رواية ليتك تغفرين الفصل الخامس5والسادس6بقلم هدير محمد والاء اسماعيل البشري
احتضنها بحب و كانت ترتجف بين يديه مثل الورقة التي تأخذها الريح إلى كل مكان .. كانت تنتظر لمسات جريئة لكن مهلا لحظة !! ماذا الذي يحصل ؟؟؟
حضنها برقة....حضن اقرب للاحتواء منه إلى الرغبة و بعد مدة ...ناااام !! نام من غير أي كلمة..نام بكل راحة و طمئنينة !
كان نور القمر الخافت يتسلل عبر النافذة المفتوحة نسبيا
بقيت تتأمل ملامحه و هو نائم بين احضانها بكل ارتياح و كأنه لم يذق طعم النوم منذ دهر !! شكله كان يوحي بأنه متعب جدا ...لم تستطع النوم مادامت بين ايديه..
في البداية كانت ترتجف بشدة و متوترة و مجرد الفكرة انه سيل'مسها تانية كانت تجعلها تشعر بالغثيان و التقزز
لكن عندها وجدته يحتضنها فقط و لم يحاول حتى أن يق'بلها بدأت ترتاح و تطمئن تدريجيا ... لم تتحرك ولم تخرج من بين يديه حتى لا يصحو ثانية
تسمرت داخل أحضانه و بقيت تتأمل ملامحه...
تعترف بينها و بين نفسها انها معجبة بكل شيء فيه ..عينيه و حواجبه السوداء شفتاه ... شعره الاسود الكثيف ذقنه الخفيفة ...لونه القمحي ... تتمنى لو كانت ظروف زواجهما مختلفة ...كان من الممكن حينها أن يكون لهما فرصة مع بعضهما البعض...لكن للأسف هو خسر فرصته معها ...
بقيت تتأمله كثيرا و تتكلم في سرها إلى أن استسلمت للنوم
صحيت الصبح متأخر لإنها تقريبا ما نامتش طول الليل
بصت يمين و شمال ما لقتهوش قدامها و لقت ورقة قدام المخدة
فتحتها و ايديها بتترعش
" حبيبتي رنا .. عارف إنك هتتصدمي أول ما تقرئي الكلمة دي و عارف كمان إني مليش الحق ف اني اقولهالك لإني فقدت الحق ده من زمان ...من أول ليلة 😔
بس مع كدة ما اقدرش اخبيها في قلبي و هقولهالك بأي حال
حبيبتي رنا :
انا النهاردة إتأكدت اني خسرتك لما لقيتك فورا وافقتي تقضي الليلة معاي مقابل اني اطلقك ، مش هقولك اني موتت حرفيا لحظة ما شفتك جايالي بقميص النوم و انتي بتترعشي كإنك شاة بتتقدم للذب'ح ... و مع اني متأكد إن الفكرة لوحدها كانت بتحر'قك من جواكي إلا إنك وافقتي على طول انك تقدمي التضحية دي مقابل بس انك تخلصي مني !! ساعتها عرفت قد ايه انا كنت غبي لدرجة اني آذي وحدة في رقتك 😓
ايوة عارف اني أذيتك اوي و كسرت قلبك أكثر و خليتك فقدتي ثقتك فيا...اعترف اني غلطت غلطة فظيعة و لا تغتفر و اتسرعت لما اتصرفت التصرف الحق'ير ده معاكي ...و بصراحة أستاهل منك اي عقاب الا انك تبعديني عنك يا رنا ...انا عرفت قيمتك بعد ما سيبتيني و صدقيني في الوقت اللي قضيته لوحدي إكتشفت اني عمري ما حبيت سلمى و الدليل على كلامي اني نسيتها بكل سهولة ...بس ما اعتقدش اني هأقدر أقول نفس الكلام ده عنك ...
انا اكتشفت اني حبيتك من اول يوم ما بيننا يا رنا ...ما تستغربيش اوي كدة !!...أيوة حبيتك !
انا بس كنت اعمى و اغبى من اني اعترف بكدة حتى قدام نفسي
و صدقيني عمري ما شفتك مجرد ج'سد ولا كنت من النوع الحق'ير ده أبدا..
و صدقيني كمان لو قلتلك اني من بعد الليلة اللي قضيناها سوا و انا مبقيتش عارف أنام مرتاح و النوم على طول مجافيني .... عارفة ليه ؟؟
لإني كنت كل ما احط دماغي عالمخدة افتكر حاجتين
أولا ذكريات الليلة اياها : ملمس بشرتك الناعمة ؛ ريحة شعرك الحلوة ؛ حضنك الدافي ؛ صوتك الحنون و انتي بتقولي جملتك الرقيقة اللي فضلت تتردد في وذاني مش راضية تفارقني من ليلتها " انا ما طلبتش منك تبعد عن حضني على فكرة ... بالعكس عايزاك تقرب اكثر " ... ياااااااه !! صدقيني الجملة دي لوحدها كان ليها تأثير السحر على قلبي !!
ثانيا كنت بفتكر الكلام الس'م اللي قلتهولك ثاني يوم الصبح و نظرات الانكسار اللي شفتها في عينيكي.... ساعتها بأفضل أحتقر نفسي جدا و بأكره الساعة اللي عرفت فيها سلمى و اقعد طول الليل اتمنى يرجع بيا الزمن لورا عشان امحي الذكرى البشعة دي من حياتنا للأبد و أرجع افوز من تاني بثقتك و يمكن بحبك كمان ليه لأ ! 😓.
المهم دلوقت عايزك تعرفي حاجة مهمة أوي يا رنا
إن ليلة امبارح كانت اسعد و اجمل ليلة في حياتي يمكن حتى
احلى من ليلة د'خلتنا نفسها... عارفة ليه ؟؟ لإني عمري ما نمت مرتاح و مبسوط في حياتي كلها زي ما نمت امبارح
هتسأليني ليه ؟؟ هاجاوبك بكل بساطة : لإنك لما كنتي معاي و بين ايديا كنت حاسس معاكي بإحساس الأمان مش الرغبة .. حسيت ساعتها اني ماسك القمر بين ايديا ...هاعوز ايه من الدنيا بعد كدة ؟! حتى لو موتت تاني يوم الصبح ما يهمنيش
كنت هموت و انا اسعد انسان في الوجود لاني موتت بين ايدين ارق و أجمل بنوتة في الكون كله
في الاخير يا رنا... انا كذبت عليكي مرة لما طلبت منك تثقي فيا و خذلتك بعدها... عشان كدة ما اقدرش أكذب عليكي تاني
وعدتك مرة و اخلفت وعدي ...مش هأخلف وعدي المرة دي ولاهأغصبك على انك تفضلي معاي بالعافية ...
