رواية حبيبه الفصل الثالث3الاخير بقلم ايه محمد
حمزة: أنتي طالق..
نظرت له بصدمة... خرج من بيتها وأغلق الباب خلفه....
وليد: حبيبة ي بنتي اتكلمي قولي اي حاجه...
حبيبة: أنا... أنا أتطلقت...
وليد: هو ده اللي كان لازم يحصل ي بنتي...
حبيبة: انا اتطلقت ي بابا...
وليد: لا حول ولا قوة الا بالله.. نصيبك...
دلفت لغرفتها و أغلقت الباب وهي لا زالت غير مستوعبه...
اما حمزة ف عاد ل بيته... جلس بجوار اخيه وعينه مليئه بالدموع...
ايهاب: اي اللي حصل؟
حمزة: أنا طلقتها...
ايهاب: ااي... ليه...
حمزة: عشان بحبها...
ايهاب : واللي بيحب حد بيبعد عنه!!
حمزة: انا بأذ'يها و هأ'ذيها... مش هقدر اكون طبيعي معاها... هحس اني ند'ل اني عايش مع اللي اذ'ت أخويا..مش هينفع اخليك تشوفها كل يوم.. احنا لازم ننسي كل حاجه ونبدأ من جديد...
ايهاب: حمزة انت بتحبها.. انسي اي حاجه تانيه.. هو يعني وجود حبيبه هو اللي هيفكرني اني مشلول... هل غيابها هينسيني اللي حصل.. ده مش صح...
حمزة: قولتلك هنبدا من جديد.. وهنسافر انا و انت وهتتعالج وهننسي كل حاجه...
ايهاب: و هتقدر تناسها...
حمزة ب دموع: مش عارف...
ايهاب: انت عارف انا اكتر اخ محظوظ في الدنيا... سيبت البنت اللي بتحبها عشان متجرحنيش... بس انا كمان محتاج اكون اخ كويس... والحقيقه اني مش هقبل انك تمر ب كل ده...
البداية الحقيقة ان حبيبة تسامحني وانا اسامحها.. و ننسي كل حاجه..
حمزة: مفيش فايدة للكلام ده ي ايهاب... انا خلاص طلقتها... احنا هنسافر في اقرب وقت..
ايهاب: ي حمزة عشان خاطري متد'مرش حياتك...
حمزة ب دموع: هي اصلا اتد'مرت ي ايهاب... من يوم الحادثة بتاعتك و انا بسهر وبشرب وبعمل كل حاجه غلط...
لدرجه... لدرجه ان صاحب عمري مقاليش انه خطب عشان مش متشرف بيا...
ايهاب: ركان؟؟
حمزة: ايوا... عرفت امبارح...
فلاش باااك...
حمزة: مبروك ي عريس...
ركان: اي.. انت عرفت؟
حمزة: اه عرفت ي ركان.. عرفت...
ركان: انا كنت هقولك والله...
حمزة: هتقولي امتي لما تخلف..
ركان: لا والله كنت هعزمك علي الفرح... بس اصلا انا لسه قدامي سنه...
حمزة: والله!! ي اخي ده انا كنت فاكرك هتاخدني معاك لما تروح تتقدم و تقول اخويا... زي م انا كنت هعمل لولا جوزاتي المنيله... ليه.. ليييه...
ركان: عشان اللي بيحصل في حياتك الفترة دي... انت عمرك م كنت كده... شرب و سكر و بنات...انا معاك مش عشان حابب كده.. انا معاك عشان صاحبي وخايف تغلط غلطه تندم عليها....
بس مكنتش عايز خطيبتي تعرف اي حاجه عن الجهه دي في حياتي... لان اكيد كنت هتخرج منها وانا معاك...
حمزة: بتستعر مني!!!
ركان: والله ابدا... ي حمزة انت معروف ولو ب اي طريقه حور كانت عرفت عنك حاجه كانت هترفضني وانا بحبها... بحبها من واحنا عيال...
