فى اى
اسيل بتنهيدة:بصراحة هو الموضوع بخصوص المناقصة
فهد بأستغراب:مالها المناقصة
اسيل:مش عارفة يفهد بس حاسة انها مش كويسة وحاسة ان فيها حاجة غلط
فهد:انتى سيف كلمك ف الموضوع دة
اسيل بأستغراب:لا انا اصلا بقالى فترة ماشفتوش لى بتقول كدة
فهد:اصل هو كمان بيحاول بكل الطرق يقنعنى انى اسيب المناقصة دى مش عارف لى
اسيل:على فكرة هو عنده حق انت نفسك مش حاسس ان فيه حاجة غلط يفهد الشروط اللى محطوطة غريبة جدا انهى مناقصة دى اللى بتطلب امضاء من الطرف الرابح على عقد ينص على ان على كل حاجة هو المسئول عنها سواء قبل او بعد استلام المناقصة
فهد:انا فعلا استغربت الموضوع دة
اسيل:وطالاما انت مستغربه لى مكمل فيه
فهد:بصراحة يا اسيل انا داخل المناقصة دى عند ف فريد
اسيل:مش فريد دة اللى هو جوز طليقتك
فهد:هو مش بس كدة دة كان اقرب صديق ليا زى سيف واقرب كمان من سيف
اسيل بصدمة:ازاى يبقى صاحبك كدة ويتجوز طليقتك ازاى
فهد:دايما الضربة بتجيلك من اقرب الناس ليكى وعشان كدة انا مش بثق ف حد بسهولة
اسيل:طب احكيلى اللى حصل
فهد:من حوالى 8سنين كنت لسة متخرج وكنت عايز ابنى كيان ليا انا لوحدى بعيد عن ابويا ساعتها هو رفض بس انا فضلت مصر على قرارى
Flash Back
فهد:بصوا بقى انا هعمل شركة خاصة بيا ومحتاجكوا معايا ها اى رأيكوا
سيف بحماس:معاك طبعا يبرنس مع ان ابويا هيعملها خناقة مالهاش اول من اخر
فريد بهزار:فى اى يلا اجمد كدة انت مشوفتش فهد وقف ف وش ابوه ازاى دة ولا كأنه بيدافع عن حبه يجدع
سيف بضحك:هههههههه معاك حق بس دة فهد يابا هتقارنى بيه ازاى انت اهبل
فهد ببرود:معاك حق مينفعش يقارن القطة بالفهد
فريد:اوبااااااااا على الكسفة اللى انت فيها يا حازم😹
سيف:فى اى يخفة ماخلاص انت وهو
فريد:ولا اظبط بدل ما احطك ف الحبس ومتطلعش منه لاخر عمرك
سيف:ساعتها هتهمك بسوء استخدام السلطة
فريد بسخرية:ابقى شوف مين هيعبرك
فهد بزعيق:بااااااااااس انتوا الاتنين ها يا فريد انت اى رأيك
فريد:شوف يا فهد انت عارف انى يدوب ماسك شركة ابويا الله يرحمه بالعافية غير شغلى
فهد:خلاص يا فريد مافيش مشكلة 
فريد:استنى بس يعم انت بص انا هشارك معاكوا بس بالفلوس بس وانتوا عليكوا تولى الادارة 
سيف:بس مهما كان انت لازم تعرف كل حاجة بخصوص الشركة نسبتك فى الارباح الصفقات وكل الحاجات دى
فهد:سيف معاه حق مهما كنا صحاب الحاجات دى مينفعش فيها الاستهتار يا اما تتابع معانا يا اما بلاش
فريد بهدوء:اسمعونى طيب دلوقتى ابوك وابوه مش هايوفقوا يساعدوكوا ف المشروع دة صح
فهد/سيف:صح
فريد:تمام يبقى تسمعوا الكلام وتاخدوا منى الفلوس وتكملوا المشروع وبخصوص الادارة عشان اريحكوا هبقى كل فترة اجى اطمن على الشغل واشوف الدنيا لكن مش هتابع دايما اول بأول وطبعا دة لانكوا عارفين ظروفى تمام كدة
سيف:انا شايف ان دة حل كويس
فهد بعدم اقتناع:لا بس برده يا فريد لازم تتابع كل حاجة بنفسك واول بأول كمان عشان لو حاجة حصلت يعنى

فريد:فهد انت بتقول اى هو انا يعنى مش بثق فيكوا يبنى احنا مع بعض من لما كنا عيال صغيرة مش هاجى دلوقتى اشك فيكوا انت كدة بتغلط ف صداقتنا
سيف:فريد معاه حق يافهد انت كدة بتغلط ف صحوبيتنا وفينا 