انا هاكون عند كلمتي المرة دي و أحررك من الإرتباط اللي بيخنقك ده ...و لو اني حاسس إن روحي بتتسحب مني و انا بانطقها و باتمنى لو اني موتت قبل ما أعيش اللحظة دي بس أهم حاجة اشوفك إنتي مبسوطة و مرتاحة
" إنتي طالق يا رنا " 😭
على فكرة مش محتاجة تسيبي البيت أولا لانك في العدة و ثانيا لإني كتبت لك البيت في إسمك
انا اخذت كل حاجتي و سافرت... و بعد إذنك انا أولا صورتك و انتي نايمة صورة هتفضل ذكرى حلوة تخفف عني ألم فراقك و شوقي ليكي و ثانيا انا اخذت التوكة بتاعتك عشان عليها ريحة شعرك اللي بأعشقها..و دول هيبقوا اغلى هديتين حصلت عليهم في حياتي
خليت لك مبلغ محترم في الدولاب مش هيخليكي تحتاجي لحد
و اي حاجة هتحتاجيها هيبقى سليم يجيبهالك لحد عندك
على فكرة انا طلقتك مرة وحدة و من هنا لحد ما تخلص عدتك هأفضل أستنى على أمل انك تسامحيني و توافقي نرجع نبتدي من جديد ... لو ده حصل انتي عارفة هتلاقيني ازاي ...
بس لو عدت المدة و مفيش حاجة اتغيرت يبقى ساعتها انا هأعرف الرد و باتمنالك من كل قلبي السعادة اللي انتي تستاهليها بعيد عني
و أنا استحق التعاسة اللي اتسببتها لنفسي طول العمر .
"المخلص لحبك سيف "
دموعها بللت الورقة بالكامل كانت بتقرأ بصوت عالي
صوت نحيبها و شهقاتها ملأ الاوضة كلها و جسمها كله بيترعش.
- طب أهو نفذ وعده و طلقك !! بتعيطي دلوقت ليه يا رنا😓؟؟؟مش حاسة بالحرية و السعادة اللي انتي كنتي مستنياها لييييه!!!😭 عاوزة ايه دلوقت مش انتي اللي طلبتي يطلقك ؟
بعد مدة طويلة مسحت دموعها و قامت لبست الروب و دخلت الحمام
أخذت دش و كل تفكيرها في ملامحه اللي اتحفرت في عقلها من امبارح مش راضية تفارقها
- يووووه يا رنا !! و بعدين معاكي !! انتي أخيرا بقيتي حرة المفروض تكوني مبسوطة و مرتاحة البيت كله بقى تحت امرك و هتعيشي فيه من غير خوف ...مش ده اللي كنتي عايزاه ! فكي بقى !!
طلعت من الدش و لبست هدومها و اتصلت على سليم
- رنا ازيك النهاردة ؟؟
- تمام الحمد لله
سليم بمزاح - طب و الدبش اخباره معاكي ايه !!
- طلقني
سليم بدهشة : انتي بتقولي ايه !!! معقوووولة !!!
- مالك مستغرب كدة ؟؟ ما كدة كدة كنا هننفصل !!
سليم -طب ازااااي !! امبارح رفض يحضر الجلسة بس عشان الدعوة ما تتقبلش و كان متحمس اوي أنه يصلح غلطته !!
نرجع بالزمن لورا
- انا مش عايز اطلقها يا سليم
سليم- ليه ؟؟
- هو ايه اللي ليه ؟؟؟
سليم - ماهو انا لو هأساعدك يبقى لازم اعرف نيتك الأول ؟! رنا طيبة و ما تستاهلش اللي انت عملته فيها ده
سيف : معاك حق ...انا كنت غبي لما ضيعت من ايدي جوهرة زي رنا عشان وحدة زي سلمى
- افهم من كدة انك مش عايز تطلقها عشان حاسس بالذنب بس و ندمان ؟؟
- لا يا سليم مش كدة ...
- اومال ايه؟؟
- انا مش عايز اطلقها لإني بحبها ...ايوة حبيتها و كنت بأكابر و مش راضي اعترفلها ...بس خلاص انا مش هأخبي أكثر من كدة و هأحاول اعمل المستحيل عشان تسامحني و ما تبعدش عني
- طب حيث كدة يبقى ما تروحش جلسة المحكمة
- ازاي
- هو ايه اللي ازاي !! ما تحضرش جلسة الخ'لع و في الحالة دي القاضي هيرفض الدعوى من الأساس !!
- طب افرض طلعت غلطان و القاضي وافق ف غيابي ؟؟!
- انت نسيت ان انا بادرس حقوق ولا ايه ؟؟! طبعا ...هو انت من امتى افتكرت حاجة تخصني !😒
- ااه صحيح ده انا نسيت ! انت عبقري يا سليم ..هات دماغك ابوسها
- يا عم حل عني و هات بس ما تبوظش الموضوع و ابقى بوس مراتك كفاية عليك 🙄😂
- حاااضر يا اخوي .... أوعدك هخليها تحبني ☺️
نرجع للواقع
- و الله ده اللي اعرفه ... سيف كان متحمس اوي لرجعتك و انا كمان كنت فاكر المية رجعت لمجاريها !! ايه اللي حصل يخليه يغير موقفه بين ليلة و ضحاها !!
رنا بإحراج : تقدر تقول اننا عملنا أنا و هو اتفاق ... و لو وافقت عليه ساعتها هيوافق يطلقني تاني يوم
- اتفاق ايه ده !!!
