رواية قسوة الحياة الجزء الثاني2الفصل الثالث والعشرون23والرابع والعشرون24بقلم ريتاج محمد
عند سجدة ونور بعد ما سجدة خلصت كلامها
قالت لنور:
_يلا روحي بقى ..واوعي حد يشوفك
نور بأرتباك:
_طب افرضي طب عرف انو انا.....
سجدة بتشجيع:
_ولا يهمك يباشا انتي وراكي اسود
نور بسخرية:
_اسود اة ...دا اول لما بينفخ فيكي بتتقلبي صرصار مضروب بالشبشب
سجدة وهي بتزُقها براح:
_طب بس يلا ..انجزي بقى وانا هستناكي...متتأخريش ها
مشيت نور
ودخلت جراج الجامعة وكان مليان كاميرات
نور وطت راسها بسرعة وقالت بصدمة:يلهوي يلهوي لو الكاميرات لقطتني وربي ماهيحلني
بس شجعت قلبها وقالت :بس لا يستاهل الي هعملوا فية
وقربت اكتر وهي منزلة راسها لحد ما وقفت عند عربية اياد
وطلعت مفك من جيب الشنطة وقالت وهي باصة للعربية والمفك:يلا كُنتي غالية ..انا عارفة انك ملكيش ذنب على فكرة...بس اعمل اي بقى صاحبك دا عيل ن'طع وضربني بالقلم ...انا عارفة ان مينفعش ابالغ كدة وادشملة العربية ...بس دي فكرة ماما سجدة بقى اعمل اي وابتدت الاول بالكوتشات وبعدين بدأت تخرشم في العربية وكسرت الازاز كلهُ
ورسم عالعربية قلوب كبيرة وصغيرة
وفننت بقى
وحطت المفك في الشنطة تاني
وخرجت وهي بتتسحب وموطية راسها في الأرض
وراحت عند سجدة
سجدة بفرحة:
_ها سبع ولا ضبع
نور :
_سبع يختي ..انجزي بقى يلا نمشي قبل ما يشوفنا
سجدة:ونتي خايفة كدة لي.
احنا ملناش دعوة
لا ولا انتي عملتي حاجة
نور:اي يابت دة.
سجدة الله لأ يسيبك انجزي
سجدة:طيب يلا
وخرجوا ركبوا تاكسي وروحوا
.......
بعد كام ساعة كان اياد خلص المحاضرات الي علية
خرج الجراج عشان يركب ويمشي
وكان بيتكلم في الفوم مع صديقة
وقف عند العربية
وكان بيتكلم
:الو يابني ...محماا انت بقيت اطرش
محمد:يعم متقوليش محما يعم اسمي محمد محماااااااد
اياد:محما ..تيرارارا محماا ترا..و ايدة ....🤨
محمد باستغراب:في أي ياعم مالك ..؟!
اياد :اقفل اقفل دلوقت وهبقى اكلمك بعدين
قفل معاة وقال بعصبية:وديني لطلع ****الي عمل كدة
وراح للمدير بعصبية
المدير باحترام:مالك يا اياد في أي
اياد وهو بيحاول ميتعصبش:لو سمحت يافندم عايز
اشوف سيستم الكاميرات
المدير بتساؤل:لي يابني في أي
اياد:لو سمحت يافندم اشوف الزفت وبعدين ابقى اقولك
المدير :تمام وراحوا اوضة كان فيها شاشات كتيرة
اوي
اياد للشاب الي كان قاعد:معلش رجعلي كام ساعة كدة
الشاب باستغراب :تمان وفعلا رجع كام ساعة
اياد شاف واحدة ماشية وهي حاطة راسها في الأرض
وبعدين قربت عالعربية وطلعت مفك وبدأت تقول حجات كدة
وبعدين بدأت تبوظ العربية
اياد بص كتير وهو بيهز ف رجلة بعصبية
وقال بهمس:بقى بتخبط وشك ومفكرة اني مش هعرفك هاااا وربي ماهحلك يانور
المدير:ايدة ايدة ايدة ..مين البنت دي ..اي الي هي بتعملة دا ..دي لازم تتعاقب
لو طلعت طالبة هرفدها ..مينفعش المهزلة دي
اياد قال للمدير:لا يفندم متشكر جدا بس انا عارف هعمل اي
المدير:تعمل اي في اي ..انت مش شايف ..؟!
