CMP: AIE: رواية قلوب ارهقها نبضها الفصل السادس الثلاثون36بقلم نرمين قدري
أخر الاخبار

رواية قلوب ارهقها نبضها الفصل السادس الثلاثون36بقلم نرمين قدري


رواية قلوب ارهقها نبضها
 الفصل السادس الثلاثون36
بقلم نرمين قدري


 

مسك تفتكري هعرف اعيش من تاني
ندي / بتحدي اه هتعرفي تعيشي من تاني و هتوريهم انك ضد الكسر قومي يا مسك مش واخده عليكي انك ضعيفة كده 
و ريهم يا مسك أن الضربه مموتتكيش صنعت منك جبروت قوت قلبك 
مسك / يارب اعرف يارب يا ندي ادعيلي يا ندى 
ندي  بقوة:
لازم تعرفي مش بمزاجك علشان تعرفي تعيشي تعالي ندور علي شغل الاول نشوف تقدري تعملي ايه ولازم تنجحي يا مسك مش بمزاجك لازم تنجحي 
مسك/ ياريت ياندي اقدر فارس و بيجاد وحشوني قوي بعدهم طول قوي 

ندي/ ربنا أن شاء الله يقرب البعيد يا حببتي ويجمع شملكم من جديد يا حبيبتي 
سافرت ندي و ماجد واخدو معاهم لوجين ورجعت مسك لبيت اختها مرة أخري
بدأت مسك تتأقلم مع الوضع وتبحث عن عمل وكل ذلك  تحت أنظار  بيجاد متابعها خطوه بخطوه وفر لها شغل محترم في بنك عن طريق اعلان في جريده عن وظائف خالية و كان الإعلان مقصد ليها بشهادتها و اشتغلت في أكبر بنوك اسكندريه 
بااااك

مسك /انا تعبت يا عطر من كتر ما بدور علي شغل بصراحة حاجة صعبه لو ما كنتش جايبة امتياز كانوا عملوا ايه بجد حاجة تزهق 
عطر / بوهن شديد عندك حق يا مسك معلش اصبري اكيد هتلاقي اممم
انتبهت مسك أن عطر تعبانه 
مسك /مالك يا عطر في ايه لونك مخطوف كده وشكلك مش علي بعضة انتي عيانه طايب حاسة بأية 
عطر / مش عارفه يا مسك شكلي اخدت دور برد جامد معدتي وجعاني ومافيش حاجة بتثبت فيها 
مسك عيونها لمعت وقلت بابتسامة 
مسك /لتكوني حامل يا عطر دي اعراض حمل والله هي اعراضه 
عطر التفتت لمسك ونظرت لها نظره عدم تصديق 
عطر / لاء استحالة لاء لاء بصي يا مسك مش عاوزة اعشم نفسي علي الفاضي علشان انا تعبت قوي كل شهر وانا بعشم نفسي 
مسك / بس المرادي غير انا حاسة قوي انك حامل يا عطر ان شاء الله حامل يا قلب اختك من جوا 
سهمت عطر وسرحت بعيد يا تري ايه احساس محمد قطعتها مسك وقلت بلهفة 
مسك / انا نزله اجيب اختبار حمل و راجعه مش حتاخر عليكي 
عطر /بلاش يا مسك انا خايفة بجد لا يكون مش حمل 
مسك/ سمي الله كده وان شاء الله كله خير 
نزلت مسك وجابت اختبار وفعلا دخلت عطر جربت
طلعت عطر وعلي وشها ابتسامة غريبة وعلامات عدم تصديق
مسك / بضحكة احلفي حصل صح حصل وكتاب الله شكلة حصل الف مبروووك يا حببتي
عطر / حصل يا مسك انا حامل مش مصدقة الف حمد وشكر ليك اللهم لك الحمد يارب 
قطع كلامهم رنين جرس الباب 
جرت مسك تفتح كانت مروة وهند 
مروة كانت خلاص قربت تولد دخلت مروة وهند 
هند/بنات ليكم عندي خبرين احلي من بعض
مسك/استحالة مش احلي من الخبر اللي عندنا
مروة الله لا شوقتوني قولوا بقا انا عماله اتحايل عليها طول طريق تقولي ايه اللي عندها مش راضية واهو مسك كمان عندها خبر يلا بقا عاوزين نفرح بقا انطقوااا
مسك /عطر حامل 
هند / بصره انا كمان حامل 

مروة الله مشاء الله يارب زيد ايه جمال ده 
مسك/ طايب يا هند ده خبر فين التاني بقا 
هند/ حظروا ايه ممكن يكون 
مروة قولي بقا ما تبقيش رحمة بقا
هند بضحك :
خلاص خلاص هقول لقيت شغل لمسك 
قامت مسك من مكانها انتفضت وقالت بلهفة
مسك بعدم تصديق
احلفي بالله عليكي بجد يا هند لقيتي فعلا شغل ليا فين وايه 
هند/ بصي كده الاعلان ده انا حاسيتك فية
وطبعا ماجد هو اللي بعت هند بلجريده 

قرأت مسك مطلوب موظف للشغل في بنك كبير بمرتب مغري للعمل مدير حسابات بشرط الحصول علي درجة الامتياز
مسك /معقول هو في كده ده اكنه متفصل عليا بس لاء استحالة يقبلوني يعني هيسيبوا الناس دي كلها و يختاروني انا لا لاء متعقدش خالص 
عطر /روحي جربي يا مسك مش هتخصري حاجة علشان مترجعيش تندمي بعد كده 
لمعت عيون مسك وقالت :.
- ماشي هحرب بس ادعولي 
و بالفعل ارتدت  مسك ملابس مرتبه و ذهبت 
وقبلت في الوظيفة وأصبحت مديرة الحسابات في اكبر بنوك اسكندريه. 
باااااك

