رواية جواز بالغصب الفصل الاول1بقلم الاء فرج
كنت في خطوبة صاحبتي امبارح، عدى اليوم كان جميل اوي، تاني يوم لقيت الساعة ١٠ و١٩ دقيقه بليل بالظبط
اتبعتت ليا الرسالة دي
عايز اقولك انك كنتي قمر امبارح وعيني ما تشالتش من عليكي طول الشبكة 🙂♥️♥️
التليفون وقع مني من الصدمه، أي ده مين ده ما اعتقدش ان كان في حد بيبص عليا اصلا، كتبت
انت مين
المجهول : مش مهم المهم انك كنتي قمر وقريب أوي هتبقي خطوبتنا
بقولك انت مين، يأما هعمل بلوك
مش هتقدرى لان الفضول قاتلك وعايزة تعرفي مين يا عسلية
تنحت في التليفون، أي ده عرف الاسم ده ازي، ده اسم دلعي صاحبتي دايما بتناديني بيه وما حدش يعرفه غيرها ، طيب هو مين، يارب بقا، اي الفضول ده
قفلت التليفون بعد ما عملت البلوك، هو انا ايوه اموت واعرف مين ده بس عمري ما روح اقول 🙂
انا وهج عندي ٢٠ في كلية تجارة عايشة مع ماما وبابا ما عنديش اخوات عندي صاحبة واحدة بس اسمها تاج اللي كانت خطوبتها امبارح هي مش صحبتي، تؤتؤ دي اختي وكل حاجة حلوة كده في حياتي
اليوم التالي
صحيت الصبح بدري وقومت صليت الفجر وفضلت اذاكر شوية ونزلت عشان عندي امتحان
(الكاتبة ألاء فرج)
في الجامعه
تاج بضحك :اهلا بالعسلية
وهج بضيق :قولتلك ميت مره متنادي بالاسم ده بكرهه
تاج بضحك :عسلية، عسلية، عسلية، عسلية
وهج بضحك :هششش اكتمي، منك لله جاياه تعملي خطوبتك في عز الامتحانات
تاج بضحك: يا غبية عشان نعرف نفصل شوية لازم راحة وبعدين اصلا أجلت الفرح لبعد الامتحانات
وهج بفرحه :مبروك يا حبيبتي ربنا يتمملك على خير واشوفك احسن عروسة
تاج :الله يخليكي يا روحي، اخلصي بقا وتعالي ندخل الامتحان هيبدأ كمان كام ساعة
بعد الامتحان
وهج :هيحح الحمد لله خلصنا من اول امتحان عبقال الباقي، يلا نروح
تاج : لأ انا مش هروح معاكي اخويا هيجي يأخذني وهروح اجيب حاجات للشقة، تعالي معايا
وهج :لأ انا تعبانة وعايزة اروح انام
تاج :بجد شكرا اوي انك هتيجي معايا يا حبيبتي، أي ده مروان جاء اهو يلا معايا
وهج بصدمه :يا مجنونة
في العربية
مروان :ازيك يا وهج عاملة اي
وهج :الحمد لله في زحام من النعم، انت عامل اي
مروان بأبتسامة :كويس طول ما انت كويسة
وهج :نعمم
و