رنا : مش مهم ايه... المهم إني وافقت و هو نفذ وعده و طلقني
سليم بحزن : بس سيف إتغير بجد يا رنا ...مش مصدق إنك بعد ما غيرتيه التغيير الجذري ده تتخلي عنه !! كان واضح اوي حبه ليكي من عينيه و تصرفاته يا ريتك كنتي وافقتي تديله فرصة تانية
رنا بضيق - صعب جدا أنسى اللي حصلي و اسامحه بالبساطة دي ... صدقني مش هأقدر ...يمكن كدة احسن لينا احنا الإثنين
- طب هو فين دلوقت ؟؟
- مش عارفة ...لقيته سايبلي ورقة بيقول أنه سافر ...ألا هيكون سافر فين يا سليم ؟؟
- يا عالم يكون سافر فين .... ماهو شغله كله اونلاين و من البيت يعني يقدر يشتغل من اي مكان في العالم من غير ما اي واحد يقدر يوصله
رنا بضيق : طب انا هاقفل دلوقت يا سليم
- أمانة لو احتجتي اي حاجة اطلبيها مني ماشي ؟؟
- تمام يا سليم ..سلام
قامت رنا و دخلت المطبخ و هي بتحضر عجة بيض و بتفتكر
فلاش
- ايه البيض الملزق اللي انتي عاملاه ده !! بقى دي اسمها عجة بيض دي ؟؟؟ علي النعمة كإنها فردة كويتش نايمة
رنا : نينيني...بطل خفة دم و وريني همتك انت و اعمل زيها !!
سيف بتحدي : و أعمل احسن منها ...اقعدي و اتفرجي !!
قعدت و حطت ايديها على دماغها تتفرج عليه
لبس المريول و جاب بيض تاني حطه في الخلاط و قطع بصل ناعم و بقدونس و حطهم عليه و شوية شطة مع شوية قشطة و حبة خردل و رشة شطة و ملح و شوية سكر صغيرين اوي و ضرب الكل في الخلاط و سكبهم في المقلاية
و هو بيقول باعتزاز : العجة دي اتعلمتها من واحد صديقي هندي مش هتنسي طعمها الخرافي ...و اهم حاجة فيها انك تكوني حاطة المقلاية على نار هادية و مدة الطهي مش بتعدي 3 دقائق يا اما ارميها احسن لك ... لفيها كدة عشان تديكي شكل سندويتش☺️
طلعها و حطها في الطبق و رش عليها لمون و بقدونس
- خذي ...ذوقي و قوليلي رأيك !!
أخذت رنا الشوكة و ذاقت شوية منها
انبهرت من طعمها كان مزيج متناغم ما بين الحلو و المالح و كمان القشطة عدلت طعم الشطة
رنا بتلذذ : الله !!! طعمها روعة .... بس مع كدة عجتي احلى 😜
و مسكت الطبق و جريت على اوضتها ..حاول سيف يمسكها اتكعبل و وقع
- تعالي هنا رايحة فين بالعجة !!!
رنا من جوة بتريقة : هاكلها و ابقى انت كل العجة اللي انا عاملاها ما كله بيض 🙄😂
سيف و هو بيجز على اسنانه:ااااه يا بنت المجنونة ! خايف يجي يوم و تاكليني بجد مش فاهم سر شهيتك المفتوحة دي !!
رنا من جوة بضحك - قول بسم الله ماشاء الله على الأقل
سيف بضحك : ماشي ...ألف هنا و ربنا يعوض عليا في البيض
عودة للواقع
رنا بحسرة: عملت كل الخطوات اهو و برضو ما طلعتش تحفة زي العجة بتاعتك 😒..
يووووه بقى !!! مش قادرة أطلعك من دماغي ليه دلوقت !! حتى و انت بعيد مش سايبني ف حالي؟ ما تسافر ولا تغو'ر ف داهية انا مالي !!! 😓💔
أكلت و قامت تدور على شاحن افتكرت ان كان فيه واحد بس و اخذه معاه
لبست هدومها و طلعت تشتري شاحن و افتكرت حاجة تانية
بقلمي آلاء إسماعيل البشري
في مكان آخر
سيف - الو يا سليم
سليم - اخيييرا يا سيف !! فينك يا عم ؟؟ من الصبح باحاول أوصلك مش عارف !
سيف - و اديني اتصلت انا ....المهم ده رقمي الجديد سجله عندك و اوعة تديه لحد ولا حتى بابا ....
سليم : حاضر ... هات فهمني ايه الكلام الغريب اللي مراتك قالتهولي ده!
- قصدك طليقتي !!🙄
- يعني بجد طلقتها !؟! انت عب'يط يالا!! هي دي اللي مستعد اعمل اي حاجة بس رنا ما تبعدش عني يا سليم ؟؟
سيف بحزن - ايه فايدة اني امسكها قريب مني و قلبها مش معاي !! انا خسرتها يا سليم و دي الطريقة الوحيدة اللي احفظ بيها الباقي من كرامتي ...يمكن بالشكل ده تفتكرلي موقف حلو
- تبقى غبي و مهزوم ...و جبان كمان.... مش ده سيف اللي كنت واخذه قدوتي... سيف اللي اعرفه كان هيحارب لآخر قطرة د'م
- يا عم اعتبرني حاربت و خلصت كل الد'م اللي فيا حلو كدة ؟؟
سليم : لا... دمك خفيف لدرجة اني هيغمى عليا 🤢
سيف بحزن- غصب عني يا سليم مش متحمل نظرات القر'ف و الخوف منها كل ما حاولت اقربلها
- يعني مش عيب تبقى شحط قد كدة و متجوز و انا اللي اسمي عيل و اعزب اعلمك حكاوي البنات ؟؟
سيف بتعجب - تقصد ايه يالا !!!
- يعني لما البنت تعمل انها بتكرهك معناها بتحبك بس مش عايزة تبين و لما تقولك مش طايقاك تبقى عايزاك بس مستنية انت اللي تعمل اول خطوة ...لما تقولك انك مش فارق معها تبقى مموتة نفسها على نظرة منك بس بتخفي مشاعرها كويس
سيف بصدمة - انت بتخرف بتقول ايه ؟؟؟
سليم - بقول ان رنا كمان بتحبك يا اهبل...واضح من نبرة صوتها و هي بتقول انك طلقتها .... و بلاش تعمل فيها صاحب كرامة و اخلاق ... انت اللي غلطت و هزقتها يبقى المفروض كنت تحاول تستحمل تهزيق انت كمان لحد ما تكسبها تاني
- و الله كلامك منطقي اوي ياظ... دماغك دي شكلها الماظ مش ذهب ...بس ايه الفايدة انا طلقتها و سافرت خلاص !