اشتغلت مسك بجد واجتهاد وثبتت نفسها في مجالها وأصبحت محبوبه من كل رؤساءها 
ولدت مروة وجابت بنوته جميلة سمتها ملك وكانت فرحة مسك بيها مش سيعها كانت بتشوف ابنها في كل طفل بيتولد
وفي المستشفى وقفت مسك بجانب مروة لأن عطر و هند الحمل تاعبهم وبالأخص عطر كانت حامل في توام 

مسك / حمدالله على السلامه يا رورو جبتي عروسة زي القمر مشاء الله عليها 
مروة /ربنا يخليكي يا مسك انتي لو اختي شقيقة مش هتعملي اللي بتعمله معايا 
قالت مسك متصنعة الزعل: 
- اتصدقي انا كده ازعل هو انا مش اختك يا مروة 
مروة بحب
-ربنا يعلم يا مسك انا بعتبرك اكتر من اخت
قالت مسك بحنين:
- مافيش اخبار عن بيجاد يا مروة وحشني قوي قوي بجد خلاصة معدتش قادرة اصبر اكتر من كده بجد مش قادرة 
قطع كلامهم خبط علي الباب ودخلت ندي تحمل لوجين 
و فور أن لمحتها مسك جرت اخدت لوجين منها 
قالت مسك بحب وشوق /بنتي حببتي وحشتيني وضمتها لحضنها 
و كانت غافلة عن من دخل وراء ندي 
رفعت عينيها علي صوت بيقول بسخرية 
الله الله انتي زي القطط بقا بسبع ارواح أن قلت هتتكسري بعد اللي حصلك 
رفعت مسك عينيها علي صاحبة الصوت وما كانت سوا فاطمة 
أعطت مسك لوجين لندي والتفت لفاطمة
مسك وهي رافعة رأسها لفوق /و انكسر ليه انا اقوي من أن انكسر 
ضربتك قوتني مش كسرتني و لو قصدك علي بني هو في مكان احسن علي الاقل في حضن أبوة وهيتعلم في بلاد برا هعوز ايه اكتر من كده وانا شغاله في مركز كبير الحمد الله الرك علي مش بيعرفوا يفكوا الخط و لسة قاعدين زي ما هما ورا الجاموسه 
ضحكت مروة هه هههههههههههه اه بطني يخربيت عقلك يا مسك اه
فاطمة/ بغيظ انتي متعرفيش أن انا ممكن بالفيديو اللي معايا ممكن افضحك علي النت
مسك /طظ بليه و اشربي مايته طظ يا فاطمة نزليه علي الاقل هبقي ترند واخد فلوس كمان ايه مش بتتفرجي علي التيك توك انا بقي هبقي نجمة التيك توك و اوهو كله قالع محدش هيفرق مين عن مين 
وفجاءة انفتح الباب ودخل اشجان 
اشجان / مسك مش معقوله ازيك يا حببتي 
مسك / مسك ماما حمد الله على سلامتك ازيك وحشتني اخبارك ايه 
اشجان تعالي في حضني يا حببتي انتي عاملة ايه حقك علينا معرفتش اقف جمبك حقك عليا يا بنتي
مسك / ولا يهمك يا امي الحمد لله على ربنا عاوزة هو اللي كان وانا صابرة ومحتسبة وان شاء الله خير من عند ربنا
اشجان ربنا يديكي اللي انتي عوزاه يا حببتي 

التفت اشجان لمروة 
اشجان / حمد الله على سلامتك يا قلب امك 
مروة الله يسلمك يا امي 
اشجان / فين عروستنا بقا عاوزة اشوفها 
مروة دلوقتي هيجبوها بغيرولها هدومها
اقتربت فاطمة . من السرير وقالت : 
حمد الله على سلامتك يا مروة عقبال العوده 
مروة /تسلمي يا ام فرح عقبال ما تفرحي ببناتك 
فاطمة/في حياتك يا مروة اصل الضنا غالي قوي علي القلب ولا ايه يا مسك يووووووو بنسي وانتي هتعرفي معزة  الضنا منين الله يكون في عونك انتي حتي ملحقتيش ترضعيه ربنا يصبرك بقا 
مسك وقد تحملت علي نفسها فوق المستطاع 
مسك / حسبي الله ونعم الوكيل فيكي ربنا أن شاء الله هيقعد هولك يا فاطمة 
التفت مسك لمروة 
مسك بعصبية / مروة انا هنزل اقعد تحت في الكافتريا لحد ما ضيوفك يمشوا 
اشجان /انا مش ماشية يا مسك لو حابه يا حببتي تروحي ترتاحي انا هقعد معاها 
مسك /لاء انا هستني تحت يا ماما ولو احتاجتي حاجة خلي مروة ترن عليا و لسة هتخرج فتح الباب و دخلت هند و عطر 
تنحت مسك ونظرت  لمروه وبرقوا لبعض 
اتفاجاءت عطر و شها لون اول ما شافت فاطمة 
دخلت هند بعشم مش معقول ماما اشجان ازيك 
اشجان بتوتر  /ها اه يا بنتي ازيك 
فاطمة / هو مافيش حد يعرفني علي السنيورة اللي عارفة العيله كلها و انا معرفهاش 
التفت هند لصاحبة الصوت ولسة هتعرفها بنفسها
مسك /تعالي ياهند سلمي علي مروة و اعرفك دي فاطمة 
التفت هند لفاطمة و نظرت لها  بدقة مبالغ فيها ثم قالت 
هند / ااه و الله جد اهلا
فاطمة /بردو معرفتش مين سنيورة 
فتح الباب ودخل ماجد و امجد ويوسف 


تعليقات



حجم الخط
+
16
-
تباعد السطور
+
2
-