رواية ليتك لي من البداية
الفصل الثامن عشر18
بقلم الاء اسماعيل البشري وهديرمحمد
- بقى قررت تلعب عالمكشوف يا ياسر بيه ! مش كدة ؟؟
طيب ...انا هوريك اللعب مع المحترفين بيبقى شكله ايه .
بعد ساعتين
- كل واحد منكم فهم هيعمل ايه ولا نعيد من الاول يا رجالة ؟
حسام : لا الخطة مفهومة ...و لو اني مش متأكد من موضوع لوحة العربية ده ...يعني ممكن يكونوا مزورينها ؟
- انت فاكرهم زينا يا حسام؟؟ دول شوية هواة لسة بيقولوا يا مسهل ...تخيل طول الشهر اللي هوما مراقبينا فيه محدش شك اني فاقسهم؟؟
- انا اللي مدوخني الفيلم الهابط اللي عملوه عشان يطلعوها من البيت ..
- مش قلتلك هواة ؟؟ قال يعني عاملين كل الهلمة دي عشان يطلعوها من غير ما اخذ بالي.... ما هوما عارفين ان انا مراقب بيتها طول اليوم ...الحرامي كان في نيته يعمل نفسه جاي يسرق عادي بعدين يخدرها و يطلعها من غير ما حد يحس
طلع يوسف إزازة منوم من جيبه: انا لقيت عنده دي بس ما لحقش يستعملها لاني دشدشت عظمه ...
بقلمي آلاء إسماعيل البشري
حسام بضحك - و طبعا ما لقوش غير الفيلم الغبي بتاع محضر البوليس اللي ألفوه في آخر لحظة ده عشان في كل الاحوال تطلع .. ان مكانتش متخدرة يبقى بكامل رضاها !!
- مش قلتلك هواة؟؟؟
- بس بيني و بينك ...حكاية بنته قصاد رنا دي حركة معلم بجد
- يالا دلوقت هنتحرك عشان ما نضيعش وقت ..
يسري انت هتجي معاي انا و حسام دلوقت ...و انتو زي ما فهمتكم اول ما يوصلنا الموقع حسام هيبعثهولكم
طلع الرجالة و اتقسموا على ثلاث عربيات و ركب يوسف و حسام و يسري العربية الرابعة ..بص للساعة لقاها 6 و نص الصبح
- حسام ... لميس زمانها صحيت إتصل عليها و خليها تقابلنا في المكان اللي اتفقنا عليه .
- انت متأكد انها هتكون في الجيم ؟
- ايوة يا حسام. ....انا حافظها و عارف كل تحركاتها يا اما في المول او الجيم او النادي او عندها بارتي او نايمة ...النهاردة عندها جيم الساعة عاشرة الصبح ده انسب وقت لينا عشان ننفذ .
- انتوووو يا اللي هنااااا !!! حد يكلمني؟ انا فين ؟؟؟ ليه محدش راضي يقول لي انتو خاطفيني ليه ؟؟؟ يا عااااالم الحقووووني ..حد يسااااعدني !
- مالك يا قطة 😁 بتزعقي كدة ليه ؟!
- محدش هيسمعك هنا ...بقى وفري صوتك العسل ده احسن لك
- انتوووو عايزين مني ايييه بس سيبووووني ... الحقووووني يا ناااااس
- قلتلك مفيش حد هيمر من هنا. .. بقى روقي كدة عشان نعرف نتفاهم
- مش انا قلتلكم خذو كل اللي عندي حتى الدرع الذهب ابو 100 الف مش لازمني ....يبقى جايبيني هنا ليه ؟؟؟
- لا ماهو اتضح انك تساوي أكثر بكثيييييير من 100 ألف 😁
- مش فاهمة !!!
بقلمي آلاء إسماعيل البشري
- مش كفاية رغي يا نمر ؟؟؟ الباشا قال ايه ؟؟؟
- يووووه بقى !! مكانوش كلمتين يعني !😓
شده من هدومه و طلعه برة الاوضة و و هو بيهمس له بغيظ : - بقولك ايه ؟؟ امسك نفسك احسن لك !! حركات صياعة مش عايزين !! فاهم ؟؟
- فاهم ..فاهم 😓 ...بس بذمتك مش حرام جمال زي ده يمو'ت؟ و وحدة قردة زي بنته تعيش !
- ملناش دعوة احنا ....محدش قالها حبي واحد حرامي
-حرامي ابن محظوظة و الله ...مش عارف بيلاقوهم فين دول !! اومال احنا مش بنصادف الصنف ده ليه ؟؟
- بص في المراية و انت تعرف 🙄😂
- بس و الله البت دخلت دماغي اوي و حرام في المو'ت
- قلنا نصيبها كدة و امشي خلينا نشوف شغلنا يا نمر 🤨😏
- طب يقولك ايه يا مرسي ؟ ما هي كدة كدة مش هتتكلم ولا تلحق تقول لحد ...مش لو كنا فكيناها و ....
- هسسسس اخرس يا ز'فت !! عايز تهد كل الخطة عشان داخلة دماغك !!! طب ايه رأيك لو اطلعها لك منه و احطلك بدالها رصاصة ؟؟؟ 😤😡
- لاااا و على ايه بس .... نشيلها بالتي هي طبعا 😓
- هات ...ايه الاخبار وظبتوه ؟؟
- مش لاقيين حد يا باشا ...الشقة فاضية
- اغبياا ..اغبياااا ...أكيد كان كاشفكم و عامل حسابه لليوم ده!