دس بوظت العربية خالص
اياد:يفندم قولت لحضرتك انا عارف هعمل اي خلاص
عن اذنك
المدير:اذنك معاك يبني
مشي اياد
واتصل على حد جابلة ونش يشيل العربية وودتها لمكانيكي (بصوا انا مش متأكدة ان اسمو ونش بس عمتا هو البتاع الي بيرفع العربيات)
وبعدها ركب تاكسي وراح على بيت هنا وسراج
________________________
عند بدر ويزن
خدها في مطعم وقعدوا يكلوا
بدر بتردد:ي..يزن انت هتعمل اي بعصام
يزن بهدوء وهو بياكل: مفيش هعلموا الأدب بس مش اكتر بتسألي لي..؟؟!!
بدر :عشان يعني خايفة ليتعرضلي تاني
يزن بصلها كتير وقال:لما تبقى متجوزة ست ابقى قولي خايفة يتعرضلي
بدر:مش قصدي بس يعني اصل بقيت مش بأمنلة
بحس انو ممكن ينطلي من كُل حتى
يزن:طب غيري الموضوع ..
بدر:تفتكر اهلك هيتقبلوني
يزن :متخفيش هيتقبلوكي
بدر:طيب
خلصوا أكل
وخدها ولفوا بالعربية شوية ووقفوا على الكورنيش عالنيل
واتمشوا شوية وكان في واحد واقف بيعمل غزل بنات
وبيبيع ايس كريم
بدر بصت علية شوية وبعدين رجعت تبص للنيل
اتحرجت تطلب منة حاجة
يزن لاحظ كدة
وقال :بقولك اي انا نفسي في ايس كريم
وغزل بنات عايزة ؟؟!
بدر بكثوف:لا لا شكرا مش عايزة
يزن:اسكتي .هجيبلك بردك
وراح عند الراجل وجاب اتنين ايس كريم وواحدة غزل بنات
واداها لبدر
بدر:مجيبتش لنفسك غزل بنات لية مش كنت بتقول عايز
يزن:متبقيش لكاكة كلي وانتي ساكتة
وقعدوا يتكلموا
وفوسك ما هم بيتكلموا
جة مجموعة شباب عليهم
واحد من الشباب بغمزة لبدر وهو بيكلم يزن: وانا بقول بردك القمر مش ظاهر في السما لي اتارية واقف قدادي ما تسلفهالنا
يزن ببسمة:لا والله؟؟!!!
_اة والله وهدعيلك انا والجماعة ولا اي يرجاله
الشباب في نفس واحد:اة طبعا
يزن ببسمة:لا ودي تيجي دنا هخلي الي يسوا والي ميسواش يدعلكوا بالرحمة يابن *******
لما ابقى سوسن ماشي معاها ابقى عاكسها قدامي غور ياض انت وهو بدل مهينكوا
الشاب :بس بس بس ..لي كل دا...وكمل وهو بينكز يزن بصباعة فكتفة:وبعدين لي كُل العصبية مكنتش حُرمة يعني هتتخانق معايا عشانها دانت حتي ابن بلدي ياجدع يعني اخويا
يزن بغضب:حُرمة ..طب خد وراح مديلة بوكس جامد الواد رجع على ورا وهو حاطط ايدة على عينة وقال
بنص عين:طب لي بقى كدة بقى
انت لية مُصر تعصبني ..ونا مش عايز اتعصب
يزن :لا تعالى اتعصب وانت تشوف الي هيجرالك
الشاب:انت الي اخترت ولسة هيقرب منة
كان يزن نزل علية ضرب والواد بقى مش عارف يتحرك
والي كانوا معاة لما شافوا الي حصل جريوا
ويزن بص على بدر بغضب وشدها من دراعها جامد
بدر بتوتر:سيب ايدي يايزن في اييي
يزن بزعيق :فييي اي ...اااااه دي بتقولي فييي اييي
اقولك انا في ايييي ..في ان ال***** دول عاكسوكي قدامي وكانوا عايزين ياخدوكيي ونتي تقوليلي في اي
قدامي عالعربية يلااااااا وزقها جامد ركبها في العربية
وبدر مبقتش عارفة تعمل اي هي مش ذنبها حاجة عشان يتعصب غليها
هي مالها هما الي متربوش
<دي كانت وجهة نظرها>
يزن ساق العربية بسرعة
وراح على البيت كان اليل ليل شوية
ولما وصل فنح العربية وهو متعصب ومتكلمش و..