فهد:يجماعة اهدوا انا مكنش قصدى كل دة بس فعلا الحاجات دى بتعمل مشاكل حتى بين الاخوات
سيف:وانت مين قالك ان احنا اخوات اصلا احنا روح واحدة يافهد احنا واحد مش تلاته ومحدش فينا هيضر نفسه صح
فريد:تصدق يلا اول مرة تقول كلام له قيمة وموزون😹
سيف بغرور مصطنع:طبعا يبنى عشان تعرفوا قمتى بس
فهد:طيب بما انكوا موافقين ف انا كمان موافق وربنا يقدم اللى فيه الخير




سيف:اشطا انا هكلم المحامى ونظبط كل حاجة
فريد:استنى يا بأف مش لما نشوف شركة الاول
فهد:اطمن انا لاقيت واحدة مناسبة جدا
سيف:يبقى كله تمام كدة انا هروح اشوف المحامى
فهد/فريد:اشطا
Back
فهد:كانت كل حاجة ماشية تمام لغاية مادخلنا مناقصة وكانت كبيرة جدا لدرجة اننا حطينا فلوسنا كلها فيها طبعا عملنا كدة لاننا متأكدين اننا هنكسبها وكمان كانت هتنقلنا نقلة تانية بس الغريب ان فريد ف المناقصة دى بالذات كان متابع كل حاجة من اولها واول بأول طبعا كنت مبسوط لان كدة هو هيبقى شايف كل حاجة بعنيه والدنيا تمام
اسيل:تمام كل دة حلو بس اى علاقة طليقتك بيه
فهد:ف الوقت اللى كنت بأسس فيه شركتى انا اتعرفت على صافى كنت مخدوع فيها وفاكر انها بتحبنى المهم اننا اتخطبنا رغم اعتراض الكل واولهم ابويا حتى فريد وسيف كانوا معترضين بس انا وقفت ف وش الكل عشانها هى المهم اتخطبنا وكله تمام بس كنت بلاحظ دايما انها بتقولى انت لى تاعب نفسك ف كل دة امسك شركات باباك احسن بس انا كنت برفض ومش بحط ف دماغى لغاية ما جه يوم المناقصة اكتشفنا ان حد لعب ف الورق وسرق الورق واداه لشركة منافسة وبالتالى خسرنا المناقصة وكمان صاحب الشركة المنافسة اتهمنى بالسرقة لان العرض كان زى بتاعه
اسيل:بس دة عرضك انت
فهد:بس هو قدمه الاول وبالتالى بقيت انا الحرامى اتسجنت وطبعا ابويا ماسعدنيش عشان يعرفنى انى كنت غلطان لغاية ما ف يوم جه سيف وقالى انه عرف مين اللى ورا كل دة لما سألته قالى ان فريد هو السبب مصدقتش قالى انه معاه الدليل كان مصور واحد بيعترف ان فريد هو اللى ورا كل دة وان هو اللى وزه عشان يسرق الورق ويقدمه للشركة المنافسة ولما واجهته بالكلام دة مأنكرش بل العكس اعترف بكدة ساعتها قطعت علاقتى معاه بعديها بأسبوع لاقيت صافى بعتالى رسالة بتقول فيها انها مش هتقدر تكمل معايا لانى خلاص مابقتش فهد السيوفى المليونير خصوصا ان ابويا كمان حرمنى من فلوسه وبعدها على طول سمعت انها اتجوزت فريد
اسيل:طب وانت طلعت ازاى
فهد:لاقينا حد باعت ادلة تثبت برائتى بس مش كاتب اسمه وساعتها خرجت بس خرجت واحد تانى خالص واحد قاسى معندوش قلب ولا بيرحم حد
اسيل:بس انت احسن واحد ف الدنيا دى كلها على فكرة
فهد بهزار:لا يقلبى انا بس اللى تعاملى معاكى انتى مختلف سيكا مش اكتر😹
اسيل بضحك:ههههههههه انت صح يلا بقى عشان فرى عزماك على الغدا ومحرجة عليا انك لازم تيجى يا اما هتزعل منك اوى
فهد:وانا مقدرش على زعل فرى طبعا يلا يستى نروح
اسيل:يلا
ذهبوا الاثنان من الكافيه وتوجهوا الى منزل اسيل وعند وصولهم تفاجأ فهد بوجود سيف عندهم
فريدة:اذيك يا حبيبى عامل اى
فهد:انا الحمدلله يا ماما انتى اى اخبارك
فريدة:ماما؟!