- انت مش قلتلها لو غيرتي رأيك لحد آخر يوم العدة هتعرفي تلاقيني ازاي ؟؟
- ايوة قلتلها كدة
- كنت تقصد ايه الأول ؟؟
- ما هي تعرف حساب الفيس بتاعي ....ليه ؟؟
- حلو اوي ...يبقى انا هقولك تعمل ايه عشان نخليها تسامحك
- هاااات قول يا عم سامعك
بقلمي آلاء إسماعيل البشري
خلصت رنا مشوارها و راحت عند ريم صحبتها
- أهلا رنووون !! منورة و الله
رنا و هي بتنهج - هاتيلي كوباية مية و النبي هلكانة
دخلت ريم المطبخ جابتلها مية و حطت رنا الجاكت بتعب
ريم -:كنت فاكراكي مش راجعة تاني بعدما طلعتي امبارح على آخرك ! هااا احكيلي ايه اللي حصل اوعي تكوني مو'تتيه يا مجنونة ما انا عارفاكي لما تتعصبي 😂
رنا بحزن : سيف طلقني يا ريم 😔
ريم بدهشة : ايييييييه !!!
سيف - و الله فكرة عبقرية يا واد يا سليم !!
سليم بغرور - بجد !! معنى كدة المفروض تقولي سليم باشا مش واد!🙄
سيف - تستاهل لقب الباشا و الله ...يا ريت بس خطتك تجيب نتيجة ساعتها هقولك السلطان سليم 😂
- طيب ماشي لما ترجعو لبعض هأفكرك
- المهم دلوقت يا سليم ...انا مليش غيرك أأمنه على رنا ...خلي بالك منها وشوف كل طلباتها ما تخليهاش تحتاج لأي حد او لأي حاجة
- من غير ما توصيني يا اخوي 💪
- تسلم يا رجولة .
رنا :زي ما بقولك كدة .... سيف طلقني يا ريم 😔
ريم - و الله !!! طب حلو اوي جات منه و احسن مليون مرة من الخ'لع و اهو تاخذي حقك منه و بالجزمة القديمة كمان
- مش عايزة منه حاجة ... المهم أنه وافق 😔
كملت ريم بفرحة : ياااه...ده مراد هيطير عقله من الخبر ده 🥰
اتنهدت رنا بعمق و اطلقت زفرة طويلة
- على فكرة هو سابلي البيت باللي فيه و سافر 😔
قعدت ريم جنبها و حضنت كتفها بإيدها
- طب و مالك بتقوليها من غير نفس كدة !! هو انتي مش مبسوطة انك خلصتي منه أخيرا ؟؟؟
رنا- مش عارفة 😓
ريم : هو ايه اللي مش عارفة ؟؟! مش ده سيف اللي اهانك و احتقرك و ذلٌك و ..و .. !! ايه اللي إتغير دلوقت !!
إنهارت رنا بالبكاء : مش عاااارفة مااالي يا ريم
- مش عارفة ايه انتي هتجننيني ؟؟؟
- مش عاااارفة بقووولك 😭😭
ريم: لااااا ده الموضوع فيه إن !!! اوعي تكوني حبيتيه ي هبلة
رنا ببكاء : مش عارفة .... فجأة حسيت اني مخنوووقة و عايزة اعيط... من لما لقيت رسالته الصبح و انا مش على بعضي و حاسة بحاجة كاتمة على صدري و مانعاني آخذ نفسي 😭
ريم بغيظ: رسالة !! يعني حتى لما قرر يبعد عنك شتت لك افكارك و حسسك بعذاب الضمير و منعك تستمتعي باللحظة ! منه لله البعيد ...بوظلك فرحتك بالطلاق ...طب أهدي يا حبيبتي. ...اهدي
أخذت رنا نفس عميق و مسحت دموعها
- خلاص يا ريم...خلااااص مش هنقعد نتكلم عليه ... اهي كانت مرحلة من حياتي و هتعدي
-على رأيك .... يالا قومي اغسلي وشك على ما أحط الغدا
- طابخة ايه ؟؟
- قوانص
- يععع ....لا مش عايزة آكل 🤮
- هتفضلي جعانة يعني !! و بعدين دي قوااانص يا بنتي !
- لا خلاص انا رايحة البيت و هابقى اعمل لنفسي سندوشات جبنة
- تروحي ايه هو انتي لحقتي تقعدي ؟؟ و بعدين بصي لنفسك هلكانة ازاي ! استني ترتاحي شوية و هنبقى نوصلك لما يرجع مراد
- لا ارجوكي اعفيني من الموقف البايخ ده ..انا اصلا عايزة اروح عشان ما اقابلوش و انتي عايزاه يوصلني !!
- ليه بس يا رنون !! و الله مراد اخوي طيب و ابن حلال اوي
رنا : يا ريم هو انتي هتعرفيني عليه ؟؟ ده انتو اخواتي و احنا متربيين مع بعض !!
-بس هو مش شايفك اخته
رنا بتذمر: ماهي دي المشكلة !! انا مش هاقدر اشوفه غير اخوي الكبير.... زي ما انا شايفاكي انتي اختي الصغيرة
- بس انتي دلوقت اتطلقتي يعني فيها ايه لو تفكري المرة دي ؟
- معلش يا ريم تقفلي ع الموضوع ده ما تنسيش اني لسة في العدة ...انا هآخذ حاجتي بس و هأبقى ارجع لك يوم تاني
- حاضر ... ما انتي عنيدة و مش بتعملي غير اللي ف دماغك .. خشي يا ختي خذي حاجتك اهي جوة
دخلت رنا بتثاقل و تعب و اكملت ريم في سرها
- هي مالها دي !! فيها حاجة متغيرة ايه هي مش عارفة !!!