حمزة: ماشي... ماشي ي صاحبي.. الف مبروك...
ركان: ي حمزة.. انا...
حمزة: مبروك ي ركان... بعد اذنك...
باك..
.................
ايهاب: فوقت من اللي انت فيه!؟
حمزة: اه والله فوقت.. فوقت ومش هرجعله تاني...
ايهاب: طب قوم ي حمزة اتوضي وتعالي ساعدني اتوضي ونصلي سوا... و بعدين صلي استخارة و فكر تاني في موضوع حبيبه...
حمزة: حاضر..
.....................
بعد سنة...
حمزة: مبروك اكمال العلاج ي غالي...
ايهاب: الحمد لله اني وقفت علي رجلي من تاني...
حمزة: الحمد لله...
ايهاب: نرجع مصر بقي؟
حمزة: نرجع!!... اه نرجع ي ايهاب...
ايهاب: قولي بقي هتعمل اي اول م نرجع؟
حمزة: هروح الشركه اشوف الوضع بقي و نشيل مع بابا بقي شوية....
ايهاب: بس؟
حمزة: اه بس...
.........................
ناجي: الحمد لله علي السلامه ي ابني... الف حمد و شكر ليك ي رب...الحمدلله علي سلامتك ي حبيبي...
حمزة: الله.. طب وانا...
ناجي: انت الغالي.. تعالو ي ولاد وحشتوني....
ركان: حمزة!!
نظر حمزة له بحزن و تحدث..
حمزة: جاي ليه؟
ركان: عشان اعتذر منك...
حمزة: تمام...
ركان: خلاص متزعلش حقك عليا...
حمزة بهدوء: حصل خير ي ركان..
ركان: لا محصلش..انت تشرفني في اي وقت و ب اي شكل ي حمزة... انت اخويا...
انا من بعد ابويا م مات مليش غيرك....
حمزة بصدمه: ابوك مات؟
ركان: من 8 شهور...
حمزة بحزن: البقاء لله...
ناجي: خلاص بقي ي حمزة ركان اخوك و ابني التالت.. كفاية زعل من بعض بقي...
ضم حمزة صديق طفولته بحب و سعادة مختطلطه ب الحزن....
حمزة: قولي بقي.. اتجوزت؟
ركان: تؤ.. فرحي بعد اسبوع...
حمزة: مبروك مقدما ي صاحبي..
..........................
يوم الفرح...
حمزة ب سعادة: ي عريس.. ي عريس ي عريس.... مبروك ي ركان...
ركان: الله يبارك فيك ي صاحبي...
حمزة: مبروك ي عروسة...
حور: الله يبارك فيك...
حمزة: فرح في فندق و تورته سبع ادورا.. انت وارث ولا اي؟؟
ركان: انا طول عمري بحوش واتصرفوا في يومين ي حمزاااااه....
حمزة بضحك: خلاص ي عم انت هتعيط...
حبيبة: مبروك ي ركان...
ركان: بيبو... والله كنت هزعل لو مجيتيش..
حبيبة: لا مينفعش مجيش... الف مبروك... الف مبروك ي عروسة...
حور: الله يبارك فيكي...
تركتهم حبيبة وعادت لتنضم لزملاؤها في العمل...
حمزة: انت اللي عزمتها؟
ركان: م لازم هعزمها.. انا عزمت كل اللي في المكتب..
حمزة: هي لسه بتشتغل في المكتب؟؟
ركان: اه... بتشتغل من بعد م انت سافرت...
حمزة: طيب...
ركان: هو انت لسه بتحبها؟؟
حمزة: ركز مع عروستك.. انا هروح اقعد مع اصحابنا...
خرج حمزة من القاعه ليجد حبيبة تقف بعيدا تنظر للطريق أمامها....
حمزة: وحشتيني....
حبيبة: ازيك ي حمزة؟
حمزة: كويس... استني ي حبيبه... انا.. لسه بحبك...
حبيبة: يعني عايز اي؟ مش انت طلقتني وسيبتني...