___________________
عند تاليا وجودي بعد ما وصلوا مصر
جودي بفرحة:ياااااااه عارفة بقالي قد اي مجيتش هنا
تاليا:اد اي
جودي :من قبل مانتي تتولدي
..سيلك يلا بينا نروح على اي فندق
تاليا باستغراب:انتي مش كنتي قايلالي انك ليكي عيلة هنا في مصر مانروحلهم
جودي:زيارتنا مش هتبقى خفية عليهم دلوقتي
لما ابقى اقولهم نبقى نروح لهم
__________________
عند ليلي وعمر وسليم وسارة وهما في الطيارة
ليلي وهي حاطة راسها على كتف عمر :ولا اعمر
عمر :اممم
ليلي:هو احنا باقيلنا قد اي ونوصل
عمر :قربنا اهدي بقى
ليلي :طب بقولك اي
عمر بزهق:هااااا.
ليلي :انا جعانة
عمر اتعدل وبصلها:هو انتي مش لسة واكلة
ليلي :اي ياعم انت بتعد عليا الاكل وبعدين الاكل دا مبيشبعش دل يدوب كلت أربعة مولتو بالشوكولاته
واتنين شبسي حجم عائلي
و واحد فولت
عمر:يابنت المفجوعة دا انا مكلتش نصهم
وبعدين هموت واعرف بتودي كل الاكل داا فين
ليلي وهي بتخمس في وشة:الله اكبر يعم اي دة
غير ..ها غير ..عشان انا باكل اد ماباكل وتخنش ونت تاكل نص ساندوتش وكرشك يبُظ مترين قدام
عمر وهو باصص على بطنة:انا كرشي مترين قدام
..انا معنديش كرش
ليلي :اة ما اكيد مش انت كل ما تاكل حاجة تروح الجيم عشان تخس اكيد مش هيبقى عندك كرش
عمر:انا بروح الجيم عشان اخس
..ليلي اتبطي ..دي تهيؤات جوع دي انا عارف
وراح نادى على موظفة الطيران وطلب أكل
لليلي وموظفه الطيران كانت بصالة ومعجبه بية
اويي
ليلي بحدة:مالك يا اوختشي ماتنجزي بقالك ساعة بتعملى اي ...بتسَبلي لاخويا
موظفة الطيران مفهمتهاش لانها مش مصرية بس راحت تشوف بقية الطلبات لما عمر طلب منها كدة
عمر:كني بقى قرفتيني
والله ابويك وامك دول مابيحسوا قاعدين قدام خالص وسايبيني معاكي هنا
ليلي بتناكة وهي بتزيح خلصة شعر وهمية على ورا:ونت تطول اصلا تبقى معايا وقاعد جنبي
يخويا اتبط
بعد شوية الموظفة جت وجابت الاكل وليلي كلت
وقعدوا طول الفترة الي قعدوها في الطيارة
خناق ومشاكسة
_________________
عند تيم كان روح البيت وقاعد في اوضتة
بعد ما افتكر الموقف المحرج الي حصلة قدام مهاب
وانة اتطر يفلسع لانة معرفش يقعد مع سيلا
وقال:هووووف عيل رخم منك لله
___________
عند يزن كان
وصلوا البيت وفتح لها باب العربية
ودخلوا
وسيدرا كانت قاعدة بتتفرج عالتلفزيون
واول لما شافتة راحت حضنتة وقالت بحب:وحشتني يحبيبي
يزن بصلها كدة وهي حضناة وبادلها الحضن
سيدرا:عامل اي ياحبيبي
يزن:الحمد لله
سيدرا بحزن:كدة تبقى بايت يومين برة البيت من غير ماتعرفنا طريقك
يزن:معلش يا أمي
سيدرا بعد ما لاحظت بدر الي كانت واقفة جنب يزن
قالت:ازيك يابنتي
بدر بخجل:الحمد لله ياطنط
سيدرا:مين ديي يايزن
يزن:دي بدر .....مراتي ....
