CMP: AIE: رواية المبروكه الفصل الثامن والعشرون28بقلم رشا منصور
أخر الاخبار

رواية المبروكه الفصل الثامن والعشرون28بقلم رشا منصور


رواية المبروكه الفصل الثامن والعشرون28بقلم رشا منصور






وبتمر السنين والسنين وعزيز بيكبر وابتدي يتعرف بقدرته على علاج بعض الحالات وكشف الأسرار وطبعاً الناس اعتقدت أنه ورث الموهبه مني 
وبقي له أصحاب كتير من ضمنهم أولاد مها بنت أخت الست لواحظ وبيروح يقضي وقت معاهم ما إحنا يعتبر جيران في نفس الشارع  

ومع الوقت بتتغير حاجات كتير منها أن سعيد اتعين عميد الكلية وعزيز خلص الثانويه العامه وطبعاً من الأوئل ومحدش يسأل إزاى شغل عفاريت بقي 😂😂 
وقررت ادخله كليه الطب واكيد طبعا مش هيخاف من الجثث'' 
وأنا بقي عمري 43 سنه بس لسه محتفظه بجمالي طبعاً 
وشهرتي زادت وبقي ليا معارف كتير أوى وكلهم رجال أعمال ومشاهير ومسؤولين كبار في البلد 

لحد ما في مرة لقيت ناس داخلين عليا المكتب وشكلهم كدا حر'اسة لجهة" أمنية' عرفت من القرناء أنهم تبع مكتب دبلو'ماسي وأن في مسؤول من دولة تانيه جه مخصوص علشان يقابلني 
بصراحه حاجه تفرح أن أسمي وصل لبلاد بره بس برغم كدا أنا خوفت بردو دى الحكو'مة واللعب معاهم مش سهل دى فيها كلبشات ع طول 
الجهات. الر'سمية.... 
حضرتك مطلوبه تحضري معانا حالا لمقابله مسؤول كبير
نهي.... 
عارفه أنكم عاوزيني علشان مسؤول من دولة الهند 
انتظروا نص ساعه استعد واروح معاكم 
سيبتهم ونزلت شقتي من السلم الداخلي واستدعيت صرماط وهولام وشرحام وقولت لهم خليكوا معايا أنا قلقانه الموضوع المره دي مش سهل لقيت صرماط بيقولي اطمني الموضوع بسيط وأحنا معاكي 

وطلعت لهم وأخدت شنطتي وقولت لهم يلا بينا 
وكنت لأول مرة في حياتي أدخل السفا'رة ولقيت جوه تماثيل وحاجات غريبه كدا بس ملقتش ممثلين 😕

الجهات _الر'سمية....
مدام نهي شكرآ أنك وافقتي ع الحضور لكن نحب أن ننبه ع حضرتك أنتي بتمثلي البلد. وياريت ترفعي رأسنا
نهي....
أن شاء الله بس ممكن اخد فكرة عن الموضوع 
الجهات الرسمية.... 
إحنا معنديناش فكرة كاملة بس واضح أنها مشكله صعبه والحكو'مة الهنديه احتارت في حلها
      حضر سيا'دة السفير' الهندي والمترجم .....

المترجم.... سيادة السفير يبلغك شكره ويريد أن يكون الموضوع في سريه تامه 
نهي.. أكيد طبعاً أطمن بس هو ايه الموضوع أصلا
المترجم.... 
سيادة السفير شاكك أن في أحد قام بخطف' (حتحور )
ووضع شبيها لها والجميع ينكر ذلك وجميع جها'ت الأ.من فشلت في اثبات الحقيقة 

