رواية المجنونه والعنيد
الفصل السادس 6
بقلم اش
_ حلا مين يا استاذ انا مش اسمي حلا
عامر : انا حبيبك يا حلا انا عامر ليه سبتيني ومشيتي
_يا فندم للمره ال 1000 انا مش حلا انا اسمي اسيل
عامر: ارجوكي يا حلا بطلي هزار انتي مش عارفه انا حالتي في بعدك عامله ازاي ارجوكي
_لا ده انت غبي بجد انا مش حلا قلت وابعد عني بدل ما الم عليك الشارع
عامر: وهون عليكي يا حلا انا عارف اللي انا زعلتك بس كنت تديني فرصه اعتذر لك مش تبعد عني
_انت يا بني ادم مش بتفهم انا والله ما انا حلا افهم بقى............. وثابته ومشيت
عامر: ازاي دي مش حلا اكيد دي حلا......... وفضل عامر ماشي وراها
بيروح اسر بيت وزير الداخليه السابق وبيامنوا......
اسر :سامح باشا متاكد انك مش مخبي عني حاجه وان فلوسك في البيت مش في مكان تاني
سامح: ايوه متاكد هخبي عنك ايه يعني....... وفضل اسر في بيته طول اليوم وما حصلش اي حاجه....... انت متاكد يا اسر بيه اللي هي هتسرقني مش ممكن تكون بتعمل تمويه لحاجه
اسر: لا يا باشا هي بتقول وبنبقى مجهزين نفسنا وتمام اللي بيساعدها اللي هو بيكون هيتسرق مش بيقول لنا الحقيقه زي اياد القاسم كده لو كان قال الحقيقه كنا عرفنا نساعده بس هو فكر نفسه ذكي
سامح: بتوتر ايوه ايوه................... وبيعدي يومين على المراقبه المكثفه من اسر ورجالته لكن ما فيش جديد
اسر: يعني ايه يا فندم نمشي
سامح: بقيلك ثلاث ايام معيشنا فراب وما فيش اي حاجه حصلت وبعدين انا عندي حراسه كتير كفايه كده يا حضره الظابط
اسر: يا باشا هي بتخالف التوقعات صدقني رجالتك دي مش هيحموك
سامح: قدامك بكره كمان لو ما حصلش حاجه تلم رجالتك وتمشي مش سامح يوسف اللي يخاف
اسر :اللي تشوفه يا فندم براحتك بس انا مش مسؤول على اللي هيحصل
*عامر فضل ماشي ورا البنت اللي انقره انها حلا ريم بتلف فجاه فبيتوتر عامر
ريم: انت ماشي ورايا ليه هو انا مش قلت لك ان انا مش الست بتاعتك حلا
عامر: ما هو مش معقول انك تبقي نسخه منها وانك انتي مش هي ارجوك يا حلا كفايه بقى انا ما عدتش مستحمل تعبت بجد
ريم: انت شكلك مش بتفهم يا جدع انت
ودخلت بيت قديم في منطقه شعبيه ورزعت الباب في وشه و مشي عامر وهو مستغرب ومش فاهم حاجه.... وطلعت ريم من البيت وعلى وشها ابتسامه
سامح :اظن يا اسر بيه انت اخذت كمان يومين فوق اليوم كفايه بقى كده بعد اذنك انا اعرف احمي نفسي كويس من الحراميه انا قبل ما اكون وزير كنت ظابط
اسر: اللي تشوفه يا سامح باشا بس خذ احتياطاتك دي مجرمه ذكيه جدا وانا مش هتحمل مسؤوليه انت اللي مسؤول عن نفسك اتمنى تكون المعلومات غلط
سامح: ما فيش حد يقدر يدخل من باب القصر وما تجيبهوش الكلاب والكاميرات اللي بره
اسر: تمام يا فندم يلا يا رجاله نروح نرتاح بعد اذنك يا فندم
وبيمشي اسر بعد شغل خمس ايام متواصلين وبيرتاح هو ورجالته وبيوصل اسر شقته
