رواية تمن الخيانة
الفصل السادس 6
بقلم هبة أحمد
مهند / دى غلبانة بس شكلها جواها خوف جامد
ادم / ربنا يسعدك يارب
مهند / يارب و لك المثل شكل عماد روح يلا اقفل الباب خلينا نروح
عماد / انا جيت ووشه مبتسم
مهند / خير يا عريس العروسه موافقة
عماد / أيوة بس خالتك فاتن مش موافقه و جت بهدلتنى وكانت عوزة تاخد سلمى معاها سلمى رفضت وقالت انا مش هاجى معاكى انا عوزة انجح مش هاشتغل ممرضه لزوجك و مرمطون لولاده
مهند / لو انت شارى سلمى انا مستعد اكتب كتابكم وتروح بيتك معززة مكرمه بشرط محدش من أهلك يجرحها بكلمة
عماد / هو فى غير امى و أبويه و باقى اخواتى متزوجين ياريت تزوجهلى
مهند / هارتب كل حاجة و نتفق على يوم كتب الكتاب
ادم / هامشى انا اشوفكم على خير
فى عيادة دكتورة الطاف
فاتن / خير يا دكتورة عملتى أية فى طلبى
دكتورة الطاف / خير لقيت حد بس عوز 80 آلف جنية لو مرة واحدة
فاتن / انا عوزة توأم ولدين
دكتورة الطاف / يبقى 100 الف و انا 50 الف و يتربوا فى عزك ههههه اقصد فى عز الحاج
فاتن / انتى بقيتى جشعة اوى ليه هو هيكون عمده ولا رئيس وزراء
دكتورة الطاف / لا هيكون الكومى اللى هيقش البهريز من فم السبع يا مفترية
فاتن / موافقة ادفع 100 كله ليكى انتى و هو وهو ميعرفنيش انا مين و لا مرأت مين
دكتورة الطاف / يبقى 125 الف و مفيش نقاش
فاتن / موافقة امتى
دكتورة الطاف / تعالى تالت يوم نزول الدوره الشهريه ماشى علشان اجهزك لفترة التبويض
فاتن / يبقى هاجى بكرة
دكتورة الطاف / كويس اوى العيادة إجازة هافتحها الساعة خمسة بعد العصر و تجيبي نص المبلغ معاكى
فاتن / حاضر جاهزة
سلمى / ماما ( هى بتقول لخالتها يا ماما ) انا خايفه من اعمامى لو عرفوا هياجوا ياخدونى عندهم و يزوجون اى واحد من اولادهم علشان الورث
تحية / هو سؤال ينهى كل الحوارات و الرغى الكتير انتى مستعده تستغنى عن ورثك مؤقتآ والبعد عن امك وتتزوجى عماد هو راجل محترم هيراعى ربنا فيكى و أهله ناس محترمة ولا عوزة تقعدى جنب ورثك مع واحد فلاح جاهل انا مش بعيب على الفلاحين دول احسن ناس انا قصدى هتعيش باقى عمرك مع انسان انتى فى وادى و هو فى وادى تانى انتى اللى المفروض تقررى هتعملى ايه
سلمى / موافقة اتزوج عماد انا مش هاعرف اعيش في الصعيد و كمان مش هاروح اشتغل خدامة لولاد زوج امى و لزوجها المريض هو انسان محترم بس امى اول اما بوصل عندها بترمى الحمل عليه وهى تخرج تتفسح و تعمل شور
صباح جديد
------------------
مهند / صباح الورد عوزين نفطر ياقوم
شهد / روح هات فطار كويس
مهند / حاضر و خرج جاب فطار وجه فطروا وبيشربوا الشاى
شهد / فونك يا قلبي رد
مهند / اخد الفون و طلع البلكونة انا جاهز اجيلك فين
حور / على باب البنك البس حاجة عدله ولا اجيبلك طقم
مهند / عندى لبس كويس انا جاى
حور / تمام
فادى / تعالى نقعد فى مكان رومانسي علشان اسمعك احلى كلام ونتفق على الزواج
حور / لما تكبر شويه انا خارجة ممكن توسع عوزة اطلع
فادى / انا كلمتك بالذوق بس شكلك عوزة التعامل بعنف
حور / طنط فكرية يا طنط ابعدى ابنك عنى
فكرية / الولد بيحبك وافقى تتزوجيه بمزاجك احسن
حور / دخلت المطبخ و خرجت بالسكين فى أيدها اقسم بالله لو ما اختفيت من طريقى لأكون قتلاك
فادى / أنصدم من شكل حور ماما تعالى حوشى البنت دى عوزة تموتنى
فكرية / انت ولد خرع خسارة فيك البنت بقى مش قادر تأثر عليها
فادى / اعمل ايه مهى مصدره الوش الخشب ليه
فكرية / جاتك وكسة كده كل العز ده هيروح لصاحب نصيبه
فادى / الليله هاظبط دماغى و هاعلم عليها وبعدها تبقى بتاعتى و للابد مع كل اللى يخص انكل صادق
فكرية / و النبى كان يقطعك وانا معاك ونترمى لكلاب السكك
فادى / طب قولى المطلوب ايه و انا اخلص قبل اخوها ما يرجع من السفر
فكرية / روح شوف وراك ايه مش ناقصه صداع اخوها خلاص بح مستحيل ياجى تانى مصر
حور / وصلت البنك وجدت مهند بيشرب سجاره يلا ندخل علشان ورايا مشوار
مهند / تمام يلا و رمى السجارة ودخل معاها
حور / للموظف عوزة اسحب 120 الف ممكن
الموظف / تحت امرك يا افندم وصرفت الفلوس و خرجت اركب ممكن
مهند / الفلوس الاول
حور / لا ب٠٠٠٠٠٠٠٠٠٠٠