رواية ضحية ملاذهم الفصل الاول1بقلم زهره عصام
بابا أنا عاوزه أطلق
قلـ*ـم نزل على وشها و هو بيقول: اوعي اسمعك تقولي كدا تاني إنتي فاهمة و لما تطلقي إحنا نروح فين إنتي مش عارفه إننا عايشين في خير
جوزك العمارة اللي إحنا قاعدين فيها دي ملكه لو اطلقتي هنبقي في الشارع نقصك ايه إنتي عاوزه تطلقي كل طلباتك أوامر
حور حطت اديها على وشها مكان القلم و بقت تبصله باستهزاء و قالت بحرقه: ناقصني حب و احترام ناقصني ابقي أم انتوا هنا عايشين ولا هاممكم حاجة لكن أنا اللي شايلة الطين كله على رأسي
جابت منديل و مسحت وشها و قالت: اللي على وشي دا مكياج عشان اداري علامات الضر*ب اللي البيه مصبحني و ممسني فيه .. عملتلكوا ايه عشان ترموني الرمية دي خلوني أطلق و نعيش زي ما نعيش لكني خلاص معنتش قادره استحمل
مسكها من شعرها و جر*ها على الأرض دخل بيها الاوضة و نز*ل فيها ضر*ب و هو بيقول: عاوزه تحرمينا من العز دا كله عاوزه تحرمي اخواتك من شغلهم و اجواز اخواتك اللي عايشيين و معيشين اخواتك من خيرة عاوزه ترجعينا تاني على الحديدة إحنا من ساعة ما اتجوزتي شريف بيه و إحنا متهنيين
دخلت عليه مراته و حاشت عن بنتها
- سبها يا حاتم بقي البنت مش مستحملة هتبقي أنت و هو عليها
حاتم: حقلي بنتك احسنلها يا فادية انا مش هستحمل دلعها كتير و اعملي حسابك تخليه يشوف لأختك شغل في شريكاته و سابها و خرج
حور بقت بتعيط و مش طايقة نفسها أمها لسه هتتكلم شاورت ليها تسكت و مسكت شنطتها و خرجت من البيت كله طلعت على شقه اشتريتها من ورا الكل عشان تبقي ملجأ ليها وقت ضيقها
---------- اذكروا الله -----------
- هي اتهـ*ـبلت وإلا ايه يعني ايه عاوزه تطلق بنتك دي أنانية أوي يا بابا مش بتفكر غير في نفسها إحنا ايه اللي هيجري لينا لما هي تطلق كدا انا مش هلاقي شغل في مكان كويس اعملوا حسابكم لو عملت اللي في دماغها لا هي اختي ولا أعرفها
يتبع