CMP: AIE: رواية المبروكه الفصل الثلاثون30بقلم رشا منصور
أخر الاخبار

رواية المبروكه الفصل الثلاثون30بقلم رشا منصور


رواية المبروكه الفصل الثلاثون30بقلم رشا منصور




 


عزيز....  
وصلنا الموقع وكان في عربية الشر'طة واقفه والكل فتش المحل مافيش أى حاجة وكاميرات المحل عطلانه 
بس كنت حاسس بالكدب في نبره صوتهم كان ممكن ببساطه اسأل الجن وأعرف أو استخدم قدراتي لكن فكرت إزاى استخدم عقلي فى حل القضية.
الضابط.... 
أنت متأكد أن المدام كانت معاك مافيش أى حاجة تثبت وجودها هنا
الزوج.... 
 يا فندم شنطتها معايا هى أخدت الفستان واديتني الشنطه ودخلت البروفه ولما اتاخرت فتحت البروفه لقيتها اختفت مافيش لها أثر
 ‏مدير المحل.....
 ‏يا فندم ده محل أكل عيش ومينفعشي كدا الزباين هياخدوا سمعة وحشة عن المحل ده أكيد شارب حاجه ولا حد مسلطه علينا من المحلات المنافسه 
عزيز... 
ممكن هدوء شويه تعالي يا فندم معايا لو سمحت أخدت الضابط ورئيس الفريق وطلعنا بره المحل وببص في جميع الاتجاهات لقيت ع اليمين إشارة مرور وأكيد فيها كاميرات مراقبه وشمال المحل في مطعم كبير وفى كاميرا جانبيه في الخارج 
دخلنا المطعم ورجعنا الكاميرات وشوفنا الزوج ومعاه مراته وهى شايله نفس الشنطه اللى معاه وبعد نص ساعه بيطلعوا الزوج بره وفضل يز'عق وبعدين استخدم الموبايل وفضل قدام المحل ولم الناس حواليه ومدير المحل قفل الباب معني كدا أن مافيش زباين تانيه دخلت 
الست دى لسه جوه واللغز في اوضة البروفه يمكن الحيطه متحركه واتخطفت'!
الضابط ......
 يلا بينا بسرعه قبل ما يكون حصل فيها حاجه 
 ‏دخلنا المحل وقفلنا الباب وخليت اتنين من العساكر. واقفين من بره وطلعنا السلا'ح ومتوقعين أن في أى لحظه حد يها'جمنا وخليت صاحب المحل دخل البروفه قدامى وكان متردد لكن لما دخل لقيته واقف على جنب الحيطه جبت أيد المليكان وضغط على الحيطه مافيش حاجه رميت الايد ع الأرض سمعت صوت 
 ‏خرجت صاحب المحل بره ورفعت السجادة اللى ع الأرض ولقيت الجزء اللى فى نص عبارة عن خشبه متحركة متوصلة ب سوسته حديد. واى تقل علي الخشبه السوسته بتنزل به لتحت نزلت صاحب المحل فيها ونزلت وراء والقوة معايا ولقيت ستات تحت مكتفة وواضح أن واخدين بنج وفي اتنين رجالة موجودين 
 ‏تم القبض عليهم واتشمع المحل وقدرنا ننقذ الزوجة وغيرها من الستات اللى تم تخد'يرهم 
 ‏
 ‏رئيس الفريق..... 
 ‏اتصلت بجميع الجهات الأمنية وطلبت منهم الإعلان عن الخبر لاخذ الحذر اللازم عند دخول أى محل أو أماكن مغلقه وبالإضافة إلى تركيب كاميرات مراقبه في الشوارع اللي بها محلات تجاريه 
 ‏
 ‏ملحوظه...( هذه القضية حدثت بالفعل ) #الكاتبةرشامنصور 
 ‏
 ‏عزيز..... 
 ‏كل كام أسبوع نعرف أن في بلاغات خطف الموضوع ده ميسكتش عليه منكرش أنى محتاج قدرتي يمكن اقدر أنقذ أى حد وخصوصاً الاطفال 
 ‏
 ‏الامير صرماط.....
 ‏عزازيل أنت بقالك اكتر من اسبوع بعيد عن المملكة متنساش أن دول عشيرتك وحمايتك لازم يحسوا أنك جدير بالمنصب وإلا هيستضعفوك 
 ‏صحيح أنت ولي العهد المنتظر لكن منصب امير العشيرة فيه الطمع علشان كده لازم طول الوقت يحسوا أنك الأقوى وأنا منكرش أن ذكائك مميزك عنهم 
 ‏طول عمر الإنس أقوي مننا بذكاءهم وعلمهم علشان كده عاوزك بجانب دراستك تقرأ في كتب السحر وتتعلم منها 
 ‏الساحر لما بيكون قوى بيقدر يسخر الجن في خدمته وأنت لو عرفت أسرارهم  هتقدر تتغلب على أى ساحر فهمت يا عزازيل أنت لازم تكون قوى وذكى في نفس الوقت 