سيدرا بصدمة:ااايه...اتجوزت من ورانا ......لية يابني ..هو انت لو كنت جيت وقولتلنا انك عاوز تتجوز كنا هنرفض
يزن:الموضوع مش زي منتي فاهمة كد....
عدي مقاطعا اياه وهو نازل من عالسلم: ما لسة بدري والله كنت باتلك يومين ولا أربعة كمان برة الببت
يزن:ازيك يبابا عامل اي
عدي:زفت ...خراا على دماغك
وانتبه على بدر فقال:مين دي..؟!
يزن بشجاعة:دي بدر مراتي...
تشششششششش طوت القلم الي نزل على وش يزن من عدي ....
الفصل الرابع والعشرون
مين دي ..؟؟!
يزن بشجاعة:دي بدر مراتي
تشششششششششش .....كان صوت القلم الي نزل على وش يزن من عدي
بدر شهقت وحطت ايدها الاتنين على بقها بصدمة
يزن متحركش وكان بصص ف الارض ..رفع عنية براحة لعدي الي كان باصصلة بحدة
عدي بحدة لسيدرا:الكلام دة بجد ؟؟!
سيدرا نزلت راسها في الأرض بحزن
عدي موجها كلامه ليزن:بجد صدمتني فيك ...اه مكنتش بطيقك بس.كنت بقول ممكن يعقل ف يوم .
وكنت سايبك بمزاجي
والظاهر. كدة ..اني سيبتك كتير ودلعتك اكتر
وكنت بتعمل اي حاجة كنت اهزأك و اعدّي بمزاجي
لكن توصل بيك انك تتجوز من ورانا ..دي مش هعديها
.....اتفضل خد مراتك وشوف انت رايح فين
يزن جة يطلع
عدي بحدة:استني...!!!!..انا بقولك خدها واطلع برة بيتي وشوف انت رايح فين ..
يزن بصلُه وعينة بقى فيها دموع.
تيم وهو نازل عالسلم:خلاص يبابا اهدي
مينفعش كدة
عدي بحدة:اخرس انت كمان ..معدش غير انتوا تعلوا على كلامي ..
تيم:انا مقصدش بس انت متعرفش هو عمل كدة لية ..اكيد لية اسبابة
عدي بحدة:ويترا اي هي اسبابة ها... حب يغيظ.....
استنى كدة لحظة ..انت اصلا عرفت ازاي ان هو اتجوز وهو مقلاكش واحنا واقفين
تيم :مهو ..مهو ..
عدي:لا بجد عال والله ...يعني انت كمان كُنت عارف
ومقولتليش
تيم بهدوء:يبابا اِفهم
عدي بسخرية:اَفهم ..حاضر هفهم ..اتفضل انت كمان برة ومشوفش وشك
في البيت
تيم بدهشة:انت بتطردني
عدي باصرار:اه ..عندك مانع ..
تيم وهو طالع عالسلم:لا معنديش ..وحاضر هسيبهالك
انا طالع ألم هدومي
عدي بسخرية ليزن:ونت كمان مش حابب تطلع تجيب هدومك
يزن بحدة طفيفة: لا انا ماشي وسيبهالك خالص ..ومش واخد منها حاجة ..يلا يابدر
وشد ايدها وجة يخرج
عدي بسرعة:استني
يزن وقف ومكملش مشي بس منغير مايلف :نعم ..في حاجة تاني.