الفصل السادس
بعد مدة رجعت رنا البيت أخذت دش و غيرت هدومها و كانت هتقوم تعمل اكل بس احست بالتعب جدا و النوم كبس عليها
بصت للساعة لقتها عدت أربعة - خلاص عادي ... اتمدد لي ساعة زمن و اقوم اتغدى بعدين
حطت دماغها عالمخدة و راحت في النوم على طول
الساعة 12 بالليل في مكان بعيد
سيف - يا ترى بتفكر فيا و في الكلام اللي كتبته ولا لأ؟
عقله- تفكر ايه انت كمان !! هو أنت عبيط ولا بتستعبط ؟؟ دي رضيت تنا"م معاك مع إنها مش طايقة تبص ف خلقتك و كل ده ليه ؟؟ مش عشان تخلص منك؟؟ تلاقيها عاملة حفلة و مهيصة لوحدها بالمناسبة السعيدة دي... معاها حق بصراحة ... ده انت غبائك كان معدي يا شيخ ...فاكر انك بعد ما عملت فيها كل اللي عملته تفكر فيك ولا تصعب عليها ؟؟؟ طب و الله العظيم تبقى مهز'قة و من غير كرامة لو عملتها و انت تستاهل ضرب الجزمة كمان
قلبه - جرى ايه يا سيف هو انت معاي ولا معاها ؟؟ 🤨
عقله - لا انا هنا ...بس انت اللي فضلت معاها هناك
قلبه ،- ايه الفايدة ؟؟ هي مش عايزاني 😭
عقله- يبقى سليم معاه حق ...انت اغبى بني آدم في الدنيا كلها
هي بس كانت محتاجة منك وقت عشان تسامحك و انت زي الطو'ر ما فهمتش كدة و طلقتها على طول و هربت زي الجبان !! اشرب بقى ؟!
ظل يتقلب و الأفكار تتصارع بداخله الى أن نام أخيرا
تململت بنعاس في فراشها و نظرت الى الساعة بصعوبة
كانت الثانية ليلا
- ياااااه !! انا نمت كل ده ازاي ؟؟!
ثم تذكرت شيئا فعبست و رجعت بالزمن قليلا
رنا بعصبية- هو ايه ده يا حضرة !؟؟
سيف بلا مبالاة و هو بيحط جبنة على العيش :
- ايه هو اللي ايه🤨 ؟؟ ده !! سندويش جبنة 🙄
-بلاش عبط و النبي ... انا بأتكلم عن الدوشة اللي انت عاملها مش واخذ بالك مثلا ان فيه حد عايش معاك ف نفس البيت؟؟
سيف بتصنع الغباء: بصراحة ما انتبهتش و مش شايف حد ! ليه ؟؟؟
- هو ايه الي ليه انت هتستعبط !!! الساعة عدت 12 بالليل و انت مهيص و معلي صوت التلفون و التلفزيون و كل حاجة ولا كإن في بني ادمة جوة بتحاول تتخمد !!
- اعملك لك ايه يعني !! مش بأنام بدري و كمان جعان...🙄
- طب و الحل ف أم الليلة دي ؟؟؟😤
- أبقي حطي قطن في وذانك و انتي تنامي ولا اقولك ؟؟ حطي مخدة فوق دماغك و شدي عليها جاااامد ...يمكن ساعتها ترتاحي من الدنيا كلها 🙄😂
رنا بغضب : هيهيهي ... دمك س'م 😏
- و الله مش ذنبي انك ما اتعلمتيش فالمدرسة حاجة اسمها هزار 🙄😁
دخلت و خبطت باب الاوضة بعصبية وسط ضحكاته المستفزة
عودة للواقع
رنا بحزن : كان سيف بيعمل دوشة في البيت و مش بيسيبك تنامي ساعتين ورا بعض طول ماهو هنا ...اهو مشي نامي زي ما انتي عايزة 😟
- جرى لك ايه يا رنا ؟؟ ماهو سابك و مشي مش عايزة تنسيه ليه ؟ هي كل حركة هتفكرك بسيف الز'فت ده ولا ايه !!
- اووووف الله يحر'ق سيف و سنين سيف ! معاها حق ريم ! حتى و هو بعيد مش سايبني ف حالي !! اما اقوم اعملي لقمة عشان ارجع اتخمد تاني 😒😓
الصبح في بيت عبد الله
- صباح الخير يا بابا
- صباح النور يا ابني فينك ما شفتكش امبارح و انت راجع ؟
- فضلت اذاكر مع عمر لوقت متأخر انت عارف مناقشة المذكرة قربت ..
-... ربنا يوفقكم يا ابني ...
- يا رب ... ناولني البيض من فضلك
- اهو ... بقولك ايه يا سليم ؟؟
- ايوة يا بابا
- هي ايه حكاية اخوك مع مراته ؟؟
سليم بإرتباك : حكاية ايه يا بابا ؟؟ 🤨 مفيش حكاية ولا حاجة....مسك كوباية العصير عشان يشرب
عبد الله: مش عليا يا واد... انا سمعتكم لما كنت بتكلمه في التلفون امبارح
شرق سليم و كح كل العصير ...و كمل ابوه
- و شكل الموضوع ليه علاقة باللي بيحصل ما بينهم هو و رنا
- بصراحة مش عارفة اقولك ايه يا بابا
- تقول الحقيقة و حالا !!!
سليم : سيف طلق رنا يا بابا 😟
عبد الله: يا ابن ال** ! يعني في الاخر عملت اللي فدماغك😤
طيب !! صبرك عليا يا نذ'ل ! ان ما وريتك !!😡
بص لسليم بغضب : طب هو فين دلوقت ؟؟؟
- سافر مش عارف فين 😔
عبد الله بحدة - لا و الله !! و كمان سافر !! ما شاء الله!!
- يا بابا ما تظلمش سيف! هو و الله ماكان عايز يطلقها هي اللي أصرت !! دي حتى رفعت عليه قضية خ'لع
- انت بتقول ايه ؟؟ 🤨 امتى حصل الكلام ده ؟؟
- المفروض أول امبارح كان عندهم جلسة محكمة
- كل ده يحصل و ما اسمعش ؟؟ بقيت طرطور وسطيكم أنا ؟؟ طب انت ما قلتليش ليه ؟؟
-يا بابا و الله العظيم هو حلفني ما اقولش و انا وعدته بكدة
- طب ايه اللي حصل بعدها ؟؟
- هو رفض يطلقها و ما حضرش الجلسة ..بس الظاهر في الاخر ان اصرارها خلاه يوافق غصب عنه
- غصب عنه ازاي ؟؟ عايز تفهمني إن هي اللي كانت عايزة تتطلق ؟؟؟ يعني مش هو اللي كان هيطلقها في الأول و حتى قالهالي بلسانه؟؟
سليم بتردد - ده كان في الأول يا بابا بس بعدين ....