عزيز..... أمرك يا مولاى سأفعل كل ما يجعلك فخورآ بي

نهي.....
 طبعاً كنت عارفه بكل اللى بيتقال البركة في القرناء لكن معترضتش صرماط عنده حق ما الست لواحظ كانت مسخره الجن في خدمتها وده معناه أن ممكن أى ساحر يفكر أن يسخر أبني وخصوصاً أن كل ما هيكبر هيكتسب قدرات أعلي من باقي الجن هو ولي عهد إبليس ع الأرض
 ‏ 
 ‏عزيز.... 
 ‏قررت اسمع كلام أبي واقرء في كتب السحر والحاجات اللي مكنتش بفهمها كانت أمي تشرحها لي وأحياناً الأمير شرحام هو شاطر في شغل التعويذات
 ‏
 ‏وبين كل حين كنت اطير بالليل بالقرب من الكباري ومحطات السكك الحديد لأن دى اكتر الأماكن اللي بيتم فيها خطف' الأطفال وأول ما ألاقي أى حاجة بتحصل بستدعي حر'اس الجن بيكتفو'هم واخدهم واخد الأطفال للمسؤولين في الشغل عندى ولما بيسألونى إزاى قدرت أعمل كدا كنت بقولهم أن البودى جارد اللي معايا ساعدنى وطبعاً هما كانوا عارفين ما هما شايفينهم معايا حتى في الكلية وأصبحت من المميزين ومشهود لي بالكفاءة 
 ‏وقدمت في تعليم ألعاب القوى' عارف أنكم مستغربين بس ببساطه لو صادف وضر'بت أى حد قدام الناس هيتقال اتعلم ده فين وامى علمتني أن لازم يكون في تبرير لافعالي البشر يقتنعوا بها
 ‏نهي.....
 ‏كنت فخورة ب عزيز طبعه البشري غلب طبع الجن بالعكس كان بيستخدم مهاراته في خدمة البشر كنت خايفه أحسن يطلع زيهم وعارفه أن ده مضايق صرماط بس ميفرقش عندى المهم أبني وبس 
 ‏
 ‏وعرفت أن لميس وأهلها مشتركين في نفس النادي اللي عزيز بيدرب فيه طبعاً علشان يتعرف على أهلها بشكل طبيعي وقررت أنا كمان أتعرف عليهم وأعرف بنفسي إذا كانت لميس بتحبه فعلاً ولا بالنسبة لها مجرد واحد مناسب وخلاص وروحت النادى وأول ما خلص عزيز التمرين تواصلت معاه يجيلي عند حمام السباحة وطبعاً فهم أنا جايه ليه وأول ما وصل
 ‏عزيز....
 ‏ اتفضلي يا مولاتي معايا علشان ننفذ اللي حضرتك جايه علشانه 😔 وأول ما قربت من التربيزة اللى فيها لميس وأهلها