فهد بأحراج:لو مش حابة انى اندهل.......
لم تكمل كلامه لان فريدة شدته من اذنه قائلة:بس يولا اوعى تكملها قال محبش قال انا بس استغربت مش اكتر
فهد بوجع:اة اة اة خلاص انا اسف يخربيت اللى يزعلك
اسيل:خلاص يا فرى سبيه بقى حرام وجعتيه اوى
لمار:هييييييح الحب ولع ف الدرة يجدعان ماتنشفى كدة يبت فى اى مالك
سيف:والنبى اسكتى انتى دة انتى فصيلة اطلعى منها وهى تعمر صدقينى
هنا ظهر عمار:ياااااااااه اخيرا شرفتى انتى والبيه جوزك يلا بقى حطولنا الاكل عايزين ناكل
صفاء:يختااااااااااى تعالى يا فريدة معايا على المطبخ انا دماغى وشت من المورستان دة
فريدة:ومين سمعك تعالى يلا وانتوا يا بنات حصلونا
لمار/اسيل:انشاء الله
فهد:انت اى اللى جابك هنا صح
سيف:ابدا قابلت لمار ف الطريق وكان فيه واحد بيضايقها ف بعدته عنها وجبتها هنا وطنط فريدة وصفاء مسكوا فيا
فهد بشك:لا بجد
سيف بتوتر:اة
عمار:صحيح يا استاذ سيف انا بشكرك جدا على اللى عملته مع لمار مش عارف من غيرك كانت هتعمل اى
لمار:ولا اى حاجة كنت هلم عليه الناس زى المرة اللى فاتت
سيف بضيق:والنبى يا عمار قوم هتلنا حبل ولزق الله يكرمك
هنا نظر فهد واسيل لبعضهما وانفجروا ضاحكين لانهم تذكروا عندما ربطها فهد والصق فمها باللاصق حتى لا تتحدث 
عمار بأستغراب:ماتضحكونا معاكوا
لمار:اسيل فى اى ها فى اى فى اى
سيف:اهدى عشان تتكلم وانت انطق فى اى انت كمان
فهد وهو يسيطر على نفسه:لا ابدا متاخدش ف بالك
لمار:احكى انتى
اسيل:مافيش حاجة مهمة
لمار:بت عليا انا
اسيل بخبث:طب ماتحكى انتى اللى حصل معاكى....وهى تنظر لسيف ففهمت لمار مقصدها
لمار:انا بقول نسيبهم براحتهم احسن
عمار بضحك:هههههههه ماسكة عليكى ذلة
لمار بخبث:طب تحب احكى لما كنت صغير.......
عمار:بااااااااس الله يفضحك خلاص
اسيل:تستاهل
سمعوا صوت صفاء من الداخل تقول:لمااااااار اسييييييل انتوا يا جزم تعالوا يلا
لمار:يلا يبنتى مافيش فايدة
اسيل:يلا
دلفوا المطبخ يساعدون صفاء وفريدة ف تجهيز الطعام وحين انتهوا وضعوه على السفره وتناولوا الجميع الغداء وقضوا بقية اليوم سويا وبالطبع كانت الجلسة لا تخلوا من ضحك وهزار لمار وعمار وسيف وفى النهاية ذهب كل واحد الى منزله ينتظر يوم جديد.



تعليقات



حجم الخط
+
16
-
تباعد السطور
+
2
-