رواية حبي الابدي
الفصل الاول1
بقلم نشوه عادل
-خير ي فهد طلبت تقابلنى ليه؟
فهد: طب اقعدى الاول ي بنتى وبعدين نتكلم ولا هنتكلم ع الواقف يعنى
-بقولك ايه ي فهد انا روحى ف مناخيرى ياريت تجيب من الاخر وتقولى طلبت تقابلنى ليه؟
فهد: اميرة
-مش فاهمة مالها اميرة؟!
فهد: انا عاوز اميرة ي سهيلة
سهيلة بتذمر: انت مجنون ولا شارب حاجة اميرة دلوقتى متجوزة وع ذمة راجل تانى
فهد: واظن ان الراجل التانى ده يهمك واوى
سهيلة : يعنى ايه؟!
فهد: بقولك ايه ي سهيلة انا عارف كويس اوى انك بتحبى رامى وهتموتى عليه من زمان وهو اختار اميرة
سهيلة: انت قولتها بنفسك كنت لكن دلوقتى .............
رامى مقاطعاً: كنتى ومازلتى بتحبيه وعاوزاه وادينى بعرض عليكى اهو عرض يرجعه ليكى
سهيلة بتنهيدة: انت مبتفهمش بقولك اتجوزوا خلاص
فهد: وماله نخليهم يطلقوا وبعد ما اميرة تنزاح من طريق رامى الكورة هتتباصى ف ملعبك تروحي بيها انفراد وتجيبى جول كمان
سهيلة: وانت هتستفاد ايه؟
فهد: الصبر يارب مصلحتى مصلحتك انتى عاوزة رامى وانا عاوز اميرة تخلص المصلحة يبقى خالتى وخالتك واتفرقوا الخالات ي غالية
سهيلة بتفكير: ايوة بس مستحيل رامى يطلقها هما بيحبوا بعض جدا ومش رامى اللى يتخلى بسهولة
فهد: ايوة الكلام ده لو الموضوع سهل ويستحق انه يسامح لكن لو خيانة معتقدش انه ممكن يسامح ولا ايه!
سهيلة: انت ناوى ع ايه بالظبط؟!
بدأ فهد يقول خطته لسهيلة اللى اتسعت عيونها بصدمة من تفكيره الشرير وقالت: يخربيت كده انت مستحيل تكون بنى ادم طبيعى ده انت اعوذ بالله من سلالة ابليس ده لو مكنتش ابليس نفسه
فهد بضحك: من بعض ما عندنا المهم اخلصى هتساعدينى ولا لا؟
سهيلة: الموضوع صعب ولو رامى عرف هيودينا ورا الشمس
فهد: لو نفذتى كلامى بالكلمة صدقينى مش هنسيب اى خيوط ورانا ومحدش هيعرف باى حاجة
سهيلة: سيبنى افكر
فهد: اوك بس خلى بالك انا مش هستنى كتير
سهيلة: اوك باى
فى مكان تانى صحيت اميرة من النوم وملقتش رامى جنبها واتفاجئت ان الساعة ١ الضهر مسكت فونها ورنت ع رامى
رامى: صحى النوم ي كتكوتة
اميرة: انا مش عارفة ازاى نمت كده بجد وكمان مسمعتش المنبه مع انى كنت ظبطاه
رامى: ما انا فصلته عشان متصحيش انتى كنتى تعبانة اوى وانا محبيتش اقلقك المهم يلا قومى افطرى انا محضرلك الفطار وحطيته عندك ع الكوميدينو يارب يعجبك
اميرة بدهشة : فطار! ليا انا
رامي: ايوة ليكى ي روح قلبى فيها ايه يعنى ما انتى كل يوم بتحضريه ليا جات عليا
اميرة بحب: بحبك اوى بجد
رامى: مش اكتر منى ي روحى يلا اسيبك انا عشان عندى شوية شغل لسه انتى هتخرجى ف مكان النهاردة ؟!
اميرة: لا
رامي: اوك لو هتخرجى ابقى رنى عليا عرفينى ولو مرديتش ابقى سيبى ماسدج اوك
أميرة: اوك ي حب
قامت اميرة بعد ما قفلت معاه ولقت الصينية عليها فطار اميرات وهكذا اقل ما يمكن ان يقال قعدت فطرت وبعدين لقت فونها بيرن
اميرة: سها ي حب عاملة ايه ي بت وحشتينى
سهيلة: الحمدلله وانتى كمان انتى بخير ويا ترى الجواز حلو؟!
أميرة: هو حلو عشان اختارت راجل بيحبنى بجد وحنين اوى
سهيلة بغيط: ايوة ربنا يهنيكم امال انتى بتعملى ايه؟ ورنيت عليكى كذا مرة مبترديش
اميرة: كنت نايمة والفون ميوت عشان كده مسمعتوش ولسه صاحية ويدوب خلصت فطار
سهيلة: نايمة لحد دلوقتى مش عادتك
اميرة بحب: رامى حبيبى لما لقانى تعبانة مصحنيش وكمان جهزلى الفطار بنفسه بجد انا محظوظة بيه
سهيلة بحقد: اه ربنا يخليكم لبعض خلاص انا بس كنت بطمن عليكى
اميرة: مش هتيجى تزورينى؟!
سهيلة: اه قريب ان شاء الله باى
اميره: باى
قفلت سهيلة ورزعت الفون بغضب ع السرير: المفروض انى اكون انا مكانك واكون انا مراته مش انتى
افتكرت فهد مسكت فونها ورنت عليه رد فهد بخبث: ايه فكرتى ولا لسه؟
سهيلة: انا موافقة ووووووو..