عدي بسرعة:اااه...عايز مفتاح العربية والكريدت كارد
ومفتاح الفيلا التانية ومفتاح الشقة الي ف الإسكندرية من معاك
يزن لفلو ببسمة حزن وقرب منة براحة وطلع الكريدت كارت ومفتاح العربية ومفتاح الفيلا ومفتاح الشقة
وفتح ايدة وحطهم فيها وقفل عيلهم
ولف ووهو ماشي قال من غير مايلف وهو بيطلع حاجة من جيبة :اه صح عشان تحلف انك ممشيني من غير حاجة ..طلع المحفظة وقال وهو بيحُطها عالسُفرة :سايبلك المحفظة كمان ..اي خدمة
ومتنساش تقفل حسابي الي ف البنك
...من غير سلام..يلا يابدر سحب ايدها
جامد ومشي
وبعدها بخمس دقايق نزل تيم وخرج هو كمان
........
سيدرا بحزن وهي بصالة بغضب: لي كدة ياعُدي
عدي بحدة :لي اي
سيدرا:لية عملت كدة وخدت منو كل حاجة ..؟؟!!كدة يروح فين ولا هيعمل اي ..ولا هيتصرف ازاي
عدي بسخرية :ونا مالي ..هو مش قرر يتجوز ويشيل مسؤلية ...خلية بقى يعتمد على نفسة ويشوف هيعمل اي بنفسة
سيدرا بقرف: انا اول مرة اكتشف انك جاحد كدة ...انت غبي ياعدي ..بجد غبي
ياخسارة حبي ليك ..الي يخليك تعامل ف ولادي كدة
عدي:انتي بتقولي اي ..اي علاقة دا بدأ
سيدرا:انت مفكر اني عشان بحبك هسيبك تعمل الي انت عايزة ومش هعترض ...بس لا يعدي دا فخيالك ..ومن النهاردة هقفلك صدقني ..انا سكتلك كتير علي معاملتك مع يزن ةكنت كل مرة بقول هيعقل دا مهمى كان ابنة بس خلاص ..كفاية ..انت كدة مش بتربية ..انت كدة بتطلع واحد مُعقد ومش متزن نفسيا ..وسط الناس ..انت بجد مش طبيعي. ..بتعيد الماضي بتفكيرك المريض دا تاني ..بس على هيئة وصورة جديدة
انا بجد نفسي افهم انت اي مشكلتك مع يزن ..الولد مبقاش بيطيقك ..ولية حق بصراحة
انا نفسي مبقتش بطيق تصرفاتك المتخلفة
عدي بصلها بصة فيها حزن ومش مصدق الي هيا قالتة
هو مكنش يقصد كل دة ..هو بس نفسة ابنة يتظبط. ...
يعتمد على نفسه زي تيم ..ميبقاش طايش ولا متهور
كان عندو امل ان يعرف يعدله من وجهه نظرة
بس الظاهر انة فعلا زي ما سيدرا قالت اتسرع فتفكيرة تاني مرة وحكم غلط
سابها بهدوء منغير مايرد على كلامها الجارح
وطلع على اوضتو وقفل الباب بهدوء وقعد يفكر ف كلام سيدرا
____________________
عند بدر ويزن ..
يزن بعد ما خرج من الفيلا كان مع بدر وبيتمشوا
بدر بتردد: ي ..يزن ..!!!
يزن بانتباه وهو بيبصلها:ها
بدر:هو احنا هنعمل اي او هنروح فين
يزن :متخافيش ..جوزك مش عويل ..يقدر يتصرف
هو مفكر انة بيلوي دراعي ..بس الي ميعرفوش هو ان.
دراعي مبيتلويش ...