حمزة: كان لازم ده يحصل... كان لازم ابعد و افهم نفسي عشان مظلم'كيش معايا...
حبيبة: بس انت ظ'لمتني.. ظ'لمتني كتير اوي... بعد اذنك...
حمزة: بس انا مش هسيبك!! انا بحبك..
حبيبة: انا مش هقدر انسي اللي حصل... عدي سنه وانا حاسه انه لسه امبارح... سيبني ي حمزة وابعد عني.. انا هستقيل من الشركه بما انك رجعت...
حمزة: انا مش همشي تاني.. كفاية بعد بقي.. اديني فرصه ي بيبو... انتي يمكن محبتنيش بس ادي فرصة لحبي ليكي...
حبيبة: عارف يعني اي اقف قدام ابويا و اقوله علي حاجه تكسره وتكسرني العمر كله....
بينتني قدام اهلي اني...
وكل ده وانا ابويا اصلا مش م*جرم...
حمزة: ليه بتقولي كل ده دلوقتي..
حبيبة: عشان انت هربت ي حمزة وملحقتش اعاتبك او ألومك...
حمزة: وانا مستعد اسمع كل كلامك...
حبيبة: انا ماشية...
حمزة: عاتبيني... اعملي اي حاجة...
حبيبة: مبقاش ينفع..
ايهاب: هينفع... هينفع لو نسامح... ازيك ي حبيبة؟
حبيبة: الحمد لله بعد اذنكم...
ايهاب: هو غلط... ايوا هو غلطان.. بس هو عرف الغلط ده وصلحه وجه قال لأبوكي كل حاجه ورفع راسك تاني قدامه... وصلح غلطه لما مسح الفيديو... والقرار اللي انا كنت شايفه غلط هو انه يطلقك ويبعد ان شايف نتيجته انه قدر يرجع نفسه من تاني...
حبيبة: هو.. هو.. هو... كأن مفيش حد غيرة يمشي وقت م يحب و يرجع وقت م يحب...
حمزة: أنا أسف...
حبيبة: مبقاش ينفع الأسف...
...................................
اليوم التالي...
وليد بسعادة: حبيبه... حبييه ي بنتي...
حبيبة: اي ي بابا؟ انت مبسوط كده ليه هتتجوز تاني ولا اي ي حاج...
وليد: الراجل اللي علينا دين ليه اتصل بيا وقالي ان المبلغ كله اتسدد..
حبيبة: لا ي بابا لسه فاضل فيه 23 ألف..
وليد: هو اللي كلمني وقالي كده...بس يعني مين هيدفعلنا الفلوس دي كلها...
حبيبة بتفكير: حمزة!
وليد: هو رجع من السفر؟؟
حبيبة: اه ي بابا... قابلته في فرح ركان..
وليد: قالك اي؟
حبيبة: عايزنا نرجع...
وليد: و بعدين!!!
حبيبة: ولا قبلين ي بابا اكيد رفضت..
وليد: ندمان؟؟
حبيبة بسخرية: هيفرق في اي ي بابا...
وليد: هتفرق ي بنتي عشان انتي بتحبيه...
حبيبة: لا ي بابا انا عمري م حبيته...
وليد: لا بتحبيه... انا ابوكي مش هتضحكي عليا...سامحيه ي حبيبه.. سامحيه...
تركها و الدها لتفكر فيما حدث معهم...
كل تلك الأيام القاسية التي مرت بها... حديثه معها و رجاؤه لها... و دموعه....
تذكرت عندما ضمها لأول مره قبل ان يتركها... و تذكرت كلام أخيه....
اهلهكها التفكير طوال اليوم.....
.....................
اليوم التالي....
حبيبة: انا عايزة افهم انتي بتلففيني من الصبح معاكي ليه و بردو مش بتشتري حاجه...
هالة: حبيبة ي حبيبتي انا بدور علي استايل معين في اللبس..
