رواية تمن الخيانة
الفصل الثالث عشر 13
بقلم هبة أحمد
تحية/ كل خير تاجى بالسلامة
مهند / الله يسلمك عماد جاى بعد المغرب علشان يجيب دبله و خاتم و محبس لسلمى خلى شهد تروح معاهم
تحية / لا لازم تكون موجود علشان تتفق معاه بنتنا غالية و تتقال بالدهب انت عوزه ياجى ياخدها كده حتى من غير قراءة الفاتحة
مهند / حليلك يا امى سلمى دى اختى و لو مكنتش واثق أن عماد هيسعدها عمرى ماكنت وافقت اصلا
تحية / الأصول اصول يابنى لازم هو و أهله ياجوا يطلبوا أيدها و هى رغم ظروفها لها حرية الاختيار توافق أو ترفض
مهند / هو احنا هنعيده تانى هى قالت ليه انا و ادم أنها موافق
تحية / اسمع كلامى يابنى هى بنت خالتك و فى ضيقة ايوه بس لازم نعمل ليها كرامه و مكانه عند أهل زوجها
مهند / حاضر يا امى انا هاجيب حور معايا تحضر الاتفاق و اروحها اخر النهار خلى شهد تحضر غدا كويس عوزه حاجة اجيبها و انا جاى
تحية / سلامتك
بعد ساعتين
تم حجز فادى و اللى معاه تحت زمه قضية حيازة مخدرات و اقتحام شقة حور ( الشقة متسجلة باسم حور ) و خرج مهند و حور و البشمهندس صادق و المحامى من القسم
صادق / اشكرك يابنى لولاك الله اعلم كان بنتى حصل ليها ايه
مهند / دى مرأتى يا عمى شرفى بروحى افديها بعد اذنك انا هاخد حور و اروح البيت عند اهلى علشان فرح بنت خالتى و صاحبى
صادق / تمام يابنى حور زوجك انسان محترم حافظى عليه
حور / حاضر يا بابا
فريد المحامى / الف مبروك يابنتى ربنا يسعدك
حور / ربنا يخليك عمو فريد
مهند / يلا اركبى
حور / خد سوق خايفة معجبش أهلك
مهند / امى ست طيبة بس تعرف البنى ادم اللى قدامها من نظره و اختى فرحها الاسبوع الجاي وسلمى يمكن يتكتب كتابها بكرة
حور / الف مبروك
بعد صلاه المغرب جه عماد و معاه ابوه و أمه لطلب ايد سلمى
ادم / السلام عليكم
شهد / وعليكم السلام فين الورد
ادم / يكنش انا العريس
شهد / ما انت هتاخد الاخ اللى دخل خالى اليدين ده و هاتوا ورد و شيكولاته
ادم / خالى هههههه الله يرحمه الخلاصه انا عليه الورد ولا الشيكولاته
شهد / هاتلى شيكولاته و الاخ عماد يجيب ورد يلا قبل صبرى ما ينفذ و اأجل الزواج
ادم / لا انا فى عرضك د انا كنت انتحر
سلمى / ازيك يا ادم هو مهند مجاش ليه
ادم / هو على وصول مبروك مقدمآ
سلمى / بدموع الله يبارك فيك خايفة امى تاجى و كل حاجة تبوظ
شهد / متخفيش امك عند الدكتورة بتكشف على ايه مش عارفه د كل حاجه فيها مظبوطه
ادم / دخل سحب عماد من ايده معاك فلوس ياض ولا تاخد من ابوك
عماد / معايا خير هو فى أية
ادم / فيه انك بنى ادم معندكش دم ازاى تاجى من غير ما تجيب ورد و شيكولاته
عماد / يخربيتك دانت عيل فصيل بجد نسيت
ادم / تعالى يافضحنى نجيب ورد و شيكولاته
عماد / معلش سهى عليه يلا احنا خارجين و هنرجع بسرعه
مهند / انزلى اتفضلى نورتى
حور ,/ هو اللى بيجرى ده مش صاحبك
مهند / لا ده بي٠٠٠٠٠