بدر :ايوة يعني هنروح فين
يزن وهو بيمسح على وشة بادية الاتنين :هنروح شقتي
بدر بسؤال:هو مش عمو عُدي خد منك ...احم. .المفتاح
يزن ببسمة سخرية:هه مفكر اني مش هعرف اتصرف
..مفكرني عيل طايش...ميُعتمدش علية
بدر:يزن هو انت شغال اي ..
يزن:عندي شركتي الخاصة بس طبعا ميعرفش عنها حاجة كل الي يعرفة اني كنت بروح شركة العيلة
ايام تتعد على صوابع الايد
بس الي ميعرفوش اني بنيت نفسي بنفسي وبمجهودي
مخدتش منة ولا من شركة مليم احمر
حتى مكنتش بقبل اخد نصيبي في الشركة بتاعتة
بس كُل دا اثبتلة اي ..ولا حاجة غير اني ط ا ي ش ..هه
بدر حطت ايدها على كتفة براحة وقالت:متزعلش ..
يزن:مش زعلان يلا
عشان نروح خد ايدها وطلب أوبر وراحوا على شقتة
(بريببوي احمد محسن ..بيب بٍو يحمد امحسن
معلش يجماعة بس عندي انشكاح 😂)
_________________
عند تيوم
تيم وهو ماشي بالعربية وهو مش حاطط وجة معينة لطريقة:الله يخربيتك يايزن وبيت سنينك علي بيت اليوم الي اتجوزت فية كان مالي انا ومال اهلك ما كُنت فحالي واكمل وهو يقول بصوت مسرسع:لا وقال اي انا قولتلك متقلقش من ابوك هعرف أقنعة
اهو تردنا احنا الاتنين
يلا يارب استريح بقى ف بيت ام اليوم الي مش باينلو ملامح دة
وبعدين ساق العربية وراح على فندق صاحبة الفندق يبقى صاحبة
وطلع عالجناخ بتاعة واستحمي ونام
_______________
عند عُدي
كان قاعد ف الاوضة ولسة سيدرا مطلعتلوش
فتح موبايلة وقرر يتصل على يحيى (صاحب عدي الخاين لو فاكرينة )
عشان مفكر أن يزن اكيد راحلة ..مهو معندوش حتة يبات فيها يزن بقى
يحيى:الو السلام عليكم
عدي :وعليكم السلام ورحمة الله وبركاتة
بقولك يايحيى
يحيى:اي ياعمي خير
عدي:انن يزن متعرفش راح فين
يحيى بخبث:لا والله ياعمي بس اخر مرة كلمتة من شوية كان قالي انة مسافر شرم ..مع صحابة يغير جو
عدي باستغراب:شرم ...منين هو معاة فلوس
يحيى:اة طبعا ياعمي مش هو معاه الكريدت كارت وحسابة ف البنك
يبقى اكيد معاة فلوس
وبعدين بقى ياعمي انت ابنك دة انا مش طايقة
كل شوية بيسافر ويخليني انا الي فوشك
عدي بغموض:اممممم ...يعني هو دلوقتي مسافر صح ..معلش يايحيى سؤال رخم شوية
يحيى:عادي ياعمى اسأل
عدي:هو آخر مرة كلمك وقالك انة مسافر كان امتى معلش ...؟!