نهي... طب هو محدش طلب فد'يه 
المترجم.....
 لو حد طلب فدية هيكون ده إثبات أنها اتخطفت' 
 ‏نهي.... 
 ‏طب هى تقرب له إيه بنته ولا أخته ما هو أكيد بردو حد من أهلها هيأكد المعلومة إذا كانت اتبدلت ولا لأ
 ‏
 ‏المترجم..... هي الملهمه وجاء بالشبيهه معه حتى تقرري إذا كانت هى ( حتحور) أم قام أحد بتبديلها 
 ‏نهي.... 
 ‏تمام نادو عليها وقولت في سري احضروا في الحال ومش عاوزة أى حد من الإنس يشوفكم 
 ‏وببص لقيتهم داخلين عليا ومعاهم بقرة وعليها زينه 
 ‏ايه ده أنتوا هتعملوا عقيقه هنا ولا دى أخدها هديه 
 ‏
 ‏المسؤول المصري.... اتفضلي اكشفي عليها
 ‏
 ‏نهي..... اكشف ايه أنا مش دكتورة بيطريه حضرتك أنا مدرسة علم نفس ولا هى عندها اكتئاب ولا ايه 🙄
 ‏
 ‏المترجم... اقدم ل حضرتك ( حتحور )
 ‏
 ‏نهي....
 بصيت للكل قولت لهم يعني جايبني علشان بقرة 
 ‏وسفارة ومسؤولين وعاوزني أرفع رأسكم وفي الآخر بقرة 
 ‏ولقيت صرماط وهولام وشرحام نازلين ضحك🤨
 لكم حق والله وفضلوا يلفوا حوالين البقرة وهى بقت تعمل صوت وخايفه من شكلهم وبدأت تجري في المكتب والكل يصوت والسفير الهندى قعد ع الأرض عمال ينحني لها 
 ‏ايه الجنان اللي أنا فيه ده عااااا
 ‏ بس وشاورت بأيدي✋ البقرة وقفت صرماط ثبتها 
 ‏ولقيت الراجل الهندى التفت ليا وبدأ ينحني 😲
 ‏ هو أنا بقيت بقرة 🐮ولا ايه 
 ‏
 ‏الجهات الرسمية.... ياريت حضرتك تحسمي الموقف بسرعه الموضوع مش سهل 
 ‏نهي....
 ‏طب أنا رشامنصور بفهم لغه البني آدمين دى المفروض اتكلم معاها إزاى وقولت في بالي عندكم حل للمصيبه' دى
 ‏
 ‏صرماط.... إحنا هنحكيلك الموضوع كله 
 ‏نهي...
 ‏ ممكن تسبوني مع البقرة شويه واضح أنها مكسوفه تكلم قدامكم 😏...  ها انطقوا ايه الموضوع
 ‏هولام.... 
 ‏فى معبد' للبقرة حتحور والمفروض أن في العيد كبار المسؤولين بيأخدوا البركة من البقرة وقبل العيد بكام يوم البقرة تعبت وطبعاً ده فال سئ جدآ 
 ‏
 ‏ده غير أن ممكن يتم عقا'ب خدام المعبد بالاهمال علشان كده  ‏قام أحد خدام المعبد بأحضار بقره شبيهه لها ولكن عمرها أصغر وفي العيد محدش من المسؤولين خد باله من الفرق لكن لأن السفير كان يوميآ بيروح للمعبد ف كان ملاحظ قبلها بيوم أنها تعبانه وتانى يوم لقي أنها بصحه جيده وشكلها أصغر 
 ‏وامر بالقبض' على خدام المعبد' وبيعذ"بهم وطبعاً محدش أعترف بحاجه لأن حتحور ما'تت ولو حد فيهم نطق هتتقطع رقب'ته وهو وكل عائلته ‏
 ‏نهي.... 
كل ده علشان بقرة ايه الهبل ده طب وبعدين أنا صعبان عليا الناس اللى بتتعذ'ب دى أعمل إيه 🤦🏼‍♀️بس لقيتها
 شرحام عوزاك تنفذ اللى هقولك عليه بالظبط علشان نخلص من الكا'رثة دى ونمشي من هنا 
 ‏
 ‏يا سيا"دة السفير يا جماعه اتفضلوا تعالوا أنا حسمت الأمر والبقرة وافقت أنها تجاوب بنفسها علي السؤال 
 ‏
 ‏الجهات الر'سمية.... افندم ؟؟ 
 ‏
 ‏نهي.... إيه مستغرب كلامي لكن مش مستغرب وجودى هنا 🤔
 ‏شاورت للبقرة وقولت لها اتفضلي 