اسر: ليه استند ده كله يمكن فعلا ده تمويه لحاجه ثانيه ولو تموين هيبقى لايه.... وفجاه جات رساله على تليفون اسر وفتح الرساله ولقاها بتقول( استعجلت اوي ومشيت بس انا هوفر عليك التعب وهقول لك على الميعاد الميعاد النهارده الساعه 12:00 بالليل يعني لسه فاضل نص ساعه على الميعاد هتعرف تمسكني ما اعتقدش) وبيبص اسر على التليفون بيلاقي الساعه 11:30...... ده الطريق من هنا لبيته محتاج على الاقل ساعه الا ربع.... وبيمسك اسر المسدس وبيعمره وبينزل جري ويركب عربيته ويطلع باقصى سرعه
عامر: يعني ايه ما فيش حد ساكن في البيت ده.... رد عليه راجل كبير في العمر وقال له
_ايوه يا ابني ما فيش اي حد ساكن في البيت ده البيت ده مهجور بقى له زمن
عامر: انت متاكد يا حاج
_ايوه يا ابني انا عايش هنا بقى لي 15 سنه
*عامر بيمشي وهو مستغرب من ساعه ما شفه وهي داخله البيت ده بيجي كل يوم يستنى تحت البيت عشان يشوفها بس ما كانش بيشوفها لحد ما ساله الراجل ده على سبب قعدته
عامر: طب ليه دخلت البيت ده ولو كانت مش حلا ليه بتكذب عليا انا تعبت بس انا همشي من غير ما حلا تبقى معايا
اسر وصل بسرعه جدا على قصر سامح يوسف هو بينزل اسر بسرعه من عربيته ويبيدخل القصر بيلاقيه الكلاب كلها متخدره ونايمه والحراس بيبقوا مضروبين ونايمين على الارض وبتجري اسر يدخل بيلاقي الباب مفتوح وبيدخل بيلاقي سامح مربوط وبيرفع عينيه وبيحاول يقول له حاجه وبيبص على المكان اللي هو بيشاور عليه وبيلاقيها واقفه وبيطلع المسدس بسرعه وبتجري من قدامه وهو بيجري وراها وبيضرب نار اول مره جت في الهوا وبتفضل تجري وهو بيجري وراها وبتروح تركب موتوسيكل واسر بينشن على ذراعها وبيضرب وبتيجي الطلقه فيها وبتمسك دراعها وبتسوق و dm كان بينزل منها على الارض
اسر: اكيد هتقف مش هتمشي كتير........ وبيجري لحد ما الموتوسيكل بيداريه العتمه بيركب عربيته بسرعه وبيفضل ماشي شويه بس ما فيش فايده وبيبلغ كل المستشفيات لو حد راح باصابه في كتفه يبلغوا وبيرجع تاني الفيلا عند سامح يوسف وفك ايده ورجله وبيشيل اللزقه اللي على بقه
سامح: مسكتها
اسر: للاسف لا
سامح :ده اهمال يا حضره الظابط
اسر: اظن يا سامح باشا انك اخليت مسؤوليتي بس هي سرقت لقيت ايه
سامح بعصبيه: قول ما سرقتش ايه دي سرقت كل اللي فضلت كل عمري اجمعه سرقت كل ثروتي اللي انا عملتها وحولتها الماظ
اسر: الماظ مش قلتلك انتم اللي بتساعدوها لما بتخبي الحقيقه ربنا يعوض عليك يا سامح بيه...
ومشي اسر من نفس المكان اللي مشيت منه مدام A يمكن يلاقي حاجه توصله ليها بس الطريق ما كانش عليه اي حاجه وبيفقد الامل ولسه هيدير اتجاه العربيه بيشوف مخزن من بعيد وبيكمل لحد ما بيقف قدام المخزن هو وبيمشي لحد الباب وبيفتح كشاف عشان الدنيا كانت ضلمه وبيلاقي على باب المخزن dm ود*م واقع على الارض وبيزق الباب بالراحه وبيقفل الكشاف وبيمسك مسدسه بعد ما اتاكد انها هنا لانه شاف الموتوسيكل وبيدخل بالراحه وبيفضل ماشي ورا الد*م اللي على الارض لحد ما وصل لاوضه فيها نور وحركه وبيستخبى لحد ما دخلت ومسك مسدسه مدامA وشها للحيطه وضهرها لي هو ما كانش شايف وشها
اسر: لفي وارفعي ايدك لفوق وسلمي نفسك...... مش بترد عليه وكانت على نفس وضعها........ بقولك لفي وارفعي ايدك لفوق..... وبتلف وهي رافعه ايديها....... انتي