تدوروا في كل الاماكن الي كان بيروح عليها
- دورنا يا باشا ...مفيش اي أثر ليه
- طب و الخط اللي أتصلت عليه
- الظاهر اتخلص منه يا باشا و حتى التلفون لقيناه في الشقة متدشدش مئة حتة
- فاكر نفسك اذكى مني مش كدة ؟؟ ماشي يا يوسف الگلب
هنشوف مين اللي هيضحك في النهاية ...
رن تلفونه برقم غريب
- ألووو .
- معقولة تدور عليا في الشقة ؟ هو انت للدرجة دي مستهون بذكائي ؟؟ 🤨 لالالا ..ده انت كدة اهنتني يا راجل !! .
- خليك فاكر انك اتحدتني مرتين يا يوسف ...لسة ما اتخلقش اللي يتحداني ..ده انا ياسر الأسيوطي ..اكبر رجل اعمال في الشرق الأوسط الملقب بالحوت الأبيض
يوسف بتصنع الجدية - و انا يوسف ابراهيم ماجستير ادارة اعمال بتقدير امتياز يعني دحيح الدفعة يا روح أمك ...و مش متشرفين ولا حاجة و يالا سبنا من التعارف و خلينا ندخل في الشغل على طول؟🥴
- ماشي ...انا كنت اديتك مهلة اسبوع بس انت بالحركة البايخة بتاعتك استفزيتني عشان كدة الاتفاق اتغير و ال300 مليون بتاعتي و معاها بنتي يرجعوا من هنا لبكرة الصبح و الا مش هتتخيل أبدا انا ممكن اعمل ايه في رنون الحلوة بتاعتك
ده حتى رجالتي عجبتهم اوووي ...و انا بصراحة بحب ادلع رجالتي و مش بسيبهم نفسهم في حاجة ابدااااا
يوسف : انت تقصد بكلمة رجالة شوية البهايم اللي انت مشغلهم دول !؟ اللي طلعنا بنتك من قدام عينيهم ولا انتبهوا حتى ! 🙄😂
- بقولك ايه ؟!؟؟ هتنفذ اللي قلت عليه ولا تنسى ان فيه وحدة فحياتك كان اسمها رنا ؟؟!
- طب ما انت عارف اني مفلس و كحيان و مش لاقي لقمة غدا حتى ...اجيبلك منين 300 مليون دولار ؟؟ 🤨
- ما انت دحيح الدفعة و أكيد هتتصرف .. انا عارف ان دماغك ألماظ و لما تحب تشغلها تطلع ذهب من تحت الارض
- لا في دي غلبتني يا راجل .. معاك حق طبعا ..انا اقدر اعمل خطة بنت لذينة و اسرق اكبر بنك في سويسرا لو عايز و اديك فلوسك و الباقي نقسمه انا و الرجالة ...بس انا مش عايز.
ياسر بغضب - يعني ايه ؟؟
يوسف ببرودة اعصاب - يعني انا راضي بملاليم و كافي خيري شري و قاعد في مكان حتى الجن الازرق ما يقدرش يلاقيني فيه و لو على الخنفسة بتاعتك انا هابعثهالك ببلاش اصلها بتجيبلي تشاؤم .. مش باقدر اشوفها لما اكون على معدة فاضية ...بيجيلي تلبك معوي بعيد عنك ....يبقى اسرق عشانك 300 مليون دولار ليه ؟؟؟! تؤ .....انسى
ياسر بغضب - انت فاكر انك هتفضل هربان مني على طول ؟؟ انا أكيد هلاقيك و ساعتها هأخليك تتمنى المو'ت مش هتطوله...صدقني يا يوسف هأخليك تترجاني عشان اريحك و امو'تك بسرعة
يوسف بزهق - انا ممكن اترجاك عشان حاجة وحدة بس ... انك تخرس عشان صدعتني برغيك 🥴 و تسمع العرض الجديد بقى
ياسر بدهشة - عرض ايه ده ؟؟
- بنتك قصاد مئة مليون دولار و فيلا 6 اكتوبر
- لا انت أكيد بتهزر صح ؟؟ 🤨
- عيب عليك يا رجولة .....هو انا عرضت عليك عرض و لا حكيتلك نكتة؟؟ أصل أنا المرة اللي فاتت سامحتك في الفيلا بس انت طلعت نذ'ل و وا'طي و ما تستاهلش طيبتي ...يبقى المرة دي مفيش تساهل و طيبة مع اللي زيك
- يعني انا بقولك ترجعلي 300 مليون و بنتي مقابل حبيبتك تقولي عايز مني 100 مليون تانية و فيلتي ؟؟!
يوسف بسخرية - ايوة تخيل ؟؟؟
- انت شارب حاجة ياااظ !!!
- ايوة شارب عصير افوكادو بس طعمه وحش اوي اوعة تجربه !
- بص... انا اديتك بدل الفرصة اثنين و الظاهر مش عايز تتعدل
أنا هأكلم الرجالة حالا عشان يتوصوا بالمدام على ما اروح لها انا ...أنا هاعلمك ازاي تستظرف معاي يا روح خالتك
- خالتي بتسلم عليك و بتقولك رجالتك متربطين مكان المدام و هي فاضل لها تكة مفتاح و توصل عندي
- انت. ....انت بتقول ايه ؟؟؟ 😱😳
- هو انا نسيت اقولك ؟؟؟ اوبس اخصا عليا !! مش رجالتي داهموا المكان في الوقت اللي احنا كنا قاعدين بنرغي فيه ده... و خلصوا حبيبتي و راجعين بيها عندي ؟؟ 🤨😳