عبد الله بشك ؛ بعدين ايه !! ما تتكلم يا ولد ؟؟
سليم بحزن : سيف بيحب رنا يا بابا ... و كان منهار و متدمر خالص و هو بيقولي أنه طلقها و سافر. ...
- بتتكلم بجد يا سليم ؟؟
- اااه و الله .. يا ريت بس كنت اقدر اوصله و ساعتها كنت هاقنعه يرجع حتى لو اضطريت اسحبه سحب للطيارة !!
عبد الله: ما تقلقش سيب الموضوع ده عليا...انا هأعرف اوصله
خلص سليم فطاره و قام
- طب عن اذنك يا بابا هاعدي على رنا أشوف طلباتها و اروح المكتبة عندي معاد مع عمر ...اه بلاش تستناني عالغدا
طلع و هو بيتصل عليها و هو بيقول بتذمر
- يووووه ... ما تردي يا رنا كل ده نوم !!
فضل يتصل مرة و اثنين لحد ما ردت بتثاقل
- الو
- فينك يا رنا كل ده !!
رنا بنعاس- نايمة ...عاوز ايه يا سليم
- مش انا اللي عاوز ....قلت يمكن تحتاجي حاجة اجيبهالك معايا
- شكرا يا سليم ... هأبقى اطلع اجيب اللي احناجه بنفسي
- ايه الكلام الغبي ده !! معقولة تطلعي و انا موجود ؟؟هو انتي مش معتبراني اخوكي!!
رنا بتعب- طبعا يا سليم ...و أغلى كمان
- يبقى خلاص ! اكتبيلي كل اللي تحتاجيه و انا هجيبهولك لحد عندك .
- ماشي يا سليم .. بس خلي بالك انا هأبقى لوحدي يعني تحط الطلبات برة و تمشي
- فاهم طبعا .. و براحتك خالص ...يالا سلام
بعد شوية وصلته رسالة منها عالواتس عليها كل الطلبات
ضحك سليم بينه و بين نفسه و هو بيقرأ :
- ايه الطلبات الغريبة دي !!!
-10 علب بسكوت مملح ابو العلبة الحمرا مش الخضرا ؟؟ 😂
-زيتون اخضر ...بس ما يكونش اخضر فاتح عايزاه أخضر غامق بس مش اسود !
-شيبس مش فاكرة اسمه بس هو بطعم الجبنة بشكل صوابع بطاطس و بيجي جواه كيس صلصة فلفل !!
- قرفة و قرنفل و حبهان و ينسون و جنزبيل و سكر أسمر عشان تعمل بيهم كيكة !!!
- عصير فواكه استوائية فيه كل الفواكه ما عدا الأناناس!؟
ضحك و هو بيحط في التلفون في جيبه :دي طلعت مجنونة باوراق رسمية ! ربنا يكون ف عونك يا سيف .... الظاهر مهمتك معاها هتبقى مستحيلة ! 🙄😂
مرت الايام و رنا عايشة ف روتين ممل تقريبا مقضياها نوم طول الوقت و سليم هو اللي بيجيب لها الطلبات يحطها قدام الباب و يمشي
سيف بيتطمن عليها من سليم كل يوم
سيف تقريبا مش بيطلع من البيت الا نادرا طول الوقت بيشتغل عاللاب عشان ما يفكرش ف رنا بس مفيش فايدة
بعد اسبوع
عبد الله : سليم عديت النهاردة على مرات اخوك ؟؟
- لا لسة ...هأعدي عليها بعد الغدا احطلها الطلبات زي العادة
- طب كويس انا جاي معاك ...
- تجي معايا فين مش امبارح بس بالليل كلمتها في التلفون ؟؟
عبد الله بإصرار : لا انا عايز اتطمن عليها بنفسي البت مالهاش حد غيرنا دلوقت ..و كمان عارف انها مش هتسمحلك تدخل لوحدك... من صوتها حاسس انها مش ولا بد و فيها حاجة
- حاضر يا بابا ...ده انا حتى كنت هأطلب منك كدة لان سيف قلقان عليها اوي و عايز يتطمن هو كمان
- ما تجبليش سيرته !!!! الجبلٌة لو كان قلقان بجد مكانش سابها و سافر اصلا !!
- ألا ما عرفتش توصله لحد دلوقت يا بابا !!
- لا عرفت...هو سافر سويسرا بس فين بالضبط مش عارف
- تحب اسافر له انا ؟؟ انا خلاص طلعت أجازة و ما وراييش حاجة
- لا مرات اخوك محتاجالك هنا...سيبه هو براحته ربنا بس يهديه و يقرب البعيد .
- يا رب يا بابا
قاعد في احدى الكافيهات بعد أن اختنق من جو الشقة
فاتح اللابتوب على صورتها و قاعد يتأملها بحزن و هو ماسك كوباية القهوة لحد ما بردت و ما شربش منها ولا بوق
اقتربت منه فتاة شقراء جميلة بملابس ضيقة ؛ تنورة وردية قصيرة جدا و كات ابيض مفاتنها كلها بارزة
- salut mon beau ... besoin de compagnie ?
الفتاة - مرحبا أيها الوسيم هل انت بحاجة إلى رفقة ؟؟
نظر سيف الى هيئتها و تجاهلها و عاد للنظر الى اللابتوب و هو يجيبها بلا مبالاة
- non merci .....j préfère la solitude
سيف -لا شكرا ...أفضل الوحدة
الفتاة و هي تضع يدها على كتفه بدلع
- beh c dommage que quelq'un comme toi reste seul !!
الفتاة - من المؤسف أن يبقى رجل مثلك وحيدا..
نظرت الى اللابتوب حيث يركز نظره و قالت بإستخفاف
- et franchement ! je croix q tu mérites mieux !
- بصراحة !! برأيي أنك تستحق افضل من هذا
اغلق اللابتوب بغضب و قام من مكانه و هو ينظر إليها بنظرة أرعبتها
- ET tu est qui toi pour me dire qsq j mérite !!