مساء الخير يا عمي أحب أعرفك ع أمي مدام نهي أو المبروكة ع إسم البرنامج بتاعها 

سياد'ه المستشار..... 
أهلا وسهلا بحضرتك كان نفسنا نتعرف عليكي من زمان بنتي لميس من أشد المعجبين بالبرنامج 
نهي....
 معجبه بالبرنامج بس وبصيت ل عزيز اللى لقيته بيتواصل معايا وبيقول ابتدينا شغل الحموات 

 ‏مامت لميس..... 
 ‏معقوله يا عزيز دى مامتك ما شاء الله زى القمر اللى يشوفك يفتكرك أخته إيه رأيك تتغدى معانا إحنا لسه مطلبناش الغداء ع الأقل نتعرف على بعض أكتر 
 ‏نهي.... 
 ‏انا الحقيقي اشكر الصدف اللي خليتني اقابلكم انهاردة عزيز كان كلمني عنكم وكان نفسي اتعرف عليكم واكيد مافيش فرصه أحسن من دى لكن اسمحولي الغداء هيكون عندنا في البيت يلا بينا 
 ‏
 ‏سيادة المستشار.... 
 ‏ممكن نخليها يوم تاني مينفعش فجأة كدا نجيلك البيت شكلها مش ظريف خليها مرة تانية
 ‏
 ‏عزيز....
 ‏ يا عمي البيت مفهوش حد غير جدى وجدتى بس وبابا وكلهم بينتظرونا لحد ما نرجع وبنتغدي سواء وأنا نفسي حضرتك تتعرف على بابا لو معندكش مانع 
 ‏
 ‏سيادة المستشار.....  ‏مافيش مانع مدام مصممين 
 ‏
 ‏لميس....
 ‏ كنت متوترة جدا وفي نفس الوقت مبسوطه وأنا حاسه أن عزيز بيحاول يخلي علاقتنا في شكل رسمي
 ‏ 
عزيز....
اتصلت على البيت وبلغت الشغاله تعمل حساب الضيوف وكلمت جدتى وعرفتها أنى معجب ب لميس وعازم أهلها علشان يتعرفوا ع بعض وطبعاً جدتى رحبت وفرحت أوى 
لدرجه خايف لما اوصل الاقيها جايبه المأذون
نهي.... 
كنت عارفه بكل أفكارهم واطمنت لما عرفت أن لميس بتحب عزيز فعلاً علشان كده قررت أكون لطيفه معاها 
هتلاقي حماه زيي فين ده أنا كيوت 
عزيز...
أول ما ابتدينا نتغدي لقيت أبي والعشيرة كلهم واقفين بيتفرجوا ع العروسة وأهلها🤨 أسكت أمي يطلعلي أبويا 
اخدها واطير ولا أعمل إيه 
تواصلت مع أبي وبصيت لباقي العشيرة خافوا منى وطاروا وأبي صرماط قالي منتظرك في المملكه بالليل 

وانتهت المقابله ع خير ومجرد ما خرجوا من البيت روحت ع العشيرة وقعدت على الكرسي بتاعي جنب كرسي أبي 
ولقيت العشيرة كلهم منتظرين وكأني في محكمه ومنتظر الحكم وقام الوزير سيجال اللى هو عمي وقال

سيجال.... 
إزاى عاوز تتجوز من انسيه أنت لا تستحق أن تكون بينا وأنت تنكر نسلك ونسل أجدادك لازم تتجوز من عشيرتك وإلا تحرم من الكرسي ومن دخول المملكة 

عزازيل..... 
قومت وقفت وبصيت له بغضب😠 وقولت مين اداك الحق أنك تحدد ليا أعمل إيه في حياتي أو أنى اتحرم من كرسي ولي العهد متنساش نفسك أنا عزازيل ولي عهد إبليس المخلد أنا اللى أحكم وانتوا تطيعوا اوامري أنتوا دوركوا تنفذوا كلامي أنا وبس 
ومش هسمح مرة تانية بأى تعدى حتى لو كنت عمي فاهم.....
 ‏ ‏
تعليقات



حجم الخط
+
16
-
تباعد السطور
+
2
-