يحيى:من حوالي نص ساعة
عدي:طيب تمام
بقولك صح شوفت الي يزن عملوا من ورايا
يحيى فسرة :اوووف يترا هبب اي دا ..يلا المهم هقولة اي حاجة وهو اهبل وبيصدق اصلا ..رجع وقال:اة ياعمي عرفت ..قصدك يعني انة ...انة خد مبلغ كبير من البنك
عدي بغمزض كبير:اة يايحيى هو دا قصدي ..يلا .مش عايز اطول عليك بقى ...عايز حاجة
يحيى :لا يعمي عايز سلامتك
سلام
عدي:سلام
وقفلوا
عدي بتفكير:هو اي الي لسة مكلمة من نص ساعة ازا كان من نص ساعة كنا بنتخانق وهو مكلمش حد
وبعدين هو اي الي سحب مبلغ كبير من البنك ازا كان انا موقف الحساب اصلا بقالي اكيد من شهر
وهو اصلا ميعرفش وكان بيقولي متنساش تقفل الحساب ..وبعدين لحظة لحظة لحظة سافر ازاي اذا كان هو مش معاة فلوس وكمان معاة مراتة ...لا لا لا الموضوع في إنة ..ونا لازم اعرف ..حاسس ان في حاجة ورا يحيى بس اي هي معرفش ...بس هعرف ..وربي هعرف
____________________
عند يزن وبدر
يزن وبدر دخلوا الشقة ويزن قالها على مكان اوضتهم
وبدر طلعت هي ويزن
ودخلت الحمام تستحمي وخدت بجامة من عند يزن
يزن كان قاعد عالكنبة الي ف الاوضة وبيفكر ف ابوة
وبيفكر انة عايز يروح لفجر بس مش هينفع عشان بدر
قعد عالكنبة وحط ايدة على دماغة وهو بيفكر فكلام ابوة وانة ازاي قاسي معاة مش من مرة ولا اتنين ولا حتي تلاتة ..دا قاسي معاه من زمن .بجد هو بيحبة ..بس الي عدي بيعملة دة بيخلية غصب عنة يكرهةة وحدة وحدة بس هو بيحاول ميكرهوش لانو
ف الاول والاخر ابوة
عدي شوية وهو بيفكر وغصب عنو دموعة نزلت
..هو محسش بيها ..هي منزلتش عشان كرامتة وانة زعلان انو اتطرد من البيت على قد مازعلان من تعامل ابوة لية مفكرش حتى يسمعلة
احساس وحش انك تحس بكسرة نفس وخاطر
اذا كان من تعامل وحش او تجاهل او عدائية من شخص لشخص نزل راسة وحط ايدة الاتنين على وشة يمسح دموعة
فجاءة لقى الي بتطبط على كتفة براحة وبحنية رفع راسة و بصلها لقاها لابسة بجامتة السودة وكانت كبيرة جدا عليها بصلها كتير وهو حزين فقالت بحنية وهي بتقعد جنبة:بص والله انا مش زعلانة من ال انا هقولة دا ...لو جوازك مني هيعمل مشاكل مع باباك ممكن نتطلق ونا والله مزعلانة ولو على عصام وعمي. متقلقش انا ممكن ابيع ارض وبتمنها اسافر واعيش هناك
يزن وهو بيحط ايدة على ايدها وقال بسخرية:بس ياهبلة ..انتي ملكيش دعوة باي خاجة..الموضوع ملوش علاقه بيكي اصلا
بدر:يزن ارجوك لو معاملتك ابوك دي بسببي قولي ونبي
انا مش عايزة ابوظ علاقة اب بابنة عشاني
يزن بحزن:انتي مش هتبوظيها هي كدة كدة بايظة لوحدها
بدر وهي بتنعكش شعرة:طب ما تزعلش طب
يزن ببسمة:مش زعلان
بدر:بجد؟؟!!
يزن:اة والله
بدر وهي بتقوم:طب حيث كدة بقى هقوم انام عالسرير انا
يزن:طب ونا هنام فين
بدر:مكانك يحبيبي ..امال انت مفكر اي يلا جود نيت
وراحت عالسرير. ومددت واتغطت وحدفتلة مخدة
وقالتلة ياخد لحاف من الدولاب
يزن فرش عالكنبة
بعد مدة ..........جة ينام معرفش ينام
فضل يفرك كتير
بدر بزعق:في أي يابني بقى ماتهم بقى قرفتني
يزن :مش عارف انام
بدر:طب حاول تأتي يمكن تنجح
يزن:طيب .....وحاول تاني بس معرفش
بغد مدة ........
يزن بهدوء:بدر ممكن اطلب منك طلب
بدر بنوم:ها
يزن:ممكن انام فحضنك انهاردة ..؟؟ ...بس لو مش عايزة خلاص براحتك والله
بدر بنوم......