- و من أنتِ لتقولي لي ماذا استحق ؟؟؟
- beh j veux juste t'aider pas plus !!
الفتاة بإرتباك : أردتُ المساعدة ليس إلا !!
- garde-la pour toi ok??
سيف بحدة : إحتفظي بمساعدتك لنفسك اتفقنا ؟؟
و انصرف مع حاسوبه المحمول و هو يقول في نفسه بحسرة
- انا اللي ما استحقش وحدة زي رنا ... انا استحق افضل كدة منبوذ و وحيد لإني واحد غبي 😓💔
كانت رنا عالعادة بتقلب في قنوات التلفزيون بملل حين رن هاتفها
- الووو أيوة يا سليم ؟
- رنا انا جبت لك الحلو اللي انتي طلبتيه شوية و أكون عندك
- طب تمام سيبه عندك و هأبقى اخذه بعدين
- بصراحة انا مش جاي لوحدي يا رنا ...بابا معاي عايز يتطمن عليكي يا ريت تلبسي طرحتك هنكون عندك بعد 10 دقائق .
قفلت رنا و هي متوترة : عمي عبد الله جاي يزورني !!
آلاء إسماعيل البشري
دخلت بسرعة لبست دريس اسود و حطت ميكب خفيف تغطي الشحوب اللي كان واضح حتى من تحت الميكب و لبست طرحة لونها زيتي فجأة رن الجرس
نزلت لتحت و فتحت الباب
رنا بفرحة - عمي عبد الله!! ازيك نورت بيتك
- الحمد لله ازيك انتي يا بنتي ؟ الله !! مالك شكلك تعبانة و وشك بهتان كإنك مش بتاكلي ولا بتنامي خالص !!
-لا انا الحمد لله كويسة يا عمي هو يمكن لون الطرحة بس اللي مبينني كدة بس صدقني انا بخير ☺️
بص لسليم و رجع بصلها بتمعن
- انتي متأكدة إن الواد سليم مراعيكي في الطلبات زي ما وصيته !! اوعي يكون مقصر معاكي ؟؟ ده انا كنت أعلقهولك من ودانه !!
- لا سليم ده مفيش منه يا عمي لو كان عندي أخ مكانش هيبقى أحن منه عليا .
-و انا معنديش اغلى منك يا رنا.... انتي بنتي زيك زي سليم و سيف اوعي تنسي ده !
ارتبكت قليلا حين قال اسم سيف ...ثم اردفت - تسلم يا عمي
عبد الله - الحلو اللي قلتي عليه لسليم اهو ...
- ميرسي يا عمي...طب أنا هقوم اعملكم شاي و احطه و ناكل كلنا مع بعض
- لا يا بنتي ما تتعبيش نفسك احنا رايحين
- طب و الله لا انتو واكلين معاي ...معقولة جايبين لي كل ده ليا انا بس !!
عبد الله - حاضر يا بنتي عشان بس حلفتي ..اقعدي انتي
بص لسليم و قاله بأمر : فز إنت ياظ حطه في طبق و هات لنا شوك و تعال
- حاضر يا بابا .
دخل المطبخ و فضلت رنا بتبص لعبد الله بإحراج
- طب يا عمي انا هادخل اوريله بس مكان الأطباق و الشوك
دخلت بسرعة المطبخ و كان سليم محتار
رنا - كنت عارفة انك مش هتلاقي حاجة
سليم - و الله جيتي ف وقتك ...حاطاهم فين دول؟!
نزلت رنا لدرج تحت و طلعت منه طبقين و 3 شوك
سليم - بس سيف كان بيحطهم فوق !!
رنا بحدة -بس انا مش سيف 🙄
- اه تقصدي انتي مش طويلة زي سيف ! 😂
- انا طولي عادي... هو اللي عمود نور على فكرة 😤
- طب يا اختي ما تزعليش ... هاتي كيس الحلو من قدامك
في تلك اللحظة رن جرس الباب و سمعت عبد الله بينادي
- يا سليييييم شوف مين عالباب !!!
سليم بتذمر : يا دي سليييم و سنينه!! اقطع نفسي يعني؟
رنا بضحكة - طب انا هأكمل و انت اطلع شوف مين
سليم - ماشي
فتح الباب و وقف متنح لما لقى بنت بيضاء قصيرة شعرها بني متموج وطويل و عينيها بلون السما بشرتها كأنها بشرة اطفال :
- مش ده بيت رنا؟؟!
- هااااا !!! ااه صح بيت رنا
- طب هي موجودة ؟؟!
- ........ لا رد
جات رنا من وراه : ريييييم حبيبتي نورتيني !!! اتفضلي !
همست لسليم : اقفل بوقك فضحتنا قدام البنت 🙄😂
وقفت برة تسلم على ريم و دخل سليم جوة و هو تايه ف جمالها
همست ريم بخجل : آسفة مكنتش عارفة إن عندك ضيوف
- لا دول اخو سيف و ابوه جايين يزوروني
ريم بإحراج - طب استأذن و هأبقى اجيلك وقت تاني
- لا و الله ما انتي ماشية
ريم- لا معلش انا كنت بس جاية اتطمن عليكي مش اكثر
رنا بإصرار - بقولك ايه ؟؟ ادخلي احسن ما اجيبك من شعرك الجميل ده
ربم - طب حاضر ما تزقيش
دخلت ريم بإحراج و قدمتها رنا
- عمي دي ريم صاحبتي و اكثر من اختي جاية تزورني
عبد الله - أهلا يا بنتي نورتي
رنا بصت لريم و قالت : ده عمي عبد الله والد سيف و ده سليم اخوه
ريم - تشرفنا يا عمي ☺️
رنا : ريم في سنة ثانية جامعة ألسن تخصص أدب عربي
عبد الله:بسم الله ماشاء الله
بص لإبنه اللي مش راضي يشيل عينيه عليها : ايه يا سليم ؟ مش كتت رايح تجيب لنا الحلو ؟ اومال هو فين ؟
بقلمي آلاء إسماعيل البشري
كان سليم بيبص لريم بتوهان و مش سامع حد
ريم كانت مكسوفة اوي من نظراته الاوفر و رنا لكزته و همست هي بتبتسم غصب عنها : قوم هات الحلو و جيب شوكة زيادة يخربيت الفضايح 🙄😂
سليم بهمهمة - هاااا ؟ احم ..ااه الحلو ...ثواني بس
دخل سليم و سأل عبد الله
- بس مش فاهم صاحبتك ازاي و هي لسة سنة تانية و انتي مخلصة جامعة يا رنا ؟
رنا : هوما كانوا جيراننا من زمان بس انتقلوا منطقة تانية و انا يعتبر متربية معاهم ... حضرتك ما تعرفهاش هي لإنهم انتقلوا لما كانت في الاعدادي بس أعتقد انك تعرف اخوها الكبير مراد حلمي لإنك درسته في ثانوي
عبد الله - اه طبعا فاكر الاسم ده !!! لإنه كان شاطر اوي ف كل المواد .