حبيبة بسخرية: استايل معين مين ي ام استايل... ده انتي كل تلات دقايق.. حبيبه انا عايزة البس واسع..و شوية حبيبه البنطلون ده عاجبني.. انتي مش راسيه علي حاجه...
هالة: لا بصي هجيب دريس اي رأيك...
حبيبة: طيب...
هالة: وبعدين نروح ناكل...
حبيبة: هالة ي روحي لو اتأخرنا ابوكي هيعلقنا علي باب البيت...
هالة: لا متقلقيش...
..............................
حبيبة: اتفضلي بقي ادخلي وقولي لبابا ان انتي اللي اخرتينا....
هالة: تؤ.. مش هنلحق نقول حاجه...
حبيبة: يعني اي...
هالة: تعالي....
كان البيت كله متزين... و بابا وأعمامي و كل قرايبي واقفين... و هو... حمزة.. كان واقف معاهم و ثانية ده مأذون ده!؟؟
حبيبة: هو اي اللي بيحصل هنا..
حمزة: هشرحلك...
حبيبة: تشرحلي اي؟؟
حمزة: عمي بعد اذنك هتكلم معاها شوية...
وليد: اتفضل ي ابني..
سحبني من ايديا ودخلنا اوضتي...
حمزة: عمرك شوفتي حد يحب حد يسيبه!!
حبيبة: اه.. انا شوفت.. شوفتك انت..
حمزة: انا مفيش ثانيه واحده عدت عليا ومفتكرتيش فيها... عشان بحبك.. و بصراحه بقي انا مش هسيبك تاني لاي سبب...
انتي بتحبيني صح؟؟
حبيبة بعيدا عن اي حاجه.. عايزة اعرف انتي حبتيني ولا لا...
حبيبة: حبيتك ي حمزة...
حمزة: يبقي مش همشي من هنا الا وانتي مراتي...حبيبة متنكريش ان الفترة دي قد م كانت صعبه علينا قد م كنا فعلا محتاجينها... امشي ورا قلبك المره دي و صدقيني مش هتندمي...
حبيبة: خايفه اصدقك...
حمزة: اوعدك هعوضك عن كل اللي فات... مش هقولك حياتنا هتكون مثالية.. هنتخا'نق و نتزاعل بس واحنا مع بعض وهنراضي بعض...
حبيبة بتفكير: وان خلفت بوعدك ي حمزة!
حمزة: انا عايزك.. بحبك ومبفكرش في اي حاجه غيرك.. انا هعيش عمري كله بنفذ في وعدي ده وعمري م هخلفه.. انتي لازم تثقي فيا... انا بحبك والكلمه دي معناها وعود كتير اوي بتتحس و بتتنفذ مبتتقالش...
حبيبة: امممم... مش هطبخ لمدة سنه..
حمزة بسعادة: مش مشكله هنقضيها دليفري...
حبيبة: انا اللي هسمي اول بيبي...
حمزة: ي ستي نكتب الكتاب طيب عشان يجي...
حبيبة: احترم نفسك...
حمزة: هحاول... بحبك اوي..
ضمها حمزة بحب ولكن....
وليد: لسه مكتبناش الكتاب ي حيوا'نة...
حمزة: احم... منور ي عمي...
وليد: بنورك ي اخويا... يلا قدامي انتوا الاتنين.. مش عارف اي المحن ده...
حبيبة: احم.. حاضر ي بابا......
.............................
«بارك الله لكما وبارك عليكما و جمع بينكما في خير»
حبيبة: صحيح ي حمزة هو انت اللي دفعت الدين بتاع بابا...
حمزة: لا مش انا... ايهاب اللي دفعه...
حبيبة: بابا مش هيوافق علي كده...
حمزة: هقوله مش انا ومش هنعرفه مين.. ممكن تسامحي ايهاب ي حبيبة!!
حبيبة: مسمحاه... وبعدين بطل تقولي حبيبة...
حمزة ب إبتسامه: بحبك ي بيبو...
حبيبة: و انا كمان بحبك ي حمزة...
تمت بحمد الله