CMP: AIE: رواية غفرانها الفصل الاول1بقلم شروق حسام
أخر الاخبار

رواية غفرانها الفصل الاول1بقلم شروق حسام


 رواية غفرانها الفصل الاول1بقلم شروق حسام


_"أنا اتجوزت"


_"فريد بطل هزارك ده واقعد عندي ليك خبر لا مش خبر عندي ليك مفأجاة تجنن هتبسطك اوي"


_"أنا ح..."


فريد بحزن وهو بيقطع كلامها "انا مش بهزر انا اتجوزت منال والنهاردة كان كتب كتابنا"


فريدة بصدمة " انت بتقول ايه انت شكلك اتجننت ومش في وعيك انت مستحيل تعمل فيا كدا بعد الحب ده كله"


_"الشرع محللي اربعة وانا اتجوزتها عشان اربي ولاد اخويا ويبقوا في حضني وميتربوش مع حد غريب"


_"ههههه اتجوزت حبيبتك اللي سابتك زمان ووافقت علي اخوك عشان فلوسه لا برافو"


فريدة بقوة "بص بقي يابن عمي ياللي المفروض تبقي سند ليا في الدنيا انا ضحيت كتير عشانك وعملت المستحيل عشان اتجوزك بس اللي بيجي عليا بنهيه من حياتي لا مش بنهيه بنفيه شغل انا بحبك ما تتجوزش عليا ما تسيبنيش مش عليا انا انت فعلا واحد ما يستاهلش صدق اللي قال خيانه ما بتجيش غير من اقرب حد ليك"


_"بتحسب ايه بتحسب اني مغفله وان انا مش عارفه علاقتك بيها زمان واللي انت كنت بتحبها من ورا اهلك كنت مستني الفرصه المناسبه عشان تتجوزها بس هي سابتك زي... اعرفها انت بقى من غير ما اقول"


_"يا فريده اسمعيني امي هي اللي قالت لي اتجوزها والا هتغضب عليا ليوم الدين هي مش عايزه تربي احفادها بعيد عنها"


_"اوه مرات عمي امي الثانيه فعلا ههههه الخيانة مش بتيجي غير من القريب ده انا كنت بحبها اكتر من امي نفسها كنت بهتم بيها واجهز لها الاكل وانظف لها الشقه كنت زي الخدامه تحت رجليها باعتبارها امي وصاحبتي وكل ما ليا وبير أسراري الله يرحمك يا بابا مت قبل ما تشوف اللي ابن اخوك بيعمله فيا لو كنت عايش كنت جبت لي حقي بس عادي انا هجيب حقي بايديا"


_"انا نازله شقتي ويا ريت ورقه طلاقي توصلني في اسرع وقت عايزه اخلص من القرف اللي انا فيه"


فريد وهو بيحاول يحضنها "والله العظيم هي فتره وهطلقها انا مش بحبها ما بقيتش احبها والله بحبك انتي انا عملت كده عشان امي وعيال اخويا ما يتربوش مع الغريب يجي لها بس ابن الحلال وانا هطلقها وهجوزها بايديا"


بعدته عنها وهي بتضربه بالقلم على وشه وبترفع صباعها ناحيته "اياك تقرب مني تاني انا بحذرك وايه اللي انت بتقوله ده عذر اقبح من ذنب كان في 100 حل غير ده انك تعمله وتحافظ على اولاد اخوك زي ما انت بتقول بس انت حنيت ليها تاني"


_"ده يا جدع اسمي جزء من اسمك ازاي قدرت تعمل كده فيا ها قولي ازاي مبررات مبررات مبررات مبررات فاضيه ملهاش معنى انا مش عايزه مبرراتك انا عايزه اطلق"


_"انا مش ضعيفه ولا مكسور زي ما انت فاكر ابويا الله يرحمه عمره ما علمني الضعف انا اقوى من ما انت متخيل مش انا اللي اتكسر بسهوله يا يا زوجي الخاين المصون كلمتين مختلفتين صح بس عمرهم ما يليقوا مع بعض انت خاين وبس خاين"


_"خلي السنيوره تنفعك يا طليقي المستقبلي هي واولادها وامك معاهم بالمره الله يجحمكم" "حسبي الله ونعم الوكيل فيكم وفي كل واحد بيتجوز على مراته اللي بيحبها او اللي عامل نفسه بيحبها اصلا"


دخلت لميت هدومي بسرعه وانا كاتمة حسرتي وصدمتي جوايا وانا نازله على السلم قابلتها


منال بشماته " هيهيهي اخبارك ايه ضرتي" "ايه ده انتي رايحة فين فوفو حبيبي طلقك ولا ايه انا عارفه ان هو بيحبني انا اشترطت عليه ما يبقاش ليا ضره ويطلقك"


_"حلوه الاحلام حلمك اتحقق المره دي خديه واشبعي بيه تولعي انت وهو بجاز بجاز ايه ده الجاز اغلى منكم"


منال وهي بتزقها "انتي بتقولي ايه يا حيو***"

يتبع

                    الفصل الثاني من هنا

لقراءة باقي الفصول من هنا



تعليقات



حجم الخط
+
16
-
تباعد السطور
+
2
-