ريم بفخر - ايوة اخوي كان شاطر اوي و دلوقت بسم الله ماشاء الله بقى دكتور و بيتخصص في علم الأورام
- ما شاء الله.....ما شاء الله .
رنا - طب عن اذنكم اعمل شاي بسرعة
قامت ريم: لا ملوش لزوم أنا رايحة اصلا
- بس انتي ما لحقتيش تقعدي ولا تاكلي معانا الحلو اللي عمي جايبه !!
ريم- معلش يا رنون مرة تانية و الله مستعجلة .
- طيب يا روحي زي ما تحبي
وصلتها عالباب و رجعت
طلع سليم من المطبخ و هو حط الطبقين وهو بيبص يمين و شمال
رنا بمزاح : ساعة على ما تحط الحلو في الطبق اهي ضيفتنا مشيت من غير ما تذوقه !!
سليم بإحراج : أصل .. الطبق الاولاني وقع من ايدي و جبت طبق تاني ..و على ما نظفت المكان و كدة. ... 😥
عبد الله بمزاح : خلاص خلاص ....اللي واخذ عقلك يا ابني
- شعر سليم بالإحراج من والده و ارادت رنا تغيير الموضوع
- الله يا عمي ده احلى طبق بسبوسة اكلته ف حياتي تسلم لي
- بالهنا و الشفاء على قلبك يا بنتي
كانت هتقوم تشيل الأطباق
- عنك انتي يا بنتي سليم هياخذهم
قام سليم بتذمر و شالهم و دخل المطبخ و هو بيكلم نفسه
- سليم هيجيب سليم هيطلع سليم هياخذهم ...ربنا ياخذ سليم و سنينه
دخلت رنا و هي تضحك: مالك بتبرطم ليه
- ولا حاجة ...انا كنت عايز اسألك عن ...
- ريم.....21 سنة مش مرتبطة 😁
سليم لمعت عيونه بفرحة : بجد !! بس... عرفتي ازاي ان انا هأسألك عنها !!
- واااضح اوي ...مش محتاجة شرح ...بس تاني مرة خف من النظرات يا روميو
- يا سليييييم !!!
سمعوا صوت عبد الله من برة
-احنا لازم نمشي بابا عنده مشوار ..
- بقولك ايه يا سليم ....كنت عايزة اسألك ...
- اتفضلي !!
- يعني ...مفيش اخبار ....
سليم - عن سيف ؟؟!
اومأت بإحراج بالإيجاب دون ان تنطق
سليم بمكر : لا مفيش اي خبر
- ولا بيتصل حتى!!!
افتكر سليم. ان سيف حلفه ما يقولهاش أنه بيسأل عنها و جاوب
- للأسف مش عارفين عنه حاجة .
طلع سليم و ابوه و فضلت تبصلهم من البلكونة و هوما ماشين و بتقول بحسرة: كنتي فاكرة أنه هيسأل عنك مش كدة ؟؟
هيسأل عنك ليه ؟؟ و انتي اللي بعدتيه و وافقتي تتطلقي منه
طب ما يبعد و أنا مالي !! ما هو اللي قال انه مستني مني اي أمل قبل ما تخلص العدة !!
اوووف يا رنا ؟ طب انتي عايزة ايه دلوقت ؟؟؟
دخلت الغرفة و تمددت و هي تهمس في سرها بحزن
- عايزة اشوفه مش عارفة ليه ... لقيتها !! حسابه عالفيس عليه صورة ليه
مسكت تلفونها و دورت على حسابه اللي مسمي نفسه عليه الملك الحزين
فضلت تقلب في حسابه و هي مصدومة !
- ايه ده ؟؟؟ ايه المنشورات اللي هو ناشرهم دول ؟؟!
اليوم الأول 5 يناير
سأنتظركِ مهما طال الغياب
سأنتظركِ بحجم الشوق إلى الاقتراب.
سأظل أحبك و لو طال انتظاري لكِ
يضيق قلبي.. عندما أتلفت حولي ولا أجدكِ.
وأحتاجكِ ولا أبصٍرك
أموت آلاف المرات عندما أرى طيفك حولي ولا أراكِ.
ليتكِ فقط تشعرين .... ليتكِ فقط تغفرين
اليوم الثاني 6 يناير.
من مفارقات القدر العجيبة
اقترب سيف ليطعن وردة ... فأصابته بخدوش اشواكها
لم يحدث شيء للوردة ... لكنه ظل ينزف من اشواكها !!
- ايه ده ؟؟ من امتى بقى شاعر ده ؟؟ و ايه اليوم الأول و الثاني و الثالث دول !!!
كملت تقليب
اليوم السادس 10 يناير
هذه الليلة إشتد بي الحنين إليكِ
و رغم آلاف الأميال بيننا
شعرتُ بحرارة انفاسكِ... بقربكِ مني
كيف أنام و رائحة شعرك المُسكِرة تملأ ارجاء المكان !
أجدها اينما ذهبت ...أحاول صدها فتلاحقني رغما عني
و سحر عيونكِ يسلبني ...يأخذني مني
أحاول الإبتعاد عنكِ ..عن ذكراكِ... فلا أستطيع
مهلا ... أنتِ لا تملئين أرجاء المكان
أنتِ تملئين أرجاء قلبي
ليتكِ تعلمين
ليتكِ تغفرين
اقفلت الفيس و هي تفكر في تلك الكلمات !! و هي تتأمل صورته التي حملتها من حسابه .
- هو بيحاول يوصل لايه .... لحظة ! ده بيحسب ف أيام العدة !!!