 ‏شرحام....
 ‏ اتكلمت باللغه الهنديه وقولت أنا البقرة حتحور 
 ‏وعندما مرضت قاموا خدام المعبد' بالدعاء ووضع البخور والهدايا من أجلي وعندما استيقظت تانى يوم وجدت نفسي أصغر سناً وصحتى جيدة ولولا المبروكة ما كنت نطقت ابدااا لأنى حزنت بسبب معاملتك السيئة لخدام المعبد' المخلصين 
 ‏
 ‏السفير' الهندي....
 ‏ فضلت اصعلي لكي انال البركة ‏والسامح وأمرت الحر'س يتصلوا ب مكتبي في الهند للأفراج عن خدام المعبد' وصرف مكافأة مالية كبيرة لهم 
 ‏
 ‏المترجم.... لقد تم منحك الوسام الذهبي ل ( حتحور)
 ‏نهي.... 
 ‏لقيته بيحط ع رقبتي وسام عبارة عن رأس بقرة والسفير الهندى بدأ ينحنى ليا ده ع أساس أنى بقيت 🐮🤔
 ‏وخدنا كلنا صورة تذكارية مع البقرة  
 ‏
 ‏واستأذنت منهم وفي لحظه كنت اختفيت من قدامهم 
 ‏واول ما وصلت المكتب لقيت عزيز نازل ضحك وبيقولى حلو وسام البقرة ده يا ماما عقبال ما تاخدى وسام الفرخه 

معرفش الواد ده اتعلم اللماضة من مين اظاهر كدا أنه طالعلي 😂😂وفضلنا نضحك والجن معانا وكل ما افتكر شكل شرحام وهو عامل بقرة أفضل أضحك عليه 

وعدت الشهور ودخل عزيز كليه الطب وطبعاً كان مميز عن الكل أولا إبن عميد الكلية وثانيا إبن المبروكة ده غير شكله الجذاب وشياكته وكان بطل في السباحه والجري
وبسرعه ظهرت موهبته بين الطلبة 

وفى يوم كان في محاضرة تشريح والمفروض أنهم أول مرة يشوفوا جثه' في طلبة أغمي عليها وقليل اللى قدر يقف ثابت وطبعاً أبني كان عادى بالنسبة له المنظر 
لأني من قبل ما يدخل الكليه خليت أفضل حكماء الجان يعلموا أبني كل حاجه وبقي أحسن من أى دكتور
لكن قدام الناس لازم يدرس زى باقي الطلبه ويمتحن زيهم
وأوقات كمان بيعالج جده لو حس بأى تعب 
ومشهور في العمارة بالدكتور عزيز إبن المبروكة

وطبعاً طلع الأول في أول سنه ومن سنه تانيه أبني كان لو شاف أى جثه' مقtولة كان بيشرح لهم كل حاجه عن الجر'يمة وتمت امتي وفين وازاى وده اللى خلي رئيس قسم التشريح يرشح أسمه أنه يكون من ضمن قسم تحليل الجر'يمة ودخل وهو ومجموعه من الطلبه في مجالات مختلفة منهم في كليه علوم ومنهم في حقوق وشر'طة
واتعمل لهم اختبارات وبعد شهر أبني أصبح من ضمن فريق تحليل الجر'ائم والكل كان مبهور بذكائه وموهبته
لحد ما يوم وعزيز في المحاضرة جت له رساله أنه لازم يتصل بفريق العمل لأن في قضية' جديدة 
 
 عزيز.... 
 ‏خلصت المحاضره واتصلت برئيسي المباشر وعرفت منه المكان اللى هقابلهم فيه وأول ما وصلت شفت أغرب حاجه في حياتي.     


تعليقات



حجم الخط
+
16
-
تباعد السطور
+
2
-